منــــــــــو اخـــتار حبيبـــــــي ولا زوجــــــي؟؟

[ناعمه ودلوعه]

صباح الخير..
بدش بالموضوع على طول انا متزوجه من 8 شهور وصارلي سنتين احاجي ريلي بالفون طبعا فتره الملجه المهم انا قبل ماانخطب كنت احب واحد من نفس عايلتنا وانا احس انه يبيني بس مشكلتنا صغار انا 19 واهو 20 وطبعا سالفه اعجابنا ابعض من 8 سنين من كان عمري 12 واهو 13 سنه ! ومره كان بيقولي انه يحبني ويبيني بس سكت ماكمل بس انا حاسه فيه وباللي بيقوله .
المهم بعد ملجتي ب6 اشهر تقريبا لقيت بفوني مسجات فراق وشوق واكثر من 30 مكالمه دقيت بعرف منو ...بس قال الووو عرفته على طول مع اني ولا مره حاجيته فون! كان يحاجيني واهو يبجي وقال انا احبج وابيج بس كنت استحي اني اعبر عن شعوري لج وحاولت اقنعه اني خلاص رحت بطريجي وتزوجت بس موراضي يفهم؟؟؟
وبعد فتره يتني اضافه عالمسن ولا يطلع اهووو وقالي واااااااااااايد حجي وذكرني بايام قبل لان كنا حييييييييل مع اهله طلعات وقعدات وسفرات وبالاوقات هذي انا وياه كله مع بعض نسولف ونسهر ونلعب ونضحك انا لما اتذكر هالايام حيل احن له واحس اني ابي اعيش معاه حياتي وعمري كله معاااااه اهو بس اقوله خلاص انا على ويه زواج يقولي تطلقي واخذج !!
ولما قرب زواجي وباجي عليه اسبوع امه يت عندنا تبجي وتقول طلقي بنتج ولدي بيروح مني حالته حاله ولا ياكل وبس عايش عالزقاير طلقيها وناخذها وبالمهر اللي تبين والله لو 15 الف موافقين بس امي رفضت وقالت شقول للناس والعرس بعد سبوع وطبعا امي حسبالها انا مادري عن شي.. المهم صار العرس وانا قاعده عالكوشه يت اخته واهيا رفيجتي حيييل سلمت علي وقاربت مني وقالتلي باذني ترا فلان وصاني اقولج الف مبروووك طبعا لاتشوفون صدمتي وشلون قلب ويهي بعد يومين سمعت انه مترقد بالمستشفى من ليله عرسي وانه كان واقف عند باب الصاله وشافني بنفنوفي الابيض فتعب حيل ورقدوه بالمستشفى ..انا فكره توديني وفكره اتييبني وماتدرون شلون عدا العرس علي!! بعد 4 اشهر من عرسي قالتلي اخته اخوي ليما الحين شاريج بعد كل هالشهور ويقولج حاولي اتطلقين عشان ياخذج بس اللي مسكتني وخليني مع ريلي انه ريلي يحبني ومايقدر على فراقي ويمووووووت فيني !!..
انا احس اني ظالمه الاول واذا تطلقت بظلم الثاني تكفووون شسوي ماني عارفه اعيش حياتي وانا توني 19 سنه بنات مابي هجوم علي بس والله ابي احد يوجهني ماني عارفه شسوي احس اني ظالمتهم معاي والله موكيفي؟؟؟؟

 

[يمة يادلبي]

تدرين لو تطلقتي من ريلج لانج مفكرة انج بتتزوجين حبيبج
راح تطلعين من المولد بلا حمص
لأن هذاك بيفكر مثل مافرطت بريلها عشاني بييي يوم وبتفرط فيني عشان ريال ثاني ترا هذا تفكير اغلب الريايييل وإذا انتي مرتاحة مع ريلج ليش اتجازفين وتاخذين واحد ثاني (هذا اذا فكر ان ياخذج ) وماتدرين بيريج ولا لا بيحبج مثل ماريلج يحبج ولا لا بيشيلج على كفوف الراحة ولا لا

 

[AmoOona_29]

رد : منــــــــــو اخـــتار حبيبـــــــي ولا زوجــــــي؟؟

الله خوش قصة تبجّي
يلا كملي الاجزاء ناطره النهاية اوكي

..

