منبه لكلمة شرطي

[lovely jojo]

مرحبا







شلونكم بنات ابي منبه حلو وبسيط حق كلمة شرطي غير تشكيل نجمة ولا قصة ابي اغير
اللي تعرف تفيدني وشكرا:eh_s(7):

 

[خضيرة]

خلى مدرسة تتصل عليج تلفون وتقولج ان طب عليهم حرامى وعاد انتى تقولين اطفال فلانة طب عليهم حرامى شتسوى راح يقولون تتصل على الشرطة وبعدين تستخرجين صورة الشرطى

 

[طيرشلوا]

ممكن تسوين تركيب سيارة شرطة
ما أدرى انا هذا درسى الاسبوع الجاى افكر فية خميس وجمعة

 

[عهود الحب]

حطي اذا عندج الليتات الصغار الي تشب احمر اخضر اصفر جذي
تلاقينهم بكل مكان ورخاص
وخليهم داخل صندوق
يعني مكان مظلم عشان يبين اللون اكثر
عقب المناقشة بتقولين لهم وين نشوف هالالوان او هالاضواء
اذا ما عرفوا قربيها لهم اكثر بأنج تذكرين لهم انه احنا نشوفها باعلى احدى السيارات

 

[عهود الحب]

لاتنسين عقب تحطين صوت الدورية عشان تثبتين المعلومة
منو يركب الدورية الشرطي

 

[lovely jojo]

تسلمون حبايب قلبي عالتفاعل مو غريب عليكم......
عهود الحب شكر خاص حبيبتي.. شرايج بفكرة اشارة المرور من خلال القص واللزق؟
بس مو عارفة شلون ادش منها للشرطي؟؟

 

[عطري الشوق]

خيتو لف لي عندج هالرابط بوربنت لاشاره المرور اتمنى اكون فدتج

http://www.herosh.com/download/2053239/______._._____.______.ppt.html

 

[جوجوا]

انا درسي الاحد عن ادوات الشرطي راح اعطيهم بالاول عن شجرة التفاح واخلي الاطفال يحطون عليها التفاح ابحيث الاحمر فوق والاصفر بالنص والاخضر تحت ومع المناقشة نتوصل حق اشرة المرور واذا اختربت الاشارة يقف الشرطي ينظم المرور ومنها حق باجي الدرس

 

[lovely jojo]

تسلمين عطري الشوق بصراحة حيل حلو المنبه ــ شكرا جوجوا ::

 

[lovely jojo]

بنات للافادة انا قدمت الدرس عن طريق سماع الاطفال صوت تصادم ومن بعدها اسالهم عن الصوت من بعد ما عرفوه اطلع
شارع مسويته من فلينه وعليه سيارتين وحده داعمه الثانيه واسالهم ماذا نفعل الان قالوا ندق عالشرطة ودقينا وحطيت صوت دورية وحضرت وعالجت الموضوع وشوية مناقشة ومن بعدها دخلت الكلمة وعرضها كان حيل حلو كنت جايبة سيارة شرطة بالريموت كنترول وملزقة عليها الكلمة ودخلت وعرضناها ومن بعدها المسابقات والدرس كان حيل مميز....

 

[lovely jojo]

اتمنى الكل يكون استفاد وشكرا للي افادونا .....

:ggdw: