مملكة جود ( قصه حب كويتيه )

[احترت اعبر]

الجزء الخامس عشر



مصعب سأل جود عن اخر مسج ورته لها الحرمه ..
جود من ناحيتها جاوبته وقالت له عن المسج ..
مصعب انصدم من المسج وطلع على طول من الفندق ،،
مصعب : جودي 10 دقايق ربع ساعه وراد ولا تشغلين نفسج بسوالف تفرح العذال ..
جود انصدمت من حركه مصعب ؟؟ وين بيروح .. الساعه الحين 12.30 ؟؟

مصعب كان رايح للشخص اللي يحاول يخرب حياتهم ..
رايح ينهي المشاكل ويعيش مع جود الحياة اللي يتمناها أي شاب ..
الحياة مع جود المفروض تكون احلى من جذي ،، والتعاسه مالها مجال مع جود ،،
عهد مني ياجودي اني انتقم من اللي نزل دموعج ،، جودي انتي اغلى من روحي علي .. مستحيل ارضى بشوف دموعج .. حياتي جودي لو تطلبين عيوني تلقينها بين ايدج .. بس عطيني فرصه ارد لج صاع اللي نزل دموعج صاعين ..

جود كانت بالفندق بروحها وخايفه .. ماتدري شتسوي ..
شوي ،، ولا ينطق باب الغرفه ..
جود كانت خايفه تفتح الباب ولا لأ ،، ومنو ممكن يكون بهالحزه ؟؟
راحت جود تطل من العين السحريه .. ولا تشوف اخوها فهد .. بطلت الباب واهيا مستانسه ..

فهد : قوووووووووووة يا عروسه ..
جود : يقويك يالدووب شيايبك ؟؟ ههه
فهد : يالله مع السلامه .. راد البيت ..
جود سحبت اخوها من ايده : يالاهبل تعال اقول تعال ..
فهد قعد عالغنفه : شلونج جودي ؟؟
جود : الحمدلله انت شلونك ؟؟ شمقعدك هالحزة ؟؟
فهد : ماكو كنت بالبيت ودق علي مصعب قالي ايي عندج لان عنده شغل سريع انتي موصيته عليه وبيرد .. روميووو مسكين يخاف عليج تقعدين بروحج ههههههه
جود سرحت وقعدت تفكر .. صج حقير راح يسهر معاها ..
فهد : وين سرحتي ؟؟ بروميوو ههه
جود : هههه لا لا ولا شي ..

الساعه 2.30 الفجر ..

فهد : جوود مو جنه مصعب تأخر ..
جود واهي تقول بخاطرها ولا أعتقد انه راح يرد سهران مع حبيبه القلب : هااا .. والله مادري ..
فهد : دقي عليه ،، شنو مو زوجج هذا ؟ شوفيه وينه فيه ..
جود : لا دق عليه انت انا مابي ..
فهد : غريبه ... على شورج ..
........
فهد : ما يرد !!
جود : يمكن مشغول !؟ او ما حصل الاغراض اللي ابيها على قولته !!
فهد : جود انتي مو على بعضج ؟ شفيج ؟
جود : مافيني شي سلامتك المهم تبي ايب لك شي تاكله ؟
فهد : لا تسلمين انا يمكن ارد البيت نور كل ساعه دازتلي مسج تسأل عني .. مو متعوده اني اتأخر عليها جذي.
جود بخاطرها : يليت مصعب مثلك يا فهد ! ،،

بعد نص ساعه رن تلفون جود ..
جود : مادري منو داق علي هالحزة ..
فهد : عطيني ارد ..
فهد اخذ التلفون من جود : الوووو .. نعم ؟؟ خير ؟؟ انت متأكد انه اهوا ؟؟ اوكيانا ياي .. مع السلامه

جود بخوف : شصاير فهد ؟؟
فهد : لا مافي شي جود .. (( وشال اغراضه عشان يطلع ))
جود : فهد شفيك ؟؟ انا متأكده ان في شي .. انت وين رايح ومنو اللي دق ؟
فهد : جود وخري بطلع ظروري ..
جود وعيونها كلها دموع : مصعب فيه شي ؟؟؟؟
فهد : مصعب بالعنايه .. مسوي حادث ..
جود انصدمت يوم سمعت كلام فهد : انت تجذب لا اصلن مصعب طلع بس ...
فهد : جود مو وقته روحي لبسي عباتج ويالله اذا تبين اتيين وياي ..

جود راحت تركض تدور عباتها عشان تلبسها ،، كانت حركاتها مو متوازنه .. كانت خايفه ، مهمــا يصير بينها وبين مصعب يبقى زوجها .. يبقى حبيبها ويبقى دنيتها ..

راحت جود مع فهد للمستشفى ،، كان مصعب بالعنايه .. والوايرات محاوطه ويهه من كل جانب ..
كان راسه ملفوف بلفافه بالكـــاد تحبس الدم اللي ينزف .. وايده مربوطه .. اما صدره كان عليه من الوايرات اللي ما يعد ولا يحصى ..

جود كانت واقفه بره وتبجي .. كانت تنطر تقرير اي دكتور يطلع من عند مصعب .. لكن كانت كل العلامات ما تبشر بالخير ،، طلع الدكتور من عند مصعب ..
جود وفهد : دكتور بشر .. ؟؟
الدكتور : مصعب للأسف عنده نزيف داخلي .. وكسر بيده اليمين .. وشرخ بعظم الساق وجروح متفرقه بجسمه..
جود انهارت بالبجي : دكتور مستحيل .. كل هذا .. تراه انسان مو آله مستحيل يتحمل كل هذا
الدكتور : الحادث اللي سواه كان قوي والدعمه كانت من صوبه يعني صوب السايق .. ادعو له ..
فهد : دكتور ما اثر الحاث على خلايا المخ او صحته العقليه ..
الدكتور : والله صعب نعرف ،، لازم يعدي مرحله النزيف وان شاء الله كل شي يكون بخير ..
جود كانت منهاره بالبجي .. : كله مني انا .. انا السبب يافهد شكيت فيه وخليته يطلع
فهد انصدم يوم سمع هالكلام من اخته .. كان متوقع ان السالفه فيها إن : جود هدي اعصابج وهذا قضاء الله وقدره .. وان شاء الله مافيه شي .. بس انتي اهم شي هدي اعصابج
فهد واهو موجه كلامه للدكتور : دكتور يصير ندخل عليه الحين ؟؟
الدكتور : شخص واحد يدخل ..
فهد : جودي دخلي انتي مرته ...

جود دخلت على مصعب اللي كان شكله يقطع القلب ..
جود : مصعب انا اسفه .. انا السبب بس والله مو قصدي .. والله اللي صار كان اكبر مني .. مصعب تكفا رد علي واسمعني .. حبيبي انا والله اسفه ،، حياتي الغلطه غلطتي .. بس .. ما باليد حيله
وقعدت جود تبجي لانها كانت حاسه ان اهيا السبب بكل اللي صار ،، وقت قعده جود مع مصعب انتهى ،، الدكتور قالها ان احسن للمريض ان يكون بروحه ومحد معاه ..

طلعت جود واهيا شايله معاها حزن كبير بقلبها ،، مصعب اللي دايما يكون عند راسها يوم تتعب قاعد يعاني ويتعذب ،، مصعب اللي كان حاطها بعيونه ،، شكت فيه ! بس ليش ؟ كله عشان وحده وما عندها الا دليلين مالهم بالواقع أي صله ..

فهد واهي يمسح على ظهر اخته : جود لا تبجين .. قدر الله وما شاء فعل .
جود واهي تبجي : مصعب مابي انام بالفندق اليوم اخاف انام بروحي ...
فهد : خلاص تعالي نامي عندنا بالبيت ..
جود واهي تتنهد : لامابي اثقل عليكم وبعدين مابي اضايق نور وامها بوجودي ..
فهد : افا يا جود .. افا والله ما هقيتها منج ،، اذا ما شالج البيت عيوننا تشيلج .
جود : تسلم فهد

جود راحت تنام فبيت فهد ..
نور كانت تنطر فهد واهيا تحاتي .. ويوم دخلو ..
نور :فهود وينك ؟؟ ادق عليك ما ترد ؟؟
فهد : نوري جود وياي ..
نور استغرب من وجود جود المفاجئ واللي زاد من استغرابها ملامح جود اللي كانت كلها حزن وضيق : هلا والله بالجود كله .. جود شفيج ؟؟
جود : مافي شي نور ،، انا اسفه اذيتكم اليوم وبثقل عليكم ..
نور :افا جووود بالعكس والله عزيزه وغاليه والبيت شكبره ويشيل مليون واذا ما شالج البيت تشيلج عيوني
جود : تسلم عيونج ..
فهد : نور ودي جود دارها اللي بتنام فيها لانها تعبانه ..
نور :ان شاء الله ..

نور ودت جود دارها وعطتها ملابس لان ما عندها الا الملابس اللي عليها ..
جود كانت منحرجه من اللي صار .. لانها حست انها ضايقتهم ..

فهد فهم نور السالفه وقال لها ان مصعب بالمستشفى ..
نور : انزين اهوا بخير الحين ؟؟
فهد : والله مادري يا نور ،، كلام الدكتور ما كان يطمن بس ادعوو له .. ان شاء الله يكون بخير ..
نور: الله يشفيه ،، ما يستاهل .. وما تستاهل جود .

بالغرفه اللي فيها جود ،،

فيني صنوف الضيق والهم واحزان // وفيني بقايا حبيبن جرحته
فيني فتات جروح وبقايا انسان // وفيني هواجيس واحد ذبحته
فيني من الالم قد نار بركان // وفيني دموع شخصن ظلمته
فيني بعد هذا سواليف ظميان // وفيني دعاوي لعشيقن عشقته

كانت جود تبجي ، ما تدري شتسوي .. كانت اكثــر شي تلوم نفسها ،، كانت حاسه انها اهيا السبب ،، واهيا سبب كل اللي صار مع مصعب .. انا احبه بس ليش سويت جذي ؟؟ ليش شكيت فيه ؟ اهوا كان يحب التراب اللي امشي عليه ، ليش كنت طماعه ؟ ليش سويت اللي سويته ..

جود انسدحت عالفراش واهي تبجي وقعدت تقرا مسجات مصعب اللي بموبايلها ،، واهيا تقرا المسجات لمحت بالمســودات اللي بالموبايل مسج .. ما تذكر انها كانت كاتبته ..
فتحت المسج ..
(( حياتي ادري انج بتتصرقعين وبتقولين منو كاتب هالمسج ،، انا بختصر عليج الصريج ،، انا صعوووبج .. حبيبج غصبن على اللي يبي واللي ما يبي ،، زوجتي العزيزة حــرم السيد مصعب : احبج واموت عليج تدرين ؟؟ واذا ما تدرين طقي راسج بالطوفه ههههههه ،، اتغشمر يا قمر .. حياتي وربي انج دنيتي وما فيها وتأكدي اني راح اسوي المستحيل عشان رضاج .. احبج يا قمر سماي .. صعووبج ))

جود انهارت يوم قرت هالمسج .. مصعب متى كتبه لي ؟؟ ،، انا صج غبيه جنيت على شخص يحبني بيدي .. مصعب انا احبك .. مصعب تكفا تحمل الالم عشاني ،، مصعب اموت عليك ،، وانا اسفه ..
امتلت المخده بالدموع .. كانت هالدموع مو دموع خوف او ظلم .. كانت دموع ندم ودموع حب زوجه لزوجها ..

ثاني يوم الصبح ..
جود قامت من النوم اتصلت على سايق بيت ابوها .. وقالت له ايي ياخذها لان سيارتها بالفندق ..

جود ركبت السياره مع السايق محبوب وقالت له يوديها المستشفى ..
راحت جود المستشفى حق مصعب ..
ودخلت عليه .. كان بغرفه ثانيه ،، طلعوه من العنايه ..

كان مصعب لي الحين بغيبوبه ،، مايحس باللي حوالينه .. جود وقفت يم راسه تقرأ قرآن .. كانت تدعي له ان الله يشفيه ويقومه بالسلامه ،،
جود قعدت يم راسه وقعدت تمسح على شعره ،، ودموعها تمشي على خدودها بدون صوت ،، كانت تتألم بداخلها ، مسكت ايد مصعب وباستها ،، مصعب احبك من كل قلبي ..

حست جود بايد مصعب تضغط على ايدها ،، كانت ضغطه ايدها تتكلم عن اللي بداخلها .. جود خلج معاي ولا تروحين انا محتاجج ،، جود ظلت متمسكه بإيد مصعب .. مصعب احبك حبيبي احبك من كل قلبي انا مسامحتك .. يليتك تقدر ترد .. يليتك تقدر تتكلم تقولي انك مسامحني ..

