منحة أميرية لأبنآء الكويتيات و لورثة من توفي بعد اعلان المنحة +موقف النواب منها

[Air Bag]

رد : منحة أميرية لأبنآء الكويتيات و لورثة من توفي بعد اعلان المنحة !

زعفران العتاب... حاسة فيج أختي و صاجة بكل كلمة تقولينها
والله أني كويتية و أبو عيالي كويتي بس مقدرة شعورج و عارفة الوضع
من خلال قريبة لي نفس وضعج
و إلي يقهر والله أني أعرف واحد متزوج أمريكية يهودية و ياب منها عيال ياربي لو تشوفينهم تضحكين تقولين حرام فيهم الجنسية لا أشكالهم يستاهلون الجنسية ولا تصرفاتهم وأمهم علمتهم على عاداتها وكلامها لأن الأبو ما شاء الله هتلي لوووول و البساط أحمدي
لمن تشوفينهم يحترق قلبج أنها تجنست بجنسيتنا وعيالها كويتيين نفسنا و مسوية نفسها مسلمة وهي ليما ألحين على دينها!!!!

 

[حرم راشد الماجد]

رد: منحة أميرية لأبنآء الكويتيات و لورثة من توفي بعد اعلان المنحة !

بنات في فرق بين اقروها ووصو عليها


يعني القرار بين سلطتين تشريعيه وتنفيذيه


مجلس الامه يعتبر تشريعي بينما الحكومه هي الي تنفيذيه


ومجلس الامه وصى ان المنحه تشمل ابناء الكويتيات بموافقه الاغلبيه من النواب


بينما الحكومه والي هي السطله التنفيذيه كان عندها تحفظ عليها <<<<<<<<<< يعني مو عاجبهم الحجي بس ما تحجو لا اي ولا لأ


وهذا النص من جريده الوطن

اقر مجلس الامة مشروع قانون المنحة الأميرية واحالها للحكومة لتنفيذها لتصرف في 24 فبراير فيما رفض المجلس جملة من التوصيات النيابية بتقديم موعد صرف المنحة الى 10 فبراير ووافق على شمول المكرمة لابناء الكويتيات ولمن كانوا على قيد الحياة عند الاعلان عن المنحة وتوفوا قبل صرفها رغم تحفظ الحكومة على التوصية.

يعني ادعو ربكم انها تشملكم ويحنن قلب الحكومه عليكم

 

[mafio98]

رد: مبروووووك للكويتيات

بصراحه البعض ما يستاهلها
احنا شكووو فيهم اذا ابوهم مطلق امهم اي
بس اذا هم جنسيتهم غير ,,, شكو احنا فيهم
عندهم ديره تعطيهم
ليمتى احنا جذي ؟؟؟؟ خيرنا يسبقنا
والله ياكلون من خيرنا ويمسحون ايدهم بطوفه
طبعااا انا ما اعمم انا اقول البعض
انا للامانه ضد هذا الشي
مو نذاله بس بالعقل المنحه للكويتين مو لاي احد احنا ما حاسبنهم على اعانة الجامعات ولا على المعاش
بس هذي منحه انا ضدها
لا احد يزعل هذي وجهة نظري

معااااج بكل الي قلتيه والله في نااااس مايستاهلونها كلش امهم كويتيه بس ابوهم مصري او لبناني والله اعرفهم عدلل مايحبوووون الكويت وكانوا يقولون لو مو امنا ماقعدنا فيها من زينها وحجي واااااايد هذول مثلا يستاهلونها!!!!!

 

[الجفول&]

رد : منحة أميرية لأبنآء الكويتيات و لورثة من توفي بعد اعلان المنحة !

هذي توصيه بس يعني لللحين ماقرتها الحكومه ومابي احبطكم بس ماظن توافق الحكومه.

 

[مذهلة 78]

رد : منحة أميرية لأبنآء الكويتيات و لورثة من توفي بعد اعلان المنحة !

بنات اشاااااااعه

هذا المصدر من جريدة الانباء

وفي هذا الإطار كشفت مصادر وزارية لـ «الأنباء» أن ورثة المتوفين حتى الأول من فبراير المقبل يتسلمون المكرمة الأميرية حيث ستقوم الحكومة بإيداعها في حساب وزارة العدل ليتم توزيعها حسب النصاب الشرعي. أما أبناء الكويتيات المتزوجات من غير كويتيين فأجابت المصادر: مستحيل أن يتم صرفها لهم على اعتبار أنها تشمل الكويتيين فقط.

