موضوعج في بالي من زمان و امس بزياده قعد افكر ابي افهم ليييييييييش عيالنا جذيه بالمدرسه يصيرون بزووووووده
طبعا الوجبات الغير صحيه لها تأثير كبير لكن اكيد مو بس اهي السبب .
ولدي العام كان اولى ابتدائي الله يحفظة بدون شي حركي لكن بحدود
يستحي مو الي يتحرك و يطامر و مايهمه احد لأ...اذا الوضع يسمح بيلعب اذا ما يسمح لأ....
بالمدرسه ما يبقى شير يقولي انا الي محد يغلبني...اقوله بالاجابه بالصف ؟؟بالشطاره ؟بالامتحانات؟؟؟؟؟؟؟ يقول لألألااااااااااااااا يما شنو دراسه بتسلق الشجر@@
محد يوصل المكان العااالي الي اوصله!!!!
اقوله متى تتسلق؟
يقول بحصص الالعاب. الاستاذ يحطلهم كرة قدم و يخليهم و يدخل و هم يتسحبون يتسابقون عالشجر مغير معلقين هناك!
تالي تطوروا تخيلي يتسلقون السور!
اولى ابتدائي!!!!!!
و الأدهى و الأمر ولدي انا!
و الله ماعرفت شقول!!ان زفيته شجعته اكثر
و المرات اليايه ماراح يقولي بيخش
و لي الحين مدري شقوله
انزين ليييييييييييش؟!!!
شفت انه بالبيت وعليه مربوطين .
ترى عيالنا مالهم مجال يتحركون و يفرغون طاقتهم لا يمين و لا شمال.
مغير واجبات ...دراسه....بي اس بي ....تلفزيون و هلم جرا و اذا بغير شركتهم بنادي العصر هم دراسه و تحفيظ .
انزين و اللعب!
و الحركه
ماعندنا ذيك الحدايق الي تناسب جونا نوديهم كل يوم!
حتى طلعاتنا و زواراتنا خلي الاهل ... بس الروحات الرسميه الي غالب الحريم مشغولين بشكل شبه يومي فيها طبعا بدونهم.
ان رحنا سوق ودنا من غيرهم من له خلق تسحبهم .
الابو وييين و وين الي بياخذهم
فمربوطين ما يشوفون شمس و هوا طبيعي ................. الا بالمدرسه طبعا
مليانين طاقات سلبيه من ها التلفزيون و الالعاب الالكترونية
خاااصه ها العمر الابتدائي مو مال تخلينه مع ربع يطلع و يهايل...لازم معاي
فوين عنده يفرغ ها الطااااقه بعيد عن حكرتنا و رقابتنا الا المدرسه
ما انسى مرة طالعه معاهم و كان الجو مقبول مريت العبهم و الا قاعده سوريه و معاها عيالهم و عيال اختها و امها و مبين قاعين من زمان متغدين هني و الجو اقولج مقبول بس مو هلكثر حلو...
قعدوا عيالي عن خاطرهم يلعبون شوي و الا اسمع الجده تناديهم تقول ها خلصتوا تشميستكم بتاعت اليوم؟
سررررررحت وايد بكلمتها فعلا الياهل عشان يكون طبيعي مرتاح محتاج هوا و شمس طبيعيين و ناس تتحملهم و تودي و تييب لهم دام داخل بيتنا ماكو.
بس عاد احنا لا جونا يساعد و لا خلوقنا تتحمل
سامحيني عالطواله بس خواطري وافقت موضوعج حبيت اشاركج فيها