اتصل فهد على جود : الوو جود وينج ؟
جود : انا عند مصعب ليش ؟؟
فهد : لا بس اخترعت عليج ما لقيتج بالبيت وخفت ؟؟ بس منو وداج ؟
جود : محبوب دقيت عليه ويابني
فهد : قلتي حق امي ؟؟
جود : لا ما قلتلها .. مابيها تشغل بالها بالموضوع ..
فهد : بس اكيد بتسأل عنكم ..
جود : ميخالف انا اتدبر الموضوع ،، بس مابيها تحاتي .. أي صح فهد .. ابيك تكنسل حجزنا لان المفروض اليوم بالليل نسافر (( وامتلت عينها دموع )) بس صار اللي صار ..
فهد : خلاص جودي ماله داعي تشرحين الموضوع انا اكنسل حجوزاتكم ..
جود : تسلم فهد .

فهد سكر التلفون واهو يدعي حق اخته ان الله يسهل اوضاعها .. جود ما تستاهل ،،
فبيت امينه،،
ام مشعل : امينه اخوج ما دق عليج ؟
امينه : امبله امس بالليل دق يقول انه مكييييييييييييف ،، الاخ سعيد مع شهوده ..
ام مشعل : فديتهم .. الله يهنيهم ،، والله يديمه عليهم .. ويالله عقبالج يابنيتي
امينه : ان شاء الله ..
ام مشعل : الا اقول جود شلونها ؟؟ مالها خبر بعد ما تزوجت ..
امينه : لا يما اليوم بتسافر ان شاء الله شهر العسل .. تعالي صج ذكرتيني ادق عليها اسلم عليها قبل ما تروح ..
ام مشعل : سلمي عليها ..
امينه : من عيوني ..

فبيت ام فهد ،،
ام فهد : رغوده دقي على اختج شوفيها متى بتي لنا ؟؟ اليوم واعدتنا اتيي ..
رغد : يما خليها مع ريلها مسكينه توهم ثالث يوم هههههه
ام فهد : ههههه أي بس هم لا تنساني بعد انا امها ولا مالي حق
رغد : لا يما اكيد لج حق ، بس .. اوكي على هواج الحين ادق ..

رغد رفعت السماعه ودقت على جود ،،
رغد : قوة جودي ..
جود : هلا والله رغود
رغد : جود ها متى اتيين لنا اليوم ؟؟
جود : والله ان شاء الله احال ايي بس شوي مصعب مسخن اذا تحسن شوي بنيي انا وياه واذا لأ بيي بروحي لانه شوي تعبان وكاسر خاطري ..
رغد : وي ما تشوفون شر ..
جود : الشر ما اييج .. عطيني اكلم امي شوي
ام فهد :هلا والله جودي
جود : هلا يما ..
ام فهد : شلونج ؟
جود : الحمدلله ..
ام فهد : يالله نورينا اليوم ناطرينج .. ،، وي .. صج ؟؟ .. سلامات يا بنيتي ما يشوف شر .. دام جذي خلاص خلج مع ريلج .. واحنا اني لكم
جود : هاا .. لا يما ماله داعي ،، احنا بعد طيارتنا مابقالها شي .. لا يما ريحي نفسج حبيبتي .. خلاص والله ماله داعي
ام فهد باستغراب : على هواج يابنيتي ..

جود كان ضايق خلقها من كل قلبها ،، اااااااخ يا حبيبي مادري شسوي بدونك حياتي كلها اعتفست بمجرد غباء مني .. انا السبب والله انا السبب ..

فبيت نور ،،
فهد : نور انا بروح حق مصعب بالمستشفى .. جود عنده ..
نور : ايي معاك عشان اقعد مع جود ؟
فهد : مادري تبين اتيين ؟؟
نور : والله ودي جود معوره قلبي ..
فهد : انزين وحمودي ؟؟
نور : ميخالف اخليه عند امي ... اهو نايم الحين بخلي امي تنتبه له ..
فهد : اوكي خلاص .. يالله بس لبسي وانا ناطرج بالسياره ..

راح فهد السيارة ،، بعد شوي يت نور وشايله محمد بيدها ..
فهد : شعنده البطل ياي ويانا ؟؟؟؟
نور : قعد يبجي بط اذوني وكسر خاطري فيبته معاي ..
فهد : خلاص اوكي .. بس خوفج ممنوع اصطحاب الاطفال هههه
نور : ميخالف نخشه بالجنطه .. ههههه

راحو نور وفهد للمستشفى حق جود اللي كانت تعور القلب .. وشكلها مرهق ومهموم ..
نور : ما يشوف شر مصعب .. ما تستاهلين جود ..
جود : الشر ما اييج تسلمين نور ..
فهد : جود لين متى بتظلين خاشه على امي ؟؟ تره صعب تخشين اكيد بيحز بخاطرها .. وانتي بعد خلاص كنسلتي سفرتج فامي لازم تدري ..
جود : بس مصعب مابيها تحاتي ..
فهد : ميخالف بس لازم تدري ..
جود : والله اخرتها اكيد بقولها ،، وبعدين اكيد راح تدري هذي امي ..
فهد : ان شاء الله يقوم بالسلامه .. شقال الدكتور ؟؟
جود : والله مادري ما شفته ولا سألته ..
فهد : خلاص انا اشوف الدكتور وايي لج ..

فهد راح للدكتور يتطمن على حاله مصعب بسـ .. ،،

ام فهد درت عن مصعب ،، اللي راحت على طول لبنتها بالمستشفى ..
ام فهد حضنت بنتها : ما تشوفين شر يا قلبي .. والله ما تستاهلين يابنيتي
جود وعيونها كلها دموع : الشر ما اييج يما ..
ام فهد : ها طمنيني شقال الدكتور ..
جود واهي تحبس الدموع بعينها : يما فهد راح يسأل الدكتور عن مصعب .. ادعو له ..

ام فهد : الله يقومه بالسلامه ان شاء الله ..
جود : يارب ..

فهد عند الدكتور ..

فهد : دكتور انت متأكد ان هذي حاله مصعب ؟؟
الدكتور : أي والله يا اخ فهد .. وللأسف هذي حاله ..
فهد : بس مستحيل ،، زوجته شلون راح تستحمل الخبر ؟؟ .. انت ما تدري شنو يعني مصعب ..
الدكتور : ميخالف خل ايمانك بالله قوي وان شاء الله خير ..
فهد : مشكور دكتور ..

مصعب طلع من عند الدكتور واهو حاس ان ريوله مو شايلته .. حاس ان الدنيا كلها على راسه .. شلون يقول حق جود ؟؟
شلون يواجه جود ..

دخل فهد على جود بالغرفه ..
جود بخوف ولهفه : فهد بشر ها شنو قال الدكتور ؟؟؟ ؟؟؟؟
فهد بيأس : جود ...
جود خافت : فهد شفيك قول ؟؟
فهد : جود انا بقولج الموضوع وان شاء الله تكونين عن حسن ظني ،، جودي خلي ايمانج بالله قوي .. ومصعبـ ..
جود : مستحـيــــــــــــــــــــــــــــــــــــــــــــ ـــل !!!!!!!


شفيه مصعب ..؟؟؟
شنو اللي خلا جود بهالصدمه ؟؟
هالكثـر الموضوع كبير ؟؟
وهل راح يقوم مصعب من هالغيبوبه ؟؟ او انها راح تقضي عليه ...؟؟

تمـ الجزء الخامس عشر ..

 

[احترت اعبر]

دخل فهد على جود بالغرفه ..
جود بخوف ولهفه : فهد بشر ها شنو قال الدكتور ؟؟؟ ؟؟؟؟
فهد بيأس : جود ...
جود خافت : فهد شفيك قول ؟؟
فهد : جود انا بقولج الموضوع وان شاء الله تكونين عن حسن ظني ،، جودي خلي ايمانج بالله قوي .. ومصعبـ ..
جود : مستحـيــــــــــــــــــــــــــــــــــــــــــــ ـــل !!!!!!!
جود طاحت على الارض من كثر البجي .. : مستحيل مصعب ما يتكلم .. مستحيل ،، مصعب قبل شوي كان يكلمني ،، قبل شوي كان يضحك معاي شاللي صار ؟؟
فهد : خلي ايمانج بالله قوي .. والله بيده الشفاء ادعي له جود ..
جود كانت منهاره بالبجي وامها وورغد يهدونها بس ماكان الموضوع نافع ..

الدكتور طلب منهم يطلعون من عند مصعب لحين تهدا جود لان أي شي يأثر على المريض ..
فهد كان يحاول يطلع جود لكن جود كانت تبجي وترفض انها تطلع من عند ريلها ..
هذا حبيبها هذا مصعب ..
الكل طلع من عند مصعب وظلت جود متمسكه بايده .. كانت تبجي على ايده .. كانت تبوس ايده اللي لافها واير المغذي ..

ااااااه يا مصعب .. اااه يا حياتي ،، ليش كل اللي يصير لنا ؟؟ ليش احنا بالذات ؟؟ بس الحمدلله على كل حال ..
أذن المغرب .. قامت جود فرشت السياده وتوضت وصلت ..
كانت جود تدعي حق مصعب ان الله يقومه بالسلامه وترد صحته مثل اول واحسن ..

بـــك استجير ومن يجير سواك ؟؟
فأجر ضعيفا يحتمي بحماك ،،

جود مسكت القران وقعدت يم راس مصعب وقعدت تقرا قران وتمسح على شعره ، حسته طفل محتاج لها .. وحسته الزوج اللي ظلمته ،، ندمت على كل اللي صار .. لكن الندم للأسف ما يعدل شي من الموضوع ..
رن تلفون جود ،، كان المتصل ام مصعب ..
جود : الو .
ام مصعب : الو هلا بنيتي .. شلونج ؟
جود : الحمدلله خالتي انتي شلونج وشلون عمي ؟
ام مصعب : الحمد لله نسأل عنكم ،، الا اقول مصعب شلونه ؟؟ ادق عليه جهازه مسكر
جود ارتبكت : خالتي .. مصعب .. احنا بالمستشفى مصعب شوي متعور والحين منوم بالمستشفى ..
ام مصعب بخوف وصدمه : مصعب بالمستشفى ؟؟؟؟؟؟؟؟؟؟؟؟؟؟؟؟؟ اي مستشفى جود ؟؟ وين فيه ؟
جود قالت حق خالتها اهما بأي مستشفى ،، ام مصعب على طول راحت عند جود .. راحت تشوف ولدها ..

ام مصعب واهي تبجي وابو مصعب يهديها : جود شصار فيه ؟؟ شالقصه . ؟؟
جود واهي مو قادره تمسك بجيتها : خالتي طلع اهوا .. ((( ترددت جود تكمل ولا لأ )) .. طلع من الفندق عشان اييب اغراض انا وصيته عليها بس الله كتب و ،،
ام مصعب كانت تبجي على ولدها .. : اخ يا مصعب يا ولدي ..
جود : خالتي ادعي له تكفين ..

انتهى وقت الزياره .. وصار لازم على الكل انهم يمشون .. جود طلبت من الدكتور انه يسمح لها تنام عند مصعب ،، الدكتور وافق .. جود راحت اول شي الفندق اللي كانو فيه وسوت ( جك آآوت ) ولمت اغراضهم وخذت السايق معاها عشان تعطيه الاغراض واهي ترد المستشفى بسياراتها ..

ردت جود المستشفى وراحت للغرفه اللي فيها مصعب ..
حطت كرسي يمه وقعدت .. قعدت تتأمل ويهه والدموع تمشي على خدودها .. مصعب حبيبي .. اسفه ..
مسكت القران وقعدت تقرا ،، ظلت تقرأ لين أذان الفيـر .. صلت وحطت راسها على طرف السرير ونامت . . كانت تعبانه لها يومين مو نايمه ،، وشلون تنام وحبيبها يتعذب .. وماراح يتكلم ؟!!!

الساعه 8.30 الصبح ..
جود حست بأحد يمسح ايده على شعرها ،،
بطلت عينها بصعوبه كانت تعبانه وطريقه نومها كانت متعبه ،، ورقبتها قامت تعورها ..
رفعت راسها وطالعت مصعب ..
مصعب كان فاتح عينه نص فتحه .. كان مبين عليه التعب لكنه كان يبتسم لها ..
جود ما عرفت شتسوي كانت مستانسه ،، مسكت ايدها وباستها ولفت الشيله على شعرها وطقت على الزر عشان الدكتور ايي وتقول له ان مصعب قام من الغيبوبه ..


