مناقشات <رشيقات العيد> ملاحظات ،، نفسيات ،، ربعن تعاونوا ماذلوا :)

[زعفرانة_73]

صباح الخير عالحلوين
===
بنات لاحظت روحى لما اشرب جاى ماانام بالليل اظل اتقلب فتره يالله انام، شنو عندكم بدائل للسوائل ما تسهر:ch12:، وتكون قليلة السعرات.
دققت مثلا على عصير التفاح kdd اهو 250 مل طلع فيه117 سعره حراريه.​

 

[ضــمــاد]

بالاضافه للي قالته فواصل


عشوقه .. انتي تقسيين على نفسج

ودي اعلم نفسي ان اكتفي بوحدة ثنتين وخلاص
ليش كل مرة هجوووم

لا حول ولا قوة الا بالله

لما تحبين نفسج وتكونين حنونه معاها


لما تتصالحين مع نفسج .. وقتها راح تكونين مرتاحه


راح تصدين عن الاكل حتى لو يغصبونج .. ماراح تتأثرين لانج


متصالحه مع نفسج .. وتدرين انج تحبينها وبتحافظين عليها


فـ هالأكل فمهما يغصبونج ماراح تهتزين ..


في كلمات حذفيها من قاموسج واستبدليها بكلمات صح


وبرمجي نفسج .. لاتقولين بسوي رجيم


لاتقولين انا ماقدر اقاوم اغراءات الاكل


لاتقولين بعاقب نفسي وبحرم نفسي لاني خربطة


لانه كل هالتفكير السلبي .. راح تطلع نتيجته عليج .. وشي طبيعي بتكون نتيجه سلبيه


اما لو كان تفكيرج ايجابي .. و لو كنتي تبرمجين نفسج ( يعني افكارج تكون ايجابيه )


صدقيني راح توصلين لهدفج .. وانتي بقمة السعاده والرضا


استبدلي الكلمات .. بدل كلمة رجيم .. قولي أكل صحي


لاتحرمين نفسج .. شرايج باللي تقولج


اليوم سناكي للعصر .. ( كابتشينو + اكلير )


كابتشينو تروبيكانا + اكلير من دايت سنتر


ان اشتهيتي شي أكلي عن خاطرج لاتحرمين نفسج


وبنفس الوقت لا تهدين نفسج مره وحده .. لاتقولين ماقدر امسك نفسي


صدقيني لو قررتي تمسكين نفسج .. راح تمسكينها


لكن انتي قاعده تقررين العكس .. قاعده تقررين لا شعوريا ً انج موقادره تقاومين


فتصرفاتج نتيجه لأفكارج


عشوقه .. بيوم ما كان وزني 80 ونص


كنت مثلج ومثل البنات .. قعدة 4 سنين وانا من رجيم لي رجيم


مافي حبوب ما بلعتهم .. مافيه شي ماشريته


لكن ماشفت نتيجه .. تدرين ليش ؟


لانه الفكار اللي تدور براسي .. نفسها ماتغيرت


فتشوفيني أضعف شوي .. وبعدين اسحب بالرجيم واغيب بالاكل


اكل اكل اكل اكل .. حتى لو ماكنت يوعانه !


لكن لما غيرت افكاري لما تعلمة شلون احب نفسي


والله العظيم صرت تلقائيه اكثر .. والله يحنون علي تعالي المطعم شدعوه


يوم ما يأثر .. لكن مايهزني كلامهم ولا اروح معاهم .. هذا اذا كنت ماكله شي دسم

قبل هاليوم اللي بيروحون فيه المطعم .. عرفة شلون اوزان اموري

تدرين من شهر او شهرين شريت من تاجره بالمنتدى حبوب الاساي

عن الحلال والحرام استخدمتهم 3 ايام او 4 ..

اللي لاحظته انهم سببو جفاف لجسمي .. عاد لما شفت الورقه اللي بالعلبه

منبهين على شرب الماي .. وانا ماكنت اشرب

رغم هذا حذفتهم .. قبلها .. طلبة القهوه الخضرا .. وللحين محذوفه عندي

يعني حيل فرق عن اول .. اول من يقولون عن منتج للرجيم

اشتريه .. اجربه وحالتي حاله

الحين ماقاموا يهزوني كثر قبل


وهالمرتين اللي شريت فيهم الاساي والقهوه .. لانه وزني له جم شهر ثابت


فقلت يمكن هالحبوب تكسر ثبات الوزن .. هذا كان هدفي من الحبوب


فـ ياعشوقه .. فكري فيها .. اقري تجارب الناس اللي قدروا يضعفون


تعلمي تبرمجين نفسج للرشاقه .. الرشاقه مو كيلوات نتخلص منها !


