( مميز ) ملف ومرجع شآمل للعروسه الكل يدخل

[أحلى غمازة]

رد: ملف ومرجع شآمل للعروسه الكل يدخل

مرحبا ياحلوات

هنا مقاطع من برنامج النفس والحياة للدكتور طارق الحبيب
اعجبتني كثير وحسيتها تحل كثير من التساؤلات الي تشغل الصبايا هالفتره

عن الخطبه والزواج
كود:
‫النفس و الحياة ـ 2 بين الخطبة والزواج 1/6 ـ طارق الحبيب‬‎ - YouTube
كود:
‫النفس و الحياة ـ 2 بين الخطبة والزواج 2/6 ـ طارق الحبيب‬‎ - YouTube
كود:
‫النفس و الحياة ـ 2 بين الخطبة والزواج 3/6 ـ طارق الحبيب‬‎ - YouTube
كود:
‫النفس و الحياة ـ 2 بين الخطبة والزواج 4/6 ـ طارق الحبيب‬‎ - YouTube
كود:
‫النفس و الحياة ـ 2 بين الخطبة والزواج 5/6 ـ طارق الحبيب‬‎ - YouTube
كود:
‫النفس و الحياة ـ 2 بين الخطبة والزواج 6/6 ـ طارق الحبيب‬‎ - YouTube

بداية الزواج

كود:
‫النفس و الحياة ـ 4 بداية الزواج 1/6 ـ طارق الحبيب‬‎ - YouTube
كود:
‫النفس و الحياة ـ 4 بداية الزواج 2/6 ـ طارق الحبيب‬‎ - YouTube
كود:
‫النفس و الحياة ـ 4 بداية الزواج 3/6 ـ طارق الحبيب‬‎ - YouTube
كود:
‫النفس و الحياة ـ 4 بداية الزواج 4/6 ـ طارق الحبيب‬‎ - YouTube
كود:
‫النفس و الحياة ـ 4 بداية الزواج 5/6 ـ طارق الحبيب‬‎ - YouTube
كود:
‫النفس و الحياة ـ 4 بداية الزواج 6/6 ـ طارق الحبيب‬‎ - YouTube
وموفقين ياحلوات


بتكلم عن وحده عندنا بالعائله معروفه بريحتها لدرجة اني اعرف هي جت لبيتنا او لا
يبقى لها ريحه بالصاله
المهم باحت لي بسرها راحمتني عشاني بعرس وماعندي ماعند جدتي

للتعطير الجسم
لماتاخذين شور وتخلصين حطي على جسمك بيبي اويل وهو مبلول

كود:
http://www4.images.coolspotters.com/photos/2572/johnsons-baby-oil-profile.jpg
بعدين تكوني مجهزه المبخره بالبخور وبخري كل جسمك والبسي وتعطري وبس

تعطير الصاله او المجلس
فيه عند ابو ريالين علبة بخاخ فاضيه حطي فيه موية ورد وبيبي اويل
ورشي ع الجدران وبعدين شغلي المبخره
وتعلق لك الريحه الجميلة

لتعطير الدوالب من جوا
نفس طريقة البخاخ اللي فوق
او
جيبي منديل وحطي فيه بيبي اويل او فازلين وامسحي سقف الدولاب والجوانب
ودخلي المبخره جوا لمدة وطلعيها وخلي الدخان يعلق فيها
بعدين دخلي ملابسك جواا
وشوفي بعدين كيف تكون ريحت ملابسك

 

[ya al3rosa]

رد: ملف ومرجع شآمل للعروسه الكل يدخل

ثاااااااااااانكس حبي

 

[أحلى غمازة]

رد: ملف ومرجع شآمل للعروسه الكل يدخل

التجهيزَ

part 1


أول شي : تقسمين الفلوس حقت حجوزات يوم الزواج وتخلينها على جمب ولو تحجزين يكون احسن انا بعض الأشياء اللي ابغاها لقيتها محجوزه ولازم ادور لها على بديل رغم انو باقي اكثر من 7 شهور على الزواج

ثاني شي : فستان الزواج .. لازم تختارين الموديل او تحددين من وين بتشترينه او وين بتفصلينه
لانه يخفف نص الحمل عنك .. انا ناويه انزل وزني اكثر عشان كذا أجلت فستان الزواج لكن لو وضعي عادي اشتريه او افصله الحين وانا مغمضه


ثالث شي : لاتحطين في بالك انك تنتظرين الكولكشنز الجديده .. هذا مطب ياكثر اللي يطيحون فيه
-موشرط انها بتعجبك .. ولا كل البضاعه الجديده موديلاتها جديده بالعكس احس فجأه السوق كله يتسلط على لون واحد او موديل واحد
- الأشياء الكلاسيك اللي ماتروح موضتها أحلا واكشخ للعروس وخلي مبلغ بسيط اذا نزل شي وصار نفسك فيه ..لانك ماراح تلبسين جهازك بأسبوع ! في بنات يلبسون جهازهم على مدى 6 شهور وفي بنات سنتين وفي اكثر بعد مو حلو يكون كله ماشي على موضه وحده وتكون فعلا راحت
- اذا كنتي من النوع اللي مايعجبك شي بسهوله او تتوترين ابد ماينفع تأجلين كل شي لقبل الزواج بفتره بسيطه ! لانك بتتورطين بالأخير وبتضطرين تقشين اللي مقتنعه فيه واللي مو مقتنعه اهم شي تخلصين ومهما كان سعره واخرتها جهازك نصه توزعينه ونصه ماتلبسينه !!
- لاحظي ان اشياء كثير تحتاج منك وقت عشان تلاقينها زي بودي بدرجة معينه او تكميلة فستان او او .. عن نفسي ياما قعدت 3 ايام و 4 افر المجمعات ادور درجة لون معينه او شوز يناسب لبسي وما الاقي ... فإذا انضغطتي نص اغراضك بتصير ناقصه

اللي لازم تبدين فيه
-
طقم الشنط حقك وانتظري وقت التخفيض لان اوقات تضطرين تلفين مجموعة محلات عشان تلقين شي على ذوقك وسعره مناسب + علاقة ملابس طويله من ايكيا او اي مكان عشان تعرفين وش شريتي اول بأول وش اللي محتاج تكميله + كواية بخار او اذا احد سألك وش تبين هديه وتمونين عليه خليه يجيبها

- مفارش السرير انتظري التخفيض ولفي المحلات واشتري على روآق

- الفوط والأرواب لفي على ماتلاقين خامه كويسه بسعر حلو .. ووديها الخياط يطرز عليها أسمائكم بالإنقلش وتاريخ الزواج

- العبايات .. عن نفسي يحتاج مني موضوع العبايات3 او 4 ايام على مالف مجموعة محلات واشوف الجديد ! واتفنن فالطرح ..اصممها بروقان او اشتري كلف مميزه يركبونها عليها الخ ! مو بدقيقه بتسوينهم ! اخلصي منهم وحطي معهم نقاباتهم واشتري كيس عباية مرتب وخبيهم لايكونو قدام عينك كل الوقت عشان ماتملين منهم

- الإكسسوارات بشكل عام ماينفع أبدا تاخذينه ع السريع يبيله بال رايق مره
*إكسسوار استخدام يومي : حلقان صغيره _ خلاخل _ خواتم لأصابع الرجول (في كشك في بانوراما فيه خواتم للرجول تدنن مره )
* إكسسوار للبس السبور .. جينزات تيشرتات الخ اشياء ملونه سلاسل طويله اشياء بنوتيه ترى يموتون ع الدندشه
* إكسسوار فخم : مو ضروري تنتظرين اللبس لان ماتو اللي يطقمون الاكسسوار مع الوان اللبس الا بأضيق الحدود
* إكسسوارات الشعر : عن نفسي أموت على مالاقي شباصات حلوه .. وكمان تحتاجين لفه عشان الأطواق والربطات والأشياء الناعمه حقة الشعر .. اخذت مجموعة حلوه من بن داوود اللي في دانوب حياة مول
* النظارات يحلفون اني السنه اللي فاتت خذت مني النظاره أسبوعين عشان اشتريها
من محل لمحل لمحل اجرب واجرب واجرب واشاور .. وانصحك بمحلات النظارات اللي في بانوراما عندهم اشياء رآيقه مره .. خوذي موديل كلاسيك ماتروح موضته وملفت لأبو الشباب
* اجهزة الشعر ..سشوار فير سيراميك ..انتي واستخدامك واذا ماتعرفين لاي جهاز مافي داعي تشترينه لانك عروس بس !!
* الداخلي وقمصان النوم واللانجري بشكل عام ..ونصيحه مني لفي الأماكن الرخيصه اول مو ضروري تشترين .. بس اعرفي اش الموجود واش اللي مستاهل تاخذينه غالي من الماركات مو موجود فالمحلات الرخيصه عشان ماحد يلعب عليك :sm4:
*البوك او المحفظه او مهما كانت تسميتها بالنسبه لكم شي شخصيا يعقدني
دايماً ادور الف مكان عشان الاقي شي حلو ! سواء ماركه او من محل عادي ! فـ احس راحه نفسيا تاخذين وحده لونها رسمي عاجبتك ومقتنعه فيها من بدري ومالهم موضه او في شي قديم وشي جديد
* محفظة الميك أب + المرايه السغنونه حقة الشنطه .. شي يلفتني في العرايس كثيررر أحب اشياءهم البسيطه هاذي تكون شيك مره .. يبيلك لفه على وجوه دبنهامز بودي شوب سيفورا الخ عشان تلاقين وحده حلوه ..
*تقسيمات أدراج التسريحه وعلب حفظ المجوهرات والساعات والميك اب يبيلك لفه عشان تلاقين شي انيق وسعره مو ضربه !
* الشنط البلاستيك حقة اشياء الشور كمان ماحتلاقينها بسهوله
* سجادة صلاة شيك حقة عروسه
* شراريب وكيلونات بكل الألوان والأشكال للبيت ولجزم السبور وكيلونات للسهره الخ
* جزم سبور او ابوات حسب استخدامك ..حقة العبايه =
يعني اللي تكون مريحه+ شيك مع العبايه لشهر العسل .. او اي مشاوير مالها علاقة بلبسك اللي تحت العبايه .. مطار مستشفى الخ .. يبيلك وقت تدورين 2 تكون انيقه مره وتناسب اغلب الشنط
* اذا ناويه تطلبين اشياء من النت اطلبيها من بدري لان اغلبها تحتاج 3 اسابيع على ماتوصل
او يبيلك تنسقين مع التاجرات .. وبطلب قماش جيفنشي الرجالي هديه للمحروس بعدين بس برتب اموري من بدري .. وناويه اطلب بودرة الكولاجين واكسسوارات الجسم اللي ماتكون متوفره عندنا بالعاده ..واشيك على مواقع اللانجري اذا في شي مميز وبطلب تيشيرتات من رسامه تسوي عليهم اشياء خربوطيه اسوي فيها اكشن بعدين وهكذا ..وبطلب استيكرات الأظافر .. وكله ياخذ وقت ويبيله رواق
* بدلة رقص ..لاتضحكين من جد ماتنوجد بأسواقنا بسهوله وصدقيني بعد الزواج بفتره بسيطه بيطلبها ويطلع ماعندك وحليني على ماتلاقين ( اشتريت 2 من قطرشي بس نحفت عليهم اللي تبيهم ببيعهم لها بنص السعر )
* كاميرا لتجهيزك ويوم عرسك وشهر العسل .. حتى لو هو عنده لازم تشترين وحده خاصه فيك
فيه ورديه من سوني اخذتها بـ 950 نقريبا وتصويرها مره يجنن
* إذا زواجك فالصيف مثلي .. اهتمي تدورين فستان للعيد يكون مو اي كلام ويغطي ع الكل غصب وهذا لحاله يبيله شهر سواء تلفين السوق او تدورين موديل للتفصيل
*الأشياء الأساسيه عند كل بنت واللي ماتروح موضتها ابد عادة ماتنلقي بسهوله اللي هي

- تنانير سودا عليها القيمه
- قميص بأزرار ابيض سكري
- بنطلونات جينز + تنوره جينز
أتحداك إذا ماطلعت عينك عشان تلاقينهم
.....
وأثناء كل هالأشياء لازم معاك النوتة حقتك تسجلين فيها كل شي !! لاتقولين اكتب مسودات بجوالي ولا احفظ من حالي !! انا لحد فتره بسيطه وانا اسجل على قل فايده ! نصها ملفات وورد ع اللابتوب .. وشي على جوالي وشي على علبة المناديل وشي على مراية التسريحه بدون فايده ! لاتنظيم ولا ترتيب
لازم نوته :sm4:

قسمي الدفتر اشياء التجهيز : كل واحد بصفحه الكميات اللي اشتريتيها والألوان واش اللي محتاج تكميل
اشياء الصيدليه :خصصي لها صفحه وكل ماقريتي هنا شي او سمعتي شي او تذكرتي شي تسجلين بكذا قبل الزواج بأسبوعين تضمنين القائمه فيها اللي تحتاجينه واللي احتمال تحتاجينه وزياده كمان
أشياء شهر العسل : كل شي تتوقعين بتنسيه او بتحتاجينه اي معلومه تكتبينها وقبل الزواج انتي تحددين من هالصفحه وش اللي فعلا بتاخذينه
اشياء يوم الزواج : من شنطتك واغراضك وكمان اي ملاحظات في بالك الحين سواء عشان الشعر او المكياج او فستانك او زفتك .. يعني انا مثلا في ملكتي من قبلها بفتره حاطه في بالي لازم اكل شي العصر عشان ما اجوع ولا ادوخ ولا انعس ولايبان علي الإرهاق ! بس للاسف ماتذكرت !
كمان نفس الشي يوم الزواج .. ناويه اقول للكوافير لاتكثر سبراي وناويه ابخر فستاني واعطره وكمان قميص اول ليله من بدري .. وناويه اشحن الكاميرا واخذها معي وناويه وناويه كل هاذي طبعا هواجيس قبل النوم ! مكانها النوته اي شي تبينه سجليه وبينفعك وقتها

وكمان اشياء دايما نحتاجها وننساها .. سبراي .. بنس شعر .. فحم .. خيط ابره .. الحين تكون على البال بس وقتها مافي امل تتذكرين وش تحطين بالشنطه

أشياء بعد الزواج :
اسم دكتورة نسا كويسه .. اسم حبوب منع حمل .. الخ معلومات من هالنوع تحتاجينها فجأه ومو شرط عندك نت ولا بتلاقين اللي تدورينه وسبحان الله دايما الشي قدام عينك ولا بغيتيه تدورين كل صفحات المنتدى ولا تلاقينه
وانا عندي زياده صفحه لاي نصيحه قريتها هنا وابيها تصير حلق في اذني اكتبهم واقراهم كل ماتصفحت الدفتر عشان يرسخون في عقلي الباطن

:

هلافيكم جميع وكل الشكر لكل وحده ساهمت وساعدت ..

