مناقشات وسوالف بنات نادي الكتاب

[ليلو جبريت]

انثى الحمدالله تمام ياليت ترجع

اقرأ حاليا مذكرات هيلين

وتوه من شوي واصلني كتاب من الاستاذ الفاضل خالد سالم

قاموس الكلمات الاجنبية في اللهجة الكويتية

ماقصر الاستاذ صراحه (

عاد انا ينوني هالسوالف

وكتبلي اهداء

صورته وبارفع لكم الصور

 

[كراميلا مرة]

حتى انا احب هالسوالف
وياليت ترجع انثى حيل افتقدتها وافتقدت الرقي في اختيار الكتب عندها

وبانتظار الصور

 

[ليلو جبريت]

اليوم ان شاء الله

 

[رنـا**]

بنات افاق اي صوب بشويخ؟

 

[RowTow]

حصيلتي من جرير اليوم

متشوقه حيل حق عزازيل.
بيدي كتابين ألحين إن شاء الله بس أخلصهم أقرا عزازيل و وراها روايتين ملوت وائل رداد, شكلهم قصار و خفيفين.

 

[ليلو جبريت]

قراءة ممتعه لج

عزازيل حلوة و 18 +

بصراحه مو قادرة اترك لكتاب من الفرحة

 

[كراميلا مرة]

انا من كلامكم على عزازيل حيل متشوقه اقراها مع انها موجوده من مده وكل مافتحها اتركها

ومن اقول بقرا روايه او كتاب اشوف اللي احسن منه واتركه :bbbiu:
مادري متى بخلص كل هاللي عندي :eh_s(10):

 

[ليلو جبريت]

اي حلوة وتاريخية

يمكن ماتعجب ناس من حيث الفكرة بس انا عجبني خيال الكاتب

كوكو اذا مليتي من روايتي ارميها ولا تهتمي

والله هالرواية مو راضية تخلص وتفكني اللحين في مشكلة مع الغلاف \:

ان شاء الله تنحل وتريح دماغي

 

[كراميلا مرة]

لا ماحسيت بالملل والاحداث مشوقه بدون مجامله
ودي ماتركتها بس من الازعاج اللي جنبي وقفت قراءه واكملها بكره
وصلت لصفحه 140
وانا اقرا احس الروايه والكلام مايشبهك مادري ليش !!
وليلحين مالقيت عيب فيها
واول ماخلص منها اقولك رايي كامل فيها وانا ماسكه ورقه وقلم اذا شفت ملاحظه بكتبها

 

[ليلو جبريت]

!!!!

غريبة ، خلاص تخلصين ناهد وتدشين الشخصية الثانية ونشوف

وكيف مايشبهني ؟

 

[كراميلا مرة]

مادري ليش جذي حسيت

يعني وانا اقرا انسى انك انتي اللي كاتبتها
ماعليك مني انا كل من اقرا روايه او كتاب اشوف تناسب للكاتب او لا :eh_s(10):



ليش عندج احساس انها ممله
كل اشوي تقولين لي قطيها :rgewrg:

 

[رحيل المرافيء]

صباح الخير بنات

حبيت اعلق على موضوع القسيس
القسيس مايتزوج بس بالآونة الاخيرة اسمحوا لهم بعد ماشافوا انتشار العلاقات المحرمة
سواء يقيم علاقة مع راهبة او مع الاطفال الايتام المقيمين في الكنيسة
فاسمحوا لهم بهالشي وكل طوائف المسيح ماعندهم طلاق والراهب او القسيس مايتزوج
بس في امور تغيرت كثير
وايضا اللي يتطلق مايتزوج مرة ثانية
مثل ماصار مع الممثلة هالة صدقي خلعته وفقا للدين الاسلامي وبعد ماتطلقت تزوجت
وطليقها رفع دعوى لانه لايحق لها ان تتزوج لكن البابا شنودة سمح لها بالزواج
وماسمح له هو بالزواج
يعني الشغلة على كيفهم

وبعدين بعض الكنائس النائية البعيدة تلاقون القس لاعب على كيفه

 

[ليلو جبريت]

مادري ليش جذي حسيت :d

يعني وانا اقرا انسى انك انتي اللي كاتبتها
ماعليك مني انا كل من اقرا روايه او كتاب اشوف تناسب للكاتب او لا :eh_s(10):



ليش عندج احساس انها ممله
كل اشوي تقولين لي قطيها :rgewrg:

هههههههههه

سوري بس لاني قرأتها كثير فمليت منها

 

[ليلو جبريت]

صباح الخير بنات

حبيت اعلق على موضوع القسيس
القسيس مايتزوج بس بالآونة الاخيرة اسمحوا لهم بعد ماشافوا انتشار العلاقات المحرمة
سواء يقيم علاقة مع راهبة او مع الاطفال الايتام المقيمين في الكنيسة
فاسمحوا لهم بهالشي وكل طوائف المسيح ماعندهم طلاق والراهب او القسيس مايتزوج
بس في امور تغيرت كثير
وايضا اللي يتطلق مايتزوج مرة ثانية
مثل ماصار مع الممثلة هالة صدقي خلعته وفقا للدين الاسلامي وبعد ماتطلقت تزوجت
وطليقها رفع دعوى لانه لايحق لها ان تتزوج لكن البابا شنودة سمح لها بالزواج
وماسمح له هو بالزواج
يعني الشغلة على كيفهم

وبعدين بعض الكنائس النائية البعيدة تلاقون القس لاعب على كيفه

صباح النور رحيل

والله دينهم واضح ان في ثغرات

وسمعت عن هالموضوع وفي فلم عن مراهق يقتل قسيس لها السبب

مشكورة رحيل على المعلومات ومنورة

انا ترى مارسلت الرساله

زايرتني العدوة ولايعه جبدي

 

[رحيل المرافيء]

بنات افاق اي صوب بشويخ؟

افاق بمجمع تلال مقابل هوم مارت قبل معرض بيت التمويل للسيارات فيه لفة لفيها
وبتلاقين مجمع تلال


////////////////
ليلو
على شريعتي منهوو بعد ؟؟؟
خلصتي من علي الوردي رجعتي على شريعتي ؟؟؟!!!!

 

[ليلو جبريت]

مفكر ايراني

 

[كراميلا مرة]

هههههههههه

سوري بس لاني قرأتها كثير فمليت منها

اكيد بتحسين بالملل لانك انتي كاتبتها وعارفه الشخصيات
ومراجعتها ومدققتها واخذت منك جهد فخلاص مليتي منها
وحسيتها ومملله
بس انا اول مره اقرأ الروايه ونظرتي غير من نظرتك لها

بس نصيحه لا تقولين مملله لانه اذا كررتي اكثر من مره انها ممله خلاص ترسخ بالمخ انها مملله
مثل ما اذا وحده عاديه جات تقول انا جميله جميله حتى لو مافيها جمال بتحسينها حلوه لانه خلاص المقوله ترسخ بالمخ
خلي القارىء يحكم عليها من غير تأثرين على رايه

سوري قرقت وايد

 

[ليلو جبريت]

هههههههههههه

خلاص بسكت

اخذي راحتج

 

[كراميلا مرة]

شكله مافي احد اليوم بالقسم
المواضيع كلها نايمه

وايد بنات اختفوا

 

[كراميلا مرة]

وصلت لصفحه 274 من الروايه وقفت

ودي اعلق على الروايه بس مخليه التعليق للنهايه

ليلى اشتقت للقراءه الجماعيه
خلينا نتفق ونقرا مع بعض