مناقشات وسوالف بنات نادي الكتاب

[bnt-jaber]

البؤساء هذا ثالث مره يمر علي اسمه
عيل لازم اقرااه

بس لييش هم وحزن ><


مادري شنو نوع الي ذكرتوهم

بس انا ابي طقة احلام مستغانمي واثير عبدالله وحوراء النداوي على هالسوالف
مالي قلب عليهم ومامل من سلووبهم
ابييييي جذي شي قووي

 

[blue ocean]

^^

وايد كئيبه الروايه بغض النظر عن قوتها

احلام مستغانمي وايد يمدحون رواياتها شريت لها مره ذاكرة الجسد

بس ماقدرت اكمل صفحه مو مزاجي كلش​

 

[RowTow]

عاد آنا على العكس ما أشوف رواية البؤساء كئيبه.
بس رواية أحدب نوتردام لنفس الكاتب كانت كئيبه و تعور القلب.

البؤساء تمثل لي الأمل بأحلك المواقف. و الشخصية الرئيسيه جان فال جان أجمل و أطيب و أحلى و أقوى شخصيه أدبيه مرت علي. أعشق شخصيته.

 

[bnt-jaber]

خوش عيل البؤساء وجين إير
احطهم بالقائمه ^^

حتى انا عندي ذاكرة الجسد بس مو قادره اقراها الحين
خل نخلص رمضان ابي اتفرغلها عدل

مشكورين فديتكم


,


وولكم باك انثى اليمامه
علينا وعليج يتبارك

 

[bnt-jaber]

امس وانا احوس بالنت وهني
سمعت برواية نضال لـ سعاد صليبي بس
بس اول مره اسمع بهالكاتبه
وقريت فقره صغيره من الروايه وحسيت سلوبها فصحى عادي
ماكو سلوب ادبي

مادري شرايكم فيها ؟

 

[blue ocean]

خوش عيل البؤساء وجين إير
احطهم بالقائمه ^^

حتى انا عندي ذاكرة الجسد بس مو قادره اقراها الحين
خل نخلص رمضان ابي اتفرغلها عدل

مشكورين فديتكم


,


وولكم باك انثى اليمامه
علينا وعليج يتبارك

صح وايد حسيتها دسمه ومادري شلون فـ ركنتها :eh_s(1):​

وايد كتب راكنتها عالرف احس دسمممه يبيلها قعده خاصه ومزاج معين​

ومايندرى اذا بقراها :eh_s(4):​

 

[RowTow]

آنا بعد شريت ذاكرة الجسد من فتره. قريت صفحتين و قلبت فيها و قطيتها. ما دشت مزاجي :eh_s(10):

 

[blue ocean]

^^

اي جايده ويبيلها قعده

بس حيل يمدحونها ..

بنات شقاعدين تقرون ؟​

 

[مُخملْ]

شو اخباركم بنات ؟ له وحشه هالمكان
ولكم باك أنثى

بديت في (رأيتُ رام الله - مريد البرغوثي)
من فترة ، الكتاب يسرد تفاصيل فلسطين
بشكل مشوّق جِداً . رائع وماينمل منّه


،

 

[نبض الجود]

آلســلآم عليكم

شششلونكم شخبآآركم .. من زززمآآن عنكم ..

انا حاليآ موقفه قرآآيه برمضآن ..

ان شآءالله بعد رمضآن ببدي من جديد ​

 

[bnt-jaber]

جوو رمضاان حدده مايساعد

كله يمعاات واكل ولا سوق

ماكو وقت ولا مزاج ان قريت صفحه صفحتين واخلي الكتاب

احس تعبت نفسياً من هالجو الملخبط

,

مبرووكـ بلو ع الآشرآف

 

[bnt-jaber]

وهم هالقسم صآير حدده محبط
ونآآيم

يضيق الخلق =(

 

[نبض الجود]

بنت جآبر


آي والله جو رمضآن مو مآل قراءه ..

لانه بروحه مره بالسنه .. اذآ كآن فيه وقت للقرآيه نخليه للقرآآن آفضضضضل ​

 

[bnt-jaber]

اي عشآن جذي

كل مامسكت كتآب يأنبني ضميري ع القرآن

 

[blue ocean]

معاكم حق بنات والله يعيين ويعطيكم العافيه انا عن نفسي فرصتي هالفتره لنه هذي عطلتي​

فالصبح اقرى الكتاب اللي بيدي ومع الصلوات اقرى قرآن والحمدالله عقب ماعدلت نومي ضبطت ​

وقتي وقسمته :ch12:​

بنت جابر​

الله يبارك فيج حبيبتي :eh_s(22):​

مخمل ​

هلا فيج يالغاليه ​

وقراءه ممتعه :eh_s(17):وقولينا عن انطباعج عنها ​

 

[bnt-jaber]

انا بكل الحالات اتشتت بدون راويه

ماعرف اقرا كتاب وبس لازم معاه روايه


بديت برواية سقر نزلتها بالمكتبه الالكترونيه هني

حالياً موصله نصهاا

وليلحيين حلوووه


طبعا كانت بالعصر القديم شوي
ماكان فيه فونات بس فون بيت

وصارت قصة حب بين وحده تمقت العادات وتعتبر الزواج التقليدي كأنها جاريه والزوج شاريهآ
فكانت ترفض بدون ماتسأل

وتعرفت على وآحد بالمكتبه زودهآ بنخسة من كتاب ماكان موجود
وهني بدت القصه

لاتطوفكم


والأحلى منها رواية فتاة سيئه
يمكن ماقتلكم قصتهآ
بس هم تعرفت ع كاتب بمعرض الكتاب
وتكونت بينهم علاقه




والقصتين مشتركين بأنهم يحبون الكتب والاغاني
الي يميز الثآنيه انه اثنينهم كُتآب

 

[نبض الجود]

بنات توني دقيت على دار العروبه ..

يقول المكتبه احترقت ..

بتاريخ 25-7 !​

 

[blue ocean]

^^

وي وعليه عسى محد مات :/

بنوته رواية سقر مو اهي اللي حق شيخه البهاويد ؟ توني من فتره شريتها​

 

[نبض الجود]

^^مودري رد علي هندي يقول فاير فاير ماكو كتب

​

 

[نبض الجود]

بنآت حآبه آبدي اقررآ حق جبرآن خليل جبرآن + آنيس منصور ..
شنو تنصحوني اقرآ ببدآيه قراءاتي لهم ..
احسن 5 كتب لكل وآحد فيهم ..

:$​