منصصصدمةةَ من زوجيَ

[دلوعة بطبعي]

الله يعينج

 

[Ms Zara]

حبيبتي .. لاتقدمين ع اي خطوه ن غير استخاره من رب العالمين

ولا تقولين اظلم نفسي بالطلاق <<من ترك شيئا لله عوضه خير منه >>

شوفي شخص عاقل من اهلك ابوك او احد من اخوانك وخليه يكلمه

او ابووه مو امام مسجد مابيرضى بالغلط

والله يسهل لك امرك ويفك ضيقتك

 

[معزوفة عشق&]

والله مو عارفه وش اقولل
قطعتي قلبي الله يفرج همك ياااارب
شوفي حبيبتي محد بيطلعك من اللي انتي فيه الا الله سبحانه
صلي قيام الليل وادعي واستغفري كثير كثييررر واستخيري الله ياما تستمر حياتكم , يا اما تنفصلو قبل لايجيكم عيال ادعي ربي انه يسخره لك ويهديه ويحبب قلبه في الصلاه
صدقيني ياختي الدعاااء مفتاح عجيب لتفريج الهموم ومايغير القضاء الا الدعاء ..
كرري هذا الدعاء ( حسبي الله لا اله الا هو عليه توكلت وهو رب العرش العظيم )

الله يفرج همك حبيبتي ويعطيك ع قد نيتك

 

[gmar al-kuwait]

لاتستكتين لازم تلـــــوين اذنه وتادبينه

كلمي ابوه لانه رجال وبياخذ عقله وبيدري الحق معاج
انتبهي تكلمين امه لان الام تتعاطف مع ولدها ويضيع الحق

كلمتي ابوه ومانفعر؟؟

كلمي اهلج ساعتها اهو وابوه بيستحون

نصيحه لاتسكتين لاتسكتين

لانج اذا سكتي انتي اللي بتدفعين الثمن هذا وانتي ماعيلتي باجر انتي اللي بتاكلينها

وتنـــــــــــــــــــــــدمين

دامج بالبدايه ربيه وادبيه وحطي النقط ع الحروف

وفهميه انه ملزوم فيج وباحتياجاتج من الالف الى الياء

والا شلون الله عطاه القوامه القوامه فما انفق من ماله مو بالنجره والصراخ

ياعمري هو مكلوف فيج حتى الشباصه لو محتاجتها هو ملزوم يشتريها لج

والا ليش متزوجج علشان الفراش ؟؟؟ ينام بلاش

دوري بالنت وكتبي بقوقل وشوفي ان على الزوج حق النفقه وحقوق الزوجه حتى لو كانت غنيه على قدر الاستمتاع بها
يعني دام انه يعاشرها وياخذ حقه منها
هي لها حق عليه بالمصروف والاحتياجات

خليه يترس لج الثلاجه غصب عنه وكل شهر يعطيج مصروف ثابت يكفيج
واذا احتجتي اي شي مثلا موعد طبيب او فستان ومصروفج ماكفاج ايبه لج

فهميه هالشي وخلي ابوج وعمج اللي اهو ابوه يفهمه

مشكلته متربي تربيه غلط ابوه مايصرف على امه واهو تربى غلط
بس ديري بالج تقولين انت تربيت غلط وعمي مايصرف على خالتي وانت مثله لالالا انتبهي تقولين له هالحجي

كلميه ولكمي ابوه تالي وخلج واثقه من نفسج وحطي الحق عليه وخلج واثقــــــــــــه من نفسج
وياحبذذا تدخلين رجال يكلمه معاج يا ابوه او ابوج

ولاتدخلين الحريم بالسالفه نصيحه

والله يفرج عليج ويهديه

 

[امـ خــزامـى]

حبيبتي اهنيك على رزانتك ورجاحة عقلك ويسلم راس اللي ربوك

انا اقول حاولي فيه وتكلمي معاه وناقشيه وانصحيييييييييه
وطول الوقت شغلي قران وصلي قدامه الوتر وادعي ربك


و6 شهور قلييييييييييييييييييله لسى باقي لك كثير والمشوار طويييييييييييييل
انت جاهدي فيه واحتسبي الاجر وصدقيني بيتغير