مجنونة بر يابعد حيي وميتي انتِ تسلمين

:
:

بنات انا بتكلم اليوم عن

[ جانب الضيافه في مناسبة الزواج ..]

الي نشوفه بالزواج واحد من اثنين

+ الطاولة عليها كل شي من ..
= مشروبات ساخنه ( قهوة /شاي )
= حلويات / موالح / معجنات / شوكولاته

ويصيرون العاملات يضيفون بالعصير / وبالشوكولاته المخصصه للحفل ../وتنظيف المكان

وهالشي ما يعجبني اطلاقاً

ولعدة اسباب :

1- الطاولات بتكون شكلها مره زحمة ..
ومليانه وممكن تنكب عليها اشياء لاجاء احد يصب
بلا بلا بلا .. اخلي الخيال واسع لكم ..

2- العاملات بيكونون ضيوف شرف ..

او خدمة من قبل العاملات والصبابات في كل شي
وبشكل مو مرتب بعض الاحيان
يعني يصيرون صارفين وش كثر بس ..مافيه تنسيق


ليه كل ذا الحوسه ؟
خلوني معكم نرتب النقاط شوي .. واذا جازت لكم فكرتي .. ادعوا لي

++ ننسق مكان الزواج .. ++

من كوشه فخمه وفيها نعومه / ابتعدي عن الاشياء الدفشه
لانك انتِ نجمة الحفل ..
بالنسبه للكوشه + الستيج + الممشى + الخ
الاشكال والانواع متجدده ومطروحه .. خصصي لك وقت تمرين بعض الاماكن
والي تكون عندك خلفيه ممتازه عنها وعاجبتك من ناحية الخدمه / الاسعار
" عشان ماتضيعين وقتك "

الطاولات
تكون ملحقه بنفس ديكور الكوشه
( المفارش نفس اللون / تلبيس الكراسي ولفها بشريط اخر نفس لون الكوشه وبقية الاكسسوارات بلا بلا بلا)
تحطين بنص الطاوله كريستاله كبيره ..
بداخلها مثل الشمعدان / ورد / اي شي ثاني مناسب ..
تكون ماليه الطاوله تقريباً .. وفخمه بنفس الوقت وفيها نعومه ..

وعلى الطاوله " صندوق قاربج صغير "( شي مخصص للطاولات)
او شي مثل (طفايه الزقاير) من الكريستال مناسبه

صندوق مناديل مناسب للطاوله ..
واحبذ يكون صغير الحجم كبر كيف اليد بس عميق ..
( ممكن تفصلونها / وممكن تحصلونها في اماكن المناسبات)

.. بس ..



الضيافة

الضيافه تكون على العاملات والصبابات
وفيه شركات متخصصه لمثل هذي الامور ..
وحبذا لو تتكلين على شركه سنعه .
. و تختبرينهم في مواعيدهم قبل كل شي

طبعاً العاملات حزتها بيكونون على عدد المدعوات
على سبيل المثال .. 100 مدعوة .. يتطلب منك 10 ( 4 منهم عاملات 6 صبابات )
وبكذا تضمنين انهم يغطون المدعوات من ناحية الضيافه ان شاء الله ..
وكل وحده تنسق على عدد المدعوات عندها

خلي لهم مشية محدده ..
من ناحية الطلعه لين مايغطون كل المدعوات ..

قلنا في مثالنا السابق 100 مدعوة ..
يعني تقريباً 10 طاولات في حالة ان كل طاوله تكفي 10 اشخاص

بيكونون متوزعين هالطاولات .. في مكان ممشى العروس اذا كان ارضي
او جنبه اذا كان مرتفع
5 ع اليمين ، 5 ع اليسار ..

طلعي العاملات والصبابات .. بشكل طابور ثنائي
( يعني ثنتين ثنتين جنب بعض)
خليهم يمشون بخطوات محسوبه ..
يعني يطلعون اول ثنتين .. وحده اقصى اليمين .. والثانيه اقصى اليسار
بعد خمس خطوات يطلعون الثنتين الي بعدهم ..
الزبدة ان عند اخر ثنتين يطلعون ..
يكونون الاولات وصلوا بداية المكان ..
بعدها اهل اليمين يدخلون ويباشرون الضيفات الي ع اليمين واليسار كذلك ..

بعد مايغطون الكل .. يرجعون .. من جديد ..ويستعدون للمرحله الثانيه ..

الضيافه تتكون من

اول شي :

( القهوة )

= (قهوة + حلى شعبي )
اغلب هالاشياء يكون فيها ( تمر / سمسم)
ويضيفون مثل ماذكرنا طريقة المشيه


=( قهوة + حلى شرقي )
ويسون نفس الحركة الي ذكرناها سابقاً

= ( قهوة + شوكولاته مكشوفه)

قسمناها على ثلاث فترات ..
لان خبركم بداية الحفل ما يتجمعون الناس مره وحده
وكوننا خليجين ما نفتتح الا بالقهوة

:
:


المرحله الثانيه ..

( الشاي )


الشاي يالشاي ..
طبعاً حالياً اصبح بنكهات متعدده ..
فالتوزيع راح يكون كالتالي :
= صينيه تحمل في داخلها
( بيالات الشاي + كاس ملاعق الشاي + سكر مكعبات + سكر دايت )

- الشاي يكون بنكهات متعدده
( عادي / اخضر / زعفران /نعناع/معطر / اي نكهه اخر من نكهات ليبتون او غيره )
- السكر حلو يكون بالنوعين ( ابيض / اسمر ) وسكر الدايت مثل ماهو معروف الدوائر الصغيره
السكر يتم تفريغه بالكريستالات المخصصه له ..

بنص الصينيه كريستالات السكر .. او على جنب ..
ودار مدارها تصير بيالات الشاي ..
كل ضيفه تختار النوع الي يعجبه والسكر الي يجوز لها ..

+ لا تنسون المسيره الي علمتكم عليها ، الخاصه بالعاملات والصبابات
يطلعون بالتناوب ..
شاي معجنات / خفايف / موالح ..
ومره ثانيه
شاي / معجنات خفايف/ موالح
ويستمرون بالضيافه

:
:


المرحله الثالثه :

بعد ماتدخل العروس ..
تدخل مرحلة العصيرات ..وبنفس الطريقه ..
وكلن وذوقه بالاختيار من ناحية الاشكال والديكورات المبتكره في الكاس نفسه
هل بيكون عصير سادة او شقف او غيره ..
لكني افضل العصير نبتكر فيه ..وكل نوع نحاول نوفر منه قطع فرش
نحطها داخل الكاس ..

بعدها ممكن

نرجع للقهوة + الشوكولاته المغلفه
ولا تنسون الدخون آه يالدخون .. شغال على فترات

المرحله الرابعه :

العشاء .. وانتِ وذوقك باختيار الاصناف من المقبلات / الاطباق الرئيسية / الحلويات

المرحلة الخامسه :

( القهوة الغربيه ..)
( كابتشينو / تركش كوفي / اكسبرس / هوت تشوكلت / .. الخ )
وتتوزع بنفس الطريقه ..
مع قطع (صغيره مره ) من الكيك تحصلونها في كل المحلات
واحلى شي الكب كيك الصغنون الي تنأكل بلقمه وحده ..

:
:

الملاحظات :

+ اذا فيه هدايا تذكاريه ..للزواج الوقت المناسب لتوزيعها
بطلعة العروس / قبل العشاء ..

+ الهدايا التذكاريه .. احسها موضه مستهلكه ..
الي افضله تتوزع هالاشياء من كرت الدعوة

+ لاتنسين المويه للضيفات بين كل فترة وفتره

+ لاتنسين تحرصينهم على نظافة / ترتيب المكان
يعني تخصصين لك ثنتين هذي هي مهمتهم ..
اي شي يطيح بالارض / على الطاولات .. يشيلونه اول بأول

وان شاء الله تنعمين بزفاف راقي / هادي / ناعم ..

ممكن نتوقف هنا لاني تعبت ..
ولي رجعه ان شاء الله ..

الف مبروك لكل عروسه ..

صيل لك وللبنات الي يبون يستفيدون اذا كان كلامي في فايده
انا بقولك عن العادات الي عندنا
طبعا بعد الشوفه واذا جازو لبعض
اهل العريس يعطون اهل البنت المهر وبعضهم يحددون الملكه والزوج وبعضهم البنت الي تحددها
واذا ماعطوهم ممكن ابو البنت يقولهم مافيها شي العكس من حقها تبداء مبكر يقول لهم والله البنت ودها تبداء من الحين وياليت تستعجلون في المهر
والله اعرف ناس ماعطوهم الا قبل الزواج بشهر وفي بعضهم اسبوعين تخيلي يااااراااسي

طيب نجي لشبكه والملكه متى تكون؟
الشبكه تكون من ضمن الملكه يجيبها الولد معه واحينا يعطونكم مثلا لما يعطونكم المهر يقولون والله الشبكه عليكم يعني يبون البنت هي الي تختارها
ووقتهاعاد اذا ماحددو ممكن البنت تحدد متى تبيها
طبعا في عاداتنا الشبكه والملكه في يوم واحد (اصلا مانسميها الا ملكه) وهذا الصح ومايكون فيها احد ابدا الا هي وياه وامه وخواته واهلها القريبين احس يكونون بالحالهم اريح من وجود الناس
وفي بعضهم الملكه وبعده بأسبوع الشبكه

والفتره الي بين الخطوبه والزوج مثلا زي ماقلتي 5 شهور !
كيف الحين بنرتب الوقت
طبعا اول شي بتجيبين دفتر وسط موكبير علشان يكون بشنطتك دايما و اوراقه كثيره المهم

شلون نبداء نكتب فيه
بقولك على شي بيريحك وبيرح الكل ان شاء الله
نقسمه لفترات شلون؟؟
6 فترات (بس راعي مثلا ترتبينها على اوقات التخفيضات) وتكتبين ميزانيتك

الفتره الاولى: تسمينها (الحجوزات)

المده:2 اسبوعين او 3
--------------------------------------------------
1- العنايه بالجسم: تحطين لها ميزانيه مثلا(من5000،3000 الى 7000) كل وحدها على راحتها..
تبدين تجلسين مع حالك تشوفين انا وش محتاجه (شعرك ، بشرتك ، تفتيح اكواع ركب، توحيد لون ، جلسات مساج قبل الزواج ووو الخ)
العنايه بالأسنان وتبيضها
اكتبيها في ورقه ومع ارقام كم عياده بعدين مريهم
قبل لاتروحين لهم لازم تعرفين موعد زواجك على شان تنظمين مواعديك لكل شي بوقته
ولاتروح فلوسك على الفاضي.. وحددي الي تبين ويكون مناسب لك
اذا حجزيتي في اجر الدفتر من وراح سوي جدول ورتبيه واكتبي مواعيدك وكلما حجزتي شي ومتأكده منه اكتبيه ورا
------------------------------------------------
2-الليزر: تحطين له ميزانيه(5000)انا اقول مثلا حطي لك حد على شان ماتتعدينها وتحتاجين زياده
المهم: شوفي وش تحتاجين في ليزر لـ(الاندر ارمز ، الوجه ، منطقه البكيني، يدينك ، رجولك ،الجسم كامل)
وبعدين شوفي المراكز واسعارها قبل لاتبدين علشان تشوفين المناسب لميزانيتك
عاد اذا حجزيتي تروحي وتكتبين حجوزاتك خلف الدفتر علشان ماتنسين
-------------------------------------------
3- دكتوره النساء:
لازم تروحين لدكتوره فاهمه ممكن تساعدك في موضوع :
1-البيرود لوكانت مونتظمه عندك..
2- حبوب منع الحمل وتنظيم الهرمونات وتاكلينها قبل بفتره عشان تتعودين عليها وما تلعب في نفسيتك.. لأن هالحبوب لازم تخاذينها بعد استشارة الطبيبه وعمل( الالتراساوند )للتأكد من سلامة المبايض ..
بس بتسوي لك تحليل دم حتى تشوف نسب الهرمونات عندك
وبتسألك عن المدة اللي بتستخدمينها والالتراساوند للمبايض فقط
3-وبرضه تعطيك غسول للمنطقه وشسمه
وتوصف لك مرهم مخدر او للجروح بعد ذيك الليله