مصعب مسك ايدها ..
مصعب : ج ججج .. وو .. د دد
جود عيونها امتلت دموع ،، مصعب ما يقدر يتكلم .. حبيبها ما يقدر يقول حتى اسمها حطت جود ايدها على راس مصعب ومسحت على جبينه : حبيبي .. لا تتكلم ماله داعي
مصعب انصدم انه ما قدر ينطق اسم جود شاللي صار ؟؟ ليش مو قادر اتكلم : ججو .. جووو. .. ججوود .. (( قالها بصعوبه )) ششسسسساا .. للفه
جود قعدت تبجي وحطت راسها على صدره : حبيبي مافيك شي .. شده وتزول .. حبيبي خل ايمانك بالله قوي .. وشي طبيعي وبتصير زين
مصعب كان حاس انه انشل وما راح يقدر يتكلم مره ثانيه وابتسم لها ،، كانت ابتسامته تدل على معنى كبير .. كانت تقول جود انا عشانج صار هذا حالي ،، وراح اظل اسوي المستحيل عشانج ..
جود : كانت تبجي من كل قلبها على حال حبيبها .. وزوجها ..
مصعب رفعها من على صدره ومسح دموعها واشر لها بصبعه (( جود لا )) لا تبجين ..

جود طلعت من عند مصعب وراحت للدكتور وقالت له ان مصعب صحا من الغيبوبه .. الدكتور راح لمصعب وكشف عليه ..

الدكتور : الحمدلله هذا شي يبشر بالخير .. وان شاء الله حالته تتحسن يارب
جود : الحمدلله ..

الدكتور طلع من عند مصعب بعد ما اجرى كل الفحوصات ..
جود قعدت عالكرسي اللي يم راس مصعب ..
مصعب اشر لها اتيي تقعد يمه عالفراش .. وفهمت من جم كلمه قالها انه يبي ورقه وقلم ..
دورت جود بجنطتها لقت قلم بس ما لقت ورقه .. اشر لها على قوطي الكلنكس اتيبه عشان يكتب وراه ..
يابت جود القوطي وقعدت يم راس مصعب ..
مصعب اخذ منها القلب والقوطي وكتب لها ..
** جودي احس اني تعبان واني ضعيف ... اول مره احس اني ضعيف هالكثر **
جود : حبيبي لا تقـوـ ... ( وتراجعت عن الكلمه ) لا تكتب جذي انت قوي وادري راح تتخطى هالشي .. انا واثقه فيك
** بس يا جود انا احس اني مو قادر اتحمل الالم اللي براسي وايدي اليمين ذابحتي .. واللي زاد الطين بله اني مو قادر اتكلم **
جود : حبيبي انا واثقه ومتأكده انك قوي .. والله كريم ان شاء الله
** الله كريم يا جودي .. جودي ودي اقولها بلساني لكن ،، .. جودي انا اسف تعبتج وياي **
جود واهي تبجي : مصعب لا تعتذر .. انا اللي المفروض اعتذر لاني انا السبب حبيبي والله انا السبب
** حياتي مو قلنا هالدموع ما نبي نشوفها ؟؟ حبيبتي جود .. احبج ،، ورسم لها قلب حب كبير وكتب فيه ليتني انطق جان قلتها بصوتي .. بس بخلي خافقي ينطق **
جود كانت تكبت الدموع بعيونها .. تحاول تكابر عشانه عشان ما تحسسه بمعاناته .. كانت تدري ان مصعب يتألم لكنها كانت تحاول ترفع من عزيمته ..

الساعه 10.45 الصبح ..
ام فهد : الو ها يما بشريني ؟؟
جود : يما الحمدلله قام من غيبوبته اليوم ..
ام فهد : الف الحمدلله لك يارب ..
جود : يما لحظه بشبكج مع ام مصعب كاهي تتصل علي قاعده ..
ام فهد : لا خلاص ماله داعي سلمي عليها واحنا اليوم ان شاء الله راح انيي ..
جود : اوكي ..

سكرت جود التلفون من امها وردت على خالتها ام مصعب ..
ام مصعب : بشري جودي ؟؟
جود : الحمدلله خالتي قام من الغيبوبه ..
ام مصعب بصوت باكي : الحمد لله يااااارب ..
جود : الحمدلله
ام مصعب بحزن : ويتكلم ؟؟
جود : ....
ام مصعب : جود ..
جود : خالتي للأسف لأ ..
جود طلعت بره الغرفه .. : خالتي صابه شلل وأثر على النطق .. بس ان شاء الله يقوم بالسلامه .
ام مصعب واهيا تبجي : الله كريم يا بنيتي الله كريم ..

جود دخلت الغرفه مره ثانيه على مصعب اللي كان توه ماسك القران يبي يقرأ ..
جود : حبيبي امك تسلم عليك ..
مصعب بصعوبه : ييي .. ييسسسلـ ... مها
جود : حبي لا تتعب نفسك حياتي خلاص ،، لا ترهق اعصابك .
مصعب سكت للحظه ورجع يقرأ قران ..

جود قعدت ترتب اغراضه طاحت عينها على موبايله .. تذكرت اللي صار والسبب اللي وصل مصعب لهالمواصل ..
جود رتبت كل شي .. وطلعت بره الغرفه .. راحت للدكتور تسأله عن حاله مصعب ..

الدكتور : اختي حاله مصعب لي الحين مستقره الحمدلله
جود : الحمدلله .. انزين دكتور مافي حل للمشله اللي صابته بالنطق ؟
الدكتور : الحل بيد الله ،،
جود : اذا سفرناه بره تعتقد نلقى له علاج ؟
الدكتور : ان شاء الله .. اذا تبيون سفروه ان شاء الله يلقون له علاج .
جود : ماشي .. شكرا دكتور .
الدكتور : العفو .. ولو احنا بالخدمه .

جود ردت لغرفه مصعب ،،
دخلت ولا تلاقي حرمه واقفه عند راسه .. كانت متنقبه وحاطه الغشوة .. مو مبين منها شي ..
جود انصدمت ؟؟ منو هذي ؟؟ منو تكون ؟؟
جود : السلام عليكم ..
الحرمه : وعليكم السلام هلا بالجود والجمال اللي خذا حبيبي مني ..
جود بصدمه : .........
الحرمه : جود حبيبتي شفيج ؟؟ منصدمه ؟؟ ولا حاشتج سكته قلبيه ؟؟
مصعب كان مو عارف شيسوي ما كان يقدر يتكلم جان قال شي : أأأأ .. جج .. ججووو.. دد
جود والدموع ملأت عيونها : لا انتي جذابه ،، اكيد جذابه اصلن (( وراحت وقفت يم مصعب )) اصلن مصعب ما كان له علاقه بولا حرمه قبل وانا متأكده ..
الحرمه : بس تره انا اهي الحرمه نفسها اللي يت لج بشرق .. ونفسها اللي يت لج وانتي مع اختج ،، يعني انا مالي بالجذب أي صله واعتقد وريتج الصور والمسجات ..
مصعب : جج ... ووو ..د .. لاااا تصدقق .... يييينها ..

جود ما كانت منتبه لكلام مصعب ، حست ان الدنيا قامت تدور فيها ، مصعب مستحيل يسويها .. انا صدقتها وكان الضحيه مصعب .. مستحيل اصدقها مره ثانيه ..
جود : طلعي بره انتي حقيره انتي تبين تخربين بيوت .. انتي ولا شي .. ماتربيتي ولا تعرفين ريحه التربيه .. طلعي براااااااا
الحرمه : انا بطلع بره ،، وانتي وكيفج .. هههههههه

طلعت الحرمه وتركت وراها صمت مطبق !!

مصعب طالع بعيون جود .. كانت عيونها حايره ماتدري تصدق منو ؟؟ زوجها اللي جدامها ولا كلام الحرمه والادله اللي معاها ؟!
مصعب طالع جود وعيونه كانت شايله مليانه حزن .. : ج,, و ,, د
جود انتبهت من الشرود اللي كانت فيه : هلا مصعب امر
مصعب اشر لها بيده انها تقعد يمه ..
راحت جود وقعدت يمه عالسرير اللي بالكاد يشيل شخص واحد ..
مصعب : ججووو .. د ،،، قق .. ققلللم
جود فهمت من مصعب انه يبي القلم عشان يكتب لها اللي يبي يقوله ..
جود يابت له القلم وورقه لقتها بين اغراضه ..
جود : تفضل مصعب ..
جود مسك القلب وقعد يكتب لها ** جود ما ابيج تحطين كلامها فبالج .. انا عارف هذي منو بس مابي اظلم احد ،، خل اقوم بالسلامه واحل الموضوع ،، مابيج تشغلين نفسج بشي يفرح العذال **
جود تذكرت مصعب يوم قالها هالجمله قبل لا يطلع من الفندق وغمضت عينها عشان تحفظ الدموع اللي داخلها ..
كانت جود عايشه بين نارين .. نار الحرمه ونار زوجها اللي يحبها ويحلف انه ماله أي علاقه بأي بنت ..

كانت كلمات مصعب المنثوره على الورقه بخط مبعثر من ايدي متصله بواير ( الـّدرب ) لها تأثير كبير على جود .. ليش ياربي كل ما انزاحت ثقتي بهالريال ترد وتتجمع ،، لاني احبه ؟؟ ولا ...

قاطع تفكيرها صوت باب الغرفه .. دخلت ام مصعب مع ابوه ..
ابو مصعب : السلام عليكم
جود : وعليكم السلام ..
مصعب اكتفى برفع ايده ردا للسلام على ابوه وتمتم ببعض الكلمات اللي تبين رده ..
ام مصعب قعدت تبجي على حال ولدها .. : يولدي والله ما تستاهل يا ظناي
مصعب ابتسم لامه واشر لها على صدره ورفع ايده رفعه بسيطه وطلع لها عظلاته ..
كان يعني بكل هالحركات ان : يما انا لي الحين بخير ..
ام مصعب ضحكت يوم شافت ولدها بهالحاله : مصعب ارتاح يا ولدي ماله داعي كل هالعباله .. خلاص يبا صدقتك ادري انك قوي هههه
الغرفه امتلت بالضحك اللي فارق عيون جود ومصعب من فتره طويله ..

ام فهد وصلت المستشفى بعد ام مصعب وابو مصعب بفتره قصيره وكان معاها فهد ،،
فهد : السلام عليكم ..
الكل : وعليكم السلام ..
فهد : ها شلونك حجي ؟؟
مصعب هـز راسه اشارة انه بخير ..
فهد حز بخاطره شوف مصعب بهالحاله واهو ما يقدر ينطق : يالله مأجور ان شاء الله ،، جووود شنو قال الطبيب ؟
جود : قال ان حالته الحمدلله .. وان شاء الله نلاقي له علاج بره..
فهد : على خير .. بس خل يرخصونه وان شاء الله نروح كلنا يميع .. انا وانتي ومصعب .
ام فهد : ويييييييه لا تسمعك نور تذبحك ..
ام مصعب : جود والله اسفين يا بنيتي توج عروس وكل هذا صار .
جود : شدعوه خالتي مو لهدرجه .. وبعدين دامي ويا صعوب كل شي يهون ..
مصعب ابتسم لمرته وضم كفها بكفه .. وباسه ..

فهد : مو قلت لكم قيس وليلى
ام فهد : الظاهر من عيونك ول عليك
فهد : يما الحين من عيونج انا بيصير فيني شي ههههه
ام فهد : هههههه ماكو ام تحسد عيالها

ابو مصعب كان يفكر بولده ويدعي له ان ه يقوم بالسلامه ..

انتهى وقت الزيارة .. وعادت الطيور الى اعشاشها ..

ظلت جود مع مصعب .. قعدت يمه ..تأملت ملامحه ..
تغيرت ملامح صعب وايد .. اللي صار له أثر فيه وايد ،، ويهه مرهق .. واللحيه صارت ديرتي .. عيونه كانت تقول مليون شي وشي .. قعدت يمه قالت له شعر اهيا كاتبته له ..
انا اشهد ان الحظ جابه لي هديه // في زمان(ن) خانته كل الهدايا
واشهد ان السالفه ماهي بديه // غصب عني ساقني رب البرايا
بالبدايه منه افكار خليه // ولا دريت الا وهو وسط الحنايا
كنت اسولف لا عليا ولا عليا // ما حسبت حساب ذنب ولا خطايا
لين ما قلبي توجه له شويه // وابتديت احس في وصله معايا
وابتديت اشتاق لعيونه الشقيه // لعنبو هالشوق سوا بي سوايا
وقمت اجيب اعذار وافكار غبيه // بس يبقا الامل فيني بقايا
اشهد السالفه صارت قضيه // واشهد اني كارهن كل القضايا
واشهد ان الوقت ما يهدي هديه // في زمان(ن) خانته كل الهدايا
وسلامتك ..

مصعب ابتسم ابتسامه رضا لزوجته ومد ايده وقربها منه وطبع بوسه على جبينها ..

جود خجلت من حركته وويها صار احمر ..
مصعب مسك القلم ..
** شفيها اللي صارت اشاره مرورر ؟؟ **
جود : انت اشاره المرور مو انا ههههههههه
مصعب قعد يضحك عليها .. فديتج يالجود يليتني اقدر جان لميتج بحضني ومالج فكه ..

الساعه 11 بالليل ..