 

[عاشقة بدر]

رد : منــــــــــو اخـــتار حبيبـــــــي ولا زوجــــــي؟؟

انتي الحين ع ذمة ريال انسي الثاني
لو صج يبيج جان تقدم لج من الاول بس هذا هم الرجال ل صار الشي بيعد عنهم صار غالي
تتوقعين لوو انتي طلبتي منه يطلق زوجته تتوقعين بيرضي ؟؟؟؟؟

عيشي حياتج وربي يسعدج الحرمه مو كل شوي لها ريل
الله يسسعدج ويرزقج الذريه الصالحه

 

[يبيلك قلب مايتعب]

رد : منــــــــــو اخـــتار حبيبـــــــي ولا زوجــــــي؟؟

الله يعينج حبيبتي خلاص الغلطه غلطته ليش ماتقدملج توه الحين يستوعب ؟؟؟؟

على الاقل جان قايل لامه انه يبيج !!!

وبعدين اهو توه صغير 20 سنه بعده مراهق ماتدرين عن مشاعره بعدين؟؟

ماادري شأقولج بس لو انا مكانج اقول خلاص انا اخترت زوجي دامه يحبني ويموت فيني ومستحيل افكر اخونه علشان شخص ثاني !!!

 

[فاقده ابوهاااا]

رد : منــــــــــو اخـــتار حبيبـــــــي ولا زوجــــــي؟؟

انا اقولج خلج مع ريلج الي شراج من البدايه وبالنسبه للاخ الي حليتي بعينه بعد ما ملجتي اتركيه وينه عنج كل هالفتره تقولين كانت مستحي ليش يبه مستحي هذا زواج وحب ومشاعر مافيها السالفه حيا واشمعنه الحين صار جريء وراح عنه الحيا ... حبيبتي دام ريلج يحبج ويموت فيج خليج على ريلج وانسي الماضي مافي وحده ما حبت بس جم وحده تزوجت الي تحبه قليل جذا واذا تركتي ولد خالتج الحياة ما راح توقف ولا هذا اخر المطاف .. ويقولج من بغى عافيه على عافيته زاده الله الف سقم ..يعني اذا تبين تطمعين وتبين الاكثر لحياتج صدقيني ربج ما راح يوفقج وارضي بزوجج الي يحبج وانسي الماضي

 

[غلاتي ديرتي]

اللحين انتي تزوجتي فكري بريلج وبيتج حبيبتي وانسي المااضي عيشي الواقع اللي انتي فيه والله يوفقج

 

[مملكة الحب12]

مايبيلها كلام والله ماترك زوجي عشان واحد يحبني ويذكرني بسوالف طفوله وماادري شنو اقول ترى مو كل شي الحب وخاصه بالزواج

 

[ماء الكوثر]

حبيبتي أنا أقولج كبيري عقلج وتعوذي من أبليس ,,, وأنتي ألحين على ذمة رجاااااال أنسي ألى يبي يهدم بيتج والزواج ( قسمة ونصيب ) كوثر

 

[زوووز77]

رد : منــــــــــو اخـــتار حبيبـــــــي ولا زوجــــــي؟؟

انا اقول عصفور باليد ولا عشره عشجره<<<يحليله مثل قديم

بس لا تفرطين بريلج اللحين الوحده ماتصدق ريلها يحبها تروح تفرط فيه انتي اللحين مشاعرج مو ثابته لاتفكرين بالثاني وحرام تقولين حبيبي تعتبر خيانه الله يصلحج

 

[ود الحربي]

شكله خووووش فلم متى النهايه

 

[ناعمه ودلوعه]

