- إنضم
- 14 أكتوبر 2004
- المشاركات
- 2,300
- مستوى التفاعل
- 0
- النقاط
- 0
السلام عليكم ..شلونكم يالامهات العزيزات ..
مع قرب بداية العام الدراسي .. حبيت احط هالموضوع لانه فعلا مهم ..
بما اني معلمه مرحله ابتدائيه .. وبالاخص معلمة بنين .. لاحظت خلال سنين خبرتي السابقه ان عيالنا نشاطهم مو طبيعي وزااااااايد ما شاء الله مااااااااااااااااااااااا يقعدون بمعنى الكلمه بعضهم حتى واهو بمكانه يلوووووووب .. وبالصف 22 طالب 2 معاج و20 كلواحد بصوب وقعدي انتي عاد حاولي بكل جهد جهيد تخلينهم يركزون معاج وينتبهون ..
بس لاكون صاجه معاكم .. قعدت افكر بالموضوع ..
قلت صح الصبيان معروف عنهم الشطانه وحبهم للعب والنشاط الزايد .. وانا ولدي واخواني تبارك الله كلهم صبيان واعرف الوضع عدل وشايفه الشطانه ..
بس هم مو معقوله .. ان الصبي من يدش المدرسه الى ان يطلع وطاقته الزايده ما تفرغت ؟؟؟ ليش ؟؟ في شي غلط ؟؟؟!!!!!!
يعني بالفرصه بس يراكضون ولعب كره .. و بالحصص هوشات وشطانه مو مقصرين يعني .. بالخمس دقايق وييييييييييييييه مراكض ودبجه ولعب ومعافر وصراااااخ وما تشوفين واحد هادي ابد ابد .. حتى الشطار فيهم شطانه بعد .. وعندهم حصة العاب يفرغون طاقتهم غير الفرصتين ؟؟!!!!!!!!!!!! بس الي احنا ملاحظينه ان الصبيان من الحصه الخامسه طاقتهم وشطانتهم تزييييييييييييد ما تنقص وبالحصه السابعه لاااااااااااااااا يمكن السيطره عليهم ..ومو بس انا ملاحظه هالشي كل الابلات يشتكون من هالشغله ..
مره اسئلتني ابله مصريه قالتي بسالج سؤال .. احنا مدرسين بمصر اولادنا مو مثل نشاط وحركة اولادكم .. هم مزعجين كده ليه ؟؟ نشاطهم كتير اوي ليه ؟؟
فكرت بكلامها وفكرت وايد .. ودورت بالنت ولقيت ان السر في هدا كله .. شي واحد ومو بالعين ..
تدرون شنو ....
:nbvppw: الاكل الي ياكلونه بالمدرسه :nbvppw:
بذمتكم خل نقارن شوي بين اكل المصاروه والفلسطن والاجانب وبين اكل عيالنا ..
( الوافد )
زعتر - لبنه - طماط - بيض - فول - فلافل - طعميه - خيار ..... الخ ( بس كل اكلهم عباره اكل طبيعي وصحي ونظيف من البيت )
( الكويتي ) :botetoo: :eshrab:
حلاو - شبس -نجتس ومقالي من الصبح - معجنات جاهزه ما فيها اي فايده غذائية كرواسون وطقته ولا صمون جاهز من الجمعيه زعتر ولا جبن تدورين فيه الجبنه - عصيرات مركزه بالسكريات - كاكاو وما ادراك ما الكاكاو طااااااااااااااااااااااااااااااااااااااااااااقه مو طبيعيه هالنوتلا التي تحطونه لليهال والكاكاوات شنو فايدته لهم ؟؟ ..الخ من الاكل والخرابيط الي تشوفونهم بيدهم .. ( وكل اكلهم عباره عن دهنيات وسكريات وغازيات وغذاء مشبع بالدهووون والطاقه العاليه التي تمد الجسم بالطاقه بس بدون فائده تخلي نشاطه زايد بس مو بطريقه صحيه ) وفوق هذا تاثر على مخهم و تسبب لهم بطىء استيعاب وبلااااااااااااده .. غير الوزن الزايد تشوفينه بثالثه ورابعه ابتدائي مدربح مسكين مو قادر حتى يركض وينهت من التعب على اقل مجهود ..
والنتيجه ( الوافد شطاره ومن الاوائل على الكويت كل سنه ما شاء الله ) وقدره استيعابيه بالحصه ومنتبه على الحرف الواحد الي تقوله الابله ..
والكويتي بلاااااااااااااااده ما كو استيعاب باله مو وياج تحسينه جنه غبي ( مع انهم مو اغبيه الا اذكيه وايد بدليل تطلع منهم سوالف احيانا ) وفوق هذا نشاط جسمي وطاقه فيهم ما تخلص ما شاء الله ..
انا اذكر يوم ولدي كان بمدرسه خاصه امريكيه كنت لما اطرش معاه كيكه فيها مسحة كاكاو .. ترجعلي الابله الكيكه بجيس ومعاها نوت ان هالاكل مو صحي وممنوع .. وببداية السنه طرشولنا ورقه عن اهمية التغذيه وشنو اثرها على الطالب ( اقرو عن هالموضوع بالنت راح تستفيدون ) وصراحه انا تحمست من الحجي المكتوب وقمت ما اطرش حق ولدي الا شي زين وصحي ..