جود غفت عالكرسي .. اما مصعب فكان يتأمل ويهها الملائكي الصغير اللي حاوطته خصلات شعرها بطريقه عشوائيه .. انا اسف جود تعبتج معاي .. ماكان المفروض ان كل هذا يصير ،، بس الحمدلله لك يارب صارت على جذي مو اكثر ..

الساعه 12.30 غمض مصعب عيونه ونام .. كان لاول مره من اول ما تزوجو ينام بهالراحه ..

يوم اذن الفير قامت جود تصلي ..
توضت وصلت ودعت حق مصعب ان الله يشافيه ..
وقعدت مصعب عشان يقوم يصلي ..
جود : مصعب حبي قوم يالله اذن الفجر ..
مصعب بألم : ررر .. ررااااسسسيي
جود : حبيبي شفيك
كان مصعب يضغط على اسنانه وماسك راسه بيده اليسار ..
مصعب ما كان يقدر يقول أي كلمه زياده .. قعد يصرخ بصوت خافت من الالم ..
كان يضغط على اسنانه بأقوا ما عنده ،،
جود ما عرفت شتسوي وماتت خوف وعلى طول ضغطت على الزر عشان الممرضه اتيي ..

شنو راح يصير ؟؟

تمـ الجزء السادس عشر

 

[احترت اعبر]

الجزء السابع عشر




يوم اذن الفير قامت جود تصلي ..
توضت وصلت ودعت حق مصعب ان الله يشافيه ..
وقعدت مصعب عشان يقوم يصلي ..
جود : مصعب حبي قوم يالله اذن الفجر ..
مصعب بألم : ررر .. ررااااسسسيي
جود : حبيبي شفيك
كان مصعب يضغط على اسنانه وماسك راسه بيده اليسار ..
مصعب ما كان يقدر يقول أي كلمه زياده .. قعد يصرخ بصوت خافت من الالم ..
كان يضغط على اسنانه بأقوا ما عنده ،،
جود ما عرفت شتسوي وماتت خوف وعلى طول ضغطت على الزر عشان الممرضه اتيي ..

الممرضه : سنو في حبيبتي ؟؟
جود ببجي : مادري اهو قاعد يصرخ يقول راسي .
الممرضه قربت من مصعب اللي كان يتألم .. : ان شاء الله مافي سي بابا بس هذا أشان راس مال هوا في جرح
جود : اكيد ؟؟؟؟؟
الممرضه : هزا دوا انا يعطي وكل شي يجي اوكي .

جود تطمنت يوم سمعت كلام (( السستر )) وخذت منها الحبه وعطتها مصعب ..
جود واهي تمسح دموعها : حبيبي سم بسم الله واكل الحبه .
مصعب تمتم بكلمات كان يحاول يبسمل فيها بس ما قدر ،، وقالها بقلبه .. واخذ الحبه ..
جود : مأجور حبيبي ان شاء الله .. وان شاء الله راح تتعافي
مصعب رفع عينه على حبيبته ونور دنيته واهو يتألم وحرك راسه بالنفي ،، كان مصعب فاقد امر شفاءه .. كان حاس ان هذي اخر اللحظات اللي يقضيها مع حبيبته ..

كان ماسك راسه وضاغط على اسنانه ،، على امل انه يخف الالم .. اشر لها على الورقه والقلم ،،
جود قربت منه وعطته الورقه والقلم ..
** حبي جود .. انا اسف اذا ما قدرت اكمل وياج المشوار ،، احس اني تعبان ومو قادر اتحمل الالام اللي احس فيها **
جود واهي تبجي : حبيبي انت مافيك شي .. والله مافيك شي وصدقني راح تتعافى انا متأكده .. وانت قوي وادري انك راح تتحمل الالم اذا مو عشان احد عشاني انا بس .. عشان جود ... وعشان الحب اللي بيننا .
مصعب ابتسم لها ومسح اطراف اصابعه على خدها يمسح الدموع اللي جرحت هالخد ..
مصعب : أأأ... أأسفف .
جود ما تحملت شوف مصعب بهالضعف وطاحت على صدره تبجي : لا تعتذر صدقني راح نطلع من هالمستشفى سوا وبنسافر وبنروح شهر العسل وانت بترد تنطق .. بس تكفا لاتقول جذي ،، بعدين انا اعيش مع منو ؟؟ اقعد مع منو ؟ منو يقول لي جودي ؟؟ منو يدلعني ويمسح دموعي ..

مصعب سكت وغمض عينه ،، كان يحبس دمعه اوشكت على السقوط .. وحط ايده على شعر جود وقعد يمسح عليه .. وبدون شعور .. نامو اهما الاثنين ..

رابع يوم بالمستشفى ..
الساعه 10 الصبح ..
مصعب قام من النوم .. حس بوجود جود على صدره لين الحين ..
مصعب بخاطره : احنا نمنا جذي !! فديتج يالجود تعبتج معاي ..
مصعب حس بألم خفيف براسه بس كان وايد احسن من امس .

الدمتور طق الباب عشان يدخل ..
مصعب مسح ايده على راح جود عشان تقوم ..
جود على طول انتبهت وطالعت مصعب .. اشر لا على الباب على اساس ان في احد بيدخل ..
قامت جود لبتست شيلتها وقعدت عالكرسي ..
الدكتور دخل .. السلام عليكم
جود : وعليكم السلام ..
الدكتور : ها شلون مريضنا ان شاء الله احسن ؟؟
جود : والله مادري شوفه عينك ..

الدكتور فحص مصعب ..
الدكتور : لاااااا مريضنا قوي قوي .. والحمدلله بتحسن مستمر
مصعب ابتسم ابتسامه راحه .. : الل .. اللحممد .. لله
الدكتور ربت على جتف مصعب يشد من عزيمته ..

جود : دكتور نقدر نطلعه ؟؟
الدكتور : اذا يبي عادي بس لازم ينتبه لصحته .. ولا يشغل باله باشياء تضايقه .
مصعب حرك راسه بالايجاب .. يبي يطلع ..
جود : كاهو يقولك يبي يطلع ..
الدكتور : على هواك ..

جود راحت مع الدكتور تخلص الاجراءات .. وتطلع زوجها ..
اتصلت جود على امها وام مصعب وبشرتهم ان مصعب تحسن وان شاء الله اليوم بيطلع مصعب ..
ام مصعب قالت حق جود انهم يروحون يتغدون عندها .. وجود قالت لها انها بتاخذ راي مصعب .. واكيد ما راح يرفض

جود راحت لغرفه مصعب اللي كان واقف على عكاز ..
جود : مصعب حبيبي ليش قمت من الفراش .. ليش تتعب نفسك .
مصعب التفت لها وطالعها بنظره يقولها تراني لي الحين فيني قوه اوقف على رجلي ..
جود ابتسمت له لانها فهمت انه يبي يسوي شغله بنفسه وراحت وقفت وضمته من ظهره ،،
جود : حبيبي مستحيل اتخلى عنك لو يصير اللي يصير .. انا احبك ،، وانا اسفه لاني وصلتك لهالمواصيل ..

الساعه 2 الظهر .. فبيت ابو مصعب ..

ام مصعب : هلا بولدي هلا بحشاشه يوفي .. هلا بالغالي ..
مصعب اكتفى بابتسامه لامه ..
قعدت جود مع مصعب مع امه ..
جود : وين عمي ؟
ام مصعب : والله طالع من الصبح وما يدري ان مصعب طلع .. بس الحين اتوقع يوصل ..

ظلو جود ومصعب وام مصعب يسولفون .
بعد ربع ساعه
ابو مصعب :السلام عليكم
الكل : وعليكم السلام ..
ابو مصعب : هلاااااااااااااااااا بولدي ..
مصعب حاول يقومن من الكرسي ويتسند على عكازته ويبوس راس ابوه ..
ابو مصعب : استريح يا ولدي استريح ،، طمنا شلونك ؟؟
مصعب هز راسه بالايجاب .
جود : يقول انه زين ..
ابو مصعب : والله ما ندري شنقول لج يا بنيتي ،، صج ونعم الزوجه ، وما غلط مصعب يوم اختارج
مصعب ابتسم ابتسامه عريضه واهو يطالع ابوه ويأشر له بصبعه (( شفت يا يبا ))

طلع جود مع مصعب الساعه 4 من بيت ابوه وراحو لبيت ام فهد اللي استقبلتهم بكل حب وحنيه .. وقعدو عندها لين الساعه 8
وبعدها ركبو السياره رادين لبيت ابو مصعب عشان ينامون هناك ..
مصعب : لاااا .. ججوو .. ججوود
جود استغربت ليش مايبي يروح بيت اهله : ليش حبيبي ؟؟ ماتبي نروح بيت ابوك ؟
مصعب : الفننن ..ددق .. اللييي .. حجززناه
جود تذكرت انها راحت سوت جك آآوت بالفندق .. : حبي انا سويت جك ااوت لان احنا حاجزين بس لـ 3 ايام ،، تبينا نروح مره ثانيه ؟
مصعب هز راسه بالايجياب .. ورد وتسند عالكرسي مال السياره لانه حس انه تعبان .
جود راحت بيت ابو مصعب وخذت اغراض حقها وحق مصعب وقالت لام مصعب وابوه انهم بينامون بالفندق ..
طلعت جود وركبو السياره وراحو الفندق نفسه اللي حجزو فيه قبل 5 ايام ..

حجزو سويت .. لمده يومين ..
دخلو الغرفه ،،
جود : تفضل يا احلى زوج شفته بحياتي ...
مصعب طالعها بطرف عين ورفع حواجبه واشر على نفسه من فوق لي تحت (( جذي احلى زوج !! ))
جود راحت وضمته : احلى زوج ونص ولو كنت اعور واصمخ واعمى واعرج .. ووو ووو .. ..
مصعب : او ... اوووله وقعد يضحك ..
جود حست انها بامان معاه ،، حسن ان حضنه اهو الشي الوحيد اللي ينسيها كل شي .. صج لي قالو .. الحب بعد الزواج يطـلع ،، احبك مصعب ..

فبيت عبدالمحسن ،،،
وصل مسج حق محسن من مصعب يعاتبه انه مادرى عنه ولا سأل بهالايام..
محسن دز مسج لمصعب (( هلا مصعب ،، والله العظيم مادري .. وربي محد قالي فهيد هالقوطي ما كلمني من اسبوع .. بيي لك الحين انت وين ؟؟ ))
مصعب رد عليه (( لا ماله داعي .. المهم اسمعني .... ))
محسن : (( أي .. أي .. اوكي خلاص ،، صار .. فمان الله ))

بالفندق ،،
جود : حبيبي منو تكلم ؟؟
مصعب : محح .. سن ..
جود : ولد عمي ؟
مصعب هز راسه بالايجاب
جود : فهيد من متى يذكر .. ويييي صح ذكرتني اقول لفهد يحجز لنا لندن ..
مصعب : ... ليييش ؟
جود : حبيبي الدكتور قال ان ان شاء الله نلقا لك علاج بره عشان ترد تقولي جود حبيبتي ..
مصعب مسك موبايله وكتب لها ..
(( اذا بنروح عشان اقدر ارد اقولج جود حبيبتي .. فأنا من الحين اقولج جاهز )) ووراها الموبايل .
جود : فديتك (وابتسمت له )
دقت جود على فهد ..
جود : الو قوه فهد .
فهد : هلا بالغاليه مرت الغالي ..
جود : هلا فيك .. فهود ادري تعبتك واذيتك بس ممكن تحجز لنا لندن حق عقب باجر ؟
فهد : أي من عيوني . بس ان شاء الله نلاقي حجز .
جود : عفيه حاول .. يعني يوم الاربعا تقريبا
فهد : ان شاء الله احاول .

الساعه 7 المغرب.
مصعب : ججوود
جود : عيونها
مصعب فهمها انه يبي يتعشى بره .. لانه مل من جو القعده ..
جود بدلت هدومها وساعدت مصعب بتغير هدومه ،، وطلعو ..

راحو يتعشون وبالمطعم ..
جود : مصعب تدري اني احبك وايد ؟
مصعب هز راسه بالنفي
جود : افا .. انزين تدري اني اموت بك ؟
مصعب : هز راسه بالنفي
جود : ليييييييييش ؟؟ لهالدرجه مو واثق من حبي لك ؟
مصعب مسك ايدها وباسها .. : ااححبببج .. هذذا ،، اللييييي .. كتأأكد .. ممممنه
جود عيونها امتلأت بالدموع ،، مصعب من يوم صار له الحادث ما نطق غير اسمي وما تكلم الا معاي وحتى لو كان هالشي صعب عليه .. لكنه يحاول بس عشان ما يحسسني بالضعف او انه تغير علي ..
جود وعيونها مليانه دموع : احبك مصعب .. ومقدره كل شي تسويه عشاني .. كل شي ..
مصعب نزل راسه واحتضن ايدها ..