مشكورين خواتي عالردود بس اللي قالو وينه من زمان وليش كان مستحي تقريبا كان اهو 13 او 14 كنا صغار وكان مكلم امه بس اهي قالت لما تكبر واتوظف اخطبها لك بس ماحاجت امي بالموضوع ولما صار عمري 16 انا ملجت ماكان فبال احد اني راح املج بهالعمر ! وانا يعني الحين يمكن لي 3 سنين متزوجه مع حسبه ايام الملجه لو حبه لي خربطه ومايبيني جان لقى غيري عدل ولا لا؟ جان من اول سنه ناسيني انا اشغل نفسي بريلي والله اني اشغل نفسي بس وايد سوالف ومواقف اتصير تذكرني فيه وايد اغاني تذكرني فيه يعني عشره عمر ماقدر انساها بسهوله خصيصا ان احنا من نفس العايله اخر مره شفته قبل امس واحس اني تسمرت بكاني واهو نفس الشي ليما يت اختي واسحبتني من ايدي ومن اول امس لليوم افكر فيه وافكر بزوجي واقارن بينهم وطبعا اكو فرق شااااااسع بينهم! الاول من نفس عمري وقريب مني ومن تصرفاتي والثاني اكبر مني ب8 سنين والله احس تعبت موقادره احس بحيااااااتي

 

[ناعمه ودلوعه]

شكله خووووش فلم متى النهايه

اللي ايده بالنار موثل اللي ايده بالماي

 

[AmoOona_29]

رد : رد: منــــــــــو اخـــتار حبيبـــــــي ولا زوجــــــي؟؟

مشكورين خواتي عالردود بس اللي قالو وينه من زمان وليش كان مستحي تقريبا كان اهو 13 او 14 كنا صغار وكان مكلم امه بس اهي قالت لما تكبر واتوظف اخطبها لك بس ماحاجت امي بالموضوع ولما صار عمري 16 انا ملجت ماكان فبال احد اني راح املج بهالعمر ! وانا يعني الحين يمكن لي 3 سنين متزوجه مع حسبه ايام الملجه لو حبه لي خربطه ومايبيني جان لقى غيري عدل ولا لا؟ جان من اول سنه ناسيني انا اشغل نفسي بريلي والله اني اشغل نفسي بس وايد سوالف ومواقف اتصير تذكرني فيه وايد اغاني تذكرني فيه يعني عشره عمر ماقدر انساها بسهوله خصيصا ان احنا من نفس العايله اخر مره شفته قبل امس واحس اني تسمرت بكاني واهو نفس الشي ليما يت اختي واسحبتني من ايدي ومن اول امس لليوم افكر فيه وافكر بزوجي واقارن بينهم وطبعا اكو فرق شااااااسع بينهم! الاول من نفس عمري وقريب مني ومن تصرفاتي والثاني اكبر مني ب8 سنين والله احس تعبت موقادره احس بحيااااااتي

شكلج تبين احد يقولج تطلقي من زوجج
خلاص يا ماما ما تبين زوجج تطلقي واخذي حبيب القلب
والله حاله .. حلوه هذي فرق شاسع الاول قريب منج والثاني اكبر منج بـ8 سنوات منو طقج على ايدج وقالج وافقي عليه وبعدين زوجج احسن من هذا بو 20 ع الاقل رجال كبير وعاقل
احس بالموضوع شي جذب شنو ما ادري :gr4uu:

..

 

[đeɱɛɼɑ™]

حبيبتي خلاص انتي الحين مرة متزوجة
وعييييييب مجرد التفكير بهذاك !! حرام اصلا !!
ريلج اللي تقدم لج وعطاج اسمه و شايلة شرفه المفروض تحطينه بعيونج وتصونين بيته ..

