منصدمة من ردة فعلك يازوجي العزيز

[أم زنوبة]

مساء الخير ع الجميع هاذي رابع مرة أعيد الموضوع

ف بليز أبي ردود تبرد الجبد. أو ترفعون الموضوع الله يرفع قدركم

حدي منغثة بفصفض بسرعه.

ريلي آخر الشهر بيصرفون له مكافأة وأنا حاجزة من حسابي حق شاليه

آخر هالاسبوع حلوو. عالغدا اليوم جان أقوله يبيلي اشتري حق زنوب أسوارات

ذهب ماعندها جان يقولي ماله داعي قلتله حرام البنت من صغرو عليها أسواراتها

وأهي مالبست سوارات وأهي تحبهم يطلعون صوت بأيدها

جان يقول أنا بالفلوس بشتري جئتيسكي مال البحر جان أقوله مو مهم هذا خلص


التزامات البيت بعدين واحنا ناقصنا برادة ماي ماعندنا علة الله وماي الصحة

وماعندي خدامة قلتله خلص هذيل بعدين العب بالباجي. موووو راضي يقول مو بكيفج

هذيل فلوسي ما أستاذن منج أنا يا عمتي وأهو يتطنز أنا بلغت هالكلمة جان يقولي أنا

حقج بغطيج مئتين مالج شغل في الباقي ولا تسألين وين بوديهم قلتله أنزين لا تعطيني

أنا اشتر حق بنت الذهب وخلاص. يقولي ماااكو. وحرام هالبنية من أنولدت هداياتها ست مئة

دينار خداهم وسافر. وعيديتها ملوت العيد مئتين دينار هم خداهم. على أساس يردهم وللحين مأكو

عاد قلتله حرام عليك قام يصرخ أنا بعطيج وتحمدي ربج ومن هالحجي قلتله أنا لمن حجزت الشالية

ما منيت عليك بفلوسي وأنت الحين تتمنن علي بهالفلسين. قلتله مشكور ويسلم رأسك مإبي من فلوسك

شيء. وخذيت نفسي وقمت الغرفة. أسمعه يقول بالطقاق إلي يطقج. طلعت له قلتله ماله داعي تغلط

جان يقول روحي روحي عن الإرف وااأااائ ودي أطقه طق لوع جبدي أحس انغثيت من أسلوبه

 

[خالف تعرف]

الذهب غالي الحين حرام تشترين
وجت اسكي حني انه ما ياخذ ترا خراب ونقديه

 

[الطيب_كله]

بدامج ما تبين ال 200 وقالج اخذيهم وككيفج ليش ما تاخذينهم وتشترين فيهم ؟؟ ولو ان الذهب غالي الحين
جنج مكبره السالفه !!

 

[نفهمها صح]

الله
يعينج

 

[chocolate-T]

ميخالف الريال لي ركب راسه يعاند الكل
حبيبتي طولي بالج عليه
وكلميه بهدووء
تعاليله من باب اخاف عليك تروح البحر
وانت عليك بالعافيه هذول فلوسك ولك حق تفسفسهم بكيفك بس انا ماقدر وابيك تساعدني
وانتي وشطارتج
الحين اهدي وصلي على محمد وال محمد
وتعوذي من ابليس
ولي هدت الامور بينكم
كلميه بثقه وهدوء ولا تعصبين وتدلعي عليه
والله يسخره لج وايسر اموركم
ولاتكبرين الموضوع عشان مضاعد وذهب ميخالف

 

[أم توتو]

الله يهديكم ماتسوى الزعل عشان فلوس كل الرجاجيل جذيه ياخذون ومايردون والدنيا اخذ وعطى بين الزوجين مافي عطيني عشان عطيتك والذهب حيييل غالي شاب نار من يشتري ذهب الحين حتى الميتين ماتكفي بيلج دبل الدبلات عندج بيعي واشتري او جمعي لج مبلغ معيين واشتري الله يهديكم حق بعض

 

[ام شهاب]

