مناقشات وسوالف بنات نادي الكتاب

[مُخملْ]

رحيلْ : ماشفته بس يمكن صَارت نقاشات حادة بين العضوات وانحذف الموضوع
عشان مايصير أي تطاول ، الله يعينج :/
.

 

[مُخملْ]

أخييراً : ))))
معرض ابوظبي للكتاب : 28 مارس حتى 3 ابريل

 

[رحيل المرافيء]

مخمل
انتو معرضكم بشهر مارس والبحرين بعد وتوه بعد بسلطنة عمان والرياض
كلهم بنفس الوقت ؟؟؟




انثى
انتي موجودة بتويتر

 

[غيدآء]

السلام عليكم

انا هالايام مشغووله وما ادخل الا علشان اشووف اذا في اي مشكله!

رحيل موضوعج انحذف عن طريقي بناء على طلبج !!

وهالله هالله بالقسم اذا تبون تتناقشون بليز لا تقلبون المواضيع هواش اذا تبون تتهاوشون عندكم الرسائل الخاصه خخخخخخ

نرد للكتب والقراءه

خلال الايام اللي فاتت طبعا كنت بعالم ثاني مع قصائد الشاعر احمد مطر ولازلت

 

[ليلو جبريت]

رحيل اعرفها والبنت حبابه

سمسمة والله نفسيتي مسدودة على القراءة

غيداء لج وحشة


بنات قاعده اقرا عاملة المنزل ، اجبر روحي على القراءة بس عن جد هالرواية خلتني افكر في الخدم اكثر

احس ان نحن نمارس عليهم نفس الضغوط الي الامريكين (البيض ) يمارسونها ذاك الوقت على ذو البشرة الداكنة

نحن نضطهد الخدم الاسيوين ونحتقرهم مو لاجل البشرة بس لا ... لانهم فقراء

مانشرب من كوب هم يشربون منه
مانستخدم حمامهم
دوم نفكر ان فيهم امراض

يعني انا ما افكر شنو شعور الخدامة لما تقص الخضرة حق الطباخ واقوم اغسله من بعد يدها

مانفكر لما نجيب اكل ان يمكن هي خاطرة فيها بس ماتقدر تقول عطوني

زاد حزني )":

 

[سمسمة كويتية]

ليلواي أنا دايما أفكر بالخدم شنو يحسون فيه؟

عشان جذي ماعندي خدامه و ما أبي أييب ما أحب هالشعور

 

[ليلو جبريت]

نحن عندنا ، صج انها حرامية ، وعوبة ، وشيطانة

لكن بعد تكسر خاطري وايد

كأنها الكرة الي كل اهل البيت يشوتونها

 

[أنثى اليمامة]

اي رحيل عندي بس ما ادخله ، لاني ما احبه ،اصلاً نسيت الباسورد .. ما تستهوين تويتر والفيس بوك .. . ماادري ليش ..


​

 

[أنثى اليمامة]

غيداء ياريتج تشيلين بعد موضوع الشعوذة .. !

 

[رحيل المرافيء]

انثى
سألت لج عن الكتاب تاريخ الافكار السياسية بدار العروبة تلاقينه خيتووو

وسألتج عن تويتر لانه في احد مداحرني قلت انتي
بغيت اسألها انتي انثى ههههههههه زين ماتهورت خخخ

 

[كراميلا مرة]

لولو
جبتيها على الجرح
انا على طول يكسرون خاطري الخدم
وفي نفس الوقت اخاف منهم بس شنسوي الدنيا مافيها عدل
ولو انج بتعاملينهم مثلج الكل بينقد عليج
اختي من النوع اللي من تشوف خدامه تجلس يمها وتتكلم معها تقول تكسر خاطري
بس مسكينه الكل قاموا عليها وسمعوها كلام يقولون لها انتي من نفس المستوى مايلفت نظرج الا الخدم
لين هونت
الله يعينهم يارب

 

[أنثى اليمامة]

مشكورة قلبي .. ههه ولا انا ما اداحر احد .. وتويتر اتوقع اسمي تهاني او انثى اليمامه ..والله نسيت .. ههه


​

 

[مُخملْ]

رحيل ، عدنا معارض الكتب في كل إمارة تقريباً فمن بين فترة وفترة تلاقين معرض يديد
اللي اعرفه الرياض والبحرين بس عمان ماعندي فكرة

 

[وهج الحب]

السلام:
اليوم رايحة فيرجن الا اشوف روايه قلبي ليس للبيع ...بصراحة لقد فرحت لك وانا ارى باكورة اعمالك على رفوف المكتبات ...