اما اخته سوالفهآ مووو سنعه شنو بنص العرس اتييلج الكوشة وتقولج اخوي يقولج الف مبروك ..
شنو اهي ياهل ولا مرآهقة !! عيييييب والله كثر ما اقول عيب ما اوفيها حركتها اللي سوتهآ

اهووو مرده بيتزوج تووه اصلا ً صغير 20 سنة ما طلع من البيضة مع الايآم راح ينسآج
وانتي لا تتواجهين معاه
وحاولي كثر ما تقدرين ما تروحين الزواره اذا اهو موجود
واذا اخته لمحت مجرد تلميح له سكتيييييييها وقولي لها لو سمحتي انا الحين مرة متزوجة وعيب هالكلام استحي !!

والله يوفقــــــــــــــــــج

 

[SaD FaCe]

حبيبتي خلااص انسي الاول وخلج مع ريلج .. جان اول ما ملجتي اهوه سوا شي ! مو توه لما قرب العرس

واهوه صبي مرده بتيي وحده مكانج وينساج لا تحاتينه

ريلج له حق عليج لا تفكرين بواحد غيره ..!

تخيلي ان هالموقف صار بريلج شنو بيكون شعورج ( ان محتار بينج وبين وحده تصيرله ) ؟؟؟؟

 

[Muslimh]

حرام والله تتركين زوجك عشانة ترى ربي يغضب عليك ويبتليك تدرين ان اسمعي هالحديث
قول النبي صلى الله عليه وسلم: (أيما امرأة طلبت الطلاق من زوجها في غير ما بأس فالجنة عليها حرام)، أو قال: (لم ترح رائحة الجنة)، أو كما قال صلى الله عليه وسلم.

تتوقعين بينفعك اللي يحرمك الجنة وبعدين يمكن يبون يخربون بيتك وحاقدين عليك لانهم ماتكلموا لاهو ولاامة
ولاامة ولااختة الالماتزوجتي والله اني نصحتك زي اختي والله يوفقك يارب

وبعدين وش تبين بعمرة كبرك حبيبتي فكري ببكرة لاكبرتي وصرتي بالاربعين يصير زوجك بالخمسين يعني انتي تصيرين صغيرة واهوشباب لان الرجال مايشيب والحرمة من بدر
من بدري تعجز امي وابوي بينهم 30سنة يمكن والله والله والله اني امي الحين تشكي ركبها وكبرت وابوي توة شباب مشاءالله تبارك الله

وانا وزوجي بينا 10 سنوات وانا مرتاحة

حبيبتي ذا بيبي 20 سنة وش تبين فية يعني حب مرااااااااااااااااهقة بكرة يملك وتملينة بسرعة ولاتناضرينة ترى تصيرين خاينة انتبهي لحياتك الجديدة

والف مبروك ياعروس

 

[مكاييل]

استغفري ربك واستهدي بالله اللي انتي تقولينه موحكي عاقل وراعية بيت خلك من ذا الخربطه واقعدي من زوجك لاتغرك كلمة احبك وقصص الحب

ارجعي ربك ترا اللي تسوينه مايصح

الله يهداك بس

 

[رفيف الورد]

حبيبيتي ربي يوفقج ويبارك لج بزواجج ويخلي لج زوجج تاج قلبج وحياتج ويا حبيبتي مسكي ارضج ولا تبعدين عن زوجج وبالنسبه لولد خالتج للأسف خالتج ما فاتحت والدتج بالموضوع وحبيبتي وخيره فيما اختاره الله والنصيب يا حبيبتي مو دايم يكون نصيب المحبين قصدي اللي تحبينه لازم تاخذينه

ويا قلبي المثل يقول خذ اللي يحبك ولا تاخذ اللي تحبه

حبيبتي انسي الماضي بالدعاء وبقراءة القرآن وربي يحبب قلبج لزوجج تاج قلبج وحياتج ويخلي لج أميمتج نور قلبج وحياتج وأغلى جوهره بحياتج ياللي غلاها تتحلين بغلاها بوجودها معاج

 

[ناعمه ودلوعه]

فديتكم نك نك على الردود السنعه اللي تشرح الصدر وربي على راسي كلكم الله يكتب اللي فيه الخير انشالله وياااارب انك تهديني واكون راضيه بنصيبي