انا حاولت بزوجي ومليت وعصبت وزعلت وضغطت على نفسي وتحديت الصعوبات
استشرت مشايخ ودكاتره نفسيين
سنتين كاملات وانا مهتمه واحاول اصلحه
والحمدالله تحسسسسسسسسسسسسسسسسسسسن ابشرك
وللسى بعد باقي لي الكثير والكثير
متزوجه لي 4 سنوات السنتين الاولى كلها محاولات وبعدين حملت وانشغلت وبعد البيبي رجعت اكمل المشوار اللي بديت فيه والحمدلله ربي ماخيب املي ورجاي وشفت تطور زوجي وتحسنه

نصيحه ياقلبي احتسبي الاجر ولاتتعبين خصوصا ان هدفك سامي وان شاءالله بتوصلين له



سؤالك عن تكلمين امه ولا لا

انا اقول لاتجين بطريقة شكوى لا لان ماتدرين وش ردة فعلها

بس مثلا زوريها بعصر الجمعه وتكلمي عن ان نهار الجمعه لازم الواحد يستغله بالدعاء وان شاءالله ربي بيتقبل
وادعي ان الله يطول بعمرها على الخير والطاعه وان عسى عيالها يبرون بها وماتشوف فيهم مكروه
طبعا هي اكيد بتدعي عاد انت استغلي الفرصه وقولي دعوة الام مستجابه
ادعي لفلان انه يصلي والله يهديه لطريق الخير والصلاح



الله يوفقك ويسخرلك ويهدي ازواجنا

 

[لوكي وكلي دلع]

الله يعينج عليه
اذا ماينفع معاه الكلام كلمي اهله امه او ابوه او خواته الكبار
مانفع حبيبتي أخذي اغراضج روحي بيت اهلج ولما يبي ياخذج خل اهلج
يكلمونه ما يصير جذي مؤ عيب ولا عيبين عشان اتحملينه وتسكتين عيوب الدنيا فيه
ماصار لج متزوجه توج عروس شنو هالمعامله انزين لما يصير عندج عيال وخدامه
وتكبر العايله شنو يسوي بعمره شكله يعيش حتى اعياله بفقر
اذا مرتك بروحها ما تصرف عليها ولا اتاكلها ولا تلبسها
ولا اتعالجها وتعطيها مصروف مايكفي شي وتحاسبها علي وضع لا يطاق اذا دفايه لما البنت مرضت
ماشريتها لها ذبحها البرد ملابس تقول ما عندك فلوس
الي مؤ قد مسولئيه الزواج لا يأخذ بنات العالم وفوقها لا يودي ولا ييب فلوسه يخشخش فيهم ويعرف يعطي اهله
أخوك اهلك ما فيها شي على العين والراس بس الحق ينقال بس منو أتحاسب عليه يوم القيامه مرتك مسئول منها
حبيبتي اذا راحتي لهلج وتفاهم مع ابوج او اخوانج اطلبي مصرف معقول ويكفيج لكل ملتزماتج خل يتفق مع اهلج يلتزم فيه كل شهر
عشان تظمنين حقج لان هذا لما تطلبينه ماراح يعطيج حلاته شي مضمون عشان ما تقولين ناقصني وناقصني وتنتهي مشكلتج الماديه والصلاه الله يهديه ادعي له

 

[عسل حدي]

استغفرالله الذي لا اله الا هو عليه توكلت وهو رب العرش العظيم ولا حول ولا قوة الا بالله العلي العظييم ... اللهي هب لنا من لدنك ذرية صاالحة امييين يارب العااااااالمين

 

[اذوب بكلامه]

شوفي ياقلبي اولا الله يكون في عونك والمؤمن مبتلى على قدر إيمانه
ثانيا من اليوم لا تكلمينه ولا تعطينه وجه اعتبريه مو موجود وقوليله كلمت شيخ وقال الي مايصلي كافر وحاولي ما تطلبين منه شي قضي وقتك كله بالصلاة والاستغفار وكثري من الاستغفار وبعد كم يوم كلمي امه قوليلها كل شي كل شي وقوليلها أنا مابي اكلم أهلي كلمتك انتي لأنك مثل أمي وخليها تحس انك جاده في كلامك وانك مستحيل تكملين مع ولدها وهو بالشكل هذا وطبعا اذا كلمته عمتك راح يكلمك ويهاوشك ويقول ليش تشتكين لامي وهذي حياتنا الخاصة المفروض محد يتدخل فيها على اساس انه يفهم بالأصول بس لا تخافين منه كلميه بحزم وبكل صراحه انا شكيت لعمتي لأني كلمتك اكثر. من مره وما تغيرت وانا ما اقدر أعيش معاك وانت ما تصلي وتعاملني بالطريقة هذي ترضى وحده من خواتك يعاملها زوجها مثل ماتعاملني ؟ أنا مابي اتطلق تونا بادين حياتنا وبكره ان شاء الله بيجينا عيال لازم تغير حياتك وتقرب من ربك وتصلي وشوف اشلون ربي بيوفقك بحياتك ويرزقك
واذا شفتي انه مثل ماهو فنصيحه كلمي ابوك يكلمه واذا ما تغير روحي بيت اهلك يمكن اذا شافك جاده ينتبه على نفسه وربك يهديه
و الطلاق صعب وصعب مره بس اذا ماتعدل مافي حل غيره وربي بيعوضك وردد على طول اللهم أجرني في مصيبتي واخلفني خيرا منها
ربي يفرج همك ويريح قلبك

