منظم الشنطه ولفافات الكيرلي لقيتهم بدينار ونص ((بالصور ))

[بنت الكويت العسل]

ام سكوت اي محل جنط تلقين عنده اتوقع بس انا اللي لفت انتباهي اول محل بالويه اول ماتدشين من الباب اللي يبيع جنط لانه حاطهم بره معلقهم بالويه وشريت منه

 

[عيش و مرق]

شكرا

 

[ناعم العود305]

مشكوووره

 

[فقدتك يانور عيني]

عليج بالعااافيه

 

[عهود الحب]

يسار المنصور
متروس منظم الجنطة وتلاقين جميع الالوان وحجمين كبير وصغير
جزاج الله خير صاحبة الموضوع
انا رحت
وشريت لي واحد
وشريت جنطة لي وجنطة لبنتي واثنيناتهم بعشرة ومع المنظم صاروا 11 ونص


وعقب توجهت الى المحلات الي صوب المكياج
وشريت كحل محمود سعيد
واقلام كحل جافة خاصة ماركة سمايلنج حيل احبها عيوني مرتاحة لها


ورخيصة الله يسلم الرخص

شحلاته سرداب الشايع
وفي بعد سوق الغربللي
يهبل
بس ماتعمقت فيه دشيته بالغلط ورديت طلعت منه
يبيله روحه مخصوصي
لما اروح واشتري اغراض منه اصور لكم مشترواتي

 

[n-h-m]

الله يجزاج خير

 

[بنت الكويت العسل]

سوق الغربللي هذا في العماره البيضا صح لاني دايما اسمع عنه ويمكن طابته بس ماارف الاسم بليز بعرف اي صوب؟

 

[عهود الحب]

انا انا انا اقووووووووولج
< ملقوفة


سوق الغربللي صوب سوق السلاح يمكن مادري مسميات قديمة جدا وانا نسيتهم من الزهماير


شوفي لما تصعدين من سرداب الشايع بالمصعد يحذفج بوسطه عدل مدل


انا طارت عيوني
محلات ودنيا انا مادري عنها والعطورات رخيصة حيييييييييل
صدمة

انا اقولج بدايته من محل مورا الي عالجنب يعني دخلة الشارع الي على سوق دعيج والاسواق التراثية


اذا ما استوعبتي قولي

 

[بنت الكويت العسل]

اي عرفته خخخخخخخخخخخخخ انا رايحه هناك ومااعرف اسمه شكلي خخخخخخخخخ

مشكووووووووووووووره

 

[عهود الحب]

رحت امس لشارع الغربللي
وطبعا مرافقتي خوافة
شافت الصعايدة والشباب مارضت تخليني اقتحم المكان اقتحاما
فكنا على الطرف بس وشرينا عطورات اصلية بس تستر يعني بدون كرتون
تهبل العطورات
الي تروح لاتروح بروحها نصيحة مني لكم موباجر يتحرش فيكم صعيدي تقولون كله بسبب عهود الحب

لقيت شغلات بس ماقدرت اشوف كريمات لوشنات وعطورات للي تبي هدية لوحدة تلاقين هدايا بكرتونها اصلية بس خصم
حيل قوي

 

[قهوة برية]

يعطيج العافية
وماقصرتي

 

[بنت الكويت العسل]

عهود الحب انا عمري مارحت هناك بروحي لانه اصلا اغلبه هنود ومصاروه بس شفتي العطور واللوشنات شي بصراحه حق التخلط وهم غراش العطور تلقينها هناك المكان هذا اللي يدشه جنه داش كهف علي بابا وطالع بكنز

 

[عهود الحب]

بنت الكويت انا رحت وشريت وعاهدت نفسي خلاص
ما اشتري من الغالي لادبنهامز ولا بيضون
الله يسلم الرخص يالغالية
ولوشنات ماخذيت لأنه جسمي حساس
شريت شغله مادري منو نصحني فيها
فيتامين سي من العطار
وغالي والله مورخيص بدينار ونص
وعندي شارية كريمات من رامز على دينار وخردة كريمين وبودرة بالوسط بينهم هم ريحته نعومة
تصلح لبناتي ومايتحسسون منها


شكلي قلبت الموضوع سوالف :/

 

[بنت الكويت العسل]

خخخخخخخخخخخخخخخخخخخخخخخخخخخ اهم شي الفايده انا بصراحه من زمان مودعه الغلا بس اكتشفت محلات يدد ماكنت ادري فيها خير شر
يزاكم الله خير بصراحه

 

[بنت الكويت العسل]

من رامز عطور

 

[بنت الكويت العسل]

من رامز عطور

 

[طالبة1990]

مشكورة حبيبتي

عاد توني منزله موضوع عن لفافات الكيرلي وين تنباع


يعطيج العافية ماتقصرين

 

[الغلاااااااكله]

كنت متوقعة اللفافات بتنباع بدينار ونص عشان جذي اشوووه ما طحت بالغالي

يعطيج العافيه حبوووووووووبه

سرداب الشايع دايم اسمع فيه وين صاير؟؟؟؟

 

[عهود الحب]

بالمباركية بالمصافط الي سرداب



اختي بنت الكويت

العطورات الي برامز
ابي مخلطات للبيت اي واحد عجبج ريحته
لأنه حيل زحمة والشم عندي مو ذاك الزود

 

[عهود الحب]

تكفين بنت الكويت العسل
اشرحي محتويات الصورة
ذبحني الفضول
وياليت صورة اكبر وكل شي بروحه
<< تتشرط