منعا للاحراج التجمع خاص للي عيالهم كشه

[بربيره]

اي نعم

بتنسوي تجمع انا متاكده ان مو بروحي الي اعاني من كشة بنتي

خل اقولكم عن كشتها شوي اهي حلوه و مزيونه و شعرها كان ناعم و حرير بس من كملت السنه

طلعت على حقيقتها 

بنات بنتي كشه ! مهما احاول يرد يلف

اهو ناعم بس لاف وبالعيد تجرات و سويت شعرها ستريت و قبلها دهنته بزيت و غسلته

يوم رحنا العزيمه يقولون واي شعرها اينن اشلون سويتي كيرلي  شعرها ناعم بس لااااف

شالدبره يا ناس ابي تجاربتكم و معاناتكم

صاراو يسمونه باسم لاعب شعره مفلفل كلما امشط و اسرح حدي خمس دقايق و تنط كشتها انا قالولي قصيه يتعدل يريتني ما قصيته 

 

[ندى العبير]

نفس المشكلة وانا افكر اقصه يمكن يتعدل

خخخخخخخخ خوووش اسم للتجمع يوونس

 

[بربيره]

انا عجبني توقيعج بصراحه

وتذكرت اشكثر احب بنتي فطومه سلام الله على ام ابيها

انا ناطره امهات الكشش يطلعون نبي حلول شوي واكتب لكم يومياتي و اذا شفت تفاعل بوريكم صور بنوتي ام كشه

 

[حزينة الروح]

والله انا نفسك اعاني ان شاء الله نلقي حل بس فديت كشتها

 

[أم العيش]

حبيباتي خواتي :eh_s(17):

ذكرتوني بمعاناتي مع بنتي

القصة طويلة ...

ولدتها و كان شعرها نااااعم سااااايح اشحلاته

سافرت و عمرها 4 اشهر و رديت لقيت عمتها (الله يسامحها) مقرعتها بحلاااق مو صالون

مكينة عالصفر :rgewrg:

رديت انصدمت صدمة عمري و تميت اسبوع وانا ابجي و محترة :eh_s(11):

و كنت طول الوقت ما اشتهي اشوف بنتي إلا و راسها مغطى - عمري وكانت تكسر خاطري

و عقب مادري اشكثر بدا ينبت

بس الله لا يراويكم - خشششششششششششششششششششششن و الشعرة عرررررررررردة

و هاذي معاناة ثانية عقب التقريع - توهقت شلون ارتبه و اسنعه وقت الزوارة و الشباصات

مااااااااكو فااايدة

و طال عقب فترة بس كوووووووووووووووشة ما تنوصف

بالبداية كانت كوشة خشنة بس الكل كان يقولي عجيب شعر بنتج

ليما قمت أبدع براسها و مابقى شي مانقعت راسها فيه

كل ما أسمع عن شي حطيته

و التجارب وااايدة

لي ما استقريت على ( الحنة ) مع الإضافات الطبيعية

والله يا بنات ما طخخ شعر بنتي من خشونة الشعر و الردة اللي فيه إلا ( الحنة )

و الحين الحمدلله عمر بنتي 6 سنين لا إله إلا الله :yaaaaaarb:

فرق فرق فرق عن عمرها سنة و سنتين

واللي يبي الطريقة يقول و أكتبها لكم...

مسئولي يناديني - برب :eh_s(8):
​

 

[شمسة 1983]

استخدمي لها سيرم للشعر والله ممتاز عن تجربة حطي شويه بايدج ومسحي على شعرها ومشطيه وبعدين اشتري من كليرز الشباصات لصغار انا اسميهم تكاكيات وحطيهم لها عالجوانب اشتري لها الوان واشكال راح تستانس حطي لها الشباصه مثل لون التراجي وربطي شعرها ذيل حصان او عنقوصين او عجفة
وديري باااااااااالج تغلطين وتسوين لها تمليس او كيراتين
وانا بنتي كل سبت اوديها الصالون اسوي لها سشوار حق لزوارة وتستانس
والله كريم ويعينا عالكشة