وهذا رابط كوناا ما فيه شي عن هالموضوع

http://www.kuna.net.kw/NewsAgenciesPublicsite/ArticleDetails.aspx?id=2140641&Language=ar

 

[مدام سلطة]

رد: مبروووووك للكويتيات

بصراحه البعض ما يستاهلها
احنا شكووو فيهم اذا ابوهم مطلق امهم اي
بس اذا هم جنسيتهم غير ,,, شكو احنا فيهم
عندهم ديره تعطيهم
ليمتى احنا جذي ؟؟؟؟ خيرنا يسبقنا
والله ياكلون من خيرنا ويمسحون ايدهم بطوفه
طبعااا انا ما اعمم انا اقول البعض
انا للامانه ضد هذا الشي
مو نذاله بس بالعقل المنحه للكويتين مو لاي احد احنا ما حاسبنهم على اعانة الجامعات ولا على المعاش
بس هذي منحه انا ضدها
لا احد يزعل هذي وجهة نظري

بفهم ليييييييييش النحاااااااسه
ليييييييييييييش الحسد
ليييييييش ليييييييش قوليلهم مبروك

في كويتيين ماعندهم وللاء للكويت والعكس فيه غير كويتيين انولدوا وعاشوا وتربوا بالكويت من اجداد اجداهم بس للاسف ما خذوا جنسيه ولائهم ودمهم للكويت ويستاهلون المنحه حالهم حالنا بلا نحاسه صرتي جنج عضوات مجلس الامه

 

[عذوره 2010]

رد : منحة أميرية لأبنآء الكويتيات و لورثة من توفي بعد اعلان المنحة !

بسكم خبث ونجاسه مو ماخذين من مال ابوج ولا اخووووج صج لي قالووو حريم نخاشات صدع مروان الله يطول بعمر

شيخنا اللي ماخلانا نحتاج لحد يارب الفرج منك مو من غيرك وطلع حقنا وحقوق عيالنا يااارب

وان شاء الله الخببر صحيح​

 

[7elwa&3soola]

رد : منحة أميرية لأبنآء الكويتيات و لورثة من توفي بعد اعلان المنحة !

الله يجزاااهم خير بس الخبر اليديد ان وزير المالية نفى الخبر بالتلفزيون

والله اعلم هل هو صحيح ولا اشاعه

عموما هذا العشم فيهم ان كان صحيح

وحتى اذا كان اشاعه مايقصرون

 

[7elwa&3soola]

رد : منحة أميرية لأبنآء الكويتيات و لورثة من توفي بعد اعلان المنحة !

http://www.kuwait.tt/ArticleDetails.aspx?Id=84993

هذا مصدر من جريدة الوطن من الصبح حاطينه

ومكتوب بقناة سكوب

بس شكلهم يدرسونه ياجماعه

عموما خير ان شاء الله

 

[انسام الكويت]

رد: رد : رد: مبروووووك للكويتيات

والله الكويتيه اللي ما طلعت من ديرتها

ترا ربت عيالها على حب الكويت والولاء لها

مثل ما عيال العراقيه والاجنبيه اللي متزوجه كويتي علمتهم يكون لهم ولاء لديرتها الاصليه وحتى لهجة ولغتها علمتهم

والام تأثيرها ترا اكثر من الابو من ناحية التربيه ورترسيخ الافكار

ومااعتقد احد امه كويتيه صج صج كويتيه مو تجنيس والا ماخذه جنسيتها من زوج سابق
ان تعلم عيالها على كره الكويت
بالعكس تقولهم ديرتكم ديرتي وبتربيهم على الولاء لها دام هي متمسكه بديرتها وماتبي تطلع وتبي تعيش فيها مواطنه

انتي دشتي بموضوع ثاااني خير شر شكو الكويتي إذا تزوج غير كويتيه انه الأم


ترسخ بعيالها حب وديرتها الأصليه شدعوا يعني الغيال مراح يختلظون بناس أو بيدرسون عن حب


الوطن تفكيييرج كله غلط أنا أمي سعوديه شدعوا لي ولاء للسعوديه أو لهجتي سعوديه


لو لي ولاء على قولتج جان بديت السعوديه على ديرتي بس هالشي ماله خص أنا كويتيه وأتم كويتية


