منصدمة من نفسي صرت احب الفلوس؟ بنات حدي منقهرة ومنبطة جبدي ابي افضفض قبل لا انفجر

[CUTE ENGINEER]

حبيبتي ترى كلها فترة بسيكة وتشتغلين لاتحاتين الفلوس

هالكثر بس مسكي إيدج شوي ليما تتخرجين وإخذي

ال100 لا تفلسين من كل شي

وكفاية مساكين إنهم ودهم يعطونج أكثر لو يقدرون ميخالف حبيبتي

لاتعورين قلوبههم ترى هما بعد مستانسين بتخرجج

ومبروووووووك التخرج

 

[Whisper ~]

حيااااتي انتي
تدرين شكلها الهرمونات لاعبه لعب وهذا وقتها هالشهر ههههه
لأن نفس حالتي اذا بتجيني بس مرت من عندي ذبانه زعلت
ريلاكس ياقلبي وترى والله الموضوع مو مستاهل ، يكفي إن اهلج متذكرينج
والله لو بـ 10 فلوس يكفي انها من الماما والبابا
لا تكبرينها وقومي حبي راسهم وفكي لهم الكشره واستانسي ، خرررررريجه انتي روحي فليها واطلعي واحتفلي
ماله داعي الحساسيه الزايده
وكان ع الفلوس صدقيني اهلج ماراح يقصرون اذا نقصج شي .. من تخلص الـ 100 وجيتيهم طلبتيهم ماراح يردونج
بس انتي قدري اوضاعهم هـ الفتره

ومبروك التخرج ياقلبي .. عقبال الوظيفه

 

[غيآبڪ عذآبي]

ملآغه والموضضضوع مآيسستآهل تكتبين عنه !

 

[هدوء العالم]

الله يهداج أختي

تهادوا تحابوا

والله يخليلج أبوج وأمج الأهم هم مستاااااانسين بتخرجك

والأهم تشوفين بسمتهم لج هم داخلين وطالعين أهم من الهدية

والهدية ما تنقاس بقيمتها

 

[الوفا انقرض]

هالشي مو من واجباتهم عشان تنطقرين عليهم كافي تعبوا عليج لما وصلتي لهالمرحله
بصراحه انا اعرف اللي يتخرج وبعدها باذن الله يتوظف يعطي امه وابوه هديه من اول معاش يفرح قلوبهم شوي لو بشي بسيط
مو يتخرج ويطالبهم بهديه سالفتج ماتنبلع

 

[أصدق شعور]

عادي عادي لاتصيرين طماعه ... خليج نفسي ... انا حدهم يعطوني كيكة .... وعندي اغلى هدية ... الهدية قيمتها بلي يعطيجياها ... والفلوس تروح وتجي .... دام هالناس اللي عطوني هالهدية غالين علي لو يعطوني شنو مو هامني ... وسعي خاطرج

ومبرووووووووووووك التخرج ... الله وناسه والفال لي افتك من الجامعة وهمها ....

 

[eastfem]

لو منج اتحمل يعني اهلج مابيعطونج بسبب الظروف مو بخل لو بيدهم عطوووج بس شيسوون اذا انتي تقولين معندي مصرف لا اعانه ولا شي فمابالج ابوج الله يعينه عليه بنيان ومصاريف ماقول الا ملزوم تحملين لج مؤقتا ليما تشتغلين شسالفه اذا على الاكل والشرب فكله على اهلج يعني لو سلمنا انج تبين مصرف على اشياء ماتسوه حكمي عقلج وراعي ضروف اهلج وصبري والله يرزقج بوظيفه سنعه والله يوفقج ومبروك

 

[G!RLooNa]

انتي طبعج وااااااااااااااااااااااااااااايد فيه من طبعي

مو عن الفلوس لالا انا اصلا الفلوس ماتهمني يعني استحي اقول الكلام اللي قلتيه لووول

لكن الطبع العناد الراس اليابس كلمتج ماتغيرينها الطناقر والله نفسي

امبيه عاد شعوووور زفت لما تيني هالحاله والله حاسه فيج تييني البجيه بسرعه واقعد بداري ابجي مابي احد يطل بويهي

 

[sowsan]

ترى الشهاده لج مو لهم
انتي تخرجتي حق روحج ولا حقهم بفهم
شهالطمع زين منهم بيعطونج
انا ماجستير ولا فكرت اطلب منهم شتقولين انتي

كافي رفعت راسهم

 

[أم ورود الحلوه]