 

[عاشقة الاسلام]

تركيه
تارك الصلاة كافر
وهذا موبس مايصلي مافي صفه زينه عشان تقعدين معه
تركيه احسلج والله يعوضك باللي احسن منه
وهو الخسران

 

[دلوعة ماماتي 88]

الله يهديه ويسخره لچ ان شاءالله


مادري اذا كلامي صح او غلط ~>> بس حاولي ماتحملين لين تشوفين شيصير معاچ ..!!


الله يعينچ حبيبتي ويهديه ان شاءالله

 

[نـعـومـه]

نعم نعم يهدد !!؟؟؟

المفروض انتي تهددينه !!

يكفي مايصلي !!! تدرين يعني شنو مايصلي !!! مثل ماقال الشيخ كااااافر ! شالفرق بينه وبين الكافر !!

وانتي ماشاءالله نصحتيه من ناحيه الصلاه وحاولي اذا مانفع حبيبتي الله يعوضج برجل صالح رضا الله ولا رضا واحد مايعرف صلاه !!!

واصلا مايصير يصوم واهوه مايصلي !!

الحل يايتوب توبه صادقه ويصلي او يطلقج شتبين بواحد مايعرف صلاه !!! شلون يربي عيالج ؟!؟

وفوق كل هذا بخيل !! شلون تعيشين مع بخيل!!

ويخدم خواته مايخدمج ! هذا يفرق !؟!

قلتلج الحل يايتوب او تنفصلون قبل العيال

 

[عسل حدي]

استغفرالله الذي لا اله الا هو عليه توكلت وهو رب العرش العظيم ولا حول ولا قوة الا بالله العلي العظييم ... اللهي هب لنا من لدنك ذرية صاالحة امييين يارب العااااااالمين

 

[manoooram]

دامه ما يصلي ولا فيه خير معاج
انصحيه بالأول ان شالله يتقبل ويخاف ربه
والله يهديه لج

 

[Mjnont '3lay]

حبيبتي كل يوم بصلاة الفجر بين الاذان والاقامه وانتي ساجده اطلبي مطلب واحد من الله وبس انه رجلج يصلي اذا صلى صدقيني رح ينقلب اميه وثمانين درجه
اماو البخل حبيبتي هذا مو عيب هذا طبع والله يعينج عليه
قولي يالله تجعل زوجي كريم طيب هين لين معاي والله الموفق يالغاليه
بس سالفة الاهل من الصوبين ما انصحج فيها انطري مع الدعاء تكملين لي السنه بدون حمل اذا انعدل زين واذا ما انعدل ساعتها دخلي بس ابوه في موضوع الصلاة قولي له يرضيك هالشي يصير في بنتك والظلم ظلمات بكره الله يعاقبه في خواته انا مابي منه غير يصلي ويخاف الله فيني ومابي الطلاق انا شاريه مو بايعه لكن كيف الله بيوفقنا مع بعض وهو مايصلي وان جبت منه جاهال يعتبرون عيال زنى وهالشي الله مايرضاه حبيبتي كلمي ابوه بالعتاب الودي وان شاءالله ينعدل حال رجلج
بس مو الحين انطري تكملون سنه بس بدوووووون حمل اخذي حذرج واذا ما انعدل ساعتها الحل الاخير هو ابوه اذا فاد يالغلا اتركيه لوجه الله لانه الصلاة عامود الدين
ولا الباقي يهون
بس اذا انعدل وصلى وظل بخيل مالج الا الوظيفه توظفي حبيبتي واصرفي على نفسج بس اهممم شي يصلي والباقي سهالات
وحبيت انبهج على شغله هو مو بخيل والدليل يصرف على اهله بس هو متطبع طباع ابوه لانه ابوه ما كان يصرف على امه مااالج الا الملجا الوحيد الله سبحانه وتعالى ان بغيتي شي ادعيه كثر ماتبين ولا تعجزين