وإنشاالله المنحه مايقرونها لكم لأنكم على كثر ما انتم عايشين بخير ماتحلمون فيه بديرتكم هم مايبن

بعينكم وإنشاالله ترفضها الحكومة والأمير الديره مو ملزومه بابناء الكويتيات

 

[شيخه_البيض]

رد : رد: مبروووووك للكويتيات

بصراحه البعض ما يستاهلها
احنا شكووو فيهم اذا ابوهم مطلق امهم اي
بس اذا هم جنسيتهم غير ,,, شكو احنا فيهم
عندهم ديره تعطيهم
ليمتى احنا جذي ؟؟؟؟ خيرنا يسبقنا
والله ياكلون من خيرنا ويمسحون ايدهم بطوفه
طبعااا انا ما اعمم انا اقول البعض
انا للامانه ضد هذا الشي
مو نذاله بس بالعقل المنحه للكويتين مو لاي احد احنا ما حاسبنهم على اعانة الجامعات ولا على المعاش
بس هذي منحه انا ضدها
لا احد يزعل هذي وجهة نظري

@@

خالتي مدرسة تقول شكثر مايحيون العلم بطابور الصباح

تقول اروح ازفهم اقولهم حيوا العلم واوقفوا عدل وباحترام

يردون عليها شيقولون ؟؟؟؟

1_ شدعوه نشيد قطر بس . قالتله وليش يعني قالها انا بس اقول نشيد قطر سالته قالتله انت قطري قال لا بس امي قطرية @@ نعم خير واذا قطرية ماتحيي علمنا ؟؟؟

2_ والله مابعرف اغني الغنية هايدي بدي اتعلمها واغنيها بكرا @@ ليييييييش انشاء الله عمرك 9 سنين ماتعرف تحيه العلم ولا النشيد الوطني !!!!!

وغير وغير وغير ......

هذيل يستحقون وولد اكويتيه اللي قلبهم على بلدهم مايستحقون ؟؟؟؟


ما اقول الا الله يهديج انشاء الله ويحنن قلبج وحطي نفسج مكانهم .

 

[Čut!e Quèéи]

رد : منحة أميرية لأبنآء الكويتيات و لورثة من توفي بعد اعلان المنحة !

ماشاءالله مبروك عليهم

عيال الكويتيه الي ابوهم مو كويتي

راح يكون لهم نصيفه من المنحه

الله يجزاه خير الي فرح كل اهل الكويت

 

[Čut!e Quèéи]

رد : منحة أميرية لأبنآء الكويتيات و لورثة من توفي بعد اعلان المنحة !

بنات اشاااااااعه

هذا المصدر من جريدة الانباء

وفي هذا الإطار كشفت مصادر وزارية لـ «الأنباء» أن ورثة المتوفين حتى الأول من فبراير المقبل يتسلمون المكرمة الأميرية حيث ستقوم الحكومة بإيداعها في حساب وزارة العدل ليتم توزيعها حسب النصاب الشرعي. أما أبناء الكويتيات المتزوجات من غير كويتيين فأجابت المصادر: مستحيل أن يتم صرفها لهم على اعتبار أنها تشمل الكويتيين فقط.

وهذا رابط كوناا ما فيه شي عن هالموضوع

http://www.kuna.net.kw/newsagenciespublicsite/articledetails.aspx?id=2140641&language=ar

واعليه توني قاعده ابارك لهم يا فرحه ما تمت

يلا ماعليه مالنا حق نتكلم فلوس ابونا واهو كيفه يعطي الي يبيه

 

[انوار المحبه]

رد: منحة أميرية لأبنآء الكويتيات و لورثة من توفي بعد اعلان المنحة !

يا رب يكون صج

 

[> Miss M6ereiah <]

رد : منحة أميرية لأبنآء الكويتيات و لورثة من توفي بعد اعلان المنحة !

مادري شقول بس اللي الله كاتبه بيصير

 

[شيخه القلوب]

رد : منحة أميرية لأبنآء الكويتيات و لورثة من توفي بعد اعلان المنحة !

جان زين الله يرزقهم

 

[dla3_princess]

تعاالوو شووفوو النواب اللي كانوو ضد المنحه لآبناء الكويتيات + المتوفي!؟ صددمه !!