مبروك ومنها للاعلى ان شاء الله

 

[زهـرة أيـلول]

رحيل صحيح ماسبيتي لكن كان لي إنتقاد ع الأسلوب ..وأهنيج على إختياراتج للكتب بس عندي سؤال الأفكار السياسيه و الأخلاق شاريتهم من مكتبه وحده ..!؟ أمس كنت بروح ذات السلاسل بس قلت أسألج من وين تشترين كتبج عشان أقلدج

ليلو ياليت أنا رفيجاتي مو نفس ميولي وماعندي أحد أناقشه ويناقشني بتويتر أحس إني وحيده

مُخمل معرض موفق عاد أحس الأمارات متطووره عنا ماعندكم كتب ممنوعه نفسنا !!


ليلو على موضوع الخدم إحنا بيتنا يقدس العماله لدرجه أحيان إذا أمي تجيب لنا هدايا تخليها إهي أول وحده تنقي .. ولما تقهوى معاها الصبح أقوم ألصبح أجيب لهم الي ناقصهم من حليب أو سكر وإهي حاطه رجل على رجل ،،

ونفس الشي السايق أحيان يكون ماله خلق يودي أو يجيب يقدرونهم حيييل

وهالشي يرجع لطفولتهم أمي تقول أول لما كنت أهاوش الخدم أبوي يعطي الخدامه إجازه يومين ويخلي أمي تشتغل شغلها ..
أما إبوي ف لأنه كبير بالسن ولحق على أيام الفقر وقبل النفط ف يقوول إنهم فيهم خير الي جايين يساعدونا مقابل شي رمزي وأحيان يمسك ساعه أو عطر ويقول ترا شهريتها بأقل من هالشي وتشتغل وهي مستانسه لانها ما تفكر بالقيمه الماديه كثر ما تشتغل وهي ساكته ،،

صحيح غيداء أنا قبل فتره شريت كتاب يتكلم عن روسو ف بشووف فكره شلون فندوه العرب للأسف لقيت الكتاب يتكلم عن علاقاته العاطفيه !!! بكلام يجرح الحياء يعني الكتاب ما إنتقد فكر إنما إنتقد شخص فكلش ما عجبني ..*

 

[زهـرة أيـلول]

بنات صج في معرض كتاب بالكويت أخر شهر مارس أو إبريل أمس أختي تقولي البنات بالثانويه كلهم يتكلمون !؟
لايكون معرض الطلبه الي بالمدارس ياليت تفيدوني معرض مشرف ولا معرض طلبة !!؟*

 

[كراميلا مرة]

لولو
الف مبرووك
والله من اشوف روايتج استانس جني انا اللي كاتبتها


امل
انا مسويه لج فولو بتويتر
هذا اكاونتي
krmola123@

 

[كراميلا مرة]

قاعده اقرأ
ماجدولين

:eh_s(2)::eh_s(16)::eh_s(11)::eh_s(16)::eh_s(2):

 

[أنثى اليمامة]

حظي مو حلو مع الكتب الي ابيها :eh_s(16)::eh_s(16)::eh_s(16):

سألت دار العروبة عن تاريخ الافكار السياسية ، يقولي خلص وانه ما توقع هذا الطلب على هالكتاب ، جاب 10 نسخ وخلصوا .. يقول " ما توقعت الاهتمام ، كنت خايف يبقوا "

:eh_s(11)::eh_s(11):
​

 

[مُخملْ]

أمل : وهذا الشي المُريحْ ماتلاقين كتب ممنوعة
أنثى : اطلبيه من النت اذا ماقدرتي تلاقينه

،

أمس جهّززت قائمة بالكتب اللي ابيها ، ماتوقعت
يوصلون لهالعدد وأنا ماحصرت كل شي، اتجهت للكتب الجَادةْ
من بين 39 كتاب 4 او 5 روايات ..

عندكم اقتراحات لكتب جديدة ؟