مثال ..
( صمون جبن وعسل - جبن ومربى - خيار - افندي اقشره له واحطه - فراوله كامله فرش - موز - عنب - كرز ( يعني الفواكه الموجوده عندي - لفة بيض بالجبن - ذره حبوب بالزبده والليمون - زبدة فول سوداني مع الصمونه ) هذا الي اذكره الحين .. والله ان ولدي من دخلته معاي بالحكومه كليوم يايني يتشكى يمه يبوقون اكلي يمه ياخذون مني لان اييب شغلات يديده فيشتهون الصبيان الي معاه .. ملو من الجبن والتوست والصمون والكرواسون وهالسوالف الي تتكرر او يشتريها من المقصف ..
والله بنات انا معلمه واستنكر اوكل ولدي من اكل المقصف .. اردى ما بالسوووووووووووووق يبيعونه بالمدرسه وباغلى الاسعار .. حرام .. اشتري ماجله لولدج حق المدرسه .. باحسن الاكل الي انتي تختارينه لولدج .. وعندج خدامه .. شمهنتها خليها تزهب لهم الاكل الصبح وتكونين قايلتلها من الليل شتسوي او على الاقل سويلها قائمه بمجموعة وجبات كل يوم تسوي وحده منهم اريحلج واريح لولدج وللمعلمه :eh_s(15):
مناشدتي لكم يا وليات الامر العزيزات .. احرصي على صحة عيالج .. ليش عيالنا ما يحبون الا الجكن نجتس والبطاط والبيبسي والهمبرجر ..
لان من كثر العيز قمنا ما نطبخ لهم الا هالشغلات واذا يبنالهم شي يديد ما يبونه ويستنكرونه ..
صدقيني سوي نفسي انا ولدي شوي شوي بالمساحل وبالتعزيز الايجابي دخلت عليه اكلات ما كان ياكلها بس اذوقه واعطيه جوائز ليما حبهم وقام يطلبهم والحين الجكن نقتس ما يسال عنه الا بالسنه حسنه ..
واخيرا وليس باخر ..دائما تطلبون من الابلات يتحملون شطانة عيالكم .. والله ما عندنا مانع ومتحملين ... بس ايد وحده ما تصفق ساعدونا انتو بعد .. عطوهم غذاء طبيعي وصحي وصدقوني بتفرقون على عيالكم واحنا الابلات بنفرق ..[/SIZE]
تكلمت وايد .. اترك لكم المجال للمشاركه .. وحياكم الله ..
مع قرب بداية العام الدراسي .. حبيت احط هالموضوع لانه فعلا مهم ..
بما اني معلمه مرحله ابتدائيه .. وبالاخص معلمة بنين .. لاحظت خلال سنين خبرتي السابقه ان عيالنا نشاطهم مو طبيعي وزااااااايد ما شاء الله مااااااااااااااااااااااا يقعدون بمعنى الكلمه بعضهم حتى واهو بمكانه يلوووووووب .. وبالصف 22 طالب 2 معاج و20 كلواحد بصوب وقعدي انتي عاد حاولي بكل جهد جهيد تخلينهم يركزون معاج وينتبهون ..
بس لاكون صاجه معاكم .. قعدت افكر بالموضوع ..
قلت صح الصبيان معروف عنهم الشطانه وحبهم للعب والنشاط الزايد .. وانا ولدي واخواني تبارك الله كلهم صبيان واعرف الوضع عدل وشايفه الشطانه ..
بس هم مو معقوله .. ان الصبي من يدش المدرسه الى ان يطلع وطاقته الزايده ما تفرغت ؟؟؟ ليش ؟؟ في شي غلط ؟؟؟!!!!!!
يعني بالفرصه بس يراكضون ولعب كره .. و بالحصص هوشات وشطانه مو مقصرين يعني .. بالخمس دقايق وييييييييييييييه مراكض ودبجه ولعب ومعافر وصراااااخ وما تشوفين واحد هادي ابد ابد .. حتى الشطار فيهم شطانه بعد .. وعندهم حصة العاب يفرغون طاقتهم غير الفرصتين ؟؟!!!!!!!!!!!! بس الي احنا ملاحظينه ان الصبيان من الحصه الخامسه طاقتهم وشطانتهم تزييييييييييييد ما تنقص وبالحصه السابعه لاااااااااااااااا يمكن السيطره عليهم ..ومو بس انا ملاحظه هالشي كل الابلات يشتكون من هالشغله ..
مره اسئلتني ابله مصريه قالتي بسالج سؤال .. احنا مدرسين بمصر اولادنا مو مثل نشاط وحركة اولادكم .. هم مزعجين كده ليه ؟؟ نشاطهم كتير اوي ليه ؟؟
فكرت بكلامها وفكرت وايد .. ودورت بالنت ولقيت ان السر في هدا كله .. شي واحد ومو بالعين ..
تدرون شنو ....