كانت يدور فبال مصعب مليون شي وشي كان يفكر باللي تحاول تهدم حياتهم ،، اهوا عرفها بس يبي الدليل ..
ما يبي يظلم احد معاه ..

لاتظلمن اذا ما كنت مقتدرا .. فالظلم يرجع عقباه الى الندم ..
تنام وعين المظلوم واعية ً .. تدعو عليك وعين الله لا تنمـ ..

خلصو من عشاهم وردو الفندق ..

بعد يومين ..
فبيت ام فهد الساعه 5 العصر ..
فهد : جود انا ربع ساعه واوصل لكم .. عسى زاهبين .
جود: أي كل شي مزهبينه ..
ام فهد : جودي ما اوصيج على ريلج ونفسج ..
جود : تامرين امر يا ست الكل ..

مصعب سلم على عمته وطلع ..
بالمطار ..
فهد : حمودي سو حق عمتك باي .
محمد اشر بايده حق عمته جود
جود : امواه باي يا حلووو بشتاق لك وااااايد وبييب لك حلاو هههههه
فهد : لا مسكين فهم فهم ههههههههه

مصعب وجود سلمو على فهد وراحو قاعه المغادرون ..
الساعه 9 ..
يرجى من جميع المسافرين .. رحله رقم .... المتجه على بريطانيا على متن الخطوط الجويه الكويتيه التوجه الى البوابه 5 ..

مصعب وجود راحو لبوابه 5 لان الطياره على وشك الاقلاع .. كانت تذكرتهم على الـ فيرست كلاس ..
مصعب وجود ركبو بكراسيهم .. واستعدت الطياره للأقلاع ..
وو ..

الله اكبر الله اكبر الله اكبر .. سبحان الذي سخر لنا هذا وما كنا له مقرنين وانا الى ربنا لمنقلبون .

اقلعت الطياره المتجهه على لندن ..
جود كانت ماسكه ايد مصعب لانها تخاف من لحظه الاقلاع ..
جود بخوف : مصعب اخاف ..
مصعب ضغط على ايدها يحاول يهديها ..(( جودي لا تخافين حبي ))..
جود كانت خايفه ومنزله راسها .. مصعب طلع من جيب بنطلونه علج وعطاها واهو يضحك عليها .. واشر على اذنه (( عشان ما تتسكر اذونج ))

بعد 6 ساعات تقريبــا وصلو لندن ..

جود : الحمدلله على السلامه حبيبي ..
مصعب ابتسم لها وضغط على الكرسي عشان يقوم يوقف ..
جود ساعدته ورفعته .. ونزلو من الطياره ..

كان الجو بلندن شوي بارد .. جود كانت مو حاسبه حساب ان الجو يكون جذي ..
راحو قعدو عالكراسي ينطرون تكسي .. كان المطار شبه فاضي لانهم وصلو لندن الصبح ..

جود : مصعب برررد .. انت بردان ؟؟
مصعب : قرربببب.. قرربيي
جود قربت من مصعب واهي ما تدري شنو يبي ..
مصعب طبع بوسه رقيقه على خدها .. : دففف .. دفييتيي ؟
جود خدودها صارت حمره : لا صار حر ههههههه
مصعب ابتسم لها وطلع نوته صغيره كان حاطها بجيبه وكتب عليها ** جود الدنيا هذي كلها مو حلوة بدونج .. الله يخليج لي **
جود انحرجت من كلامه ومسكت القلم من ايده وكتبت ** وانت بعد الله لا يحرمني منك ويخليك لي **

مسك جود ومصعب القلم مع بعض ورسمو قلب حب ..
جود سحبت القلم من ايد مصعب وكتبت تحت القلب .. حبيبي .. احبك وحطت حرفه داخل ..

مصعب ابتسم لها وسرح بخياله ..
مصعب : جججووو..جووود
جود اخترعت من النبره اللي ناداها فيها : مصعب خير ؟؟
مصعب كان ماسك راسه : جووددد .. الاأأأألم رررد .

جود اخترعت عليه وطلعت حبه الدكتور عطاها اياها حق مصعب اذا الالم رد عليه ..
جود : حبيبي هاك هالحبه ابلعها الدكتور قال زينه حق الم راسك .
مصعب مسك الحبه من ايد مرته وبلعها ..
جود حطت راس مصعب على جتفها ..: حبيبي ارتاح ولا تشغل بالك بأي شي ..
مصعب غمض عيونه .. والالم لين الحين براسه ..

جود كانت تحاتي زوجها وحبيب قلبها وتدعي له .. واهما ينطرون التكسي اللي راح يوديهم الفندق .

جود بحزن : حبيبي انتا قوي وبتصير زين صح ؟؟
مصعب رفع راسه وطالعها : ان .. شااااءء .. الله
جود ابتسمت ودمعه خفيفه طاحت من عينها : احبك .
مصعب ضمها على جسمه : وأأننا بعد ..

التكسي بعد 10 دقايق وصل وركبت جود مصعب التكسي وركبت بعده .. وقالت له ينقلهم لفندق One Aldwych وراحو ..
بالتكسي ..
جود : حبيبي الحين شلون راسك ؟؟
مصعب حرك راسه انه احسن شوي ..
جود : الحمدلله ..

وصلو الفندق .. كان فندق جنان .. يكفي انه فاز بأفضل 100 فندق بالعالم هالسنه ..
مصعب كان اول مره يدخل فندق بهالفخامه .. مصعب انسان بسيط .. وماله سفرات وايده .. اكثر سفراته مصر والسعوديه ..

حجزوا غرفه بالفندق ..
جود : حبيبي ها شرايك بالمكان ؟؟
مصعب صفر واهو مستانس .. : ححللوو مثثلج
جود : هههه حبيب العمري انتا ..
مصعب : ييدييده
جود: عشانك مادري من وين أطلع الكلمات ههههه
مصعب : ههههه .. (( وسكت فجأة .. ))
جود : حبي شفيك ..
مصعب اشر لها انه تعبان شوي ويبي ينام ..
جود خافت وساعدته عشان يروح الفراش ..

جود راحت غيرت هدومها .. وطلعت هدوم حق مصعب و .. راحو ينامون .. كانو تعبانين من السفر ..

جود واهي بحضن مصعب : احبك تدري ..
مصعب : واأناا .. بعع .. بعععد

مصعب كان يتألم بس ما كان يوضح لجود .. لين ما نامو وكل واحد يطمح بيوم يديد يكون احسن من اليوم اللي اهما فيه ..

ثاني يوم الصبح ..
جود : صعوبي قوم قلبي ..
مصعب : ............
جود بخوف : مصعب .؟؟؟
جود كانت تقوم مصعب بس ما كان يرد عليها ..
مصعب بطل عينه بصعوبه : جوووودد ،، رراسسييي

جود ماتت خوف ،، شتسوي .. اتصلت على الـ (( كستمر انفورميشن )) وطلبتهم يتصلون على المستشفى ،،
جود واهي تبجي : حبيبي الحين الاسعاف يايه .. تحمل عشاني ياقلي .. تحمل ..
مصعب : جووود ،، بممممووووت رراسسي
مصعب كان يصرخ من الالم اللي حاس فيه ..
وجود كانت ما عندها غير انها تحاول تخفف عنه ..

شنو راح يصير بالبارت الياي ؟؟
وهــل راح يعرفون شنو سبب الالم اللي حاس فيه ؟؟

تم الجزء الـسابع عشر ..

 

[احترت اعبر]

--------------------------------------------------------------------------------

الجزء الثامن عشر
مصعب كان يصرخ من الالم اللي حاسه براسه ..
جود اتصلت على الـ (( كستمر انفورميشن )) عشان يطلبون الاسعاف ..
مصعب كان يتألم بقوة .. ماكان يدري شسيوي .. وجود كانت خايفه ومو عارفه تتصرف .
بعد 10 دقايق وصلت الاسعاف .. ونقلو مصعب للمستشفى ...
بالمستشفى ..
الدكتور : Don’t worry madam every thing is fine (( لا تحاتين كل شي بخير الحمدلله ))
جود بخوف : Are you sure ?(( متأكد ؟ ))
الدكتور : of cures ,, u can go to him now(( أكيد تقدرين تروحين له ))
جود : thanks doctor I appreciate (( شكرا .. انا ممتنه لك ))
جود راحت بخطوات سريعه لغرفه مصعب اللي كان منسدح عالفراش مال المستشفى ..
مصعب رفع راسه على جود اللي كانت توها تدخل الغرفه وابتسم
جود ارتاحت من ابتسامه مصعب اللي كانت شايله وياها الم كبير : الحمدلله على السلامه حبيبي
مصعب هز راسه .. (( بمعني الله يسلمج ))
مصعب اشر على جود انها اتييب له قلم .. وجود لبت الطلب على طول ..
مصعب مسك القلم وكتب لها .. ** جودي الدكتور تدرين شنو قال لي ؟ **
جود بخوف : شنو حياتي ؟؟
مصعب كتب لها ** ماني قايل لان السبب سخيييييييييف وما توقعته جذي **
جود ارتاحت شوي : قول يالله لا تصير بايخ ..
مصعب ** يقول الشق اللي براسي كان ملوث ،، ومو منظف عدل .. فهذا السبب **
جود : الحمدلله لك يارب .. ازمه وانفكت .. بقى لنا ..
جود بغت تكمل بس سكتت .. خافت تجرحه
مصعب ** شنو اللي بقا لنا ؟؟ النطق ؟؟ **
جود حست انها جرحته وهزت راسه بالايجاب .
مصعب ابتسم لها وقال لها .. : للاا .. تت ..تتحاااتيييين .
الدكتور فحص ريل مصعب اللي كان فيها شرخ بسيط من الحادث ومجبسه ولقى انها الحمدلله بخير وبطل الجبس .. وسمح لمصعب انه يطلع من المستشفى لان اللي فيه مو خطر وماله داعي قعدته بالمستشفى ..
جود طبعا كانت طايره من الفرح ،، اخيرا مصعب يقدر يمشي .. اخيرا يقدر يتحرك بحريه .. وان شاء الله عن قريب يتكلم يارب ..
ردو الفندق ،، ومصعب على ريله يمشي .. ااااااخ يا مصعب .. اخير ا تمشي يمي اخيرا احس انك واقف على طولك بقوه .. يارب ياكريم يرد مصعب يتكلم .. ينطق اسمي .. يسولف وياي ..
بالفندق .. قعدت جود يم مصعب على طرف السرير ..
جود : مصعب حبي تبي تاكل شي ؟
مصعب : للاا وابتسم لها .. ببااااكك .. باااكلللج هههه
جود انحرجت من كلمه مصعب وويها صار احمر ..
بالكويت ..
فبيت امينه ..
امينه : الووو مشيعلللللللللللللللللللل يا الدوووووب يالله متى اتيي الكويت ؟؟ والله ولهانه عليك يالمليق
مشعل : شتبييييييييييييييييييين واي قطيعه خليني بشهر العسل .
امينه : صار لك شهر ونص مو شهر ما صارت مشيعل ههههه
مشعل : هههه انتي شكو ،، انا مستانس ويا مرتي وكيفي .. ولا محتره لانج لي الحين ما تزوجتي ورفيجتج تزوجت وخلتج ؟؟
امينه ضاق خلقها يوم سمعت هالكلام من مشعل ،، ذكرها بجود اللي مشتاقتلها موت : هه ما تضحك مليق
مشعل حس انه ضايق اخته : انزين يالحلوة تدرين متى راح نرد الكويت ؟
امينه : لأ شدراني
مشعل : لمن أمل وتطق جبدي راح ارد هههههههههه
امينه : واااااي ملاااقه مشعلووو
مشعل : انزين وين امي ؟
امينه : لحظه اعطيك اياها ..
راحت امينه ودت التلفون حق امها وكلمت مشعل ..
اما فبيت ام فهد ..
رغد : يما ،، ما دقينا على جود نتطمن عليها ..
ام فهد : توني يايه اقولج دقي ، والله قلبي على قلبج ..
رغد دقت على جود ..
جود : الووو هلا والله رغوده
رغد : هلا فيج شلونج .
جود : تمام الله يسلمج ..
رغد : ولهنا عليج يالغلا ..
جود : توله عليج العافيه ..
رغد : هاج امي تبيج
جود : واي فديتها عطيني اكلمها ..
ام فهد :هلا بنيتييي شلونج ؟؟
جود : هلا يما الحمدلله بخير
قعدت جود تبجي لانها اول مره تسافر بدون امها ..
جود : يما ولهانه عليج وايد ..
ام فهد : والله انا اكثر .. شلون مصعب عساه بخير
جود : الحمدلله
ام فهد : عطيني اكلمه ....
جود: يما ــــ ،،
ام فهد تذكرت ان مصعب ما يقدر يتكلم : ااا .. سلمي عليه يا بنيتي وديري بالج على نفسج .. يالله انا اخليج ..
جود : ان شاء الله يما .. ما شي
ام فهد : بحفظ الرحمن
جود : مع السلامه
مصعب .. اشر على جود يعني منو ؟؟
جود : حبي هذي امي ..
مصعب ابتسم ..
جود : حبي شرايك نطلع اليوم ؟
مصعب ابتسم لها وبين لها انه موافق ..
طلعت جود مع مصعب ..
راحو الـ هايد بارك وتمشو ..
كانت جود مرحه وتضحك وكانت تحاول تخفف على مصعب اللي حاس فيه ..
جود : مصعب ... اسمع انا ابي اسوي وياك سباق .. ههههه ادري الطلب غبي وبتقولي شفيج مينونه بس انا وحده تبي تركض .. تتسابق ؟؟
مصعب : لللااا هههه
جود : بليز يالله دام مافي ناس
ابتسم لها مصعب وحاول يركض .. لكنه ما قدر .. لي الحين الالم بريله موجود ..
جود : لي الحين ريلك تعورك؟
مصعب : رررجج.. رججلك
جود : هههههههههههههه حتى وانت مكسر عنيد ،، انزين يالبدوي قولي .. رجلك لي الحين تعورك ؟
مصعب : ههههههه .. ل .. لل .. لا
جود : هههه فديتك .
تعب مصعب شوي من المشي فقال حق مرته انه يبي يقعد ... وراحو قعدو على كرسي من كراسي البارك ..
كان في وحده من بعيد تمشي مع ريلها .. كان شكلهم عرب لان البنت لابسه عبايه .. وشيله ..
مصعب كان يطالعهم بنظره مو غريبه .. كانت ويوهم مو غريبه عليه .. لا لا ويه البنت يعرفه عدل ..
مصعب : ججووو .. ججود ،، ههذذي ههدى معع ححمنيي وللد عمممي
جود : تضايقت يوم سمعت اسم هدى .. هدى مرته اللي طلقها ،، لي الحين يذكرها ..
جود : تبي نروح نسلم عليهم ؟؟
مصعب طلع النوته من مخباته وكتب ** نسلم عليهم شلون ؟ انا ما اقدر اتكلم .. شقول لهم ؟؟ **
جود خاطرها انكسر على مصعب : ميخالف حبيبي ان شاء الله تهون وكل شي يتحسن ،،
طلعو جود ومصعب من البارك وراحو يتعشون ..
كانت الساعه تقريبا 9
مصعب كان سرحان بخياله .. شلون حمني وياها ؟؟ شنو يابهم بروحهم لهالمكان ..
معقوله اهو زوجها ؟؟ بس اذا اهو زوجها معناته انها تزوجت .. وبـجذي مو اهيا اللي يت لي المستشفى او قالت حق جود عني .. اذا مو اهيه اللي سوت هالعمايل منو تطلع ؟
جود : مصعب حبي وين سرحت ؟
مصعب : هااا .. (( وحرك راسه بالنفي .. يعني ولا شي ))
كانو ياكلون بكل هدوء .. ماكان بينهم سوالف نظرا لحاله مصعب ،، مع كل هذا كانو محط انظار الكل ..
الكل كان يطالعهم ويتنهد عالحب اللي كان ذايب بعيونهم ..
واهما قاعدين ياكلون يت وحده .. جود رفعت عينها .. : هلا ؟؟
الحرمه : شلونج جود ؟؟
جود بصدمه : تمام ؟!!!!!!
الحرمه : نسيتيني مره ثانيه ؟؟ يحتاج اطلع لج المسجات والصورة ؟؟ لا بس انا خليتهم بالكويت ما يبتهم معاي ..
مصعب منصدم مو عارف شنو يسوي .. : لللاااا ... للاااا .. ججج ..ججذذذاببه
الحرمه : اسكت يالاطرم اسكت ..
جود : سكتي يا حقيره ولا كلمه .. اووووووووووووص .. ريلي احسن من ويهج ياالمومتربيه .
الحرمه : ههههههههههههههههههه يا حلوج وانتي معصبه .. المهم انا مو يايه اقولج شي يديد ،، بعد انتي تدرين حبيبي (( وتطالع مصعب )) ما دز لي شي وانتي السبب خليتيه يطلع من البيت بالليل ،، وسوا الحادث فالمسكين ما كان فاضي يدز لي مسجات غزل ..
جود وقامت من الطاوله : جااااااااب يا حقيره .. ما اسمح لج تقولين هالكلام .. روحي عني وخري وخلينا نعيش بروحنا
مصعب كان يتمنى انه يقدر يتكلم .. بس ما كان يقدر يقول شي .. مسك مرته ودفع الحساب وطلعو ..
جود كانت تبجي بخوف من المستقبل المجهول اللي اهما عايشين له ..
جود رفعت عينها الممتليه دموع وطالعت مصعب : مصعب صج اللي قالته ..
مصعب طالعها بنظره طفل منكسر ويأس من كل شي .. : ليييتنييي .. أأأتت .. أأتتكلم ..
جود ظلت تبجي عالحال اللي اهيا فيه .. عروسه ما نعمت بشهر العسل اللي اهيا فيه ..
من اول يوم زواجهم انقلبت الدنيا عليهم ،، ما كان مجال للسعاده .. وكل ما حسو ان همومهم راحت .. تطلع هالحرمه .. بس ليش ؟؟ وشنو هدفها ؟؟

