مناقشات وسوالف بنات نادي الكتاب

[ليلو جبريت]

بنآآآآآآآت وش رايكم برواية عيون قذرة؟؟

صديقتي بتعطيني اياها اقراها بس بشوف رايكم ؟؟

انا قرأتها بس جدا حزينة

اقريها يمكن تعجبج

 

[ليلو جبريت]

عيون قذرة يمدحونها لقماشة العليان كل كتاباتها حلوة

::::::::::::::
امس كان منقطع اتصال النت مدري شفيه فبدأت اقرأ قصة الرجل الذي افسد هادلبرج لمارك توين
مبين حليوة
وان شاء الله اكملهاا عاد

منوورة رحيل :eh_s(17)::eh_s(17)::eh_s(17):


وانتظر رايج في القصة

وياليت تعطيني قائمة من ذووقج لان حابه اوصل لمستواج في القراءة




ياسمين ان شاء الله اللحين اشارك

 

[مي**]

بنات قريتو امرأه وظلان؟او قصه الاميره سلطانه(روايه مترجمه) اظن اسمها الثاني الحلال والحرام

عندي اياهم ومتردده اقراهم الحين او أأجلهم واقرا شي ثاني

 

[ليلو جبريت]

انا قرأتها يقولج قصة حقيقية

................

مالي خلق اقرأ اليوم

 

[amoOoNA Al_mazyoNa]

بنات قريت نص كتاب بعد منتصف الليل .. اهي قصص حقيقية و لا لأ ؟؟

 

[ليلو جبريت]

حق منو ؟

 

[amoOoNA Al_mazyoNa]

عبدالوهاب السيد

 

[ليلو جبريت]

الكاتب عبدالوهاب يقول ان يمزج بين الحقيقة والواقع

اذا تبين بسأله عنها

 

[ليلو جبريت]

خلصت ممو زين (ملحمة الي تبي تتعلم كلمات فصحى تقرأها )

واقرا حاليا حليم وانا (بقلم الدكتور الشخصي لحليم )

 

[ليلو جبريت]

ترياق اليوم الجمعه عنددكم

ونحن عندنا السبت

متى ناوية نقرأ الرواية ؟

 

[غيدآء]

السلام عليكم

خلصت من يوميات آن فرآنك

بشووف شنو راح اقرا in next time وبقوولكم

 

[amoOoNA Al_mazyoNa]

الكاتب عبدالوهاب يقول ان يمزج بين الحقيقة والواقع

اذا تبين بسأله عنها

إيي سأليه إذا ما في كلافه

حبيبتي انتي :eh_s(7):

 

[عيون روحي]

السلام عليكم بنات انا اسفه اضطريت اني اسافر و مارجعت الا امس وماكملت سعار راح اكملها و ارد لكم

 

[ليلو جبريت]

امون سألته حبيبتي

هذي سؤالي

السلام عليكم استاذ ، صديقتي تقرأ لك كتاب اسمه بعد منتصف الليل وحابه تعرف اذا القصة حقيقية او لا

هذي رده

القصص فيها اجزاء حقيقية وانا اضيف لها من خيالي ومشكورة وايد ?



امووونه حابه اوصله شي ؟

 

[ليلو جبريت]

غيداء ننتظر رايج


عيون روحي الحمدالله على السلامة
اخذي راحتج

 

[~ تريآق]

السلااااام عليكم ^^

:
.
ماشاء الله غيداء .. طيب هاااتي رايج .. لأني طلبت الكتاب ولسه بالطريق عشان أحدد متى راح اقراه

:
.

اخباارج ليلى وكيف ايامج .. بشري لج خلق تقرين الحين ؟!
اليوم المفروض بديت فيها .. بس طلعنا رحلة للجبل مفاجئة وماقريت شي طبعا لأنو لازم لها لاب توب :bbbiu: مرررة تمنيت لو عندي نسخة ملموسة وقتها :eh_s(4):

ان شا الله اليوم ببدا فيها

:
.

نوورتي عيون روحي .. الحمدلله عالسلامة :eh_s(7):

 

[ليلو جبريت]

اخيرا ترياق

ترى كنت بخوون فيج وبقرأ رواية ثانية

خلاص اليوم نبدأ بسقف الكفاية جم صفحه حابه تقرأين

 

[~ تريآق]

صرآآحة ليلى .. من حقج والله ... ولو سويتينها ما بزعل

أنا تخيلت اني بلقى نت هناك وكل شي وقلت برسلج وبعتذر .. بس مافيه أي شرطة هناك

وطلعنا من الصبح بكيير .. ومامداني ادخل اشيك واتعذر

.. فمرررة عذرا يا ليلتنا الجميلة :eh_s(7):

:
.

انا النسخة البي دي افيه .. تقول ان فيها 200 صفحة

نقرا النص ؟! .. والا تحسينه كثير ومايمديج .. خاصه ان وراج سلاسل من الكتب ?!

 

[ليلو جبريت]

عادي بس كنت انتظرج
وعندي جم كتاب اقراهم بس ماكو رواية

امس كنت بقرأ وكنسلت



الرواية الي عند 470 صفحة

صبري بابحث عن النسخة الالكترونية

 

[ليلو جبريت]

نفس النهاية الي بالنسخة pdf

بس بقولج خل نقرأ للفصل الثالث شو رايج
بيكون ص 109

ترى على ترقيم الصفحات لان النسخه الي عندج صفحتين صفحتين