مميزات وعيوب التدريس ... لازم كل وحده بعدها تدرس تدش

[*الغالية*]

المعاش حده مو كافي , اتقطين ما وراج ودونج على المدرسه , واذا قلتي ما عندي صرتي مو متعاونه , تخيلوا اني العام انه ورفيجتي قطينا 140 دينار على صبغ الغرفه الي سوري حشاكم اتلوع الجبد سويناها اتينن , هالسنه يقولون وايد انتقلوا منكم فراح انغير غرفتكم , مو ظلم , وقبلها امسوين نادي اشحلاته حق العلوم وقطينا عليه فلوس الدنيا وما ظل كورس الا وطلعوا أغراضنا منه , ومثل ما قلتي الأوامر الي اتحسسج انج خدامه , واذا قلتي لأ ياويلج , واذا اشتغلتي بضمير اكرفوج , غير طبعا سياسة فرق تسد الي يتبعونها بعض الناس في المدرسه , لي شافوج انتي ورفيجتج مع بعض وتعتمدون على بعض وشايلين بعض بالشغل , فرقوكم , ولما تشرحين بضمير اتردين البيت مالج خلق اتدرسين اعيالج , انه ما أعيب بالمهنه بالعكس انه أحبها وايد , بس ما أحب الاضطهاد الي يصير لنا , مالنا راي ولا كلمه , حتى الاستئذان بالحسره وليش بتطلعين واشحقه ومتى اتردين حتى اذا ما عندج حصص , تقولج يمكن يمكن يمكن نحتاجج , ,,, أوووووووف لاعت جبدي وانه أدور مكان ثاني بس الله كريم

 

[أحلى^حياه]

(((((((((((( bella bambina
اي والله بدل لا تقظين هالوقت مع عيالج عشان يستفيدون
الله يعيننا و شاكرة لمشاركتج

((((((((( أبلة كويتية
انتي ليلحين عايشة الوضع هههههههههههههههههههههههه
الله كررررررررررريم

(((((((((((( أمواج الكويت
اي والله صاجة محد يحس الا اللي عايش فيها
الله يصبرنا و حياج حبيبتي

 

[أحلى^حياه]

المعاش حده مو كافي , اتقطين ما وراج ودونج على المدرسه , واذا قلتي ما عندي صرتي مو متعاونه , تخيلوا اني العام انه ورفيجتي قطينا 140 دينار على صبغ الغرفه الي سوري حشاكم اتلوع الجبد سويناها اتينن , هالسنه يقولون وايد انتقلوا منكم فراح انغير غرفتكم , مو ظلم , وقبلها امسوين نادي اشحلاته حق العلوم وقطينا عليه فلوس الدنيا وما ظل كورس الا وطلعوا أغراضنا منه , ومثل ما قلتي الأوامر الي اتحسسج انج خدامه , واذا قلتي لأ ياويلج , واذا اشتغلتي بضمير اكرفوج , غير طبعا سياسة فرق تسد الي يتبعونها بعض الناس في المدرسه , لي شافوج انتي ورفيجتج مع بعض وتعتمدون على بعض وشايلين بعض بالشغل , فرقوكم , ولما تشرحين بضمير اتردين البيت مالج خلق اتدرسين اعيالج , انه ما أعيب بالمهنه بالعكس انه أحبها وايد , بس ما أحب الاضطهاد الي يصير لنا , مالنا راي ولا كلمه , حتى الاستئذان بالحسره وليش بتطلعين واشحقه ومتى اتردين حتى اذا ما عندج حصص , تقولج يمكن يمكن يمكن نحتاجج , ,,, أوووووووف لاعت جبدي وانه أدور مكان ثاني بس الله كريم

يا حبيبتي
يعطيكم العافية
ادريما يشبعون بس يبون يشفطون منا
الاجر عند ربج ان شاء الله ولا يضيق خلقج

 

[دمعة اشتياق]

نفس معاناتنا في السعوديه لدرجة اعد السنين متى التقاعد المبكر يجيني لاوبعد الراتب الله كريم حنا ووزارة التربيه قضايا بالمحاكم عشان يزودون روتبنا ولكن لاحياة لمن تنادي تخيلو معلمه لي 9سنوات وراتبي 8000ريال بدون اي زياده غير العلاوه 300ريال السنويه بس واذا غبتي يوم الخصم على طول شغال

 

[@ نجمة العطااا @]

الله يعيناا يارب
والله ما يهون علي غثا التدريس وعباقرة الوزارة الا البنات الطالبات والله استانس لما اشوف ردت فعلهم نهاية السنة وشلون كانوا يطبقون نصايحي ولما يتذكرون الحصص وشنو صار فيها وشنو قلت وسويت والله استانس وانسى الهم والغم كله الله يبارك فيهم يارب

