مناقشه عن الماضي الجميل ...!!!

[العيوووووف]

رد : رد: مناقشه عن الماضي الجميل ...!!!

وعليكم السلام ورحمه الله وبركاته

ولله خوش موضوع اختي العيوف ذكرتيني بالزمن الجميل:fun:

انا بقولج شلون انا اتذكره هالزمن الحلو لانه امي كل يوم نسوي لها جاي غوري مخدر وتقعد تسولف سوالف عن

يدتها وحياه يدتها واغاني وقصايد قديمه عاااااااد البيت كله يستانس على سوالف قبل

وبعدين امي تتذكر يدتها ووترحم لها وتدعي لها واحنا بعد ندعي:n2006107:

اما بالنسبه حق الصوره اللي حاطتها للدوارف امس كنت بالحوش ولا اسمع صوت الدوارف عند بيت ييراننا

وحسيت نفسي صغيره وتذكرت شلون نلعب بالدوارف كل وحده مننا توقف دور تنطر الثانيه يخلص دورها وتلعب

تذكرت من الالعاب اللي كنا نلعبها عظمه ساره ساره بعد العزايم

غبااااااااااااااااااااااااااااااااااااااااااااااااااااااااااااار حدها قديمه هالبنت>>>>>>>>>>>>>>> لول


تحياتي لج اخت العيوف على الموضوع الروعه تسلم يمنااااااااااج يالغاليه​

هلا دنيتي اشلونج شخبارج يالغاليه

موبس الديارف نلعب كل شي بدون خوف نطلع بالسكة ما نحاتي شنو بيصير

كل شي عندنا علي البركة اتصدقين انا منت العب مع عيال الفريج جن اخوان ما تخاف من بعض

بس اللحين لو وحدة من بناتي تقول بلعب بالسكة الا اللحين موسكة اللحين الشارع

جان يمكن اذبحها مافية امان بس الواحد قاعد علي اعصابة من اللي يشوف ويسمع​

 

[العيوووووف]

رد : مناقشه عن الماضي الجميل ...!!!

ياحلاتج يالعيوووف
ومنو ألي ما يعشق الماضي
أنا أحب الماضي بكل ما فيه .. والله إني أتذكر وأسولف حق عيالي
والله حبيبتى كنا فريج واحد فى الفريج فى البدوي وفي الحضري وفي القروي والسني والشيعي
والله كنا على قلب واحد ولا عندنا تفرقة .. وكان كل الفريج يوميا نجتمع بالليل بحديقة بيتنا وتعالي شوفي
السوالف والوناسة .. ما كان عندنا ألي ألحين قاعد يصير .. لاحول ولا قوة ألا بالله .. الكل متربص بالثاني
والكل مبدي الشينة قبل الزينة الله يصلح الحال بس .. كنا مجتمعين على الحب والنية الزينة ..
آه ذكرتيني يا عيووف بأشياء والله إني أبجي عليها ألحين .. الله يرحم الحال ..
أتمنى أرجع للوراء ولا أشوف ألي قاعد يصير ألحين ..
مشكوورة يالغالية خليتنا نعبر شوي ونطلع ما فى قلوبنا
بارك الله فيج

حبيبتي عبري وقولي كل شي تحبينة وتتذكرينه ولا تنسين سوي سيرج

وهاتي لنا صور عن الماضي وشعر خل نعيش الماضي صج نبي نرجع له​

 

[العيوووووف]

رد : مناقشه عن الماضي الجميل ...!!!

الله يا حلات ذاك الزمن الجميل بس لوفكرتوا فيها مو الدنيا اللي تغيرت الناس اللي شبعت من النعمة الله يديمها علينا وتكبروا على بعضهم تضحكون على لو قلت لكم اني من عشاق افلام الابيض والاسود وكله احط على روتانا زمان في بعض الاحيان اتمنى يخصصون دار سينما وحدة يعرضون الافلام العربية والاجنبية القديمة :denya:

صج انتي مثلي احب الافلام القديمة ابيض واسود لا ورد اشوف الفلم جم مرة

جني اول مرة اشوفة

اربعينية انتي من مواليد الستينيات اذا انتي منهم تعالي بعزمج في قسم الستينيات

تطمشي وشاركي كلهم جيل الستينيات حاطين قسم حقهم بس الله لا يوريج حنه ورنة

تري انا منهم قاعدين ناكل بعض اللهم يا كافي​

 

[العيوووووف]

رد : مناقشه عن الماضي الجميل ...!!!