 

[احترت اعبر]

بالكويت ..
فبيت ام نور ..
نور : فهود شلون جود ؟
فهد : تصدقين مادري !! والله ما دقيت عليها ..
نور : خل ندق بس الساعه جم عندهم ؟؟
فهد : مادري جنه 10 او 9.30
نور: أي زين خل ندق نشوفهم شلونهم ؟؟
فهد دق على اخته ..
فهد : الووو قووه جوجو
جود : هلا والله فهيد شلونك ؟
فهد : الحمدلله بخير .. ولهان عليكم والله شلونج وشلون مصعب ؟
جود : الحمدلله كلنا بخير
فهد : الحمدلله لك يارب .. انزين شلون على كلامه .. ان شاء الله لقو له علاج
جود : ان شاء الله خير ..
فهد : ان شاء الله .. انزين هذي نور تبي تكلمج ..
جود كلمت نور اللي كانت ولهانه عليها .. وسولفو ..
نور : يالله ردي ردي ولهانا عليج .
جود : ان شاء الله ..
نور : يالله عيل انا اخليكم مع بعض .. بيباي
جود : بيباي

مصعب وجود كانو بسكوت .. محد فيهم يتكلم ومحد فيهم يبدي ،، كل واحد منهم يبي يقول شي بس للأسف كان السكوت اهو سيد الموقف ..
جود ومصعب وصلو الفندق ::
جود نزلت من السيارة وراحت مع مصعب الفندق ..

بالفندق ..
مصعب مسك النوته ونادى جود يبي يقول لها اللي بقلبه ويكسر حاجز الصمت اللي بينهم ..
مصعب كتب ** جود ابيج تقرين كل اللي بكتبه حرف حرف .. وتتأكدين اني انا مالي ذنب باللي صاير **
جود كانت حاسه ان كل اللي بداخلها مات .. حست انها ضعيفه .. ماتدري شتسوي تصدق منو .. كل مره تزيد الظروف سوء عن اللي قبلها ...
جود : بس يا مصعب ...
مصعب حط صبعه على شفايفها عشان تسكت .. وكتب لها
** لا بس ولا شي .. انا مابيج تحطين اعذار ،، انا ابيج تكونين لي عون مو فرعون ،، جود انا بقولج ... **
وقال مصعب اللي فباله كله ..
جود : ان شاء الله .. انزين انا الحين بنام ..
مصعب ** حبي تصبحين على خير ،، تراج وحشتيني **
جود انحرجت وفهمت شقصده ..

ثاني يوم بالكويت ..
امينه : يما انا بطلع تامرين على شي ؟؟
ام مشعل : لا حبيبتي بس ديري بالج على نفسج ولا تتأخرين .
امينه : ان شاء الله ..
طلعت امينه تتمشى بمرينا .. كانت تبي جم بلوزه على جم جينز ..

واهيا تمشي .. شافت جدامها عبدالمحسن ..
عبدالمحسن طبعا على طول عرفها .. وراح عندها يتميلح ..
محسن : امينه شلونج ؟؟
امينه بصدمه من جرأته : هاا ،، الحمدلله انت شلونك اخوي ؟
محسن : الحمدلله .. انا اذكر شايفج مكان .. همممممم .. ويا شهد كنتي .. اخت مشعل مو جذي ؟؟
امينه : أي نعم اخوي ..
محسن : تشرفنا ... ممكن طلب اختي...
امينه : تفضل .
محسن : اختي تلفوني طفا مافيه بطاريه وابي ادق على ولد عمتي ايي لي لان بندش سينما فميخالف استعير تلفوني ثواني .. ؟
امينه : تفضل (( وطلعت التلفون من جنطتها .. ))
محسن اخذ التلفون ودق : الووو قوة طلول شلونك ؟؟ طلالوة يالله وينك انا ناطرك عند pual .. اوكي ماشي باي
محسن رد التلفون حق امينه .. : مشكوره اختي تعبتج معاي .. واحرجتج ..
امينه : لا عزيز وغالي حياك الله

ومشت امينه واهيا مستغربه من تصرف عبدالمحسن وتتكلم مع نفسها :: هذا لا يكون لعاااابي .. وييييه يا شينه ولد عم توم كروز ،، اكيد نفس الطينه ..ملييق .. بســ ،،

من طرف ثاني عبدالمحسن كان طاااااير من الفرحه .. : هيااااااااااا اخيرا كلمتها ويه بويه .. ياخي شحلاتها .. حلوة والله ومؤدبه .. صج اني مينون يوم ما خطبتج يا امون ..
طلال : شفيك اسم الله عليك وشعندك يم المزيونه ؟؟
محسن : اقص لسانك لو قلت حلوة مره ثانيه اغار ههههه
طلال : الله .. الله .. الله ... كل هذا حب ..... شدعوه حب من اول نظره
محسن : ااااااااه يا حب .. اااااااه هههههه
طلال : ولييييييييييييين احنا ما نخلص من واحد الا طلع لنا واحد .. تونا مزوجين عمور مفتكين منه وبعدها فهيد المليق والحين دورك ولد عمه .. قطع
محسن : رجاءا اسكت يالقوطي احسن لك لا الحين ارتكب فيك اعظم جريمه بالعالم ..
طلال : وييه يالله يالله اقول الفلم نصه خلص من ويهك وسوالفك المراهقيقه اللي مادري شلون صايره واللي يقول توه عمرك 16 مالت اقول مالت .
محسن : تكفا انت شفهمك بالحب ؟؟ يالله امش بس ندخل سينما ..

امينه كانت تتسوق .. وتفكر باللي صار .. واااي امبي صج مليق وكريه .. يعني خلصو خلق الله يالي انا يطلب التلفون .. يت فبالها انها ما شافت رقم اللي داق عليه ..
طالعت الرقم ومسحته .. ول عليه شحلات رقم رفيجه ،، يبا عيال الهارفي وربعهم انا شيابني لهم !!
خلصت تسوق وردت البيت ..

فبيت ام نور ..
نور : مامي وير از فهد ؟
ام نور : نايم
نور صعدت فوق ولا تسمع محمد يبجي .. : وي وي وي حبيبي شفيه يبجي ؟
محمد يبجي : ممممم .. مممم
فهد : نورو تكفين سكتي ولدج بناااااااااااام
نور : ههه انزين
نور خذت محمد وطلعت بره الصاله ..
فهد : نووووووووووووووووووووووووووووووور تعالي
نورخافت وراحت : هلا فهد فيك شي ؟؟؟
فهد :لا تعالي قعدي وياي بسولف معاج
نور :هههههههههههههه امبي انت مو صاحي توك تقولي سكتي حمود بتنام ..
فهد : يبا طار النوم بقعد مع زوجتي حبيبتي ام حمود انتي شتبين ؟
نور استحت : انزين عيل انا قاعده على راسك بس لحظه بروح اييب حمودي
فهد : لا تكفين الا حمودي بو دمعه خليه عند امج عفيه انا بقعد اسولف وياج انتي مو حمود حمود خليه بعدين
نور راحت حق امها تودي لها حمود وردت لفهد ..

نور : بااااك هههه
فهد : مع الويه باك بعد ها هههههه
نور : أي عيل شلون ،، مرتك متطوره مع العصر ،، ولا عبالك يبت لك حمود يعني خلاص صرت عيوز
فهد : أي عيل شعبالج ،، يبا عيوزه وبتزوج عليج باجر
نور : نننننننننننننننننننننععععععععععععععععععععم !! again again انا ما سمعت عيد اشوووف
فهد : يمممممممممممما منكم يالحريم تموتون لي سمعتو ان الريال بيتزوج عليكم
نور :اكيد نموت .. شلون تحط معاي وحده .. مستحيل ارضى
فهد : لا تخافين انتي وموقادر عليج وبعد احط ثانيه ..
نور مدت البوز يعني زعلانه : ....
فهد : فديت هالزعلان ،، تعالي بووسه .. ههههههه
نور : موبي موبي زعلانه ماحبك ..
فهد : تعالي ابوسج اراضيج هههههه
نور : وخر يالمينون ..