 

[قـہۈه فـرنسيـہ™]

,,,,

من العيوووووووووب ,,, اذا غبتي خذيتي طبيه جنج غايبه من حسابهم ولا عرقلتي حركة السير ,,, كلهم منفسين وينافخووون ليش وليش ,,,
ولا رئيسة القسم ,,,تبي كل ما أغيب أبلغها (ماااااااااااااااااااااااااااكو شغل) من أمه طاااااااااااااف

 

[أحلى^حياه]

يحليلكم ههههههههههههههههههههههههه
طلعو طلعو اللي بجبدكم مافي احد يسمعنا غير منتدانا العزيز

 

[ET_girl]

طيب اطلعو من التدريس وحولو اي وظيفه ثانيه......زإداريه مثلا؟؟؟؟
بس تدرون ليش ما تقدرون

لأنكم ذقتو حلاوة المعااااااااااااش
ومن ينزل المعاش برصيدج خلاااااااااااااااااااااااااااااص تنسين التعب وابو إللي جابه بعد
خخخخخخخخخخخخخخخخخخخخخخخخخ

 

[دلوله_العسوله]

انا اختي طلعة من التربية لأنهاا عصبيه حييل واليهال نزغ نزغ واذا لمستيهم نطتلج الأم من باجر ....يبيلها وحده صبووره وعندها قدرة على التحمل

 

[أحلى^حياه]

ET-girl
وووووووووووووووووووووين!!!!
تره مو حاصلنا نحوووووووووول حتى لو اداريات و ياخذون نص المعاش راضيين بس ماكو فكه ما تشوفين وايد يقدمون استقالتهم وانا بالطريج بعد ههههههههه

دلوله
يبيله مكينه مو انسان ههههههه

 

[sleepy eyes]

لا والاحلى من كل هاذا لمن تكون عندج حصة ثالثله او ثانية وتيين متمخطره من بيتكم حده حده

وفجأه @@

عند التوقيع تييج الوكيله وتقولج ياحلوه عندج تبديل بدال الثالثه صاااااااااااااااارت الاولى @@ وتطالعج جنها ناطره البشاره ياحظي

تخيلي عاد تبين تزهبين وسيله مو مسويه حسابج ويايه ابجر لا ولازم توقفين بالطابور والاحلى من هاذا كله لي لكجتج الناظره من بعيد وقررت انها تزورج الصف وبعد الحصه تصرخ بويهج وين وسائلج يا ابله .. واتطلع العيره وتكفخج على راسج وتقول بارك الله فيج ( هالنمونه من الناظرات السايكو)


عالعموم والله اني محتسبه الاجر يابنات .. جهاد جهااااااااااااااااااد

 

[sleepy eyes]

اي نسيت

ولي خلاص ماعاد فيج تتحملين يوم بعد وتقررين تحولين اداريه او تروحين وزاره ثانيه

ماااااااتقدرييييييييييين الا بشروط

اما انج تكملين المؤبد 10 سنين وتالي تحولين اداريه

او


تناكفين أبو الشباب ليمن يكسر ريلج وتروحين تسوين تقرير طبي انج فيج عاهه مستديمه وماتقدرين تكملي بالتدريس (لازم مجلس طبي يفحصونج ويقولبونج ويمكن يرضون ويمكن 90% لا)

او تستقيلين من التدريس وتبيعين بنق عند الدوار

 

[مارلينq8]

لهدرجه مااصدق عيل ليش البنات ميتين يبون التدريس

 

[لؤلؤة الكويتْ]

هههههههههههه انا مستجده في التربيه يعني المشوار طووووووووووويل

 

[توشا***]

كلامج عدل والله

بس بضيف شغله ان رؤسائج حريييييييييييم

اسوأ شي بالنسبه لي

 

[.● Softiah ●.]

كلامكم محبط
الله يكون بالعون بس

 

[أحلى^حياه]

Sleepy eyes )))))))))))))))))))
ههههههههههههههههههههههههههههههههههه
اي والله صاجه
مهما نكتب العيوب لازم ننسى شي من كثرهم

توشا )))))))))))))))))
عاد الحريم اذا مسكو منصب خلالالالالالالالاص عبالهم كلش

 

[أحلى^حياه]

.● Softiah

اذا بعدج بالجامعه حولي و بتدعين لي

 

[أحلى^حياه]

صراحة موضوعي يستاهل اني ارفعه علشان الكل يستفيد هههههههههههههههههههههههه

 

[الجفووول]

ياليتني قاريه هالحجي من زمان ...


ناطره التعيين



بس شنو ابيع بالمقصف !! والله لو يموتووووون مابيع بالمقصف اصلا انسى ماعرف احسب


هههههههه