منظر ابكاني

[& الذاهبه &]

مرحبا خواتي

اشتقتلكم اعذروني دخولي قليل للمنتدى بسبب ولدي الصغير لكن انتو بقلبي

امس كنت بالطبيب مع ولدي

شفت منظر قطع قلبي والله قعدت ابجي

ولد عالويل جير اعاقه ذهنيه حبيبي عمره 11 تقريبا

مع خدامته والسايق بروحهم.

لا ام لا ابو لا احد يفهم معاهم انا قعدت ساعه انطر دوري واهما ينطرون دورهم فجأه تشنج الولد

والخدامه تمسح عراسه وتلعبه وتسولف معاااه

والسايق كان يشيله اذا تملل من الويل جير

بنااات مافي مانع من مساعده الخدم

بس مو الاتكاال عليهم جذي

الله لايوريكم مكرووه بغالي

 

[شيوختي]

لا حول ولا قوه ألا بالله ,,,,,,

 

[رحــــيــــل]

حرام عليهم أمه وأبوه الطفل يحتاج معاملة خاصة مو اهمال وتقصير

آنا مرة رحت مدرسة المعاقين وشفت بعد طفل تقريبا نفس عمر الولد الي شفتيه

مسكين ويهه كأنه ممسوح حتى اهو استحى ونزل راسه وعليييييييييه يكسرون الخاطر

الله يشافيهم ويعافيهم يارب والمفروص احنا نحمد ربنا كل يوم ونشكره لأن لبسنا الصحة والعافية

 

[أم فهووود]

لاحول ولاقوة الا بالله في ناس حتى مع عيالهم اذا فيهم اعاقه مايمشون لان بالنسبه لهم يخرب برستيجهم مايدرون الدنيا تدور وحسبي الله عليهم اللي جذي

 

[الصابرة المحتسبة]

هلا وغلا بالغالية

المنظر يتكرر كثيرا سواء لسبب او غير سبب.

الأم هي الروح للطفل تعرف شنو يبي ويحتاج صعب يلقاه عند غيرها.

 

[HearT ChocolaTe]

الله اعلم بظروفهم وربي يحنن قلب والدينه ان كانوا
عايشين والله يرحم حاله في هالدنيا

المسلم يغطي اخاه المسلم 40 عذرا ~ ما ندري فديتج شنو وضعه

 

[سمسومه الحبوبه]

حسبي الله ونعم الوكيل
الله يهدي والديه ويحنن قلوبهم عليه
والله في ذمتهم اذا كانوا مهملينه مساكين محرومين من الأجر

 

[& الذاهبه &]

هلا فيكم يا الغوالي

الله واعلم شنوو ظروفهم يا ام عزوز بس المشاعر موبيدي حزنت على الولد وانا اشوووف الفلبينيه تحن عليه والسايق يفر فيه عشان يسكت الله يرحم الحااال

 

[franshiska]

عيل سمعي هالقصه

بنت معاقه اعاقه ذهنية وتصلب باطرافها ما تقدر تمشي على ويل جير

وفي خلاف بين امها وابوها والام رافعه قضية على الابو وتاخذ النفقه خمس يهال ونفقتها يعني مجموع النفقه فوق الـ 700 مع الخدامه واعتقد سايق
والابو يدفع اقساط البيت وسيارة البنت المعاقة
يعني شنو يبقاله من معاشه
اقل من 300 دينار
والام ما تبي البنت المعاقه قاطتها على الابو وما تبي اليهال بالويك اند لانهم يصرفون فتقطهم على الابو

يعني 300 يدوب معاش خدامه البنت المعاقه والسايق ومصرف اليهال

المهم البنت عمرها 14 سنه تقريبا تسافر كل سنه للعلاج وعمليات وحالتها حاله

الام ما تسافر معاها لانها من قبل كانت ترفض تروح معاها مستشفيات وبعد ما انفصوا ما تدري عن البنت بالمره

ولما الريال استضاق ويبيها تتنازل عن نفقة البنت قام خذا البنت وواها عند امها لانها بحضانتها وتاخذ نفقتها

ووقتها البنت كانت توها مسويه عمليه في الحوض لان مكان القعده بالويل جير العظام تحركت من مكانها

ولازم تنام وضعية معينه او تقعد على الكرسي على شان البراغي ما تعورها

قامت الام وخذت البنت وودتها مستشفى الرازي ودخلتها من غير غيارات ولا حفاظات ولا ويل جير وعطتهم رقم الابو ولما طلبوا بياناتها عطهم بيانات بنتها الكبيره

والبنت تمت تصرخ بالمستشفى لي ثاني يوم من العوار مكان العمليه والمستشفى دقوا على الابو والابو ياها وخذاها وردت عاشت عنده والام ما زالت تاخذ فلوس البنت المعاقه

والكلام هذا من سنة 2008 ولي يومكم هذا ما شافت البنت الا مره وحده الابو وداها تزور امها جان تقول الام للخدامه اخذيها حطيها بالمخزن اللي في المطبخ وسكري الباب عليكم

دقت الخدامه تبجي على الابو والابو يا خذاهم والام عمرها ما سألت عنها ولا راح تسأل عنها

حسبي الله عليها من أم

 

[أميرة-]

فيه اهالي مافيه قلوبهم رحمة


انا شفت بمستشفى الفروانية طفل معاق اهله قاطينه من 5 سنين وياخذون راتب من المعاقين وتسهيلات ومحد يجي يزوره كلش غير انهم مو حاطين له سستر او خدامه مايدرون عنه .. السسترات المسيحيات رحموه واهله مارحموه

 

[لولو-الصغيره]

كل ظالم له يوم حسبيالله ونعم الوكيل ​

 

[& الذاهبه &]

حسبي الله ونعم الوكيل