مناقشات وسوالف بنات نادي الكتاب

[أنثى اليمامة]

ليلو خاف صج تسممت يا بنات ... شكله هالمره الرواية فيها زرنيخ ..

ليلو اتركي الروايات العربيه ، وروحي اقري كتب ثانيه او روايات عالمية ههههه ، او نفتحلج مركز مكافحة تسمم بالمنتدى .. على حساب غيداء .. لآنها المسؤولة عن القسم .. فتصير مسوؤلة بعد عن الحالات الغريبة الي نمر فيها بسبب الكتب ههه

 

[سمسمة كويتية]

صباح الخير
والله صج فقدنا ليلو عسى المانع خير

 

[كراميلا مرة]

انا اليوم نفسيتي مسدودة عن القراءة
بس قاعده احاول اغصب نفسي

 

[أنثى اليمامة]

حتى أنا يا كراميلا من أمس واليوم وانا تعبانه .. اسم الله عليج ألم بإذني وصلني مرحلة البُكاء ..

من فتره وجسدي صاير ضعيف أمام الآلام .. مع ان الكتابين الي اقراهم رووعه .. بس ان شاء الله اقدر اليوم أقرأ ...


فكره :
من الآمس وانا أحلم ان يكون بالكويت بكل منطقة ، مكتبة عامة للقراءة ، يجتمع بها القراء .. يقرأون ويتناقشون ..
اتمنى ان اتيه واضيع بمكتبة .. ويبحثون عني طويلاً .. طويلاً ..

الله يا الكتب .. انا احسه مشكلة نفسية عويصه الي اعاني منها ،، لآني أحب اتأمل الكتب ..
الصور الي حطتهم رحيل كل شوي ناطه للموضوع اتأمل المجلدات الثلاثة ..

شحلاتهم ..
​

 

[كراميلا مرة]

سلامتج انثى روحي الطبيب
الأذن المها كبير غير محتمل مجربته مره

وانا والله اتمنى يكون مكتبات في كل مكان للقراءة

 

[أنثى اليمامة]

رحت من الصبح ، ومافي فايده .. شكلي بروح مره ثانية ..

:eh_s(16)::eh_s(11):
​

 

[رحيل المرافيء]

انثى

سلامتج ماتشوفين شر الظاهر كبرنا عيزنا والله )
وبالكويت كل منطقة فيها مكتبة لكن ينقص الاهتمام والتشجيع وايجاد طرق لجذب الناس لها

 

[رحيل المرافيء]

 

[أنثى اليمامة]

الله يسلمج رحيل ... تعتقدين جذي ، لاااااا ،، ابي استمتع بعمري للحين ما كملت 24 ..

والكتب الي تحطينها .. الله .. تهبل كل شوي اتأمل الكتب .. .. خصوصاً كتاب سقراط ووااايد حلو
​

 

[أنثى اليمامة]

تدرين رحيل منطقتنا مافيها مكتبة ، اقرب مكتبة لنا الفحيحيل .. وما اقدر اروح صراحه خصوصاً الفحيحيل زحمه واايد ,,

اليوم مت من القهر على طبيبة المستوصف .. اروح المستوصف والطبيبة بالخفارة توصفلي ادوية غلط تقول في شمع لا والدواء فوار بالاذن هههه ، شلون شمع وانا كل يوم انظف اذاني ,,رحت المستشفى وتوني رجعت ، يقول الطبيب دا التهاب شديد بالأوزون .. ويحتاج 7 تيام ويروح .. وعطاني الصيدلية كلها ...

 

[سمسمة كويتية]

أنثى ما تشوفين شر
أنا عندي مشكله ما أثق بالدكاترة أبدا مادري ليش

والله ودي أروح المكتبة العامة حتى لو بعيده عن البيت عادي بس عاد فيه كتب تسوى؟ خبري فيها من أيام الثانوية

 

[أنثى اليمامة]

الله يسلمج حبيبتي .. شنسوي بعد لازم ناخذ العلاج .. حتى لو ما نثق فيهم

المكتبة انا بعد خبري فيها من ايام الثانوية .. سويت بحث واحتجت لبعض الكتب .. أما الآن ما ادري عنهم ..