فبيت امينه .. الساعه 11 بالليل ..
وصل لها مسج ..
(( قوة امينه .. تتسائلين منو انا .. بس انا اقولج وبسهوله بسيطه جدا ،، انا طلال رفيج محسن اللي اليوم دق علي من تلفونج ))
امينه انصدمتتتتتت من وقاحته .. شنو هذا قليل الادب وقح ما يستحي !!
(( نعم اخوي اقدر اساعدك بشي ؟؟ ))
رد عليها (( افا يعني السالفه عمل انساني ؟؟ يبا انا ما ابي عمل انساني .. انا ابي اكلمج بموضوع تسمحين ؟؟ ))

امينه ما ردت عليه واهيا معصبه .. ومتنرفزه من اللي سواه ..


بعد يومين ..
بـ لندن ..
جود : مصعب حبي يالله قوم يا حياتي ..
مصعب :: هااااا
جود : حياتي يالله قوم موعدك بقا له ساعه الا ربع قوم يا حياتي ..
مصعب هز راسه يعني انزين !!
جود : يالله يا حياتي انا بدلت وانت نايم يالله لا تصير ياهل قوووم ..
مصعب بطل عينه وابتسم لها وطبع بوسه على خدها .. : صصصبببا.. صبباح .. اللخيي.. الخير
جود بابتسامه زادت ويهها الجميل جمال : صباح النور يا عسل ..
مصعب قام وبدل هدومه ..
لبس بنطلون جينز لو وست ( بس طبعا لو وست ذرب مو مثل هاليومين !! ) وقميص gusse كانت جود شاريته له هديه وجود سوت له شعره بطريقه ذربه وطلع جنان ..
كان هاليوم ذكرى يوم حبهم .. واول يوم عرفو بعض فيه ..

تذكرونه ؟؟ تذكرون جود شلون كانت عنيده وما حبته ؟؟ وبعدها كل شي تغير .. وبدا قلبها ينبض بحبه .. تذكرون يوم شافها بعرس فاطمه اخت امينه ؟؟ والله الايام تركض.. وكاهم كمــلو سنه من معرفتهم ..

مصعب طلع النوته ونادى جود عشان تقرا اللي بيكتبه .. ** جود حبيبي .. كل عام وانتي بمليوووووووووون خير وكل عام وانتي حبيبتي .. احبج قد الدنيا وما فيها **
جود استانست لانه تذكر هاليوم : وانت بخير يا هواي .. وتسلم لأنك تذكرت ..

وارتمت جود بحضن مصعب .. وتركو للأفعال التعبير .. !!

بالكويت ..
فبيت عبدالمحسن ..
عبدالمحسن كان يفكر بأمينه اللي شغلت تفكيره فجأة .. وقاطع تفكيره صوت تلفون ..
طلال : الو قوة محيسن ..
محسن : هلا طليل ههه شتبي ؟
طلال : بقول لك شي ياخوي بس مادري شلون انا تصرفت بهالغباء الزايد .. بس ..
محسن اعتدل من قعدته : ها خير شصاير ؟.؟؟؟؟
طلال : البنت اللي اليوم انت كلمتها ..
محسن فز قلبه : شفيها .. ؟؟؟؟؟؟؟
طلال : دزيت لها مسج ..
محسن : نعععععععععععععععععععععععععععععععم ؟؟؟؟؟؟؟؟؟؟؟؟؟ بكيف منوووو ؟؟
طلال : وربي عجبتني .. والله مادري الشيطان لعب بعقلي ودزيت لها مسج
محسن : هههههههههههههههههههه ..
طلال منصدم : شفيك ؟؟؟؟

شسالفه محسن ؟؟ وليش ضحك ؟!!
وشنو راح يصير بموعد مصعب ؟

الجزء الياي فيه وايد مفاجأت ..


تمـ الجزء الـثامن عشر

 

[احترت اعبر]

بالكويت ..
فبيت عبدالمحسن ..
عبدالمحسن كان يفكر بأمينه اللي شغلت تفكيره فجأة .. وقاطع تفكيره صوت تلفون ..
طلال : الو قوة محيسن ..
محسن : هلا طليل ههه شتبي ؟
طلال : بقول لك شي ياخوي بس مادري شلون انا تصرفت بهالغباء الزايد .. بس ..
محسن اعتدل من قعدته : ها خير شصاير ؟.؟؟؟؟
طلال : البنت اللي اليوم انت كلمتها ..
محسن فز قلبه : شفيها .. ؟؟؟؟؟؟؟
طلال : دزيت لها مسج ..
محسن : نعععععععععععععععععععععععععععععععم ؟؟؟؟؟؟؟؟؟؟؟؟؟ بكيف منوووو ؟؟
طلال : وربي عجبتني .. والله مادري الشيطان لعب بعقلي ودزيت لها مسج
محسن : هههههههههههههههههههه ..
طلال منصدم : شفيك ؟؟؟؟
محسن : يا حلوك ووقعت في شباكي هههههههههههه
طلال بصدمه : الحمدلله والشكر انت شتقول ؟؟؟
محسن : هههههههههههههههههه امبي والله طلعت اثول وينقص عليك
طلال : يا غبي شفييييييك ؟؟؟
محسن : يبا انا دقيت عليك من رقمها عشان انت تكلمها .. ولا انا شبي فيها ،، نوره تكفيني وتوفي .. احبها واموت عليها ليش اخونها ؟
طلال : مو انا استغربت منك بس قلت يمكن يعني خلاص انفصلتو .!!
محسن : ويعه لا تقول جذي ،، عسا لسانك القص ههههه
طلال : ويهك اقوووووووول وييييييهك .. انزين قولي ليش سويت هالحركه ؟؟؟؟؟؟
محسن : يبا انت عزوبي ومادري لي متى بتظل عزوبي ،، وقلت اعرفك عليها لاني متأكد انها خوش بنت وتلوق لك .. بس ها شرايك مو خوش اختيار .
طلال : من ناحيه خوش اختيار صراحه خوش اختيار .. بس هم مادري .. اخاف ما تحبني البنت
محسن : وانت عرفتها عشان تقول تحبك ؟؟ يبا انت واسلوبك .. تخليها تحبك او لا !
طلال : الله يعين ،، بس صج طلعت مو هيــّن ،،
محسن : نيييييياهاهاهاها
طلال : انزين يالله اقلب ويهك انا بروح انام .. تعبان مو نايم من امس .. تصبح على خير ..
محسن : تلاقي الخير ..


يوم الاثنين ..
بـ لندن .. وتحديدا بالمستشفى ..
الدكتور كان يقول حق مصعب ان في أمل لنجاح عمليه راح يجريها له بخصوص النطق .. ومصعب كان متردد باجرائها ،،
جود : ok Dr. he will think then he will give u his answer ,, in between ,, do u think he will be fine and talk again ?
الدكتور : yes .. be sure
جود : thank you doctor ,, and when is the next appointment ? ( متى الموعد الياي ؟ )
الدكتور: after 2 days
جود: ok

مصعب كان مرتاح من ناحيه العمليه ..
كان حاس انها راح تنجح بس هم كان متردد ..
جود : حبيبي شرايك بكلام الدكتور ؟
مصعب هز راسه بالاقتناع .
جود : ها نسويها ؟؟
مصعب : ان .. شاااء .. الله
جود : حبي شرايك نروح ( متحف مدام توسوو ) تره حلو...
مصعب : ع .. هواااا.. هووااج ( وابتسم لها )
جود ومصعب راحو المتحف .. كانو عايشين الجو صح .. ومستانسين على الرغم من قله الكلام بينهم ..

بالكويت ..
فبيت طلال ..
طلال كان يفكر بأمينه ،، البنت حلوة .. والصدفه اللي جمعتنا جد غريبه !! بسـ ..
مسك طلال تلفونه .. وقعد يفكر شنو يكتب لها مسج ..مقطع شعر ؟ ولا اغنيه ولا مسج عادي ؟!
ياليتني في ديره الزين كواي // واشم عطرن عطره في ثيابه
عسى تخفف ريحه الطيب بلواي // ويهون جرح(ن) صابني في غيابه
وان كان خلي ما يهمه تجلواي // فالموت عندي والمعيشه اتشابه
وان كان ما همه مراحي ومضواي // ما عاد في صد المقفي غرابه
لانه تركني ما سمع يوم شكواي // واذا سالته ما سمعت الاجابه
اقول دامك عله الروح ودواي // والعقل من حبك فاقد(ن) صوابه
ومدام قلبك يا منى الروح مرواي // ليه اطلبك ياخوي وتقول مابه؟!
كتب هالابيات وقراها جم مره وقرر يرسلها ..

من ناحيه ثانيه ،، امينه كانت ترتب غرفتها .. ويوم وصلها المسج ماتت ضحك
امينه تكلم نفسها : الحمدلله والشكر هذا شفيه مينون ؟؟ هههههه شنو كواااي !! ماكو شغل ههههه

مسكت موبايلها وقررت ترد عليه ..
(( مادري في توصيل منازل ؟؟ لان عندي قميصين يبيلهم أوووتي !!!! ))
طلال انصدم من مسجها ،، شنو هذي ،، صج مو كفو انا قلت حق محسنو بس اهو اللي ورطني بهالمليقه .. صج صج ملييييييييييقه ..ومسح المسج مالها ،،

فبيت ام فهد .. الكل كان ينطر وصول شهد من السفر .. كانو بيروحون لها المطار بس اهيا ما رضت وقالت لهم انه ما له داعي يتعبون نفسهم ..
ام فهد تتكلم بالتلفون : الوووو السلام عليكم شلونج ام مشعل ؟
ام مشعل : الحمدلله والله تمام
ام فهد : تعالي عندنا اليوم مو المعاريس بيوصلون فتعالي عندنا انتي والعيال ..
ام مشعل : لا فشله من صجج ..
ام فهد : والله عادي ماعندني احد انا ورغد ومبارك مسكين قاعد بالدوانيه بروحه تعالي انتي وابو العيال ويعدون معاه وشوي وراح ايون فهد ومرته .
ام مشعل : اممممم .. خلاص نشوف ان شاء الله ..

الساعه 7 بتوقيت الكويت ..
فبيت ام فهد ...
ام فهد وام مشعل وامينه ورغد ونور وولدها حمودي كانو قاعدين بالصاله .. كان الكل يسولف ومتحمس لرده مشعل وشهد .. شوي ولا يرن الجرس ..
ام فهد : ميرييييي ،، روحي بطلي الباب ..

شهد : يماااااااااااا
ام فهد فزت يوم سمعت صوت بنتها .. : هلااا هلا بالغاليه هلا بعمري شهوده شلونج ؟؟
شهد : يما بخير ولهااااااااااااااانه عليج حدي .. يما في درب مشعل يبي يسلم عليج .
ام فهد : حياه الله ..
ودخلو الاستقبال .. : حيا الله مشعل .. شلونك ؟
مشعل : هلا والله عمتي الحمدلله انتي شلونج ؟
ام فهد : الحمدلله بخير
شهد : يما جود ما ردت ؟؟
ام فهد بتردد .. : أأأ .. لا يحليلها راحت شهر العسل مع ريلها .
شهد : وعسى مستانسه ؟
ام فهد بحزن : هههه اقولج شهر العسل تقولين مستانسه .. اكيد مستانسه
شهد حست ان بالموضوع ان .. لكنها حاولت تتناسى ..
ام مشعل يت على صوت مشعل .. : هلا هلا هلا هلا بولدي
مشعل : هلا يما شلونج ؟
ام مشعل : الحمدلله انت شلونك ؟
مشعل :الحمدلله انا بخير اسأل عنج ..
ام مشعل : سألت عنك العافيه .. شهووده فديتج تعالي خل اضمج ولهت عليج ..
ام مشعل باست شهوده وضمتها وتحمدت لها بالسلامه ..
مشعل : عمتي وين الريايل ؟؟
ام فهد : بالدوانيه .. اوديك لهم ؟؟ ولا تعرف طريجك
مشعل : هههههههه شدعوه خالتي .. لا تخافين ادل .. ورا المسبح بالدوانيه السنديان ومو الثانيه لان الثانيه حق العزايم الكبيره
ام فهد : ههههههههه تتطنز مع الويه .. يالله اشوف روح جدامي
مشعل : هههههه ان شاء الله .. فديت ام شهووده

راح مشعل الدوانيه ..
وشهد وامها وخالتها راحو الصاله اللي الكل كان ناطرهم يستقبلهم فيها ..
رغد من شافت اختها انقزت ولمتها .. : فديييييييييييييييييييييييتج يالشهده والله ولهت عليج ..
شهد : ولهت عليج العافيه .. انا ولهت عليج اكثر ..
امينه : اهلييييييييييييييييييييين بأخت الجود ،، هلا بالدلوعه
شهد : هلا فيج ياقلبي شلونج ؟
امينه : تمام بعد عمري اسأل عنج ..
شهد : سألت عنج العافيه ..
اما نور كانت متوهقه بحمودي اللي كان متعلق فيها ومو مخليها تقوم تسلم على شهد ..
نور قامت بعد معاناة مع حمود : هلا والله هلا بالعروسه اليديده .. شلونج ؟
شهد : الحمدلله انتي شلونج ؟؟ واي وي فدييييييييييييته هالبطه اللي قاعد
وراحت شهد وشالت محمد .. : قووول شهد .. يالله عفيه ..
نور : هههههه لي الحين ما يقول ماما تبين يقول شهد .. مسكينه تحلمين ههههه

 

[Shima-Style]

يالله كملـــــي بعرف منو اللي دشت بحياتهم :lkmnkl::lkmnkl::lkmnkl:

حدددددي مندمجه بليزززززززززززززززززززززززززززززززززززززززززززززززززز كملي

 

[احترت اعبر]

--------------------------------------------------------------------------------

الجزء العشرين



جود ومصعب طلعو وراحو البحر ..
كان عندهم الساعه تقريبا 2 الفجر .. كانو يتمشون تحت ضوء القمر ..
كان اللي بينهم مو اقل من حب .. كان حب مابعده حب .. لكن بنفس الوقت كان الجو فيه توتر عشان عمليه مصعب ..

