منحاشة عند اهلي ؟؟ بسبب شقتي ؟؟

[أبرار الود]

الله يختار لك الي فية الخير

 

[الحسن كله]

نفس رفيجتي بس رفيجتي عكسج كانت ساكنه بشقه برى بيت حمولتها ببيت حماها الكبير وكانت كله تحلم بكوابيس وقطاوه وصراصير وقعدت خمس سنين تسقط وحماها اللي تزوج ورى زوجها ضاقت عليه الشقه اللي عند بيت حمولتها فقالها زوجها لا تزعلين بس إحنا ثنين ماعندنا يهال وأخوي عنده ثلاثه بنتبدل بالشقق وهي بطيب نيتها قالت إيه وربي رزقها راحت لبيت حمولتها ومن ثاني شهر حملت وثبت الحمل واللحين عندها ولدين وحماها اللي سكن بشقتها ماقعد فيها ست شهور من الكوابيس اللي تشوفها زوجته..
أنا أؤمن إنه لاغيرتي الشقه بترتاحين.. مو قصدي سحر لا يمكن عين ولانفس ولاجن (سلام قول من رب رحيم)
برايي حاولي في زوجج وأقنعيه لو تسكنون بشقه يم شقق اخوانه اللي طالعين لأن زوجج شكله يحب أهله والجمعه لاتزعلينه بس وضحيله السبب وسايريه الله يارب يوافق دعوه من قلبي لج إنه يوافق ويسكنج بشقه ترتاحون فيها كلكم .. ولا رحتي زواره لبيت حمولتج إقري على نفسج وحصنيها..والله يعطييج كل اللي في بالج اللهم آمين

 

[*أم*خالد*]

يارب يسر أمر فله واكتب لها الخير والصلاح واحفظ جنينها واصلحه واجعله من الذرية الصالحة

الله ايسر امرج يا اختي

سامحيني ماعندي غير الدعاء لج

 

[( المـلاك )]

يمكن النفسيه تعبانه و انتي تعتقدين انها من الشقه
فأثرت بنفسيتج و التعب مايحوشج الا بالشقه

ولا يمكن الشقه مسكونه دام احلامج كلها قطاوة وفيران

 

[قوطي نيدو]

الله يعينج

و يفرجها عليج

 

[فله]

والله يابنات ماقصرتم وعسى كل من ردت علي او دعت لي ربي يفوقها ويحقق لها كل ماتمناه ويوسع عليها كل ضيقة
من خلال ردودكم في استفسارات وانا بجاوب عليها :
* الحمدلله انا محافظة على اذكار المساء والصباح والقرآن ومانام الا وانا مصلية الوتر وعسى الله يثبتنا على طاعته
* اهل ريلي يقولون احنا ساعات نشك ان بيتنا فيه شي
* انا ماعندي خدامة لان من تزوجت كله اسقط ولا عندي اطفال
* رحت لمشايخ واغلبهم انصحوني بتغييرها ومن بينهم اللي بالخفجي
* انا احافظ على نظافة شقتي بكل مافيها من عطورات ونظافة الحمدلله

 

[yummy girl]

الله يعينج يا قلبي و يثبت حملج

 

[فله]

انا نفسي يابنات موفاهمة السحر ماشك فاحد استغفر الله منو يعني بيخسر ربه بدون سبب ؟؟؟
ساعات اقول يمكن نفسية
انا احب الجمعه ومتعوده على الناس وهذولا هم حمواني وحريمهم بره وماشالله على طول متواصلين ويانا بالعكس الايمكن ام زوجي تحبهم اكثر مني ومن زوجي
وفي واحد من حمواني بيتزوج وهمن بيطلع مايحبون يزحمون بيتهم بالحريم مالومهم بس والله قهر انا امو واتعذب والله حتى لو كانت نفسية يكفي اني تعبانة صعبة الواحد ينام وياكل بمكان مايرتاح فيه بنات والله خنقتني العبرة احس تعبانة ولا حد راضي يحس فيني

 

[الا يامطول صبري]

رد : منحاشة عند اهلي ؟؟ بسبب شقتي ؟؟

الله يثبته لج يااارب

 

[نيولوفر]

الله يسهل امورج
ويثبت الجنين

 

[احب الصالحين]

الله يسهل عليك ويعينك
وان شاء الله تقومي بالسلامة

 

[sara81]

الله ييسر لج امورج

يأأأأأأأأأأأأرب

 

[فله]

جزاكم الله خير

 

[زبدة ككاو]

رد : منحاشة عند اهلي ؟؟ بسبب شقتي ؟؟

نفــسس حمــآتي تقــول البيت كله مو مرتاحين منه

القــرآن القــرآن

 

[سفيرة العشق]

رد : منحاشة عند اهلي ؟؟ بسبب شقتي ؟؟

لا حول ولاقوة الا بالله
أخاف اهل ريلج حاطين لج شي بالشقة؟؟؟
الله يثبت حملج

 

[فله]

اهل ريلي ؟؟؟؟؟؟؟
مادري بس ماتوقع يظروني انا حسبت بنتهم ؟

 

[روح امها]

لا تحطين ابالج ان اهل زوجج
يمكن الشقة مسكونة او انتي مضرورة
روحي عند شيخ يقرا عليج
بس لاتسكتين على نفسج

 

[غنج اهلها]

الله يعينج حبيبتي

بس الامر موطبيعي بالمرة ولاتسكتين شوفي لج شيخ اقري عندة

وربي يشفيج ويعافيج ويتمم لج حملج على خير

 

[فله]

جزاكم الله خير
بنات ادعولي والله عاز بنفسي انا بديرة وزوجي بديرة

 

[Lolaaa]

رد : منحاشة عند اهلي ؟؟ بسبب شقتي ؟؟

ما ابي احط بذمتي بس يمكن حاطينلج فيها شي مدام الكل مصمم مايغيرها
شغلي فيها البقرى وسألي شيخ