الرشاقه جسم مشدود .. متناسق .. مرتب .. تعلمي شلون تصيرين رشيقه


شوفي هالخريطه الذهنيه ممكن توضح لج الفكره

شفتي ! هذا جزء من عالم الرشيقات


يعني مو بس يشتغلون على الدايت لالالا


يركزون على افكارهم على ثقتهم بنفسهم على الرياضه على التفكير الايجابي


على حضور المناسبات والحفلات لانها تحفز الوحده انها تستمر بالاكل الصحي


يتمتعون براحه نفسيه مايتحاشون الناس بسبب زيادة الوزن لانهم يدرون الأيام


اليايه راح تضحك لهم .. لما يوقفون ع الميزان ويشوفون الرقم المثالي


يتلذذون بالاكل ( ولاحظي الرشيقات كميات اكلهم بسيطه لكن يستمتعون ويتلذذون فيها


اما الدبدوبات مثلنا .. ناكل بدون لانتلذذ بدون لانتنطع بالاكل وهالشي غلط )


الرشيقات يحرصون على تثقيف نفسهم .. لانه عندهم حب لذات ..


بعكس الدبدوبات .. يتعاملون مع ذاتهم وكأنها عدو لهم ..


ممم قرقة وااااااااااايد .. بس الباقي اكثر لووول


فكري بنفسج عدل عشوقه :eh_s(17):​

 

[فواصل]

ضماد

جزاجالله خيرا على كل كلمة تقولينه لنا في هالتجمع

وجعله في ميزان حسناتج

 

[modern]

انشالله يا رب تكونو من رشيقات العيد هالسنة

 

[كتكوته نورة]

صباح الخير عالحلوين
===
بنات لاحظت روحى لما اشرب جاى ماانام بالليل اظل اتقلب فتره يالله انام، شنو عندكم بدائل للسوائل ما تسهر:ch12:، وتكون قليلة السعرات.
دققت مثلا على عصير التفاح kdd اهو 250 مل طلع فيه117 سعره حراريه.​

أنا اشرب شاي اخضر بالنعناع او شربي حليب حار مع زعفران وهيل حلووو ومفيد طبعا خالي الدسم :eh_s(15):

 

[تووته البسكوته]

ممكن تشربين جاي اخضر بس انا ماحب اشربه لان احس يخليني ادش الحمام وانتي بكرامه واايد ..فيخرب نوومتي كل شوي اقوم من النوم اشربه ع المغررب جذي ومثل ماقالت كتكوته نوره الحليب حلووو

 

[زعفرانة_73]

كتكوته
توته
الله يوفقكم تسلمون
حاطه فى بالى اسوى مشروب اكليل الجبل يقولون يحسن من الحاله النفسيه ويرفع المعنويات.
وبطلع مقلاة التيفال ام ملعقة زيت بسوى فيها الزهرة والخضروات.​

 

[ضــمــاد]

كتكوته

توته
الله يوفقكم تسلمون
حاطه فى بالى اسوى مشروب اكليل الجبل يقولون يحسن من الحاله النفسيه ويرفع المعنويات.

وبطلع مقلاة التيفال ام ملعقة زيت بسوى فيها الزهرة والخضروات.​

ضيفي الى ذالك


ممتاز للدهون العميقه يعني اللي بالبطن والارداف


بس لاتكثرين .. لانه موزين .. يعني حدج كوبين باليوم


اذا تحبين بعد الغدا بساعتين وبعد العشا بساعتين

 

[ضــمــاد]

ضماد

جزاجالله خيرا على كل كلمة تقولينه لنا في هالتجمع

وجعله في ميزان حسناتج

آمين


وياج يالغاليه :eh_s(7):

 

[ضــمــاد]

بنات لايطوفكم هالموضوع عجيب



http://www.q8yat.com/t1074854.html​

 

[Aryam30]