 

[احلا المزايين]

زوجج عيوبه اتخلي العيشة مستحيله معاهمايصلي
بخيل
مايرحمج
يفضل اهله عليج
انتي الحين امورج طيبة
تدرين متى بتاكلين هوا ويشيب راسج
اذا الله ارزقج بعيال منه
وماتغير
الا البخل عاد مرض مزمن
اهني بتحسفين انج مافكيتي نفسج من البداية
والخيار راجعلج
اما حياة كلها حرمان
والا انفصال ومن ترك شيئا لله عوضه خير منه
ولتكن نيتج انه تارك للصلاة

 

[البنت المحترمه]

انتي غريبه شاللي مصبرك هذا من النوع الميؤس منه اللي مافيه خوف من الله ماراح يعاملك زين لازم اهلك يكونو على بينه واطلاع ع وضعك ونصيحتي لك روحي لاهلك وخلهم يدرون عن كل شي اما ينضبط او يتوكل ع الله

 

[سماء الاحساء]

الله يعينك ويصبرك انك لا تهدي من أحببت ولكن الله يهدي من يشاء ليش مايصلي أعوذ بالله من تارك الصلاة احس صبرك على غلط لانه مافاد وياه اللي سويتي كلمي اهلك يكلموه باللين واذا مافاد دربه ابيض

 

[ليمووونه]

لاحول ولاقوه الابالله العلي العظيم ياويله من ربه اذا ماتعدل اشيبي يعني شل حكمه من تصرفاته لازززززم تاخذين موقف مايصير تسكتين اهو مولاقيج من الشارع اسمله عليج حت تكرمين الي ماخذينهم من الشارع يصرفون عليهم صرف

 

[m'3rOoOra]

حبيبتي يناقر اشوي وتعدل ولا تسكتين يتمادى بالموضوع ولا تصيرنفسيتك بالحضيض و تعبانه طول حياتك انتي تعبتي حتى من المصروف لك وبروحك طيب انتي فكرتي اذا جالك اولاد بكره كيف بتعيشينهم في هالوضع ؟ تتوقعين اذا استمر في هالشي راح يكفي مصروفك نفسه لك وعيالك معك ؟
فكرتي اذا مادورتي حل حق هالمشكله الحين حتى لو لا قدر الله بالطلاق بعدين اذا صرتي ام وعندك اولاد بتقدرين ادورين الحل ساعتها ؟
شوفي اذا ماتبين الطلاق على قولتك ومتضايقه من بخله مالك الا تشتغلين وساعتها حبيبتي بتصرفين عليه اهو بعد

صاجه والله انا اشوف تتطلقين الحين ماعندج عيال احسن باجر لما تتطلقين وعندج عيال مشكله كبيره والله راح يعوضج باللي احسن منه ليش تقولين صعبه اتطلق منه ياحبيبتي والله مرات الطلاق نعمه انتي فكري بنفسج باجر لما يجيكم طفل راح يصرف عليه اهو لبس لج ويودي ويجيبج مو قادر باجر لما يجيج ولد بيخليج ويروح ويقول ازعجتيني انتي وولدج واذا ولدج تعب بيحط المشاكل فوق راسج والله العظيم زوجج مو راعي بيت ولا مسؤوليه اسمحيلي والله لو انا مكانج مااقعد اشوفه يصرف علي الكل الا انا ليش شنو انا بالنسبه له وانتي اكبر خطاء تسوينه تسكتين انتي فكري بعقل وقولي لنفسج انا طوول حياتي بقعد جذي ومايصرف علي وباجر لما يجينا اولاد شنو راح يسووي ؟؟؟
انتي تطلقي وعيشي حياتج الحياه ماتوقف عليه باجر تتوظفين او اذا تبين تكملين دراستج والله يرزقج باللي احسن منه

 

[مهر الجنان]

عورتي قلبي

الله يكون بعونج حبيبتي و يفرج همج
ويكتبلج الخير وين ما كان
ااامين