اوتكون ممكن تكون عندك مشكله خاصه ممكن تسشترينها فيه

لوعطتك مواعيد تروحين تكبينها في الجدول خلف الدفتر

اذا تبين تكتوره حلوووه وشاطره عندك
دكتوره شاهيناز بمستشفى عبدالرحمن المشاري
4657700
4625040
--------------------------------------
4- يجي دور(فستان الزواج وطرحته): تشوفين ميزانيتك ممكن تحطين (6000الى 8000)
عاد اذا كنتي تبين تفصيل او تشترينه جاهز،
من رايي تطلبينه من برا اريح لك من دوشه الراس وكلها شهرين ثلاثه وواصل
عندك محلات (العبد الواحد-برونوفياس-ديماتريوس) واذا تبين التفاصيل حاضره
تكتبين في الجدول الي ورا الدفتر كل شي عنه
-------------------------------------
5-فساتنين السهرات: ميزانيتك كم؟(6000 الى 7000) مثلا
تشوفين بتحتاجين كم؟ 3 او 2 او اكثر
روحي لأقرب محل يبيع مجلات وقشي مجلات كثييييره علشان الموديلات الجديده والألوان
وحددي الي تبين
(بعدين نشوف الخياطه)
مري على كل الي تعرفين وشوفي واسألي عن الأسعار واخر شي شوفي الاحسن
واستخيري قبل لاتبدين معها:
واذا ارتحتي فصلي عندها واسألي كم بيجلس وعاد روحي واشتري الاقمشه
وسجليه بالدفتر ورا مواعيده ورقم الخياطه وكل شي
-------------------------------------------------
6-المكياج وتسريحه الشعر: كم الميزاينه؟ ممكن من(4000 الى 5000)
احجزيها من الحين لأنك مرررراح تلقينها فاضيه ابدااااا
شوفي اذا تبينها في الملكه ويوم الزواج وكذا
بعدين اكتبي في الدفتر ورا
-------------------------------------------------
7- المصوره: الميزانيه(5000 الى 6000)
احجزيها مبكر والله اريح
شوفي اذا تبين فديو وفوتوغراف للملكه والزواج
واذا حجزتي سجلي رقمها وكل شي ورا الدفتر
------------------------------------------------
8-اذا كنتي بتسوين زواج كبير وكان عليك الحجز ممكن من الحين تحجزين القاعه الطقاقه + الصبابات+ شركه تدير لك الحفل(عاد انتي حطي الميزانيه على حسب الي عند لأني ماعرف عنها شي)
(احنا في عادتنا البنت مالها دخل لابقاعه ولاطقاقه ولاصبابه ابد الا بكشختها وبالكوشه وزفتها )
اذا حجزتي كل شي سجلي في الجدول الي ورا

----------------------------------------------الي معاي نبدأ خطوة خطوة .. ..

أولاً تحتاجين تتعاملين مع صالون أو واحده تجيك ( حمام مغربي ) شهريًا !!
ميزتــه أيش ؟ إزالة طبقة من الجلد الميت ..
+ مع الاستمرار شهريًا ، نعومه وتفتيح واضح

انتهينا ، الحين نجي للعنايه بعد الحمام المغربي ، وشو ؟! ترطيب !!
ولما أقولك " ترطيب " يعني ترطيب عمييييق لأن جسسسمك يفتقد هالنقطه
رطبي من قلب ، لأن لو انزالت طبقه من الجلد الميت واستمريتِ ما تحطين كريمات!!
مصيبه ، يقلب الموضوع ســـواد وسمـار وبلاوي متنيله بستين نيله !
يعني تسوين حمام مغربي في بداية كل شهر مثلاً ، باقي الشهر = ترطيب

عنايتك الشخصيه :
اهتمي بالمنطقه الحساســـــة ونعومتها وبياضها .. طبعًا بشكل عام لجسمك كله
أنصحك بالليزر لأنه يشيل الشعر وتودعينه للأبد .. ومفعوله أقــوى في المنطقه
الحساسة لأن شعرها سميك وفي الأندر آرمز ، فلا تفوتينه !!
بالمراكز تقدرين تسوين ( ذاتي ) لنفسك أو ( ممرضة ) تعمل لك .. على كيفك ..!!
بتلاحظين من ثالث جلسسسه كيف الشعر خفّ بشكل ملحوظ ، طبعًا اقعدي مع دكتورة أول
واتفقي معاها طبعًا على قوة الليزر وعلى تيست "اختبار" تعملــه قبل عشان تشوفين مدى
تقبل جسمك له قبل ما تعتمدينه .. خوفًا من الحروق وغيرها!
تخلصين من الليزر .. تصير المنطقه ناعمه وروعه .. وش تسوين ؟؟
اهتمي فيها بترطيب عميق .. ( جيلسوليد + نقطتين زيت لوز مر أو زيت جنين القمح )
وقبله تكونين ماخذه شاور لجسمك ، وتحطين على المنطقه صابونة البابايا !
يجفف المنطقه ويوحد لونها .. غسليّ ونشفي وبعدها حطي الخلطة اللي فوق!!
وشوفي هالموضوع هذا يفيدك كثير ..
هنا

وأيضًا بالنسبه للعنايه ، اعتني بجسسسمك وتفتيحه .. خصوصًا وانتِ تسوين حمام
مغربي فـ راح يبان تأثيره بسسسرعه .. الخلطات مليانه !!
فيه خلطة 2010 يمدحونها وفيه خلطة رزون كلن يدعي لها عليها..

وبالأخير بوريك رد مفيد لأحدى الأخوات إقريه وبيفيدك بإذن الله
هنا

دعواتك

نبدأ بسم الله

1/ ببدأ من راسكم []

اذا شعرك ناعم قولي الحمد الله وروحي توضي وصلي ركعتين شكر []
اذا شعرك كريلي مرتب بس شوي مويه ويصير بيرفكت برضو روحي صلي ركعتين شكر
اذا شعرك كيرلي وفي روايه منفوش ولازم تحطين 50 كريم عشان يهجد ويصير مرتب
تعالي عندي واذا شعرك كشه عراده مايدخل فيه المشط برضو تعالي هنا []

خلوني أقول لكم سرر [ انقزي بسرعه اسألي احسن مكان يسوي كراتين وسوي لا تتأخرين ]

عشان اكون صريحه الي اعرفه عن الكراتين وهذا كلام كوافيره
انو علاج ومو فرد والكيراتين اصلا احد مكونات الشعر والأ ظافر
طبعا الحين مايمدي اسوي بحث عن الكراتين بس اقولكم معلومات الي اعرفها
تراه أحسن حل موجود في الساحه الكراتين
اذا كنتي تستشورين شعرك في ساعه بعد الكراتين مارح تحتاجين اكثر من 15 دقيقه
وما أنصحكم أبد لا بزيت ولا بحنا ولا حتى بصبغه
لعدة اسباب :
*الزيت يبغى وقت طويل مره عشان يبين أثره في شعرك خصوصا لو كنتي
زيّ شعري ما تجيه قطرة زيت
*الحنا ريحته [] رح يعذبك مع الفوط ويطبع فيها غير كذا لو شعرك جاف
رح يجففه زياده برضوا بعد العرس لو حبيتي تصبغين مارح تقدرين لانو لازم
تنتظرين فتره طويله عشان تقدرين تصبغين
* الصبغه اذا كان لون شعرك طبيعي خليك ع الطبيعي لان الموضه الشعر الأسود
واذا خاطرك تغيرين خلي التغير لـ بعدين غير كذا رح تتعبين شعرك أكثر
تخيلي مصبوغ وتعبان من الصبغه رح تضطرين تغسلينه يوميا = شعر خرباآإآإآإن
نصيحه لا أكثر [].
ملاحظه : انا ما جربت الكيراتين بس ودي فيه مااااره وان شاء الله اول ما يتوفر الكاش بسويه

وحبيت أنوه في وحده هنا تكلمت عن الكيراتين وانو احسن نوع هو الكراتين البرازلي

خلاصة الموضوع تأكدي وسوي بحث عنه ولما تقتنعين سويه
هذا بالنسبه لـ شعرك []

2/ جسمك :

أول مشكله جماليه تأثر ع شكل جسمك هو الشعر الزايد
طبعا كلنا نعرف طرق التخلص........ وألخ
زبدة الموضوع سوي ليزر ع الأقل شهر العسل مافيه شعر []
برضوا ماجربت الليزر بس من الي قريته له أيجابيات كثيره وهو الأفضل حاليا
من أيجابياته :
*مافيه شعر مدة شهر على الأقل
* مافيه شعر تحت الجلد
* مافيه مسامات
اذا اعجبك الليزر
اركضي احجزي لك جلسه []
نجي حق المشاكل الثانيه ( سواد / سترش مارك / آثار حبوب وطقات []/سيلولايت )
مالها علاج آمن وسريع المفعول إلا الي رح اقولكم اياه

طبعا أول شيء الي رح أقولكم الي مستعده تخلي من وقتها 3 ساعات كل يوم تكمل قرايه
والي عجازه وبتقول نفسيه وأرق ودلع مالها عندنا شيء []

أول شيء أخلطو كميه من السكر مع ربع الكميه زيت زيتون وربع الكميه عصير ليمون

يعني كيف []

يعني مثلا حطيتي فنجان سكر حطي ربع فنجان زيت زيتون
وربع فنجان عصير ليمون اهم شيء مايكون سايل خلو الخليط زي العجينه
اذا صار سايل زيدي السكر ين يصير زي العجينه []

طيب وبعدين

روحي الحمام وأذا عندك سلولايت دلكي جسمك بـ هذي الفرشاه

تلقيناها عند بودي شوب وممكن في اي مكان ثاني بس احرصي انه تكون قاسيه
دلكي بأتجاه القلب وبحركات دائريره ضاغطه بس مو تمشخين جلدك اضغطي بدون قوه

ليش ؟؟
عشان تحركين الدم ويمشي ويغذي البشره الخارجيه ويزيل السموم والماء المتجمع قريب من طبقة الجلد الخارجيه ويخفف من مظهر السلولايت

شلون تعرفين اذا عندك سلولايت أو لا []

تربعي وأقرصي جلد الفخذ من الجهه الداخليه اذا شفتي جلدك صار متعرج زي قشر البرتقاله
معناته للأسف انتي تعانين من السلولايت

ايش هو السلولايت:
كود:
السيلو لايت هو الدهون المتجمعة في منطقة الأرداف والفخذين وقد يتجمع في أعلى الذراعين
وهي كتل دهنية تتجمع بها بعض السوائل والخلايا الدهنية وسموم الجسم
ومن هنا ينشأ ضررها وهي ممكن القضاء عليها نسبياً
بالرياضة والتلدليك معاً لكنها تحتاج للصبر والجهد والمثابرة
وهي تصيب النحيفات والسمينات لكن في السمينات أكثر
وهي سببها قلة الحركة وتكرار الحمل والولادة
كما أن عامل الوراثة يلعب دور في مسألة السيلو لايت
اذا ما عندك سلولايت اتركي هذا الجزء

بعد ما تدلكين جسمك جيبي الدش وخليه دافي ومستوى الضخ ع اقوى شيء
وحطيه في الأماكن الي يتجمع فيها السلولايت وحركيه على شكل دوائر
والأمكان الي ينتشر فيها السلولايت هي ربلة الساق
والفخوذ والباك والبطن الزنود حاولي توجهين الماي لـ هالمناطق
وتقربينه منها وتحركينه بـ حركات دائريه بطيئه

خلصنا جيبي خلطة المقشر الي سويته
وقشري جسمك بحركات دائريه على خفييييييييييف لا تدعكين ابد

خلاص اغسلي جسمك بمويه وبعدين جيبي هذي الصابونه صابونه البابايا

تلقينها بالصيدليه أو بالعطاراين

وغسلي جسمك فيها بدون ليفيه رح تخلي جسمك جاااااف ورح توخر السواد والحبوب خطيره هالصابونه

وبعدين غسلي بمويه باااااااااااااااااااااااااااااااااااااارده مره

نشفي جسمك رح تحسين انو جسمك جاااااف مره

استخدمي كريم ترطيب غني
مثل زبدة الككاو من فازلين أو هذا الكريم انا استخدمه

خلصنا من الحمام ونعيما []
الشيئ الأخير
سوي رياضه شدد واركز على كلمة شد
ليه لانك كـ عروسه سواء نحفتي رح تحتاجين تشدين أو سمنتي رح تحتاجين لشد
تمرين بسيطه 30 دقيقه تكفي وحاولي تكون رقصه او شيء تتعلمينها من اليوتيوب وتوسع صدرك
وتبعدك عن التفكير

اخر شيء انصحكم ياعرايس خلوكم ع الفواكه والماي وأبعدون عن البطاطس والملح والمقليات
عشان ما تنفخكم
وبعد الفاكة تاكلينها احسن من تشربين عصيرها

اقل كالوريات / تشبعك / تخلي بشرتك نظره []

وبس خلي هذا برنامجك اليومي

واعذروني على القصور بس حبيت اساعدكم مساعدة بسيطه بالي أقدر عليه[]

أذا استفدتوا ادعولي []

 

[أحلى غمازة]

رد: ملف ومرجع شآمل للعروسه الكل يدخل

الفـــــــــــــرش :

فرشاه الأساس من ماك و رقمها 190
فرشة من ماك و رقمها 188
فرشاة الكحل من ماك رقمها 266 الخشنه
فرشاه 222 او 224 لدمج الشدو من ماك
فرشاه كونسيلر من بودي شوب
فرشاه البلاشر من بودي شوب
فرشاه الشدو من بودي شوب
فرشاه الروج من بودي شوب



البـــــــــــيـــس:

كريم اولاي بالتوت البري
أو
Base شفاف من smashbox >> موجود منه بـ make up for ever بعد



الأســـــــاس الســـــــــــايل:

DiorSkin Forever Extreme Wear Flawless Makeup
من ديور
مع الكومباكت حقته
أو
ميك اب فور ايفر



الكــــــونــــسيلـر:

سهرات: اسمه select cover up من ماك
يومي : Lift من make up for ever



بـــــــودرة بعد الأســـــــاس:

Diorskin Shimmer Star
من christian dior
لونها
pop daimond
البرونزي : خذي amber daimond



بــــودرة اضــــــــــاءة:

بودره pearl من ماك
أو
daimond powder من ميك اب فور ايفر >> في منها كريم بعد
أو
Skin light من revlon



الشـــــــــــدو:

البيج و البني + درجتين بينك حلوه + درجتين برونز من ميك اب فور ايفر باليت كامل
اسمه carbon تاخذونه من ماك
اضاءه تحت الحاجب من ميك اب فور ايفر خذي منه ذهبيه و فضيه



الكــــــحل المــــــــــلون:

الموف: من برجوا رقمه 6
التركواز : من ميك اب فور ايفر aqua eyes رقم 121
و الاخضر: اخذته من ماك اسمها mint



المـــــــاســــــكارا:

سهرات:
Everlong من
Yves Saint Laurent
او
hypnose من lancome
يومي :
بودي شوب
شفافه :
بودي شوب او فور ايفر



الـــــبلاشــــــر :

يومي:
من بودي شوب او برجوا بينك + مشمشي
سهرات:
Shimmer brick
من bobbi brown
درجة rose + درجة مشمشي فاتح
أو
Hr << منها مشمشي حلو
أو
Dior
أو
Chanel



مـــحددات مـــــاك (العاديه مو الووتر بروف) :

Cranberry >> للدرجات الورديه
Spice >> درجات البرونز و البيج
cherry >> مع الروج الاحمر



أرواج مــــــــاك:

Captive >> وردي غاامق و مات بدون لمعه
Craving >> فوشي لفيه لمعه شوي
New york apple >> لازم لازم تشترونه اذا لقيتيه اشتري منه 2 ترا دايم مخلص درجته عنابي فاتح شوي
Sweetie >> بينك
Russian red >> احمممر
Ruby >> احمر فاقع
Girl about town + lickable >> احلى درجات الفوشي الفاقع شوفي وش يناسبك منها
Mocha >> للبرونز
Strength >> برونز اغمق
Underworld >> عودي جريئ مع المكياج المشمشي
party line >> لحمي غامق مع المكياج المشمشي
mystic >> لحمي غامق مع المكياج المشمشي
Hug me + syrup >> درجات ناتشورال مرره بعد لليومي



مــــثبت الـــــــروج:
Pro long lipcolour من mac
احلى الدرجات منه :
Commitment >> وردي غاامق
Loyal >> للي يحبون البرونز
For keeps >> بينك
Lasting lust >> احمممريكا
Perennial rose >> درجه ثانيه من الوردي الغامق



قــــلوســــــــات:

سهرات : قيرلان - فور ايفر – ماك
يومي : برجوا نوعيه 3d منها كم درجه حلوه بالذات الاحمر رقمه 26
أو
فور ايفر
عندكم درجه رقم 12 على وردي و 13 على فوشي ورقم 8 على برونز فاتح
أو
شانيل
أو
ديور
أو
ريميل



مـــــكبر الشـــــــــفايف:

Glossy full من ميك اب فور ايفر



أخــــــــــــــرى:
محدد الحواجب: من بودي شوب.
مثبت الميك اب : فور ايفر .
منظف الفرش : ماك .
3ستبس من clinique
سكرب المشمش من st.ives

 

[معزوفة عشق&]

رد: ملف ومرجع شآمل للعروسه الكل يدخل

> متابعه
كملي الله يعطيك العافيه

 

[سكادا بلو]

رد: ملف ومرجع شآمل للعروسه الكل يدخل

روعه بصراحه حيل استفدت ......يعطيج العافيه بالذات بالتعامل معاه كنت متوتره حيل

 

[أحلى غمازة]

رد: ملف ومرجع شآمل للعروسه الكل يدخل

لعرايس المغتلقات من الــ

بنات اللي تمرون فيه طبيعي جدآ جدآ ,, نتيجه ضغوط التجهيز و هم الزواج و ان الــ يبون لهم راس صاحي و دماغ يشتغل 24 ساعه ,, فها الشي يستهلك ذهنكم و انتم وراكم الف شي و شي ,,

نصيحه خذوها مني بقول لكم تجربتي بعد شوي عشان تتعضون << مفحط تائب ,,

المهم حاولو انكم اذا حسيتوا ان نفسياتكم بدت تقفل انكم تنسحبون شوي شوي و تتحاشون تكلمونوهم و انتم في هالمود الغلط ,,

تعذري انك بتنومين عند جدانك و ما تقدرين تكلمينه و ان كلمتيه ما تقدرين تطولين
ان بنات خالتك مرتزات عندكم يومين و تستحين تكلمينه قدامهم و هم ناشبين فيك و الا نايمين بغرفتك ,,

او اي عذر يبناسب ظروفك اهم شي لا تكلمينه و لا تتناقشين معه في شي ضروري او مصيري في هالمود ,,

عمومآ ترى الرجاجيل غيرررررررررررررررنا بكل شي و ترى هو ما يستوعب ردات فعلك

و دائمآ خلوا عندكم مويه مقري فيها ( عزيمه و الا محو ) كل ناس و تسميتهم و اشربوا منها اذا تضايقتوا ,,

و الجئوا للصلاة تنفس شوي من غثاكم و ضغوطكم و ادعوا رب العالمين دعاء المضطر ,,

نجي الان لوقت كب العشاء

انا انسانه قدر الله علي و انخطبت و فكيت و السبب وشو اني كلمته يا ثقل دم المكالمات اولها سعه صدر و تقلب بغثا
طبعآ جتني حالتكم اللي تمرون فيها حاليآ عاد انا وضعي لا أحسد عليه خطبتي كان مقرر لها 8 شهور في هالبربره و قلبت الدماغ و بين الملكه و الزواج شهر و نص ,,

طبعآ كلها اقل من 3 شهور خطبه و طلعت ريحتي و انقلب دماغي نحفت ثلثين وزني هاذي الفايده االلي طلعت بها رجيم رباني ,,
طبعآ مع المكالمات و الخرط نتناقش في كل شي و يشاورني في كل شي حى في افياش الكهرب و بالاخير كلمته اللي تمشي طيب وشوله تشاورني اجل عشان اقول رايي و يقعد سنه يقنع فيني و اقنع فيه و بعدين يسوي الي يبي و يجي يقنعني في اختياره يا ربييييييييييييييه طيب ليه تشاورني اجل !!!! عشان تلقى شي تبربر فيه

جتني غلقه من الحكي كلش بيصير فيه هالحركه لين وصلنا لأمور مصيريه و يسوي نفس الحركه و تعبت منه و في لحظه تقفيله من هالتقفيلات الجميله سوا حركات النص كم هاذي في امر مصيري و تكلمنا فيه سطعشر الف مره لو بتحكي شركه الاتصالات حكت في هالشي اللي ابلش حياتي به طبعآ كانت لحظه حاسمه في حياتي و قلت لعاد تدق علي و بعد ما هدت اعصابي دقيت عليه قلت الوجه من الوجه ابيض قود باي و انهيت مشروع زواجنا بكلمه ,,

مع انه انسان كويس و مرررررررررررررهـ قتنعه فيه و فيه صفات كثير حابتها و لو بيسألني احد وش مواصفات الزوج اللي تتمنينه اقول مثل فلان من كثر ما هو معجبني و انا نفس الشي مررره مقتنع فيني و حابني و متأكده انه بيقول عني نفس الكلام بس احنا اللي تسببنا في عمرنا ,,

و سويت فيه سوايا ميب طبيعيه و عصبت و صارخت و تشنجت مع اني انسانه رايقه و مرات اللي اعصب فيها تنعد على الاصابع يعني قلت له حكي عمري ما تخيلت اني ممكن اقوله لاخواني موب لخطيبي لدرجه انه كان يقول لي روحي توضي و صلي ركعتين و كلميني عشان اهدأ شوي من القلق و الضغط اللي عشت فيه
اذا ذكرت طريقه تعصيبي عليه يأنبني ضميري مع انه كان يحطني بمواقف لا احسد عليها هم كذا الرجال يدجون الحكي دج ,,,


وبس عاد اعقلو و اركدوا و لا تسوون سواتي
تعوذوا من ابليس و الزموا الاستغفار و الله يفرج عنا و عنكم يا رب ,,

ترى كتبت الرد و ما راجعته استروا ما واجهتوا

مرحبا بنات
انا مدري اعتبر للحين عروسه او صرت قديمه
كنت بالموسم اللي قبل وحابه اقولكم ايش الأشياء اللي استفدت منها كثير ومازلت مداومه عليها ..


النظافه

- بودرة للجسم من أجمل روعه روعه ريحتها ثااابته
وعلى كثر ماجربت من الماركات واللي تجي طقم مع العطر الا ان مافيه شي ثبت فيني زيها حتى ابونا يفرق اذا كنت حاطتها او لا
والاحى سعرها تحت 20 بس ما اذكر بالضبط صورتها هنا

إقتباس »
ImageShack® - Online Photo and Video Hosting
الموفيه ع اليسار
وعندهم مسك روز يجنن غالباً احطها بشعري

- الفوط اليوميه + الغسول + مناديل = لاتتعدون كير فري تعطيك انتعاش وريحتك نظاااااااااافه



- من عبد الصمد القرشي المسك الابيض والمسك الاسود ( الطهاره )
المسك الابيض هذا هو اللي ع اليسار :

إقتباس »
http://up.eqla3.com/Feb10/1uR97580.jpg
ايش فايدته ؟ ديودرنت تحطينه ع الابط وترتاحين لا سمار ولا حكّه ولا ريحه وحطيه بعد كل ترويشه واضمن لك تبقين نظيفه حتى الترويشه اللي بعدها
ملاحظه : لما تشترينه يطلع كأنه سايل مره بس مع الاستخدام والفتك والتسكير بيطلع قوامه الغليظ

المسك الاسود ( الطهاره ) :

إقتباس »
http://img96.imageshack.us/img96/8756/89773410.jpg
مين فينا ماتعرف فوائد المسك الاسود للطهاره واللي حكى عنها الرسول عليه السلام
اذا بغيتي نظافه وريحه تشعشع واهم من كذا بدون التهابات ووقايه من السرطان بإذن ربي
وترا لما تشمونه بالمحل تحسون انكم بترجعون زيي كنت اقول والله لو احطه ان يهج
بس الله يخليها ماما اصرت علي لانها مجربته وتعرف فوائده وصح هو غالي حبتين بس يستاهل
متى استخدمه ؟ ينحط بعد ماتغسلين من الدوره الثلاث ايام الاولى ع الفتحه بقطنه شويه وتمسحين، طبعاً انا اتكلم عن اللي تزوجت خلاص

- بعد ما اتروش ادهن جسمي بيبي اويل حق جونسون واحيان بجل بيبي اويل البرتقالي

هذا بيبي اويل اكيد كلكم تعرفونه :

إقتباس »
http://happybutt.files.eqla3.com/200...boots_1-19.jpg
جل بيبي اويل مالقيته بالنت ! بس معروف
فايدتهم ؟ ترطيبم جداً عالي وجسمك يبقى ناااعم طول اليوم ..
وعلى فكره اهم شي نعومة الجسم بعد العرس اغلبهم مايدققون الا على هالشي

- للوجه انصحكم بكريم بوندس الأحمر رهيب بنات وجهك يصير على وردي حتى لو انه اشهب



- للاظافر لايفوتكم حق بودي شوب ولاتشترون غيره ابد خفيف يؤدي المطلوب ورهيب واقصد هاذي النوعيه اللي فور ستيب :



- قلفز بودي شوب (تنظف من قلب ) :

إقتباس »
http://www13.eqla3.com/2009/11/09/19/848204347.jpg
- بالنسبه للعطور مقدر احدد لأنو كل وحده وذوقها بس احرصو احرصو بالبيت تشترون كم عطر هادي او بالفواكه زي حق شانيل
او اللي بودي شوب بالياسمين والفانيلا

- لليدين مافي شي حبيته وتشربه يديني بسرعه زي دوف بالخيار


طبعا هو شكله زي العصّار وناادر ما ألقاه بأمريكا

- كريم فازلين بزبدة الشوكولا ماستغني عنه ابد



- عناية بالفيس قبل زواجي كنت استخدم الثري ستيب من كلينك ومرتااااحه عليه مره وبشرتي مره توردت وزانت كثير وهنا اجمل حكت عنه :

كود:
أنصحكم فيه من قلب
ولما تزوجت واغتربت خربت بشرتي وبدت تشهب وتطلع الحبوب الصغيره

فـ استخدمت هذا الاختراع الرهيب

إقتباس »
http://cdn2.iofferphoto.com/img/item...BEZF5eF6Nl.jpg
برواكتيف وبعده بشرتي من احلى مايكون الحمدلله
سوو سيرش عنه باليوتيوب وشوفو الممثلين ايش حكو عنه

- وللرجلين ابطل شي فازلين العادي وبعدها شرابات

خلصنا من النظافه

ميك أب

كثير اشوف لما الوحده تقول استخدمه ك ميك اب يومي !
يستغربون البنات كيف ميك اب يومي ؟!
طبعاً انا اقدّر البنت اللي تحافظ ع الميك اب اليومي بس بشروط انه مايكون اوفر !
ميك اب يومي : ( بدون زحمة فاندويشن بدون كونسيلر بدون حتى شدو )
بس كحله وروج وبلاشر واحيان ماسكارا وحواجبك مضبطه
ليه ؟ لأنو انتي مو ببيت اهلك


- روج نكتار السحري رهيب بس مايستاهل سعره بالثلاثيات ومفعوله زي الروج السحري حق العجز الاخضر

هذا حق نكتار :

كود:
http://upload.traidnt.net/upfiles/n2d25504.jpg
وهذا العادي القديم :

كود:
Account Suspended
احلى حاجه فيه انه يثبت ويطووول وماتضطرين كل شوي تلونين شفايفك .. واذا راح شوي يعطيك شفايف لونها طبيعي

- الكحل الناشف احلى حاجه وطبيه ومضمونه ماركة كلينك < اقدّرها هاذي الماركه



- البلاشر اكثر حاجه استخدمها بلاشرات بودي شوب وبرضو بودرة حواجب حقتهم روعه لانها تعطيك لوك طبيعي وما كأنك حاطه شي

- لتنظيف البشره بعد الميك اب احلى حاجه حق لانكوم بالميلك مالقيت صوره له بس هو معروف ..