بس اول ما عجبني الوضع .. بتاتاً .. مو لانها بعيده ، لا الفحيحيل قريب من عندنا بس الوقت ونظامهم والكتب .. اصلاً مهملة .. حتى الكراسي الي حاطينهم تجيب الغم وين واحد له خلق يقرأ فيها ..


​

 

[رحيل المرافيء]

استعيري الكتاب انثى لاتقعدين بالمكتبة
وذنج يمكن من الماي لاتسبحتي حطي سدادة للاذن
واقري المكتوب على الادوية زين لايكون معطينج ادوية غلط

 

[زهـرة أيـلول]

سلااامات أنثى شده وتزوول ..
شخباركم بنات هالايام نفسيتي متخربطه قاعده أقرى كذا كتاب مع بعض ( روح القانون مونتسكو ) و( كوخ العم توم ) حده حزين
كل واحد أحلا من الثاني قاعده أحاول ادخل يومياً بس يبيله تعود ..
بناات في فلم ع أم بي سي تو راح يطلع يوم الاثنين الساعه 11 من كتاب شفرت دافنشي الي ما قرا الكتاب يقدر يتااابعه

 

[زهـرة أيـلول]

ليلو ماعرفت أسوي اقتباس

بذن الله راح أكتب عن الليبراليه بمنظور مؤسسينها جون لوك وجان جاك روسو وميكافللي وإنتقادات العرب لها ..

للأسف مع إني أحب أفكارها بس أشوف كثير من الي ينتمون لها من عالمنا العربي قاعد يشوهون صورتها ، *

 

[زهـرة أيـلول]

كراميلا عجبتني كتابتج عن اليابان أذكر لما كنت أدرس مادة قيم العمل والولاء كان منصدم إستاذنا من شغله باليابانيين بالحرب العالميه الثانيه كان في العديد من اليابانين في أمريكا يحملون الجنسيه الأمريكيه ورفضوا الوقوف مع اليابان ضد أمريكا لأن أمريكا أصبحت وطن لهم ..

والشي الثاني الطيارين كانوا يقذفون الصواريخ والمعدات على معسكرات العدو بعدين يرجع بطيارته على سفينه أمريكيه ويفجر بنفسه عشان يأخر دخولهم ديرته
وهذا يرجع لمبدئ درسوهم ياه بالابتدائي هو إحترام الجماعه وشلون تواضع مسؤلينهم

درسنا محاضرتين عنهم كانوا من أروع المواضيع

 

[كراميلا مرة]

صباح الخير

امل_ 90

اليابانيين غريبين
كل يوم نكتشف فيهم شيء جديد

 

[كراميلا مرة]

الف سلامه لك انثى
لاتركين نفسك اذا ماراح الالم روحي دكتور ثاني وثالث
لين ترتاحين

 

[مُخملْ]

عُدنا

ثاني كتاب اكمله للنص واوقفْ ، حسيت ان لازم اقرا شي خفيف وارجع مرة ثانية لهم :/
رجعتْ برواية / الرياض - نوفمبر90 ، تتكلم عن حرب الخليج ، لكنها اشبه بيوميّاتْ سعودي
أثناء فترة الحربْ ، للحين ماوصلت الجزء اللي يتكلمْ عن أحداث /الحربْ الفعلية مع اني في أواخر الرواية
الشي اللي حبيته أن معلومات الحرب وتطوراتها تأتي بصورة أخبار في جريدة / الاذاعة ,

التهمت 350 صفحة أمس ـ اخلصها اليوم ان شاء الله واحط تقييم مُفصلْ =)

 

[مُخملْ]

الكتب اللي حاطينها تشدْ =)
أنثى : سلاماتج عزيزتي ماتشوفين شر
ليلى : مالجْ حسْ هني :/


/

س:تقرون ل.رضوى عاشور ؟