بقول لج شغله حبيبتي من واقع تجربه

قصه طويييله نوعا ما

اخوي يسوي جذي مع مرته يصرف بالحسره مع ان راتبه فوق ال1800 ماشاءالله بس يفسفسهم على خرابيط و سيارات و ساعات و قهاوي يعزم ربعه و معتمد عليها بسوالف البيت على اساس انها موظفه و جامعيه و معاشها راهي و كان يسوي نفس ريّلج ياخذ هدايا ولادتها باليهال و يسافر فيهم مع ربعه و الالف اللي انزلت من الامير حق اعيالها هم بلعهم و دبسها بقرض بالآخر انفجرت بنت الناس
نصحتها قلت لها دايما قولي له خاصمين من راتبي الدوام أو مخالفه دفعتها أو فلانه اولدت و وديت لها هديه و من هالكلام و فتحي لج حساب في بنك ثاني بدون بطاقه ويمعي فيه فلوس و بلّشت بهالطريقه و فوق هذا لاخلصت الماجله لا تييبين شي وقولي له ترى الثلاجه فضت و اذا طنش دزي الخدم يقولون له ماكو اكل و ماكو .. و .. بالمطبخ عشان ينحرج وبعدها بفتره تقول له فشله يت اختك و اعيالها و البيت يصفر ما ندري شنو نضيفها فيه و فوق هذا انا امسكه على جنب بالزواره اقول له ليش جذي يافلان موخابرتك بخيل بيتكم مافيه عصير و حتى الكلينكس ندوره ادواره ... يلقط ويهه
و ألحين كاهي ماشاءالله مرتاحه ماديا و الاخ قام يضطر انه يصرف عالبيت .. لا و قام يحجز لهم شاليه عشان يثبت لنا انه مو مقصر لووووووووووووول


الشغله يبيلها ذكاء حبيبتي و والله لو الريال معاشه مليووون و يلقى اللي تصرف عنه ما راح يقول لأ
بالعربي انتي عودتيه و ألحين لازم تعودينه يصرف بذكائج​

 

[** محبوبه**]

مكبرة السالفة لازم ذهب لبسيها مضاعد أكسسوار فيها شئ والله البنت ماتدري عن زعلج وأنتي منكدة على عمرج ونصايح البنات ألي فوقي هم حلوة أستفيدي من صاحبة القصة

 

[iLLuMinaTion]

الله يعينج

 

[تعبت اداري...~]

الله يحنن قلبه عليج ويسخره لج...

 

[ام كوشه منكووشه]

حبيبتي الل يعينج ويسخره لج ان شاءالله

قلبي الريال مايحب يحس ان في احد يواجهه او يقواله شنو تسوي وشنو ماتسوي حتي لو كان في مصلحته
بس انتى اخذيه بالمسايس والحجي الحلوو والله يعطيج ماوراه ودونه

وبعدين يوم قالج اعطيج ال 200 جان قلتلي له كلمتين حلووين نفختيه فيهم شوي عشان يزيد بالكرم او كان ممكن تاخذينهم وتشترين فيهم اسوار لبنوتج

 

[مناير ...!]

ساحليه الايوافق حرام يضيع فلوسه

 

[ورده الكرستال]

الله يعينج ويسخره لج

 

[راعية الطويلة]

خذي الميتين دينار
عصفورة في اليد
خير
من عشرة على الشجرة
انت الحين فلستي لا من هذا و لا من ذاك

 

[قلبي ماركه]

اللهّم اغننا بحلالك عن حرامك ،

وبطاعتك عن معصيتك ، وبفضلك عمن سواك ،

اللهّم لا تكلنا إلى أنفسنا طرفة عين ،

اللهّـــم آميـــن .​

 

[زوجة عزيز]

على الاقل الذهب احسن من اللي بيشتريه بس شتسوين الله يسخره لج ان شاء الله

 

[Tulips]

واااي الله يعينج .. مادري ليش الانانيه

اوكي افلوسه ويبي يستانس فيهم بس مو يقطهم جذي على جت انتو اولى الصراحه

 

[انا لحبيبي .]

الله يهدي بالك ويصلح الحال ،

 

[RoWaIsHeDyA]

اخذي ال200 مثل ماقالولج ودبري امورج ونصيحه البنت الي اكتبت السالفه بصراحه وايد حلوه وزينه

 

[أنهار الورد]

ماعليه حبيبتي لا تصيري حساسة وتزعلي من هالسالفة ان شاء الله تشترين لها ذهب بأي وقت اجلي الموضوع اما لو يبي يبعثر الفلوس بأشياء تافهه حاولي تكلميه بوقت ثاني يكون رايق يمكن يسمعج