اتمنى افدتكم باللي اقدر عليه وبأحاول ارجع اكمل ايش الاشياء اللي فادتني ومازلت عليها

 

[أحلى غمازة]

رد: ملف ومرجع شآمل للعروسه الكل يدخل

أنا قلت المتزوجات والبنات بس يلا تثقفوا
ترى النصايح مجربه

نبدأ بالمتزوجات :-

أولا: اذا جايسافر بعلك لحااااله (والله لو اني منك رجلي على رجله حتى لو كان شغل الزقي له) المهم وانتي ترتبين شنطتة عطري منشفته حقة الشور بعطرك اللي هو يفضله عشان كل ما أخذ شور يشم ريحة عطرك ويتذكرك وما تروحين من باله ابد ويقول الله يااخذها لازقة لي ذا الريحه هنا وهناااك خخخخ امزح اكيد بترجع له الذكرياات الحلوه ويحجز على اول طياااره ويرجعلك ( بس لو ماااكان بتحمم مشكله هههه الله يعينك على اللريحه)

ثانيا: درج الملابس الداخليه حقته ,جيبي منديل أو قطعة قماش وعطريها بعطرك عشان كل ما فتح درجه تهب الروائح اللي تاااخذ العقل .

ثالثا: غطاء المخده حطي داخله منديل معطر ويكون أحسن لو كانت بودره معطره...ومارح يحلم في احد غيرك....ولا زقة له حتى في الحلم .

رابعا: لتعطير البيت فيه حاجه اسمها عطور فواحه وموجوده منها الخزامى واللفندر واليااسمين تخلي ريحة البيت تطير العقل وتتدوخ وفيه بعد شموع معطره
(بس لا تشترينها من وشيقر<<<<<سوق كله تقليد) روحي اشتريها من ماركه معروفه
وقبل ما يجي بعلك من الدوام ولعي وحده في المدخل وعلى فكره الخزامي يروق الاعصااب ويسااعد على الاسترخااء (وهذي ممكن تستعمليها كل يوم )

الحين نجي لنصايح البنات وتنفع للمتزوجات ( استعملوها مع أخوانكم وشوفو الفرق):-

أولا: تدرين ان الرجال لما يكون مشغول يفكر بموضوع يستعمل 95% من عقله بالتفكير و5% معك أو بالأشياء الثانيه يعني لا تسوين فيهااا حسااسه و تزعلين اذا كنتي تكلمين اخوك او بعلك ومارد عليك يعني اعرفي انه يفكر في شي اهم منك <<<< وحده تدور الشر .

ثانيا:لما الرجال يعصب نصيحه لوجه الله لا تكلمينه ابدا وابعدي عنه لأن الرجل يحب يكون لحاله ويهدى لحاله (احسن عشان ماتجيك نعله على راسك ولا بقس على عينك )

ثالثا: اذا صادفتك مشكله لا تقولين له على طلول لأنه بيحط على راسه قبعة الخبير وبيزغط فيك مثل البطه نصايح وحكم يمكن تتدخلين معه في مشااادات كلاميه وحوارات ساااخنه ويمكن توصل لشلاااليت وركب وبقوس خخخخخخخ امزح بس يمكن تدخلين نفسك في مشكله جديده
(اسأل مجرب) افظل تقولين له المشكله لما تخلص يعني من الأخير للأول زي الأفلام وبيني وبينك الاحسن انك تمسكين لسااانك ولا تقولين له شي وش دخله في مشااكل الحريم ولا وش رايك .

رابعا: لا تسوين نفسك ام العريف وانك فاااهمه عليه وخاصة في المشاكل اللي هو يمر فيها لأنه هو بنظره
(حكيم زمااانه ) انه يقدر يحل كل المشاكل
(قبعة الخبير ما جات ببلاش ) والرجااال لانه رجااال(على راسه ريشه )
يفكر المرأه مخلوق ضعيف فصعب عليه انه يلجئ لمخلوق اضعف منه لحل مشاااكله فخذيها من قاااصرها وللمره الثاانيه حطي لسااانك في حلقك وسكتي <<<< عاادتك ماتبطلينها

فيااا اخواتي المقلعاات المتزوجاات منكم والانسااات
لازم تتعلمون كيف تتعاملون مع العدو بحكمه وتعرفون
الاشياء اللي تزعله والاشياء اللي تفرحه علشاان تتقون شره
ترى هاذا من تجربه شخصيه وفي النهاايه اصابعكم مو وحده
ان شاء الله ماكون طولت عليكم وتكونوون استفدتو واتمنى من الشبااب
مايزعلون ويتحسسون <<<وحده خااايفه كل المشرفين شبااب
بس فعلا لا كل الرجال واحد ولا كل البنات واحد

والســـــــــــــــــــــلام ختاام

الله ييسر اموركم بنات ..
كل شي بيتسهل بس انتو كثفوا الدعوات و كل شي بيصير كويس
انا توني كملت سنه و للحين مو مستوعبه بس الحمد لله
عندي كم شي ما اقدر اسميهم نصيحه بس اعتبروها كلمه وحده لها تجربه

- حبوب منع الحمل :
كثير بنات يفكرون يستخدمونها اول كم شهر فلو حبيتي استخدميها باستشاره طبيبة موثوقة .. لا تصير تلعب عليك وتقولك لزقات :sm4:
اللزقات مكانها ما توصله المويه وقت الترويشه لانه كل لزقه تقعد اسبوع
و بعض الانواع قليل ادب يخزن مويا بجسمك الين تصيرين بطه منفخه زي حالتي الحين
و المشكله ما تحسين انك سمنتي الا فجأه اخذتها سنه تقريبا لحد يهاوشني
و كنت اتابع مع الدكتوره كل كم شهر و هذا شي مهم لازم ما تغفلين عنه
لي شهرين تاركتها و ان شاء الله ارجع زي اول

و لا تاخذينها بدون ما تستشيرين زوجك لان هذا حق من حقوقه .. طبعن هي تشين النفس


- سفرة شهر العسل ..
فيه بنات كثير ياخذون دولابهم وياهم .. المفروض تكونين ذكيه و تسددين و تقاربين
يعني انتي مو محتاجه الميك اب كله .. خذي الشي اللي تحتاجينه بس ..
و خلي شنطه لكل شي .. اغراض الحمام و الاشياء الشخصيه خليها في شنطه لحال ارتب لك
لما تروحين الحمام بتتروشين و غيره ..
خلي معاك فوط صحيه احتياط + استخدمي الفوط حقت العنايه اليوميه (كير فري مثلا)
+ خذي معاك مناديل حق المنطقه الحساسه .. عشان لو احتجتي الحمام و انتم طالعين
او كان الاوتيل مافيه شطاف
خذي معاك كريم جروح - لزقه - حبوب مسكنه - كريم حق لسعات الحشرات - واقي شمس
هاند ووش او مناديل ديتول ..
بالنسبه للملابس الوسخه .. افرديهم بكيس و رشي عليهم شوي بودره اطفال عشان الريحه
هذي النصيحه اعطتني اياها امي
و الأشياء الخفيفه اللي ممكن تغسلينها اغسليها زي الشرابات مثلا ..


ّ* لما تشيلين بموس ادهني المنطقه بكريم فيسودين اللي لون الخط حقه احمر
هو حق التهابات منابت الشعر و الحبوب .. ادهنيه يومين عشان ما تحمر المنطقه و تلتهب
و تطلع حبوب

* من الحين شوفي شغل البيت كيف يتم .. غسيل الحمامات .. الارضيات ..
الطبخ و الترتيب و الغسيل .. خذي فكره عن كل شي ..
كل الناس تحوس بالبدايه و تختبص و تحس انها مو عارفه تسوي شي ..
استفيدي من تجربه امك - خواتك الكبار ..
ترتيب شقه غير عن ترتيب غرفه و المطبخ حكايه ثانيه
فحلو لو يكون عندك تصور مسبق عن الوضع بيوفر عليك وقت كثير ..

* خلي يوم معين للغسيل و اتفقي مع زوجك ان وقتها مارح تطبخين او تسوين اي شي غير الترتيب الخفيف

لو تذكرت شي ثاني بجي

صباحكم سكر ,


نبدا الحين بحلقتنا الثانيه من مسلسل per te

حلقتنا اليوم تتكلم عن اللانجري , أدري في نوع من الاستطراد في التجهيز لكن أنا نفسي أتكلم عن اللانجري الحين
أنا أبي

سوا الي قرب زواجها أو في بداية التجهيز أو الوسط ,
كل بنت تقدّر من نفسها كم تحتاج من القطع , وطول فترة تجهيزها تسمع النصايح الي تجيها من كل حدب وصوب
كثري .. لا تكثرين ..
اشتري غالي .. اشتري رخيص ..
يحبون الأحمر .. يحبون الأسود
خليه كله قصير .. اشتري طويل ..
والمسكينه العروسه تمشي وتشتري والقطع تزداد وتزداد وماتعرف اذا هي تحتاجهم أو لا .
في البدايه يا عروستنا الحلوه اسألي نفسك , وخمني كذا من نفسك ..
هل أنا بنام كل يوم بقميص نوم ؟ لا لا يعقل أصلا ماينفع
واسألي نفسك , أنا العروسه الأموره أشتري رخيص وخايس؟ لا لا مو حلوه بحقك .
طيب أنا العروسه الحلوه أشتري ب 3 و4 الاف قميصين؟ لا لا خافي ربك
شوفي يا عروستي / الرجل انسان أقصد يحب التغيير سوا بشكلك أو حتى بقمصاانك ولبسك
يعني وقت ما تشترين شي طويل مش لأنك تبين الستر لأ بس من باب التنويع .
خليك معتدله ومفتحه عينك اثناء الشراء , مشكلة العروسات انها تطلع للسوق ترجع ترمي أكياسها بالغرفه , وتطلع تشتري وترجع وترمي , وتتراكم الأكياس فوق الأكياس وبالأخير تلقى نفسها شرت أغلبها من نوع قماش معين , ونست تنوع , أو أغلبها لون معين .
لأ :sm4:
stop

قدامي يالله , فكي كل أكياسك وشيكي على الي شريتي , أنتبهي يا عروستي الحلوه , بدولابك بعدين أبيه يشوف كل شي فيه , كل أنواع الأقمشه حقة اللانجري ( ساتان , دانتيل , تل .. الخ )
نوعي بالأشكال والألوان , شريتي أسود 2 أو 3 خلاص وقفي انتقلي للون الي بعده , خليك متجدده بالألوان والموديلات , حددي لك عدد معين من القمصان ما تتعدينه , وعدد معين من البجامات
وطالما جبنا طاري البجامات هذي تحتاج تفصيل شوي , كثير ناس تقدر البجامات والبجامعه أصلا شي رائع . خليك ذويقه وانتي تختارين , لا تقولين كلها بجامه :sm4: . نبي أشكال حلوه , أشياء متنوعه , كم قصير وكم طويل وبدون أكمام , شورتات وبنطلونات طويله , لا تخلين شي , حتى لو إنتي في بيتكم مش متعوده تلبسين نوع معين , التجديد مطلوب ومريح لك إنتي قبله هو , لما تنتهين من البجامات أو أثناء شرائها ما ننسى السليبر , أشتري ما لا يقل عن 5 , شكلها حلو بالبيت ومريحه وتعطيك شكل حلو مع البجامه ,
صح نسيت أقول شي , اشتري أرواب , شكلها مع القمصان , لا تكتفين بأرواب الحمام بس ويدوخ راسك قبل الزواج من وين أشتريله ومن وين أشتري لي لا لا:sm4:
في أرواب حرير حلوه وناعمه أحيانا تجي مع القميص وأحيانا لوحدها تكون لون واحد ساده ممكن تنلبس مع أكثر من قميص , هذا جدا مفيد للبس خصوصا بالأيام الأولى
نجي الحين للأندر وير , هنا كثري , شايفين كلمة كثري ؟ أقولها من هنا لبيت كل وحده فيكم
الاندر وير ماله موضه + ماراح تتوحمين عليه اذا حملتي + غالبا ما يتغير مقاسك فيه .
وانتم بتستهلكونها كثير , اذا في بيتكم عندك 30 قطعه أشتري هالمره 60 .
وهنا بعد التنويع مطلوب , ساده على منقط على كاروهات الي تبين .
ولا تنسووووووووون شي مره مهم , شورتات داخليه , مره روعه بفترة الـ .
تلاقونها بالسدحان , أشتروا لكم 4 . 2 أبيض 2 أسود لأن مافيه الا هذي الألوان
جدا حنونه وتحتويك .
نجي الآن للخطوه المـا قبل الأخيره , من وين أشتري ؟
وهنا أقول وش دخلني أنا , كل وحده تشتري من المكان الي ترتاح له لكن العبره هنا بالكم والكيف , كل جهازك بـ ايش؟
الكم / الكيف .


أما الخطوه الأخيره /
كيف يتم حفظ كل هذي المشتريات ,
ياحلوات , بعض قمصان النوم صعب تنغسل بعد كل استخدام مثل اللبس العادي , وبعضها أقمشته جدا حساسه وتحتاج نوع معين من الكوي أو طريقه معينه في الغسيل , والوقايه خير من العلاج .
أغلبية الأقمشه الساتان ما تتعفط بسهوله , وهذي سهلة الحفظ , بينما القطني منها والبجامات لو ما حطيتيها بطريقه مناسبه بتخرب لما تفتحينها ببيتك , وهنا جيبي من يكويها لك كلها ,

أفضل طريقه , جيبو شنطة سفر متوسطة الحجم , أو صندوق معين , " ملحوظه " مو نفس الصندوق الي بتاخذونه معكم , لا هذي مؤقته فترة التجهيز بس . وللي زواجها قرب ممكن تحفظها بمكان هي محددته .