ههههههههههههههههههههههه
أنا لما تخرجت من الكلية كان علي مطالبة مالية من دعم العماله 769 دينااااااااااااااااااااار كويتي نوط ينطح نوط
بدال ما اقبظ توظفت و سددت اللي علي و انتي تتحلطمين عشان بيعطونج بس 100 ,,,
يعطونج 100 و لا يدفعونج 769 ,,,,,,,,

حمدي ربج ,,,,,,

 

[*بسبوسه*]

احلى شي عجبني لما قلتي لهم خلوها للبنيان

حبيب كلها جم شهر وتتوظفين ويصير عندج معاش وعاد شوفي بعدين تمحلس ابوج وامج عندهم

ترى بعد هم ماقصرو فيج اكيد من لبس وطلعات
اخذي ال100 واذا خلصتيهم قولي ابي بعد وتدلع عليهم ولا تزعلين

 

[أحبه موت]

والي ماشافت فلس حمر من أهلها عادي حبيبتي هونيها وتهون والله لو يعطوني 100 أبوس ايدي بطن وظهر كافي انهم اذكروني بهدية والهدية مو بقيمتها لاتصيرين طمااااعة وايد ومادية أقل شي بالظرووف تقدرين أهلج ميخالف شدة وتزول بعدين مشالله انتي جامعية يعني بسرعة راح اتوظفين وبأحسن وظيفه بعد ومعاشج ماراح يقل عن 800 دينار باجر بتلعبين بالفلوس وتستانسين فيهم كثر ماتبين بس نطري لاتستعيلين على رزقج وارضي بالقليل
ويالله عاد استانسي مابقى شي على عيد ميلادج ونااااااااااااااسة عيد ميلادج بعد 3 أيام استانسي طلعي مع رفيجاتج قزي هههههههههههههه
واللة ترى الدنيا ماتسوى كل هالزعل
وكل عام وانتي بخير مقدما:klhfl:

 

[حنان الذكريات]

حبيبتي الموضع بييييييييط جدا وما يحتاج كل هذا ....
اللي يعطونج اياه اخذيه ..وان شالله اذا اشتغلتي بتستانين على مزاجج بالمعاش ...
وبالنسبه لطلعاتتج اكيد اهلج بيعطونج وما راح يقصرون حتى لو شويه ميخالف قزري فيهم على ما تشتغلين
واخذي الامور ببساطه ترلى الحل واايد بسيط

 

[brettey]

يا حليلج بس من صجج معتبرته هم وماتنامين الليل علشان هالشي ؟
عيل لو تشوفين همومي انا شبتسوين ؟ يمكن تنتحرين لووووول
باجر باذن الله بتتوظفين ومعاشج برزج وباذن الله ماتكونين محتاجه حق احد
موفقه

 

[الكتكوته]

تصدقين مادري شقولج !! بس حسيت انج مدلعه بزياده
ذكرتيني بأيام دراستي كنت اروح وارجع بدون مصروف
وذكريات محرجه مع رفيجاتي حتى انعزلت وصرت بدون صديقات
ووايد اشياء ثانيه يس عمري ما طنقرت على امي ولا ابوي رغم ان ابوي مقتدر
المهم شكلي قلت قصة حياتي :cxxxp:
انتي بس حبي راس امج وابوج واحمدي النعمه ترى مشكلتج بسيطه:eh_s(8):

 

[البسمه العذبه]

الله يرحم ايام الربع دينار ............ونطلع الهده محد ناطرنا ناخذها كعابي والعرق يصب الله يرحم ذيك الايام ماعرفنا الدلع ولاالتدلع

 

[نظـــرات حـــائرة]

الحمدلله ياربي على القناعة

حبيبتي القناعة كنز لا يفنى ..

وجذي ولا جذي أهلج مو مخلين عليج قاصر .

 

[حلاها بلاها]

انا اقول اخذي الهدية ..و خلال هالفتره اللي بتنطرين فيها وظيفتج مدي ريولج على قد لحافج مثل مايقولون

 

[وسن 11]

حبيبتي انتي
اول شي مبرووووووووووووك التخرج
ثانيا هبيي بيرثدي تو يو

اذا انتي تبين شي اكيد بيشترونه لج مومقصرين .........بس بسبب ضروف البنيان ما قدروا
عاد انتي قدري الظروف ...........وخليييييج خوش بنيه
والرزق والوظيفه قدااااامج ان شاء الله .......ولا يضيق خلقج حبوبه علي جم دينار اهم شي سعادتج بتخرجج

 

[كويتية النور]

واي اسلوبج عسل تهبلين يا بعد جبدي
ميخالف ارضي بالموجود
العوض ولا القطيعة