السلام عليكم

بناات على موضووع المنحه وصلني هالبرودكاست

اليووم و موجود المصدر بجريده الوطن عدد اليوم الخميس 27-يناير ص 25



تصوويت اعضاء مجلس الامه في الجلسه الاخيره

على الموافقه ان تشمل المنحه ( ابناء الكويتيات+ المتوفى قبل 24-2 اي بعد اقرار المنحه)

الاعضااء كلهم صووتو مع الموافقه ان تشمل المنحه ابناء الكويتيات و المتووفين قبل 24 -2

ماعدا بعض وزراء الحكومه طببعا ماوافقوو + بعض الاعضااء

اللي سجلوو ايوم مووقف وااااااضح ضد المرأه الكويتيه و عررقله مصلحتها..

تدروون منو موو مواافق ؟؟؟


:s141:

اسيل العوضي (غير موافق)

رولا دشتي (غير موافق )

صالح الملا (غير موافق)

مرزوق الغانم (غير موافق )

عادل الصرعاوي (غير موافق)

عبدالرحمن العنجري (غير موافق)

جريده الوطن الخميس 27 يناير ص 25


يعني بفهم ليش النحاااسه على ابناء الكويتيات ؟؟ و همن بعد مو راضين ان المنحه تشمل

اي كويتي يتووفى بعد اقررار المنحه ؟!!! وموو راضين ان تسلم المنحه للورثه من اهله ..

اللي قاهررني ان بداال ما تعزوون و تكرموون بنات ديرررتكم الكويتياات جذي تبون الكويتيه

تعاااني حتى من وضعها الاجتماعي ؟؟!!!

يعني حلاااااال على الكويتي يتزووج من براااا على كييفه بس الكوويتيه المسكينه اللي ماصارلها نصيب

و تبي تستر على نفسها بالحلااال تزووجت مو كويتي .. كلكم صرتوو ضدها ومحد يدعمهااا ؟؟؟



هذووول النوااب اليووم سجلوو مووقف واااضح ضد المصالح الشعبيه و عددم دعمهم

لبنت الديرررره بنت الكوويت اللي صووتت لهم و وصلتهم المجلس ...

وكأنهم يحااولوون يعاقبوونها اهياا و ابناائها لانها تزووجت غيركويتي .. بعد ماصارلها نصيب

شتسووي المرأه تعنس و تنقطع من الذرريه و ماتستر على نفسها عشاانكم ؟؟؟

:ioljnmlk:

والله ابنااء الكويتياات حالهم من حالنا ومن صغرررهم معاانا عالحلووة و المرره و مااشفنا

منهم الا كل خيررر ...

انززززين خلصنا من الكوويتيااات


الحين دوووورنا احنا ... يعني المنحه اقررت لكل مواطن كويتي يعني منقرره لنااا صح ؟

اووكي

اذااا احد فينا الله يعيطيكم و اهلكم طوووله العمرر .. اذا احد فينا توفى ترووح عليه المنحه ؟؟

لااااء النوااب صووتوو ان ماترووح عليه المنحه .. بل يووورثوونها الوورثه من المتوفى

اما النوااب اللي اسااميهم فووق

صوووتووو ان اللي يتووفى ما ياخذها :eh_s(12):

بس الحمدلله تم اقررار المنحه لهم لآن المجلس صووت بالاغلبيه


الله يحفظج يا كووويت

و ماااني عااارفه اللي ناااادوون بمصاالح الشعب بووقت الصجيه

نشوووف موااقفهم اشكرررره ضد مصلحه الشعب ....

 

[نونه العنونه_H]

رد : تعاالوو شووفوو النواب اللي كانوو ضد المنحه لآبناء الكويتيات + المتوفي!؟ صددمه !

الصراحه الي يتوفى مالا داعي يورثونها الورثه
خل ترووووح عليه مو اهووو توفى يعني بياخذها القبر؟؟؟
:eh_s(8):

 

[..<< ندى الورد >>..]

رد : تعاالوو شووفوو النواب اللي كانوو ضد المنحه لآبناء الكويتيات + المتوفي!؟ صددمه !

انا من رايي المتوفي يسوون له صدقه جاريه فيهاااااا

 

[$حبيبة عبودي$]

رد : تعاالوو شووفوو النواب اللي كانوو ضد المنحه لآبناء الكويتيات + المتوفي!؟ صددمه !

شفتي شلون لا يقولون نصيرات المرأه
حريم مامنهم فود نحيسااااااااااااااااات
جنهم دافعين من جيبهم ..كل النواب اللي قلتيهم غاسلين يدنا منهم ..