مناقشات وسوالف بنات نادي الكتاب

[أنثى اليمامة]

مساء الخير ... !

ليلو واايد تاكلين كيك .. بس خلاص بتنتفخين علينا ..
كوكو أنا أكتب بايدين اثنين ، تعودت بسبب الشغل ، ووأكتب سريع باللغتين العربية والانجليزية ..

مازلت اقرأ بالمجلد الثاني لديستوفسكي .. المجلد الثاني تقريبا من 727 صفحه ..



​

 

[ليلو جبريت]

ما ادري كوكو اذا نسخه تعور العين بنقرأ شي ثاني

انثى خليني اكل يوعانه

بصراحه ما ادري انا شربت قهوة والله منوم
موقادرة افتح عيوني

 

[كراميلا مرة]

اي عاد اللغه الانجليزيه ساعه على ماشوف الحرف :eh_s(22):

والله احس اني فاشله ودي اتعلم بس ادري اذا اخذت دورات مراح اتعلم بسرعه
كله من نظام الدراسه الفاشل المقرر الانجليزي ماخذناه الا بالمتوسط
وبس الاساسيات <<<<<منفتحه قريحة السوالف والقرقه اليوم

 

[كراميلا مرة]

ليلو اصابتك تخمه

وعادي انا اذا كامله اقراها اكبر الخط
بس مو متاكده منها

 

[أنثى اليمامة]

غيداء تروحين وترجعين بالسلامه ..

بالعافيه ليلو .. واكلي عني بعد كيك .. اليوم انا بديت مره اخرى ان شاء الله رجيم .. ههه ابدأ بالربيع ..

تدرين .. كراميلا نظام التعليم عندنا فاشل بجد .. كل هم التدريس ان الطالب يجتاز المراحل الدراسيه وبس .. من غير وعي هل الطالب فعلاً ادرك المعلومة .. مافي مدارس للتعليم والتثقيف .. بل مدارس الأن يخرج منها الطالب وهو أسوء بكثير مما كان عليه ..

أحلى نظام التعليم الياباني .. !


​

 

[كراميلا مرة]

بس يمكن التعليم عندكم اهون منا اللي اشوف الاغلب ملم باللغه الانجليزيه
احنا مدارسنا ماتعطي شيء مفيد بخصوص اللغه



الظاهر مو بس مشتركين في القراءه كلنا مشتركين بالرجيم بعد
انا يوم رجيم وعشره بلع مادري متى بلتزم :0bee2e8d89:

 

[ليلو جبريت]

كوكو ماكملت الكيك اصلا ، شاربه قهوة لاني ابي اسهر

انثى كلمينا عن التعليم الياباني

 

[كراميلا مرة]

ليلى
عليك بالعافيه
وهذي النسخه اللي عندي
قارنيها باللي عندك وشوفي اذا كامله
http://www.4shared.com/office/RPDFBcOM/______.html

 

[أنثى اليمامة]

ليلو نظام التعليم باليابان يعتمد أساس على التطبيق لا على الحفظ والطفل يدرس 9 سنوات الزاميه وينتقل ولا خوف من الرسوب لانه ينتقل تدريجيا وبعدها يأتي خيارين ان ان الطفل يتجه للتعليم الأكاديمي ، او التعليم الفني
وبعد التخرج يتجه الطلاب منهم للكليات والغالبية لسوق العمل .. وهذا الفايده انهم من المدارس .. يحدودن للطلاب مثلاً ليلو تحب العمل اليدوي وعلى الالات فتتجه للتعليم الفني وبعدها تتخرجين جاهزه للعمل ..