كتكوته نورة

بالعافيه انشالله بس عفيه شلون تقسمين الكالوري؟ وشلون اعرف انا جم محتاجه باليوم؟

فاطمه لازم تاكلين في اليوم بحدود 1100 ومااتعدين 1500 يعني خلي نظامج 1300 وكل ماتنزلين 5 كيلوات تقللين السعرات فاطمه روحي صوب وجبات دايت سنتر ولوفات بالجمعيه اشتري لج وجبه رئيسيه وسلطتين وسناك ووجبتين ساندويش توست او خبز او صمون هذيل الوجبات حق يومج كله ريوق ( ساندويش )
غدا ( سلطه مع طبق رئيسي )
سناك
عشا (سلطه مع طبق الساندويش الثاني )

وحسبي عدد السعرات فيهم كلهم المهم ان مايتعدا 1300 حبيبتي

 

[زعفرانة_73]

ضيفي الى ذالك


ممتاز للدهون العميقه يعني اللي بالبطن والارداف


بس لاتكثرين .. لانه موزين .. يعني حدج كوبين باليوم


اذا تحبين بعد الغدا بساعتين وبعد العشا بساعتين

ان شاء الله ضماد حبيبتي ​

 

[زعفرانة_73]

اي صج زعفرانه << يحلات اسمج
شفتج حاطة صورة السلري بوجبتج صحتين وعافيه ف بسأل اهو عادي يتاكل ني جذي نفس الخضار الورقية ؟؟
لاني ماابي اسوي شوربة

حبيبتي عاشقة الكاكاو مشكوره
نسخت ردج وحطيت بالمناقشات
صار لبس بالموضوع
المنافشات للنقاش
واليوميات بس صور وجباتنا
اعتذر منج كتكوته حبيبتي


بالنسبه للسلرى عادى وينحط مع السلطة والشوربه اذا حبيتي.

​

 

[زعفرانة_73]

بنات حبيباتي
اليوم سويت شوربه خفيفة عالغدا وتشبع الحمد لله
مكوناتها
===
حبة جزر/ حبة كوسا/ بصل متوسط الحجم/ زهره / ورقتين ملفوف(كرمب)/غصن سلري واحد.
تفرم الخضروات وتوضع مع ماى ومكعب ماجى وكمون وفلفل أسود.أخذت مقدار 250 مل .
خفيفه وصحيه .​

 

[كويتيه سبيشل]

صباااح الخير بنااات

شلونكم اليوم مع الدااايت ؟؟....

 

[googoosh]

انشالله عقب باجر ببدي مع هيلث كومباني اول مره اشترك معاهم ..

انا على طول اشترك بدايت كير بس احس خلاص مليت و حفظت اكلهم مع انه لذيذ حدددده بس عشان التغيير ..

المشكله الاخصائيه حبطتني شوي قالتلي انتي وزنج قريب من الوزن المثالي عشان جذي لا تحطين ببالج تنزلين وايد و قالتلي الحين الرياضه لازم تكون اساسية ويوميه و نصحتني بالسباحه و المشي كلامها مقنع الصراحه بس احس تحبطت شوي ..

البنات اللي وزنهم قريب من الوزن المثالي او وصلتوا الوزن المثالي من قبل شنو سويتوا و شكثر طولتوا على وصلتوا للوزن اللي تبونه ..

انا الحين وزني 55 هذا لمن اوزن الصبح على معده خاليه و الوزن اللي بوصله 50 و انا اوردي قاطه 5 كيلوات كنت 60 ..

منووووووو عندها خبره بالمووضووع بليز
ادري فيكم ما تقصرون

 

[fatma A]

Aryam30
بعد قلبي مشكوره على النصيحه وانشالله بجربها وبحسب جم اكل باليوم​

 

[Aryam30]

العفو فطوم انا بديت اليوم صح حتى مومشتهيه اتريق عشتو يعني يكون معدتي صغرت وصامت عالاكل والغدا هم على صدر ديايه وشويييييييييه عيش والحين مجابله جااااااااي مع زعفران وبسكوتة دايجستف ومايندرا باجي اليوم

 

[fatma A]

Aryam30

بالعافيه وانشالله نضعف حق العيد​

 

[fatma A]

ما ادري ليش زايده 73.7 مع اني ما اكل وايد كله خفايف