 

[بربيره]

فديت هالطله الحلوه

امبييي اشلون مقرعين بنتج خخخخ مو خوش مقلب

بتخيل تعابير ويهج لما شفتيها امبي لو انا منج ابجي بجي

ويا ريييييييت تحلين مشكلة الكشه الي نعاني منها لووول و بانتظار طريقتج

 

[بربيره]

انا خواتي امي سوت لهم تمليس اعمارهم كانت سته و بصراحه وناسه و اريح بس تو الناس و انا شايله هالفكره من بالي وناسه مدلعه بنتج تودينها صالون لووول الانسه الصغيره انا بنوتي عمرها سنه ونص حدها شسوار و بجرب طريقتج امبي شوقتيني عالصالون لوول بس شعرها قصير و توها صغيرونه انا واااايد احب يكون شكلها مرتب ةهي دايما مميزه بين اليهال بس الكششششه عافستنيييييي عفيسه 

 

[ReDLOve]

حطو زيت السمسم على روووسهم طول الوقت شوية

يطخخ زيت السمسم

 

[jaaanooo]

هههههههههههههههههههههههههههههههههههه

الحمد لله الحال من بعضه ... بس تعرفين انا واايد حابه كشتها والحمد لله انه نااعم .. بس ولا احاول اني اخلي شعرها ستريت لأني واايد حابته جذيه يا حلات بنتي ويا حلات كفشتها

 

[مدمنة ككاو]

انا بنتي شعرها فيه ردات بس شعرها نفسه ناعم مو يابس او خشن زين
بس اللي جدام اهو اللي مجنني المنتف ويووووقف اكتشفت من الشباصات بنات لا تحطون الشباصات السير وتشدون الشعر حيل على بو يصير مرتب حرام يقطع الشعر
قمت الحين احط سيرم وحمايه اللي قبل السشوار واستشوره كل بعد سبوح والبسها تاج

 

[miss swan]

واااااااااااي لاتحريني بنتي نفس بنتج بس كل ماخليت كشتها تزيد اخر شي قمت استخدم ماسكات
مع زيوت واستشور شعرها لانها ماتبي عنقوص يا عنقوصين او فالته غير جذي تسوي مناحه
وهم عقب الاستشوار اسوي فير عشان يصير كيرلي كبار وبنفس الوقت مايكوش
هذا احسن حل لقيته
اما الصغيره كل ما احطلها شباصات تشلعهم وتاكلهم يينتني​

 

[مدام فاشن]

انا من حزب ام الكشه
الكشه المنكوشه

بنتي اول مايبتها قررررررررعه ماكو شعر اصدمتني بصراحه

وبعدها اختي سوت لها خلطة دهونه مع محلب مطحون ونفرك قمت راسها والحمد الله طلع شعرها
ناااااااااااعم بس يتلفلف
واذا سويت لها عنقوص يصير كل ستريت ومن تحت ملفلف ايننن يصير

فخلاص رضيت بالامر الواقع والحمد الله

وبنات بس استمرو دهنوه كل اسبوع عشان يصير فيه لمعه وحيويه

ولا تستعملون الاستشوار وايد حرام يطيح الشعر

 

[Australia girl]

ممكن انظم معاكم بس انا سويت جريمه بنتي نفس الحاله ولدتها شعرها كان زين وناعم ولمعه مافيه نقطة قشره مرت الايام ووصلت 8شهور شوي شوي الشعر يطول ويفلفل لين تو بالعيد الشعر مهما امشكله مفلفل بس ناعم شكلها غلط بالشباصه جني مو ممشطتها ..جان اناوابوها نحلقها موس 3 ايام العيد وصرت بدال ام الكشه ام القرعه وسلامتكم عمرها سنه الحين شنو اقدر استخدم لها

 

[sharshora80]