بنات اللي متزوجه واحد من الماضي خلها دقق بالصورة يمكن يكون زوجها معاهم ​

 

[ام حمنو]

سبحان الله الماضي حلو بكل مافيه الفريج والجيران والمدرسه منو:080402ask_prv:منا مايتذكر النوم فوق السطح والقعده بالحوش وطلعت البر بالشتا والحديقه او البحربالصيف والتمشي والسوالف الحلوه واكل المموش او صمون البزاليا والمشكل سبحان الله الاكل كان له طعم ثاني مو الحين كله طلعتهم مجمعات ومطاعم كنا نلعب ونركض ونطلع طاقتنا والحين وين ما تويدنهم يقولون ملل:denya:مشكوره يا احلى مطيريه على الموضوع 000وين ماتروحين العيايز وراج وراج:gr4uu::gr4uu:والحين استاذن بروح البقاله تروحين معاي؟؟؟؟؟

 

[العيوووووف]

رد : مناقشه عن الماضي الجميل ...!!!

ام حمنو حسبي الله علي بليسج بجيتيني لما ذكرتيني


بنومة السطح عجيبة كنا ننام بيت سطح خالي بخيطان الله يرحمة جني وافدين اللحين

مسطرين يم بعض ولا البزاليا لا ما نسيتها للحين اموت فيها


يا نظر العين يالستينيات اموت فيكم لحظة بروح معاج الدكان ابي بارد​

 

[ام حمنو]

ما عاش من بجيج يا الغاليه بس احنا جذي يا الستينيات حساسات ونحب ماضينا

كنت اتابع في رمضان مسلسل ساهر الليل وتخنقني العبره

انا باخذلي عصير بوم من الدكان ما كنا نشربه الا في العيد اذا رحنا بيت خالي وبعدين نروح ديارف العيد

 

[العيوووووف]

رد : مناقشه عن الماضي الجميل ...!!!

ابي الماضي وابي بارد​

 

[ام حمنو]

شفتي هذا يذكرني بالطين مال الروضه الابله تحطه في هالقوطي

وهذا البطل مال الحليب وغطاه قصدير وكان ابوي (الله يرحمه) مسوي اشتراك شهري

ويا حلو لبن آب المالح مع كتكات بو قصدير او كاكاو بو لحم

 

[العيوووووف]

رد : مناقشه عن الماضي الجميل ...!!!

الله عجيب اللبن كنت اموت فية وين حصلتي صورتة

ووين الاقية فية منة الحين جنة كان صنع العراق صح​

 

[ام خالد الغلا]

رد : مناقشه عن الماضي الجميل ...!!!

يعطيج العافية العيوف وقلبتى المواجع يا حلاة ايام قبل كنا عايشين على البركة ياحلو ايام الفريج نلعب بنات مع الصبيان وكل نتجمع البنات وكانت الجمعيات توها فاتحينها ونروح مشى ونمر المكتبة العامة ياحلو ايامنا مو الحين الجار ما يدرى عن جارةوبنات الجيران ما يعرفون بعض وايامنا ما حسينا بالملل مثل الحين كل شى متوفر لهم وكل يقولون ضيقة خلق وغلقة اذكر لما نروح المدارس نحس بوناسة ولا عاد اول ايام الدراسة وليلة العيد نحط هدومنا الجديدة يم الفراش ونقعد من الصبح مع صلاة العيد الحين عيالنا ما يقعدون الا الظهر ومشكورة يا الغالية على الموضوع الحلو والذكريات وايد و يا حلو الماضى

 

[فطووومة]

امبيييييييه العيووووووووووووف وين ننحاش عنج :eh_s(13):

يا حلو ايام زماااااان تصدقين كنا نروح الدكان بروحنا بالفريج الثاني و وكان امان محد يقول اخاف

اما الحين ما لج امل عيالنا يوفقون عند الباب بدون مراقب




مادري شقول وشخلي ،،،



يا حلوووو اايام قبل

 

[Diva-Q8]

رد : مناقشه عن الماضي الجميل ...!!!

اخيييييييه احنا وين والماضي الحلو وييييييين كان جميل بكل شي حتى الحريم
يازين الماضي لمن كانو يداتنا يشيلون بيت كامل في 10 عيال بنات وصبيان كانوا هابين ريييح ومرتبين وقتهم طباخ وتنظيف وغسال هدوم ووقت تحط الحنه حق بناتها وادهن شعورهم واتخيط وتحل مشاكل بيتها واتربي عيالها وعندها وقت حق جاي الظحى وحق الاهتمام بنفسها وكل شي ماشالله

وكل شي تسوي بإيدها ايام المخمه الخووووص اللي تكسر الظهر بعز حملها واهي على وشك ولاده

ياريت احنا على كل هل تكنلوجيا والمكنسه الكهربائيه والغساله والنشافه نقدر نرتب وقتنا و نسوي ربع الواجبات اللي كانوا يسونها حريم قبل في بيوتهم..!
حتى مشاكل المتزوجين ماكانت مثل مشاكلنا بسبب انشغال كل واحد بمسئولياته

(ذاك الزمان اللي مضى من يطوله )

 

[ام محمد الشمري]

تذكروون يديده حبابه هذي عاد اشفتها


اقوول قل يا زمان ارجع يا زمان

http://www.youtube.com/watch?v=70Ygp921L0E


الله يرحم مريم الغضبان ويغفر لها آآآآآمين

 

[ام محمد الشمري]

اشتاق لخبز امي الله يعطيها العافيه

 

[Nanoosa]

يااااااااااااا حلو الماضي

موضوع يعور القلب

لي رجعة

قلبي متروسة :dddds:

 

[العيوووووف]

رد : مناقشه عن الماضي الجميل ...!!!