في قاعده الشنطه نحط لوح كرتون " اقطعوه من أي كرتونه . أو سماط ثقيل شوي وساده
ونغطيه بقماش < -- لو استخدمنا الكرتون علشان ريحته .
ونفرش القميص الأول , نفرشه صح وهو ماخذ راحته على الآخر ومافيه أي جزء منه منسفط .
ونحط ايش ؟ ورقه . من الأوراق الي تباع في ستي بلازا للملابس . بعدين فوقه نفرش الثاني .
طبقات يعني . وآخر شي لما نخلص من الحرير كله نرمي عليهم الكور المعطره من ستي بلازا , ونسكرها بلوح كرتوني مثل الي تحت . ونبدا نحط القطنيه وهي مسفطه عادي . وعلى الأجناب الأندر وير ( بشكل مؤقت فقط وبعدين نقول كيف تترتب ) . بعد كل مشوار رجاء وبعد كل قميص ارجعي وحطيه بالشنطه وسكريها ولا تنسين الأوراق والكور ووقت ما تلبسونها شمو ريحتها وتذكروني



×

:
في الزواج , إنتي مش رايحه لبيت ناس تنامين عندهم :sm4:
انتي رايحه لبيتك , سوا كان غرفه عند حمولتك , شقه , فيلا
وحتى لو زوجك هو مأثثها وكامله , تذكري ان احتياجاتك الخاصه انتي الي بتوفرينها
يعني تخيلي نفسك رايحه لمكان فاضي الا من الأثاث , ومامعك الا جهازك ,
فاهمين كيف الاحتياجات الي تحسسك ان هذا بيتك وان المكان هذا مسكون مش شي مركب على شي
احسبي حساب هذا الشي
ولا تقولين مش مشكله بعد الزواج بروح السوق لو احتجت الدنيا مش طايره :sm4:
أعرف انها مش طايره , وأعرف ان السوق جنبك , ولكن , رتبي أمورك
مثلاً .. شريتي اكسسوارات ؟ وين بتحطين حلقك ؟ وين تعلقين سلاسلك ؟ عندك درج ؟
أعرف والله انه عندك بس نبغى طريقه معينه لحفظ أغراضك .
اشيائك الي في البيت الحين انتي ما تحسين فيها الا لما تتركين المكان وتسكنين بغرفه خاليه الا من أغراضك الجديده , تفرجوا على غرفكم الحين فيها أشياء تحسسك بالحياة , ان أحد ساكن هذي الغرفه لكن بعدين لا , وأنا ما أبغاك تمرين بهذا الإحساس ,
لذلك , أي شي تشترينه تخيليه بغرفتك الجديده وين بيكون مكانه ؟ وش طريقة حفظه ؟
زوجك ماراح يجيب لك أرفف للجزم ! علاقه للحلق ! صندوق حفظ الاندر وير المقسم من ايكيا !
معاليق للملابس ! مكواة صغيره ! كبريت !
اهتموا بهذي التفاصيل واحسبوا لها حساب , مافي مانع لو حسبتي حساب لأي جهاز تشترينه للفولت الي يحتاج , مش تاخذين معك 110في السفر وما تستفيدين من الجهاز او تحرقينه
ابدا مش شي غريب ان يكون من ضمن جهازك وصلة كهرباء والا تحويله , بالعكس , أفضل من انك كل ما جيتي تشغلين شي تسألين زوجك او تطلبين تدخله وكأنك ماتعرفين تدبرين هالاشياء السهله .
عارفين لما تكونون بمخيم بعز الشتا , وجنبكم بقاله تبعد كيلو بس , وانتي معك شرابات وجكيتات زياده وفروه وكل حاجه والي معك ما استعدوا كثير ؟ مع انهم يقدرون يشترون من البقاله الي جنبهم ولكن ..تخيلتوا شعورك وقتها ؟
صدقوني نفس الراحه اذا كنتي حاسبه حساب للتفاصيل هذي بمرحلة التجهيز ,

الخلاصه : أهتمي بالنقطه قبل الحرف



:

×

حلقتنا اليوم تتكلم عن شهر العسل
شهر العسل أحدى أهم السفرات المميزه بحياة كل بنت
لذلك لو قالك زوجك بآخر اللحظات ما أقدر مطفر وشرايك نلغيها وأمشيك هنا ؟
قولي لأ:sm4: ترا العود من أول ركزه , واذا ماعنده ميزانية للزواج وتكاليفه لا يطق الصدر ويقول بتزوج
أي نعم سافرتي مع أهلك كثير وبتسافرين بعدين مع زوجك أو أهلك
لكن هذي سفره مختلفه , مختلفه بكل تفاصيلها
لأسباب كثيره :
1 / كل أغراضك فيها جديد * جديد .
2 / معك واحد يدلعك وياخذ بخاطرك ويادهينه لا تنكتين , مو دايم هو بيكون كذا
3 / تحسين باحساس غريب كذا انه بداية شي في حياتك , شي كبير , تكوين أسره وأشياء كبيره
4 / يمكن فيها أول مره تلبسين قميص نوم وتجربين أشياء جديده عليك
بس خلاص مو هذا موضوعنا

الزبده انو لازم تكونين مستعده لهذي السفره علشان تستمعين فيها
هو عليه الحجوزات وكل شي وانتي عليك أغراضك ونفسيتك الحلوه بسسسسسسسس
وكثير بنات يهملون تجهيزهم لهذي السفره مع انها تاخذ تقريبا 20 يوم وما يرتبون شنطهم الا قبل الزواج بيوم والا يوم الزواج خطأ يا عروستي خطأ :sm4:
المفروض تكون مسكره قبل زواجك ب 4 أيام أقل شي , لأن وقتها بتكونين مشتته, ومن مصلحتك تبكرين فيها علشان مع الوقت يمكن تتذكرين حاجه من احتياجاتك ما حطيتيها ,

بسفرتك مع أهلك يمكن تاخذين بس جينزين أو 3 والباقي بديات لكن يمكن مالك نفس تكشخين أو محد شايفك لكن بشهر العسل :sm4:
وش تبين ولد الناس يقول عنك ؟ وين ودت مهري ؟ :sm4:
وبعدين ليش مخبيه ملابسك ؟ عشان طلعات حمولتك ؟:sm4: راس المال هو , والكشخه له هو

بمعنى

لا تاخذين كل أغراضك ولكن لا تخلين شي
مستعدات ؟
مشينا

أول شي نشوف البلد الي بنروح له , جوه كيف ؟ لا تدربلين راسك وتعبين الشنطه وانتي ماتعرفين وش الجو الي مقبله عليه:sm4: وتذكري : سوا كان دافي أو بارد , بنحسب حساب للجو الثاني لكن حساب شوي مو كثير يعني حتى لو عرفتي ان الجو هناك مش بارد , خذي معك جكيتين , للاحتياط , اذ جو السعوديه يستهبل ويقلب كيف هناك ؟واحتمال تروحون مدينه ثانيه , واحتمال بالليل الجو يبرّد , احتمالات كثير , لا تقولين ما قلت :sm4:


مشكلة هالموضوع ما أقدر أعطي فئه حقها , أنا فئاتي 3
1/ وحده شالت عبايتها بالطياره وماراح تلبس حجاب ,
2 / وحده تلبس لبس ساتر وحجاب ,
3 / بعبايتها كامله .

الأولى تتعب شوي الثانيه نص ونص الثالثه لا ما تتعب ,

بخصوص الملابس كل وحده براسها وتعرف خلاصها رجاء لا تكررين اللبس أكثر من مرتين في حالة ان سفرتك اسبوعين . ملابس النوم البجامه تلبس يوم الى يومين فقط حتى لو تحممتي بالنص , وبعدين تتغير , بلخص الاشياء الي لا تنسونها بالشنطه .

1 / شرابات , حطيها وما جاك علي .
2/ علبة خياطه : عباره عن علبه صغيره فيها ابره وخيط وكذا شي . مع ان انا عندي احساس اننا صرنا بعصر مانبي نسوي شي , يعني لو انقطع زرارك ممكن ترمين كل لبسك وتغيرينه .
3/ نظارات شمسيه : 1 أو 2 أو 3 . على حسب طبيعتك .
4/ مكواة صغيره .
5/شاحن الجوال .
6/ شنطة الصيدليه : شايفين أغراض أمس ؟ خمني احتياجاتك وحطيها بشنطه صغيره ولا تنسين الفوط . نصيحه خذي اغلب الاغراض .
7/كاميرة تصوير . وهنا أحط مليون خط . اشتري كاميرا لو ما عندك , ديجتال طبعا , وميموري لزيادة سعتها , ولا تنسين الشاحن تبعها .( صوري كل اللحظات الحلوه بهالسفره وياليت الصور تكون بالتاريخ ولما ترجعين جيبي البوم صور كبير ومرتب وفي البومات خاصه لشهر العسل وثقي فيها كل شي علشان يشوفونها عيالك لا أمزح أقصد تتفرجون عليها سوا بعدين )
8/ شنطة صغيره فيها : الصابون + الشامبو + شاور جل + بدي لوشن + باودر . بمعنى خذي لك طقم كامل للاستحمام .
9/ روب واحد للاستحمام + روبين أو أكثر للجلسه بالغرفه + مناشف " فوط صغيره للوجه " .
10 / بما ان مافيه أحد يشقرلك حواجبك هناك لا تنسين المشقر لو تستخدمينه كلها أسبوع أو 10 أيام وتطلعين على حقيقتك , تداركي هذا الأمر .
11/ فواحه معها زيوت معطره للجو .
12 / الشي الي يتركب على الجدار للنامس يمكن يكون شهر عسلك بجزيرة أو بمنطقه حاره ورطبه وتكثر هذي الأشياء هناك .
13 / نفسه الي يتركب فوق لكذا هذا معطر للجو , ركبيه بالحمام علشان ما تتأزمين وقت استخدامك للحمام , وراح يعطر لك الجو ويقوم بالمهمه .
14/ كريم وقايه من أشعة الشمس .
15/ عطرين أو ثلاثه + الديودرنت + بودة للجسم أو زبدة أو أي شي من هذا القبيل أشتريتيه وقت التجهيز , خذي معك طقم كامل من الكريمات ومعها عطرها , ولا تكثرين من المجموعات , 1 أو 2 كفايه .
16/ نوته صغيره وقلم : يمكن حابه تكتبين شي للذكرى , يمكن بتكتبين له شي , يمكن ويمكن, خذيها وبس .
17/ بالفنادق غالبا يكون موجود غلايه للمويه الحاره ومعها شاي وسكر فقط , لكن مافيه مشكله لو أخذتي معك مغلفات قهوه من النوع الي تحبينه لو مسكت معك قهوه ومو وقت طلب أو طلعه .
18/ خذي سليبر معك تدورين فيه داخل الفندق مع البجاما أو القميص , خذي معك من 2 الى 4 أعتقد يكفي.
19/ يباع في الصيديلات كلوتات الاستخدام اليومي الي ماتعرفها هذا كيلوت شبه ورقي تلبسينه مره وترمينه بالزباله , أفضل انكم تشترون مجموعه تلبسينها وقت الطلعه وترمينها بعد ما ترجعين .
20 / سجادة وشرشف للصلاة + كتيب أذكار المسلم + قرآن صغير .
وهنا أبي أنوه على نقطه , فيه سجاجيد صغيره بحجم كف اليد بلاستيكيه تنحط بكيسة صغيره تلقونها ماعرف وين حلوه تاخذينها معك بشنطتك وقت المشاوير الطويله الي ما تقدرين ترجعين الفندق علشان ما تأخرين الصلاة .
21/ هذي النقطه لفمك أرجوك , لازم يكون أنظف شي بالعالم وأحلى شي بالعالم
لا تنسين الشنطة الخاصه فيه ( المعجون والفرشاة + الغسول المطهر + العلوك والحلويات
+أعواد أسنان )
22 / أكياس فاضيه , مش شفافه , وحجمها مناسب .

تعبت الحين ان شاء الله ذكرت أهم الأشياء الي لازم ناخذها معنا في شنطة شهر العسل



مساآآء الخيرآت يا بنآآت

كيفيكم اليّوم وش مسوينَّ وعملين آية ؟؟





كل اآلشكر لكل من ردت علي , ودعت لي . وهذآ آللي اآبغاه منكم ( اآلدعاء وبس ) ..

آمين يآرب يابنات الله يوفقنا ويسعدنا ويسخر ازوأجنا ويجمعنا معهم على خير وفـ جناتة ان شاءالله وياكم .ّ

الله معنا ’ وراح يكون معنا ، ويسهل علينا ان شاءالله .. <- تهون على نفسهآ ( ترحمّ بقوه ) ..






هذه نصائح خفيفة وسريعه واتمنى لو ترد بشي بسيط لجمايلكم وتعاونكم وعطاكم .. اللي شفته !

مثل مانصحت وحده من البنات هنأ (ضياء) على ماعتقد وبقولكَ الصراحه اتآمة والافضل لكَ ..

من ناحية البرامج والجلسات والخلطات والشغلات هذه الخاصة للعروس مالك فائده فيهأأأ غير صرف وخسارة فلوس .ّ

صدقيني , سوي اشي لنفسك , وانتيجة افضل لك !! (من) تجرحة شخصية .!



راح اقولك .,


* بالبداية شوف ايش اللي تبغين تعالجينة مثل (حبوب شباب \ اثار جروح \ واشياء كثره تعرض لها البنات من بشره \ جسم \ شعر.. ) روحي لدكتوره خاصـة تصرف لكَ وتدومين عليها لحد يوم زوآجك .