السلام عليكم
انا بنتي شعرها ناعم فيه ردات ومن جدام فيه شعر اصغار لما امشطه اوكي بس عقب ربع ساعه تقوم الكشه من جدام
قمت لما امشط لها شعرها احط لها كريم الشعر يا من فاتيكا او من همالايا وايد زينين وما يضرون وطبعا البسها تاج او باند

 

[أبرار84]

أن بنتي شعرها ناعم ماشاءالله بس من جدام كششششششة
وانا من حبي لها ولاني ابيها على طول مرتبة سويتلها كيراتين بصالون أرنوب ودبدوب
وما شاءالله طخخ والحين المفروض اسويلها الجذور بس وايد قاعدين يخوفوني مع انه وايد منتشر للاطفال
وماشفت منه اثار سلبية الحمدلله بالعكس لكن مع هذا انا ليلحين افكر ومترددة
لان مشكلتي بس من جدام يفلفل اما من ورا ماشاءالله مايحتاج​

 

[AL-DMERA]

ذكرتوووووني :eh_s(11):

بس ولدي مو بنتي ..
عمره سنه ونص ..
اول ماجبته شعره كيرلي وااي كنت أستانس عليه وآنا اصلا شعري كيرلي ..
وكل اللي يشوفه ينهبل عليه وعلى شعره .. وآنا اصلا وآنا حامل كنت اتمنى يجيني ولد شعره كيرلي ..
المهم قبل فتره يمكن اربع شهور تقريبا سويت جريمه :eh_s(2):

وديته الحلاق وخففته مو اقرع لاا رقم 2 للي يعرف

وكنت عادي ومستانسه سويتله نيو لوك وصار يهبل بس طبعاآ بالكيرلي احلا واحلا ..

نطرته يطول شعره والا أنصدم

صااااار ناااااااااعم مادري ليش املسسسسس :eh_s(1):

امبيه ضايق خلقي الحين بس عندي أمل أنه لما يطووول اكثر يصير كيرلي :bbbiu:


وسوري عالإطاله بس هيضتوا المواجع خخخخخ


وأقول لصاحبة الموضوع ليش يضيق خلقج بالعكس عندي الكيرلي أحلا من الناعم وستاايل ..:eh_s(15):

ولا تسوين سشوار وولا شي وخلي البنت على طبيعتها أحسن :ggdw:​

 

[امووووما]

أنا بنتي عمرها سنه شعرها ناااعم بس كيرلي يعني الشعره نفسها ناعمه وتعودت عن خبره من شعري وشعر اختي خخخخخ اسوي خلطات كريم أطري الشعر حتى المايونييز احطه بس اذا الشعر ناشف لا اتحطوون زيوت مثل زيت الزيتون ينشف الشعر زياده واذا لكم خلق ثلاث مرات بالأسبوع حطو حق بناتكم حمام كريم وزيت حتى لو وقت السبوح وخليها تلعب بالماي اذا اتخافون يحوشهم هوا ويستمرضون

 

[مروووم]

بنتيي نفس الحاااااااااااله شنو الحل
اهي عمرها 3 سنين وشعرها كان ناعم بس الحين صار مموج مع انه نااعم ملمسه بس الشكل ماا يوحي نهاااااائي

انقذووووووني

 

[MissChoco]

بنات ببجي ,, المشكله انا شعري زبده وريلي ناعم مادري شلون طلع شعر بنتي!!!!


تخيلو اول ماولدتها سمالله عليها كثيييف وطويل ماشاء الله كان روعه وزبده يهبل وبالنفاس امي اتقولي قصيه قصيه لانه ماشاء الله كان وايد و طويل ,, و ورا النفاس بجم يوم امي ودتها الحلاق وحسنوها حيل
وتخيلو وراها قعد يطلع شعر يابس وجاااف امبيه انصدمت
تخيلو بنات الحين شعرها ناعم اوكي بس كاش وجاف ياربي شسوي ماتعودت على هالشعر كل خواتي وبنات خالتي وعمي شعورهم ناعمه شلون اهيا طلعت جذي :/


مادري شسوي ماحب اشوف كشتها لوووول