يعطيج العافية العيوف وقلبتى المواجع يا حلاة ايام قبل كنا عايشين على البركة ياحلو ايام الفريج نلعب بنات مع الصبيان وكل نتجمع البنات وكانت الجمعيات توها فاتحينها ونروح مشى ونمر المكتبة العامة ياحلو ايامنا مو الحين الجار ما يدرى عن جارةوبنات الجيران ما يعرفون بعض وايامنا ما حسينا بالملل مثل الحين كل شى متوفر لهم وكل يقولون ضيقة خلق وغلقة اذكر لما نروح المدارس نحس بوناسة ولا عاد اول ايام الدراسة وليلة العيد نحط هدومنا الجديدة يم الفراش ونقعد من الصبح مع صلاة العيد الحين عيالنا ما يقعدون الا الظهر ومشكورة يا الغالية على الموضوع الحلو والذكريات وايد و يا حلو الماضى

ام خالد ذكرتيني بهدوم العيد اي والله صاجة احنا ما روح السوق ولا نختار مثل الحين

امي الله يرحمها تروح وتختار وتشتري وحنا ننطر بالبيت وبالليل نحطهم يم الفراش

وياليت انام كل شوي نفتح عيوني نشوفهم ونرد نغمض متي يطلع الصبح ويصير العيد

الحين الملابس نشتريها ولا نلبسهاونرد نشتري غيرها يالله السلامة​

 

[العيوووووف]

رد : مناقشه عن الماضي الجميل ...!!!

اخيييييييه احنا وين والماضي الحلو وييييييين كان جميل بكل شي حتى الحريم
يازين الماضي لمن كانو يداتنا يشيلون بيت كامل في 10 عيال بنات وصبيان كانوا هابين ريييح ومرتبين وقتهم طباخ وتنظيف وغسال هدوم ووقت تحط الحنه حق بناتها وادهن شعورهم واتخيط وتحل مشاكل بيتها واتربي عيالها وعندها وقت حق جاي الظحى وحق الاهتمام بنفسها وكل شي ماشالله

وكل شي تسوي بإيدها ايام المخمه الخووووص اللي تكسر الظهر بعز حملها واهي على وشك ولاده

ياريت احنا على كل هل تكنلوجيا والمكنسه الكهربائيه والغساله والنشافه نقدر نرتب وقتنا و نسوي ربع الواجبات اللي كانوا يسونها حريم قبل في بيوتهم..!
حتى مشاكل المتزوجين ماكانت مثل مشاكلنا بسبب انشغال كل واحد بمسئولياته

(ذاك الزمان اللي مضى من يطوله )

لا وعلي هالتعب مافيهم وحدة تشكي صحة والحمد لله

ولا سالفة الحنة عجيبة اول الخميس نص دوام نرد ولا امي مسوية ذيج الطاسة حنة وعجنتها

وقالعدة بالحوش نبدل هدوم المدرس ونتسطر جدامها دور علي الحنة ويا حلو شعورنا

مو الحين منتفين​

 

[العيوووووف]

رد : رد: مناقشه عن الماضي الجميل ...!!!

اشتاق لخبز امي الله يعطيها العافيه

اول الاكل صحي كلة يسوونة بالبيت مواللحين كثروا المطاعم وكثرة الامراض​

 

[العيوووووف]

رد : رد: مناقشه عن الماضي الجميل ...!!!

امبيييييييه العيووووووووووووف وين ننحاش عنج :eh_s(13):

يا حلو ايام زماااااان تصدقين كنا نروح الدكان بروحنا بالفريج الثاني و وكان امان محد يقول اخاف

اما الحين ما لج امل عيالنا يوفقون عند الباب بدون مراقب




مادري شقول وشخلي ،،،



يا حلوووو اايام قبل

ما استغني فطومتي حياج الله

الدكان اهو بس نشتري منة ونطق سوالف بعد انعرف اهلة لا والدفتر سجل

مايخلص الشهر الا وابونا منصدم من الميزانية بس والله فلوسهم فية البركة

سبحان الله الحين العشرة ما تكفي حتي حلاو الصغار​