* شوف اللي يناسبك من ( ماسك \ صنفره \ غسول لوجة يومياً \ او صابونة البابايا 3*1) شامبـو \ بلسـم \ حمـام زيت لشعـر..

اذا حابة لوشن معين من عندك لجسمك بعد الحمام .. او

إقتباس »
( جلوسيد + ليمون + ماء ورد)
هذا اللي استخدمـة أنا فتره هذه ومره ممتـاز ..

* ثلاث مرآت بالأسبوع .. حطي على جسمك ( الخلطه اللي راح اذكرها لك الحين) واذا قرب زواجك يوم اي ويوم لا ..ّّ

من ثاني او ثالث مره راح تشوفين الفرق بجسمك وليونته من جد خطير خطير خطير ..

جسمي ملمسة زي رطوبة الاطفال واكثر وربي ..

.. ( الخلطه ) ..



إقتباس »
تبشرين صابون غار وحده وتنقعينهـا فـ كاس ماء ورد لصباح ..

وتضيفين عليهـأأ ( جلوسيد وسط \ فازلين وسط \ فكس وسط) .. وتخلطينهـا بيدك انتبهي لا تستخدمين الخلاطه الكهربائيه !

وحطي فوقهـا فنجان من (زيت الزيتون \ زيت الوز المر \ زيت الجلسرين الطب \ زين النخااع الاصلي) بيالة ليمون لان اليمون يفتح الجسم + معلقة ونص كركـم خاص للجسم ..

وتخلطينهم وتحطيهم بعلبة قزآز افضل لك , وقبل ماتستخدمينها رجيها

ريحتها مو هذاك ازين بس تستحميلينه ..

حطيه على جسمك ساعتين , والافضل نامي فيه واذا صحيتي غسلية من جد خطيـر ..
وكل الاشياء هذه بـ العطار تحصلينهـم ..


* طبعاً اسبوعيـأأأ آو كّل آسبوعين (حددي يوم \ ساعه) هذاا الافضل علشان تستمرين فيهـأأأ وماتملين .. (حمـام بخـار) ..!

من الى .. يعني راح تجلسين 1 \ 1,5 تقريباً بالحمـامَ

انا استخدم لي تقريباً اسبوعين وصفه من دكتور , معطيها وحده من البنات هنا وعطتني اياها من جد .. نتيجه مره حلوه ...ّ

وطبي اذا فـ الرياض تحصلينه فصيدلية ادمة او صيدالية الخاصة لعيادة العناية بالجلد ..



إقتباس »
* Glycolix 18 % Extremity
+ 4% kojic Acid
1×1 في المساء
للاكواع والركب والقدم واستخدمها انا ع ابـاط والحمدالله النتيجة بشكل ملحوظ شفتها ..!!

إقتباس »
* Gitrix body Lotion
+ 6% kojic Acid
1×1 في المساء
للمنقطة الحساسة وبين الافخاذ وبرضو النتيجة مرضيتني

باقي على زوآجي 6 ايآم والحمدالله تعالجة من المشكله اللي مضايقتني . !!

الوصفتين راح تكلفك 400 ريـال

* استخدمي غسول طبي .. عندك اسآنكول باليمون مره حلو من زمان وانا استخدمة وتقدرين تستخدمينه لـ منطقة , والوجة .

وفيه غسول عطان اياه صيدلي لان كان الغسول هذا مخلص واستبدلي بـ واحد اسمه ( بكنج ) ريحته حلوه .,

والغسولآت كثيره , وانتِ شوفي اللي يناسبـك . وايش تعرضين علشان يعلج لك المكآن نفسه من ( الالتهابات . افرازات . حكة) .. والـ خَ


* الدوره الشهرية \ لازم تلبسين بنطلون قطن داخلي , ولا تشربين السؤائل اللي مالها فائده مثل الغازيات واستبدليها بشي افضل .


* بدائة التجهيز ابدي بـ الزوآج كيف راح يكون وين راح يكون . وابدي بعدها بـ (الفستآن) واستايله و بعدها بالحجوزآت وتنظيم الحفله .

وبعدها الاشياء الثانية ابدي بسهل وبعدها الصعب . ( نصيحه من ) اذا ناوية تروحين لمجمع معين حطي براسك .

ان راح تشترين الشي اللي انت كاتبتة يعني الاسبوع هذآ اخلص ( الانجري - البيت - ولبس معين لطلعات مع زوآجي ) اشياء خاصة يعني ..

( انتبهي من . الاطقم الدخلية حقات الطلعات لاتشترينها الا بعد ماتخصلين من " الفساتين - التيورات والبس حق الطلعات ) علشان ماتوهقين بعدين ..

والاسبوع الثآني اخلص ( المفرش - الاكسسورات - الشموع الخاصة لغرف) .. والاسبوع الثالث مثلاُ ( التيورات - وتوابعه) وهكذا وبلاخير ( المكياج \ العطور \ مستتحضرآت عناية \ العود ) ..

وطبعاً انتِ بنفسك حطي لك برنأمج معين تخلصين اشياء معينه . وخلصي قبل زوآجك بت اسبوعين واكثر علشان تفضين لنفسك ..


*
.... *
.......... *
..... *
*


* نصيحة من قلبـ *

آحرصي على حفلة زوآجك تكون إسلامية خالية من المنكرات والمعاصي، آحذري من العادات والتقاليد المنكرة اللي مالها دأعي ولا من عأدتنا .

حاولي تصدقين وتعطين وتعشين من مهركَ لـ أحد محتاج وفقير . ترها فيها بركه ! فالفتره هذه اقرأي واسمعي عن " فن" الحياة الزوجية .






.. هذ’ اللّي عندّي الحينَ وربّي يوفقكْم ويَسعدكّم ويهنيكم ويسخر ازوآجكم لكّم ..

 

[أحلى غمازة]

رد: ملف ومرجع شآمل للعروسه الكل يدخل

مرحبا عرايسنا الحلوين
شو اخباركم خاصه عرايس خمسة هاه خلصتوا ؟ << مافي امل

بكتب لكم ملخصي واحتاج مشورتكم

الاشياء اللي خلصتها

1- ذهب كلفني تقريبا 45 الف
2- فستاني مع طرحتي كلف سبعه الاف ريال << الشوز باقي
3- فستان الليلة الثانيه بالفين وخمس ميه << بيكون في عشاء او استقبال زي ماتسمونه
4- قطعتين قماش فخمه وحده بألف وخمس وحده بثمان ميه عشان عندي مناسبات بعد زواجي مابعد فصلتهم << الله يعين ع مبلغ التفصيل
3- عطوراتي شي هدايا منهم وشي اشتريته عندي ثمانيه فرنسيه وخمسة شرقيه ومجموعتين ودهن عود ومسك ابيض ومسك طهاره وعود وبخور
4- بيجامات قطن ست طويله واربعه شورت و عشره برمودا وثنتين شتويه
5- بيجامات حرير اخذت ثنتين من نعومي وحده حمراء طويله ووحده نيلي تجنن برمودا حرير والبلوزه شيفون راقيييييه
6- القمصان القصيرة القطنية حق البيت اخذت عشرة << احبها مره
7- سته اطقم اندروير مع البرا و سته اندروير لحالهم دانتيل اخذتهم من نعومي وسنتر بوينت و ثلاثه بوكسر واندر وير قطني للدوره فيه خمسه حبات << اتوقع راح ازيد كمان عشره منوعه و خمسه برا اثنين اسود واثنين ابيض ووحده بيج
8- ملابس النوم خمسه بيبي دول وخمسه قمصان قصيره مابين دانتيل وحرير لسى مااخذت ولا واحد طويل ولا حق اول ليلة مالقيت شي عجبني من الطويل ابدا
9- لبس الطلعات : اربعه فساتين ناعمه طويله وطقمين بلايز مع تنوراتهم طويله وثلاث فساتين قصيره وتنورتين قصيرة مطقمه عليها و بلوزتين لسى ماطقمتهم وجاكيتين كموني رسمي ونيلي بوي فرند و3 جينز ازرق غامق وفاتح وبني وبنطلون اسود رسمي اثنين بديهات فخمه
10- لبس البيت اربعه فساتين قصيرة وثلاثه ليقنز تنورتين قصيره واربعه تيشرتات وشورتين
11- شوزات الهاي هيلز ذهبي وفضي ورمادي واثنين اسود وفوشي وتايقر واحمر ونيلي وجينز .. حقات الطلعات للسوق والمطاعم مو فلات ارتفاعها بسيط خمسة ملونه .. سليبرات اثنين والجوارب حقات السيراميك تقريبا سته ملونه .. كيلونات تقريبا سبعه ثلاثه اسود واثنين لحمي ورمادي وفوشي
12- الميك اب ماكملته بعد اشتريت باليت نيكد وباليت من سيفورا امريكا فيه شادو وبلاشر حلوين مره و 2 بلاشرات من انجلوت و 4 روج واحد من برجوا و 3 من ريميل وبيبي كريم من غارنييه يجنن يابنات لايفوتكم ينفع لمكياج النهار او بالبيت بدل الاساس وبس باقيلي اشياء كثير في الميك اب
13- اربع عبايات وحده فخمه مره حق سهرات واثنين وسط حق زيارات ووحده للسوق والمطاعم .
14- ساعتين ذهبيه ووحده سودا ووحده بيضا ووحده عنابي ووحده نحاسي ( السودا والنحاسي والعنابي عندي من اول بس لاني مااطلع كثير فكأنهم جديده ) باقي باخذ فضيه
15- شنط السفر طقم فيه خمس قطع من الشماسي وشنطتين طلعات مع بوكاتهم وخمسه كلاتشات ذهبي وفضي واسود واحمر ورمادي


حجوزات :

حجزت كوشتي اوف وايت كلها مع لون اخضر او زيتي بسيط مره بسبعه الاف دفعت عربون الفين وعند نفس المحل حجزت المسكة
كوافيرتي + مصورتي لسى ماحجزتهم هاليومين بحجز
التقديمات حجزت النص وباقي اشياء
زفتي بسويها ان شاء الرحمن عند زفة المساء


اشياء عندي من اول :
آلة الواكس - ليس جي اتش دي - استشوار يدوي امجوي - اكسسوارت بالهبل بعضهم مالبسته + اشتريت كم اكسسوار جديد
عندي ملابس طلعات فخمه وبيت برضو من لبسة ولبستين بغسلهم واكويهم تنفع بعد مااخلص الجديد ابدل فيهم

باقيلي
تاج + شوز + اكسسوار << ليلة الزواج
مفرش + سجاده وجلالات صلاة
اغراض الصيدليه حسب احتياجي
فواحات و طقم للمطبخ واكسسوارات بسيطة لشقتي ع مزاجي
طقم ارواب الحمام لي ولزوجي + روب زياده لي
مناشف
ارواب طويلة حقات القمصان اثنين

مدري احس ملخبطه واحس اشتريت كثير
واحس ناقصني كثير
مشكلتي ماعندي خوات ولا احد يطلع معي للسوق
احيانا خالتي او أمي بس برضو احس اني ضايعه
خلصت مهري سبعين الف و اهلي زادوني عليه فوق عشرين وباقي الحساب مفتوح
وماعاد ودي اثقل ع اهلي اكثر الله يجزاهم خير

عناية جسم طبعا ماعملت ليزر بس متعوده اشيل واكس
ومو شايله همه وبدأت اعمل حمامات وخلطات بس ع خفيف << مدري وش منتظره
بس مااحتاج هذيك العناية المكثفه لله الحمد

بنات كنت اضحك اذا شفت البنات هنا شايلين هم
واقول الامور تساهيل ليش مكبرين الامور
بس الحين وربي صاير اتفه شي يبكيني صايره حساسه مره
والتجهيز مره مأزم نفسيتي واحس كل اللي اخذته مو حلو
مع انه بنات خالاتي مدحوا الاشياء اللي شافوها
بس انا مره كرهت كل شي اشتريته لدرجة الفستان حطيته بغرفة ماما
عشان مااشوفه واكرهه


بسألكم يابنات عن افضل ماسكرا
كنت استخدم هابينوس من لانكوم بس مدري ليه ماصارت زي اول
احس صارت تكتل رموشي

ايه وكمان بقولكم على شي جميل مره للجسم ينظف
سووه مرتين في الاسبوع صاحبة ماما الله يجزاها خير قالت لها سويه لبنتك
وسويته مرتين وحلو مره
دقيق + منقوع تمر هندي لاتخلينه ثقيل ولا خفيف
زي قوام خلطة الكيك تقريبا المقدار اللي يكفي جسمك
لاتسوين كثير مقدار زبدية الشوربه يكفيك ويزيد
وحطيه ع جسمك بالحمام قبل حمامك طبعا وفركي جسمك بيبدأ ينشف
وافركي وهو ينشف جد يابنات ينظف استمري حق عشر او ربع ساعه تفركين وهو يطيح
ولاتحممتي رطبي جسمك بجلسرين تحسين انتعاش ونظافه من قلب

ويابنات ارجع انصحكم بسنفرة المر والكركم للي في جده يشترونها
من محل الصابون الطبيعي في الصيرفي ميجا مول
يابنات خياليه صفاوه صفاوه اتعب اوصفها

وبس اعذروني ع اللخبطه

 

[أحلى غمازة]

رد: ملف ومرجع شآمل للعروسه الكل يدخل

ساء الخير ؛
يسعد مسائكم ياعرايس .. أتمنى تكونو بسعادة و بخير .

من فترة عن الموضوع لظروف خاصة ، بس كل ما رحت المستشفى أشيك من جوالي على بعض الصفحات .. وضعي الصحي تدهور من فترة لكن الحمد لله أنا أفضل الحين
المهم بعطيكم بعض النصائح وأتمنى تفيدكم لو بشيء بسيط .