يعني الي ما عنده ميول ادبيه وعلميه يعلمونه الحرفه ، وبهذا يخصصون مجال عمل للكل .. ويوفرون الايدي العاملة
​

 

[أنثى اليمامة]

تدرين ليلو لما اقول التعليم باليابان الافضل .. قياساً عندنا التعليم البريطاني والأمريكي ذو مستوى عالي .. وهذا لا خِلاف عليه .. ولكِن ما رأيك ان مستوى طالب ياباني عمره 12 سنه ، يعادل مستوى طالب بريطاني او امريكي عمره 15 سنه .. عشان جذي اليابان بتطور مستمر ، غير متوقف ..
​

 

[ليلو جبريت]

ان شاء الله كوكو

انثى آه ياقرحتي بكره بكسر باب وزير التعليم وبقوله شفت التعليم الياباني كيف مو انتوا << اي حق طيران على بوزعبل خخخخ


صار خاطري أقرا كتاب يتكلم عن التعليم الياباني

 

[أنثى اليمامة]

ليلو بصراحه مو بس التعليم ،، اشياء كثيره جداً هي سبب حضارة اليابان وتطوره ..
وأهمه تمسكهم بقيمهم واصالتهم ولغتهم ولم يسيروا مثل الأخرين وراء التيار السائد ,, بل جعلوا تطورهم ينبثق من رحم القيم اليابانيه نفسها .. وكذلك التربيه بالبيت .. يعلمون الطفل الاحترام والالتزام بالواجب والياباني عنده الالتزام بالواجب أمر مقدس .. يضحون بحياتهم من أجله .. وشي مهم يا ليلو عندهم المساواه بالتعليم بشكل مو طبيعي .. مو نفس هني ولد الغني يتعلم غير ولد الفقير المناهج اليابانيه كلها متساوي لجميع الطلاب من كل الديانات والطبقات ..

شي عجيب لو نقعد مية سنه ما نوصل لهم .. !


​

 

[ليلو جبريت]

الي سمعته ان اليابان بعد الحرب العالمية ابعدت الجيش عن الحكم وكان هذي سبب قيامها

المهم تصبحون على خير مو قادرة افتح عيوني بعد هالقهوة

 

[أنثى اليمامة]

هذي كتب لقيتها بالنت لعيونج ليلو .. عدد الكتب = ١٢ كتاب
​

كتاب : اليابان -العادات والتقاليد وإدمان التفوق- ..(السفير عبدالفتاح شبانة)
كتاب : اليابان بدون نقاب ..(ايتشيروا كاوازاك)
كتاب : اليابانيون ..(رادوين رايشاور)
كتاب : مفاكهه الخلان في رحله اليابان ..(يوسف القعيد)
كتاب : خواطر من اليابان ..(احمد الشقيري)
كتاب : تاريخ اليابان من الجزور وحتى هيروشيما ..(ادوين ريشاور)
كتاب : الصراع علي القمة (مستقبل المنافسة الاقتصادية بين أمريكا و اليابان)
كتاب : معتقدات اسيوية.. العراق/الهند/الصين/اليابان/فارس لـ (كامل سعفان)
كتاب : التعليم في اليابان ..(عرض وتلخيص: محيي الدين توق)
كتاب : المعيقات الطبيعية في اليابان ..(مذكرة جغرافيا ٢ متوسط))
كتاب أساسيات اللغة اليابانية وقواعدها.. (Haroon)
كتاب : تعليم اللغة اليابانية
​

 

[كراميلا مرة]

اليابان يكفيهم بس الديمقراطيه مو مثل اللي عندنا
لو نضل مليون سنه مانوصل لهم


ومشكوره انثى على الكتب ادري مو لي بس ممكن احملهم

ليلى تصبحين على خير واحلام سعيده
نام بكير تصحى بكير شوف الصحه كيف تصير

 

[ليلو جبريت]

مشكورة انثى بكره ارجع للكتب

كوكو ذكرتيني اول انام بكير واصحى الساعه 2 ونص \: قلنا اصحى بكير بس مو كذا

 

[كراميلا مرة]

هههههههههه

الظاهرتنامين من المغرب

 

[أنثى اليمامة]

لا شدعوه كوكو // كل الي احطه للجميع .. !


​

 

[كراميلا مرة]

مشكوره مره ثانيه :eh_s(7):

 

[كراميلا مرة]

صباح الخير
اليوم بحاول انتهي من هالروايه مليت منها ماودي اكملها