:nbvppw: الاكل الي ياكلونه بالمدرسه :nbvppw:
بذمتكم خل نقارن شوي بين اكل المصاروه والفلسطن والاجانب وبين اكل عيالنا ..
( الوافد )
زعتر - لبنه - طماط - بيض - فول - فلافل - طعميه - خيار ..... الخ ( بس كل اكلهم عباره اكل طبيعي وصحي ونظيف من البيت )
( الكويتي ) :botetoo: :eshrab:
حلاو - شبس -نجتس ومقالي من الصبح - معجنات جاهزه ما فيها اي فايده غذائية كرواسون وطقته ولا صمون جاهز من الجمعيه زعتر ولا جبن تدورين فيه الجبنه - عصيرات مركزه بالسكريات - كاكاو وما ادراك ما الكاكاو طااااااااااااااااااااااااااااااااااااااااااااقه مو طبيعيه هالنوتلا التي تحطونه لليهال والكاكاوات شنو فايدته لهم ؟؟ ..الخ من الاكل والخرابيط الي تشوفونهم بيدهم .. ( وكل اكلهم عباره عن دهنيات وسكريات وغازيات وغذاء مشبع بالدهووون والطاقه العاليه التي تمد الجسم بالطاقه بس بدون فائده تخلي نشاطه زايد بس مو بطريقه صحيه ) وفوق هذا تاثر على مخهم و تسبب لهم بطىء استيعاب وبلااااااااااااده .. غير الوزن الزايد تشوفينه بثالثه ورابعه ابتدائي مدربح مسكين مو قادر حتى يركض وينهت من التعب على اقل مجهود ..
والنتيجه ( الوافد شطاره ومن الاوائل على الكويت كل سنه ما شاء الله ) وقدره استيعابيه بالحصه ومنتبه على الحرف الواحد الي تقوله الابله ..
والكويتي بلاااااااااااااااده ما كو استيعاب باله مو وياج تحسينه جنه غبي ( مع انهم مو اغبيه الا اذكيه وايد بدليل تطلع منهم سوالف احيانا ) وفوق هذا نشاط جسمي وطاقه فيهم ما تخلص ما شاء الله ..
انا اذكر يوم ولدي كان بمدرسه خاصه امريكيه كنت لما اطرش معاه كيكه فيها مسحة كاكاو .. ترجعلي الابله الكيكه بجيس ومعاها نوت ان هالاكل مو صحي وممنوع .. وببداية السنه طرشولنا ورقه عن اهمية التغذيه وشنو اثرها على الطالب ( اقرو عن هالموضوع بالنت راح تستفيدون ) وصراحه انا تحمست من الحجي المكتوب وقمت ما اطرش حق ولدي الا شي زين وصحي ..
مثال ..
( صمون جبن وعسل - جبن ومربى - خيار - افندي اقشره له واحطه - فراوله كامله فرش - موز - عنب - كرز ( يعني الفواكه الموجوده عندي - لفة بيض بالجبن - ذره حبوب بالزبده والليمون - زبدة فول سوداني مع الصمونه ) هذا الي اذكره الحين .. والله ان ولدي من دخلته معاي بالحكومه كليوم يايني يتشكى يمه يبوقون اكلي يمه ياخذون مني لان اييب شغلات يديده فيشتهون الصبيان الي معاه .. ملو من الجبن والتوست والصمون والكرواسون وهالسوالف الي تتكرر او يشتريها من المقصف ..
والله بنات انا معلمه واستنكر اوكل ولدي من اكل المقصف .. اردى ما بالسوووووووووووووق يبيعونه بالمدرسه وباغلى الاسعار .. حرام .. اشتري ماجله لولدج حق المدرسه .. باحسن الاكل الي انتي تختارينه لولدج .. وعندج خدامه .. شمهنتها خليها تزهب لهم الاكل الصبح وتكونين قايلتلها من الليل شتسوي او على الاقل سويلها قائمه بمجموعة وجبات كل يوم تسوي وحده منهم اريحلج واريح لولدج وللمعلمه :eh_s(15):
مناشدتي لكم يا وليات الامر العزيزات .. احرصي على صحة عيالج .. ليش عيالنا ما يحبون الا الجكن نجتس والبطاط والبيبسي والهمبرجر ..
لان من كثر العيز قمنا ما نطبخ لهم الا هالشغلات واذا يبنالهم شي يديد ما يبونه ويستنكرونه ..
صدقيني سوي نفسي انا ولدي شوي شوي بالمساحل وبالتعزيز الايجابي دخلت عليه اكلات ما كان ياكلها بس اذوقه واعطيه جوائز ليما حبهم وقام يطلبهم والحين الجكن نقتس ما يسال عنه الا بالسنه حسنه ..
واخيرا وليس باخر ..دائما تطلبون من الابلات يتحملون شطانة عيالكم .. والله ما عندنا مانع ومتحملين ... بس ايد وحده ما تصفق ساعدونا انتو بعد .. عطوهم غذاء طبيعي وصحي وصدقوني بتفرقون على عيالكم واحنا الابلات بنفرق ..[/SIZE]
تكلمت وايد .. اترك لكم المجال للمشاركه .. وحياكم الله ..