- أولاً : جهزي دفترين أو دفتر لكن أقترح دفتر خاص . والثاني عام.
• العام :
أكتبي كل شيء يمر عليك ، في صفحة خاصة لو ماتملينها المهم تكتبين :
× خلطات ، تجهيزات ، أرقام ، أسماء عطورات ، أماكن ، كل شيء أكتبيه في صفحة لأنك بتستفيدين مستقبلاً .
× من الأشياء اللي كتبتها وفادتني من العام أرقام أستديوهات و مصورات ومشاغل وخلطات .. منها أستديو لكِ و المصورة البتول .
- التجهيز و تقسيم المهر:
• أول خطوة كم مهرك ( 40ألف ) إذن روحي شوفي تقسيم مهر 20 ألف أول و ثم 30 ألف و آخر شيء تقسيم مهرك الأربعين.
• كل تقسيم أكتبيه في صفحة الأشياء الأساسية ..
× و بعدين قارني بينهم الأشياء المتكررة واللي تحسينه مهمة لك أكتبيها في دفترك الخاص بدون تقسيم مالي !
- أشياء أساسية:
1. طقم شنط.
2. كواية بخار.
3. مفرش سرير.
4. فوط / أرواب .
5. عبايات / طرح / نقابات .
6. إكسسوارات :
[ حلق ، خلاخل ، خواتم ، أساور .. الخ ]
7. إكسسورات شعر:
[ شباصات ، ربطات ، بنس ، أشياء ملونة .. فيونكات ... الخ ]
8. نظارة .
9. إساسيات الشعر :
[ فير ، سيراميك ، استشوار ]
10. ملابس داخلية / لانجريات .
11. محافظ خاصة :
[ محفظة الفلوس (بوك ) ، محفظة ميك أب ، محفظة جوالك ( cover ) .
12. مراية صغيرة.
13. تقسيمات الأدراج / علب صغيرة .
14. سجادة .
15. شراريب ، كيلونات كل الألوان.
16. جزم.
17. شنط.
18. كاميرا.
19. ملابسك الخاصة .
- ملابس البيت ، ملابس الطلعات ، ملابس للعمل .
- أساسيات الملابس:
× تنانير سوداء.
× قميص بأزرار أبيض / سكري.
× بنطلونات جينز + تنورات جينز.
20. أغراض الصيدلية.
21. الميك أب.
22. طقم الحمام.
23. العطور.
24. مجموعات الجسم.
25. آلة بروان / أمواس.
26. مناديل جونسن.
27. غسول كير فري.
28. الذهب.

• يوم الزواج:
- الفستان.
- المسكة.
- الكوفير.
- المصورة.

ثانياً : أكتبي تقسيمات المهور الأقل واللي زي مهرك كل تقسيم في صفحة و بعدين قارني بينهم.
لاتقلدين أحد في التقسيم المادي لأنك ماتعرفين السوق ..
أنا كنت أخذ معي في كل تسوق 2000 و 500 طوارئ في حال شفت شيء عجبني ولا يتكرر أخذته.

 

[أحلى غمازة]

رد: ملف ومرجع شآمل للعروسه الكل يدخل

صبآحكم فل وورد وزهر
كيف آلاستعدآد والنفسيه , إن شاء الله آموركم ميسره وتوكلوا ع الله ولآتنسون الدعآء !

اليوووم جبت لكم قآئمه مشتريآت , طبعاً فيهآ آغلب الاشيآء إلا م كانت كلها !

ليه جبتهآآ ؟ < آحد سألك , لان حسيت بس البنآت يبدأون تجهيز تنسى ! وم تتذكر إلا بإخر الايآم الي هي مفروض آيآم رآآحه وتريح نفسهآ
فتكون عندهآ القآئمه وكل مآترجع السوق آذا انتهت من شيء وتحس نفسهآ مكتفيه آشطبت عليه وكذلك مع بقيه المشتريآت ,

نبدأ بسم الله


الملابس
فستان الزواج
فساتين سهرة فخمة للمناسبات الكبيرة
فساتين ناعمة للمناسبات البسيطة.
تنانير للطلعات
بلايز للطلعات
بديهات للطلعات
تنانير قصيرة للبيت
فساتين مكشوفة مشلخه للبيت
بناطيل للبيت جينز + ملون
شورتات + برمودات للبيت
بديهات للبيت
ترنقات فخمة
قمصان نوم فخمة مع روب
قمصان نوم فخمة بدون روب
بيجامات حرير ودانتيل فخمة طويلة
بيجامات حرير ودانتيل فخمة قصيره
أطقم لانجري
شورتات قطنيه داخليه
كلوتات استعمال مره واحده
ستيان للسهرات
ستيان للبيت
ستيان للدوامات
فستان الصباحية
قميص نوم ليله الزواج
قمصان نوم (قصيره) مع ارواب وبدون
قمصان نوم (طويله) مع ارواب وبدون
ملابس داخلية قطنية لوقت البيريود
قمصان بيت عادية
قمصان بيت قطنيه قصيره
جلابيات فخمة
كيلون ( شفاف – اسود – تخريم وملون )
كلتوتات قطنيه اون ابيض
بيجامات قطنيه
تنانير جينز وساده
فستان صباحيه ناعم
**

الذهب والساعات والاكسسوارات

سلاسل ذهبيه وفضيه
خواتم ذهبيه وفضيه
حلق فضي وذهبي
ساعه فضيهو ذهبيه وجلد
اكسسوارات منوعه وملونه
اكسسوارت كريستال
خلاخل ملونه وفضي وذهبي
إكسسوارات للشعر ( كريستالية +ورد + فراشات + إستكرات )
كلبسات شعر بسيطة + كريستالية
ربطات شعر
إكسسوارات وتعليقات الشنط لون فضي + ذهبي
تعليقه شنطه
إكسسوارات جوال
أحزمة
تعليقة ساعة لون فضي + ذهبي
إسكارفات حرير وشيفون
ميداليات مفاتيح
نظارة فخمة
شنطة ذهب و إكسسوارات
عدسات لاصقه ملونه
علب للخواتم والحق والاكسسوارات
**

المكياج
اساس يومي + اساس سهرات
بيس
قلم حواجب
مثبت مكياج
كحل قلم اسود وملون
كحل سائل اسود وملون
كحل كريمي
مثبت شدو
كومباكت شدو
لوس شادو
شدو مخملي
فرش الميك أب
ماسكرا اسود وملون
قلتر ( فضي – ملون )
إضاءة الحاجب + أبيض + لؤلؤي
بلاشر
ارواج
محددات
برايه
كومباكت باودر يومي + سهرات
لوس باودر
قلوسات
بودرة اللمسة الأخيرة ( لملابس السهره وقمصان النوم )
لمعه قليتر للجسم
مناكير ( أحمر+ لحمي + وردي + أبيض + صدفي لامع + شفاف
مراَة صغيرة للشنطه
مزيل مكياج
كريم اساس للجسم
بودره سهرات للجسم مع الكريم
**

الصيدلـــــــــــــيه
اعواد الاذن
صابونه للوجه
فوط صحيه
فازلين
جليسوليد
ورق مرحاض ~> ذآك الورق الي تحطينه المرحآض - الله يكرمكم - وتخلصين يروح معه <لآعز الله عرفوا
شرائح قطنية
أسيتون
منظف الوجه
سكراب
ماسك مناسب للبشره
كريم الليل
كريم النهار
واقي شمس ويجب أن يكون عامل الــ Spf لايقل عن الــ 20
كريم إزالة العرق
كريم مرطب للجسم واليدين للبيت
كريم مرطب للشنطه
معقم فوري
بخاخ معطر
حبيبات معطره
علك
فرشاه
معجون
صابون شرائح
خيط اسنان
كريم العناية بالقدم
ليفة الجسم ( بودي شوب )
أمواس حلاقة
شامبوا شعر + البلسم
كريمات مرطبة للشعر
زيوت للشعر
حمام زيت
طقم العناية بالأقدام ( الحجر الأسود + الموس + المبرد )
فوط الاستعمال اليومي
غسول نسائي
بودره مجففه للمنطقه الحساسه
كريمات تفتيح طبيعيه ( افالون )
امواس صغيره للمناطق الصغيره
فوط صحيه
**


العطــــــــــور

عطور فرنسية
دهن عود
عطور الفواحة
مبثوث ملكي
بخور
مخمرية وعطورات الشعر
رولات عطريه
كرات عطريه للملابس
عطور شعر
عطر المفارش
محموعات عطريه
مقشر الجسم
مسك العروس
عود ازرق
عطورات للحمام
اكياس معطره للملابس
**

كماليــــــــــات

مصحف
فواحه
بنس تثبيت الشعر ( كبيرة و صغيرة)
حلاوه * إلا اذا كنتِ مسويه ليزر !
مناديل جيب
آذكارك
مناديل معطره
مقص
سبراي
طقم روب الحمام
فوط فخمة ومطرزة متعددة الأحجام
طقم العناية بالأظافر + سائل المنيكير
جوارب الأقدام البلاستيكية لما تحطين كريمات على رجلك
معاليق للملابس
رولات ولفافات للشعر
شموع منوعة معطرة
مبخره
مفرش للسرير
علب فخمة للتسريحة ( للإكسسوارات والفرشيات )
أستاندات للمكياج
مذكرة صغيرة لحقيبة اليد
قلم
أكياس ساتان وتل لحفظ أطقم اللانجري
ورد مجفف
علب لحفظ اللانجري في الدولاب
كتب طبخ اهمممم شيء < بالنسبه لك , ايوه باللهي الي تعرف كتآب حلو وفيه آكلات وآو تقولي
خيوط + أبر + مقص
سجادة+ شرشف
شنطه مكياج صغيره داخل الشنطه
مرايه صغيره
شراريب ناعمه وملونه
مشط وفرش للشعر
فحم + ولاعه فحم او مبخره ع الكهرب
سير ستيان شفاف
**
الششنط
شنط كبيرة عمليه
شنط وسط للزيارات
شنط صغيرة للسهرات
اللون ) أسود + أبيض + أحمر + بني + ذهبي اوف وايت .. الخ
الخامة : ( لامع + مطفي - بلا لمعة - + جلدية – كريستاليه للسهرات
طقم شنط للسفر
حقيبة يدوية كبيرة للسفر الخفيف
محفظة النقود رسميه + عمليه
شنطة لأدوات الإستحمام أثناء السفر
**
الاحذيــــــــــــه
صنادل متنوعة ( ربط + منخفض + عالي )
جزم يناسب السهرات
صنادل بيت مريحة واطية
شباشب ( سليبر) .. ( تلبس مع قمصان النوم ريش + فرو + ساتان + رسومات )
جزم مريحة لشهر العسل
جزم للطلعات اليوميه
جزم سبورت وفلات
**
الاجهـــــــــــــزه
كآميرآ
جوال جديد
لاب توب
حقيبة لاب توب فخمة ماركة
كفر لاب توب طقم الشنطه
استشوار
سيلك ابيل
**
تجهيزات يوم الزواج < اللهم آجعله برداً وسلآماً ع بنوتآت اقلاع وويسره لهم ي رب ويسره عليً وع كل مسلمه

حجز الكوافيرة < انتبهوآ ي بنآت ! :sm4:
إختيار التسريحة
إختيار الميك أب
إختيار لون العدسات
عمل حمام مغربي
الاكسسوارات ولآ احد ينسى طقم الي بتلبسه مع فستآن الزواج
تصميم المسكة
حجز الضيافة
تصميم شريط الزفة
حجز المصورة
إختيار عطر العروس ليلة الزفاف
تحضير حلاوة معطرة للفم
عمل اتصالات قبل الفرح بليلة لتأكيد كل الحجوزات !
حجز الكوشة
وطبعاً فستآن الزوآج وجزمته
**
حقيبه شهر العســــــل
سجادتك + شرشف الصلاة
مصحف صغير + كتاب الأذكار
عباية إحتياطية + نقاب إحتياط
نظارتك + علبة النظارة
العدسة + محلول حفظ العدسة
واقي الشمس
كريم مزيل رائحة العرق
مناديل إزالة الميك أب
كريم مرطب لليدين والوجه
مجموعة الإستحمام
مبخر + بخور
عطر فرنسي هادي
دهن عود
ملابس داخلية على عدد أيام السفر
كيس لحفظ الملابس الداخلية
قمصان نوم
بيجامات
ملابس منوعة ( تنانير + بناطيل + بديهات
حذاء واطي وخفيف
روب + فوطة
امواس
حقيبة يد إحتياطية
محفظة
بطاقاتك الائتمانية
شاحن جوال
الإستشوار+ رولات +فرشاة الشعر
حمام زيت علبه صغيره
كليبسات + ربطات شعر +إكسسوارات خفيفة
ميك أب خفيف
حلاوة فم معطره
فرشاة + معجون
مستحضرات العناية بالوجه
مستحضرات العناية بالقدم
بنادول أو أسبرين
طرحتين احتياط
نظاره شمسيه

,,

وبكذآ ننهي القآئمه ,اكتبي الي تحتاجينه وينآسبك واذا خلصتي منه اشطبي
بيختلف من بنت لبنت ايش الي تبغآه
ولآتنسوني من دعوآتكم

 

[lferj]

رد: ملف ومرجع شآمل للعروسه الكل يدخل

ثانكس

 

[^^ ǺГฬα]

مشكورة حبيبتي ويعطيج العافيه

والله يرزقج بالزوج الصالح

وتستاهلين شعار التمييز
​

 

[أحلى غمازة]

العفو حبيبتي ولو
يستاهلك الطيب

 

[برونزية رشيقة]

واااااااااو روعة .. الله يعطيج العافية

 

[برنسس أوراق]

حلو موضوعج بس طويلللللللللل دخت وانا اقراه