مناقشات وسوالف بنات نادي الكتاب

[أنثى اليمامة]

هلا بالزين كله

تو ما نور المنتدى برجووووووعج

أنا وحدة ولهااااااااااانة حيل لمواضيعج الشيقة

أنتظرج

موفقة يا قلبي

هلا ومليون هلا ببنوته الورده ..
انتي الي منوره حبي .. واشتقت لج وااايـــد

 

[كراميلا مرة]

مادري ليش اليوم احس نفسي مكتئبه جدا
وعندي رغبه بالبكاء :eh_s(2):

 

[كراميلا مرة]

انا انتهيت من الروايه
حاولت كثر ماقدر اركز فيها لانه يبي لها تركيز كبير احداثها متداخله والاسماء صعبه

 

[كراميلا مرة]

كوكو نفس الاحساس جاني أول ما استخدمته

بس راح تتعودين عليه أهم شي ما تيأسين

كا احاول اتعود عليه
اليوم ضليت ساعه احاول ادخل :d
نسيت الباسورد

 

[أنثى اليمامة]

عسى ما شر ، كراميلا .. شفيج يا قلبي ليش متضايقه ...!


​

 

[كراميلا مرة]

احيانا من اجلس من النوم احس نفسي متضايقه وحزينه
وابكي من غير سبب:eh_s(16):

 

[أنثى اليمامة]

سلامتج من الضيقه يارب .. يمكِن انتي واايد تكتمين بقلبج عشان جذي .. تحسين بالخنقة
​

 

[كراميلا مرة]

^ ^ ^

الله يسلمك انثى اي وايد متعبني اني ماعرف افضفض

 

[ليلو جبريت]

كوكو لاتكتمين


انا توني راجعه وعن جد تعبانه \:

 

[بنوتة طموحة]

ليلى ردت علي وقالت لي تلقينه بمكتبة العروبة

بحاول أروح للمكتبة باقرب فرصة واخذه

 

[بنوتة طموحة]

بنات لا تكتمون أحاسيسكم

عبروا بكل الوسائل والطرق

اكتبوا .. ارقصوا .. استحموا.. ابكوا

سووا أي شي

أهم شي تعبرون

أنا عن نفسي أسوي كل هالوسائل

 

[أنثى اليمامة]

هلا بنوته ,, معاج حق ,, لازم نعبر عن انفسنا .. مو شرط نتكلم لانسان معين .. حتى نفضفض ..
كوكو لا تكتمين وعبري عن نفسج بأي شي ..

بنوته شنو الكِتاب الي تدورينه .. انا بعد ادور كتب .. وشاديه الي بمكتبة العروبة قالت لي ان يوم السبت رح يجي واحد من معرض مصر ,, وانها وصت على الكتب الي طلبتها .. لاني ما حصلتها دقيت على الاشراف حولني على جرير ، وجرير حولني على العجيري .. ومافي .. وبقى الامل بمجموعه الكتب الي بتوصل لمكتبة العروبة يوم السبت من مصر ...


​

 

[كراميلا مرة]

مشكورين بنات على اهتمامكم
ان شاء الله راح اطبق اللي قلتوا




ليلو فقدتك اليوم

 

[كراميلا مرة]

طبعا اتوقع مافي احد انتهى من الكونت دي مونت كريستو غيري


اليوم بديت في عزازيل ليوسف زيدان لكن ماقريت الا جزء بسيط حوالي 60 صفحه

 

[شموخ روحي]

أرقُب خجلا ..

لظروف السفر والأنتقال والكتاب إلكتروني لم أستطع إكمالُه

وصلت 100 اليوم

وعزازيل سبقتُك ياكراميلا بقرأتْه " إنتقال لعالم الرهبنه وضخم حوادثُها الماضيه " ويوسف زيدان المسلم ذكرها كــ رهباني مسيحي

وإي طرح ٍ جديد من دواعي سروري المشاركه ..

 

[أنثى اليمامة]

للأسف ظروف العمل والانشغال الكثير هاليومين منعني القراءه ..


​

 

[شموخ روحي]

أكملتُها جميله ياكراميلا ..

أنتقل لكتاب ريز خان الوليـــد .

 

[كراميلا مرة]

وانا بعد حبيتها حسيتها تشغل المخ اثناء القراءة وماتملل

 

[ليلو جبريت]

صباح الخير

اليوم باكمل القراءة مع ان نفسيتي مسدودة شوي

 

[ليلو جبريت]

بنات كل وحده تختار رقمها المفضل وتسدح النتيجة خل نتعرف على شخصيات بعض

http://www.sehaonline.com/survey.php?id=18



انا 3