ثاني يوم ..
مصعب وجود راحو المستشفى عشان عمليه مصعب ..
جود راحت للسستر تسألها عن الدكتور .. السستر هي كانت جزائريه تتقن اللغه العربيه تقريبا ..
جود : good morning
السستر : صباح النور
جود : تتكلمين عربي ؟؟
السستر : نعم أنا من الجزائر
جود : عفوا ما كنت ادري .
السستر : لا بأس
جود : ممكن ادخل عالدكتور .. اليوم موعد عمليه زوجي وبدخل عالجراح ممكن ؟
السستر توهقت : أأأ .. لا اعرف ماذا اقول .. لكن الدكتور سافر للطوارئ وسيعود بعد شهر توفيت والدته .. هل توديت تحويله على دكتور اخر ؟
جود بصدمه : سافر ؟؟؟؟؟؟ وبيقعد شهر ؟
السستر : نعم .. نعتذر لكن بالامكان تحويله الدكتور اخر متخصص
جود : خلاص ماشي .. انا استأذن
السستر : لا تريدين تحويله ؟
جود : ان شاء الله .. الحين بروح .

جود طلعت من عند الدكتور واهي متضايقه .. وحست ان اخر امالها توقف .. الدكتور اللي كانت شاده الظهر فيه سافر .. يارب مالي غيرك .. يارب اهدينا لدكتور زين ..
مصعب كان يمها وحس انه فقد الامل .. ونزل راسه .. جود التفتت عليه وكانت عيونها مليانه دموع مصعب رفع راسه عليها ..
مصعب : جججود لاا .. لاا تبجين
جود : ابتسمت بويهه بكل يأس : ان شاء الله
مصعب مسك ايدها وباسها .. وطلع النوته من مخباته وكتب لها ** انزين خل نروح دكتور ثاني ابي افتج الجبس مال ايدي .. يمكن خلاص صارت زينه .. **
جود ومصعب راحو لدكتور عظام وكشف على ايده ولقى ان العظم التأم وكل شي رد مثل ما كان ..
بعدها رجعو الفندق واثنينهم شايلين بقلوبهم حزن ما بعده حزن ..

بالكويت ..
كان طلال كل دقيقتين يدق على امينه
طلال : الو امون تكفين
امينه : لا تقول امون استح على ويهك
طلال : انزين امينه قولي لي تكفين ليش انتي جذي رادتني يعني ؟
امينه : طلال انت ما تفكر بعقل ولا شنو ؟ انا اقولك انا مابي اكلم وخلاص .. يكفي اللي اسمعه عن الحب والشباب تبيني اروح اقط نفسي بالتهلكه ؟!
طلال : اووووووله.. تهلكه مره وحده ؟؟؟ شدعوه امون ؟؟ حرام عليج .
امينه : افففففف انت ما تفهم ان اسمي امينه ؟
طلال ك يبا اسفين امينه !! المهم انا الحين اخليج لان جبدي لاعت من ويهج .. باي
امينه بعصبيه : باي
ثواني ويدق تلفون امينه ..
طلال : احبج هههههههه
امينه : انت صاحي ؟
طلال :لا مينون ..
امينه : أي انا اقول هذي مو تصرفات عقال صراحه !!
طلال : أي ادري انا مو عاقل .. انا مينون بحبج ههههههه
امينه حست ان هالكلمه حركت مشاعرها !! شدعوه عليه هالكثر يحبني ؟ !! : أي انزين .
طلال : شفيها اللي صوتها تغير ؟!! لايكون حست اني صج احبها ؟ ولا لأ لأ اكيد استحت
امينه : طلال فارج
طلال : ان شاء الله امونه
امينه : طلالووو
طلال : امينو ههههههه
امينه : باي
طلال : باي امونتي هههههههه

امينه سكرت التلفون واهي متنرفزه ،، واي مليييييييييييييييييييييييييييييييق .. ولو اقول من اليوم لي باجر مليق ما اخلص ..

من ناحيه ثانيه كانت نوره حبيبه محسن بالبيت ..
ام نوره : نواره انزين انتي فهميني ليش ما تبين تتزوجين ؟
نوره : يما مابي ..مادري انا هذا ما دش براسي
ان نوره : وليش ان شاء الله عنده ذيل وانا مادري !
نوره : يما مو عن بس انا مابيه .. ومافي شي غصب ..
ام نوره : ادري مستحيل اغصبج على الزواج منه واحد ما تبينه بس انا مستغربه شنو اللي يمنع من زواجج منه .. لانه ولد ناس ويكفي انه دكتور !!
نوره : يما انا مابيه وخلاص .. تكفين يما حبيبتي مابيه .. تكفين .
ام نوره واهي متضايقه وخايفه على بنتها : خلاص يابنيتي على هواج .
نوره وعيونها مليانه دموووع : اسفه يما بس ماقدر .. مو هذا اللي فبالي .

عبدالمحسن كان يفكر بنوره .. كان يبيها من قلب .. لكن خايف انه لو تقدم لها اهلها يرفضون ، خايف يكسرونه ويرفضون ..
عبدالمحسن مسك تلفونه وقعد يقلب بالمسجات .. يبي يدز لها مسج حب وشوق ،، اشتاق لها . من زمان مو مكلمها .. لكن للأسف ماكان في مسج مناسب حاله .. فكر يكتب شعر غزلي .
ياليل خذني على سطح القمر دوره // واترك نجومك تحتنا مع لياليها
واتركني اغوص بين الشعر وبحوره // عندي قصيده ولا ادري وش قوافيها
قصيده ترمي الشاعر على زوره // تسعين ليله ولا يقدر يسويها
قصديه اسمها يا هاجسي نوره // لبا المسمى ولبا اللي مسميها

نوره من صوب ثاني كانت تفكر بمحسن .. اااااااخ يا محسن .. متى تنتهي مشاكلنا ونرد مرتاحين مثل اول !!
قاطع تفكيرها المسج اللي وصل لها .. كان من محسن ..
نوره ما قدرت تحبس دموعها : احبك ..
رفعت التلفون واتصلت على محسن ..
محسن : هلا بالرقم وراعيته ..
نوره بصوت باكي : هلا فيك
محسن : نوير شفيج ؟
نوره : محسن خايفه افقدك
محسن : حبي لاتخافين انا وعدتج وانا عند وعدي .
نوره : محسن انا احبك ومابي شي يفرقنا.
محسن : حبي وانا اموت عليج واهواج .. بس لاتبجين عشاني ..
نوره وتمسح دموعها : ان شاء الله
محسن : يا زين النور لا ابتسم .. يزيد النور نور ..
نوره : ...
محسن : حبي خلاص عاد يالله ضحكي ..
نوره : ..
محسن : تبين اضحكج ؟؟ تذكرين البدليه اللي قلتيها قبل سنه ونص ؟ بَيـّـتَكـُـم !!!
نوره : ههههههه .. الله يخس بليسك .. لي الحين تذكر ؟
محسن : وشلون ما اذكر بدلياتج اللي مادري شلون صايره ..
نوره واهي لي الحين حاسه انها بتبجي : احبك ..
محسن : اموت عليج ..


بـ لندن ..
مصعب وجود كانو بالفندق .. مصعب كتب حق جود ** جودي خل نرجع الكويت ... **
جود : ليش مليت حبي ؟
مصعب كتب ** الشي اللي كنا ياين له راح من ايدنا ، والله كريم **
جود : لا مافي شي راح وكل شي راح يرد مثل اول ان شاء الله .
مصعب ** ان شاء الله ،، بس عفيه باجر بنروح نحجز لاني مليت من لندن **
جود : على هواك .
مصعب ** تسلمين لي .. انزين اليوم وين نروح ؟؟ وين نتعشى ؟؟
جود : مادري .. انت وين تبي ؟
مصعب ** المكان اللي يريحج واهم شي ان ماكو ناس وايد .. لاني ابي اكون وياج بروحي**
جود بخجل : ان شاء الله
مصعب باس جود وقام من يمها يطلع له هدوم عشان يلبسها حق الطلعه ..
طلع له بنطلون جينز وبلوزه كحليه عليها كتابه .. وقعد يدور قوطي الجل .. وبالغلط طق راسه بباب الكبت وقعدت جود تضحك عليه
جود : هههههههههههه سلامات يالدوووب .. شتدور صعوب ؟
مصعب اشر لها على شعره واهو يضحك
جود : اوووووه اووووووه والله وقام يحط جل الاخ الكريم ،، لحظه انا خشيتها بالجنطه عبالي خلاص ما تبي تحط بعد ..
مصعب : ششش .. شعبالج
جود : فديتك ... هاااااااااااااااااااااااا ؟؟؟؟؟؟؟؟
مصعب : جود .. جووود
جود الدموع قامت تمشي على خدودها بغزاره : مصعببب قولها مره ثانيه .. تكفا قولها
مصعب : جودي انا اقدر ..
جود قعدت تبجي من قلت وراحت ارتمت بحظنه : مصعب تكفا تكلم شوي ابي أتأكد من اللي اسمعه ،، مصعب ظل ساكت .. مو مصدق ،، لسانه نطق مره ثانيه ؟؟؟ اهو بحلم ولا بعلم ؟؟ مصعب رد يتكلم ؟؟ رد يقول جود بسهوله .. : جود حياتي .. انا اتكلم !!!!! الحمدلله لك يارب
جود والدموع كانت تمشي على صدر مصعب اللي كانت مرتميه عليه: الحمدلله .. لك يارب .. الحمدلله
مصعب : جووود احبج .. ياااااااااااااااااا الله انا اتكلم .. الحمدلللللللللللللللله
جود زاد بجيها .. دموع الفرح اخيرها حست فيها .. من يوم تزوجت ما حست بالفرح ، والحين الفرحه صارت فرحتين .. مصعب رد يتكلم .. : مصعب الحمدلله .. انا مو مصدقه مثلك
مصعب صرخ صرخه كل الـطابق اللي بالفندق سمعها : احببببببببببببببببببببببببببببببببببببببببببج جووووووووووووووووووووووووووووووووووووووووووود
جود كانت ضامته بكل قوتها .. مصعب من كثر ما كان مستانس شال جود ودار فيها .. : احبج يا قطوه .. اموت عليج
جود قعدت تضحك بكل راحه : ههههه يامينون نزلني بطيح ..
مصعب : ههههه تطيحين وانتي بيدي .. مستحيل ،، انا اخاف عليج اكثر من نفسي ..
جود : هههههه مصعبووو نزلني
مصعب : هههههه مابي .. عطيني بوسه انزلج ههههههههه
جود : مصعب بلا قله ادب يالله نزلني هههههههههههه
مصعب : قله ادب مع زوجج ؟؟ يا مينونه
جود : هههههه انت مينون بس تكفا نزلني ..
مصعب استسلم لأوامر جود ونزلها ..
جود واهي تتنفس بسرعه : مينون ما حبك
مصعب بأنفاس متسارعه : مينون .. مينون فيج يا مينونه مصعب
جود : احبك تدري ؟؟ ولا لأ؟
مصعب : لا مادري اثبتيلي
جود : شلون ؟
مصعب : بوسه ههههه
جود قربت منه ..
مصعب : ااااااااااااااااااااخ يا هبله تعضين هاااااااااااا
جود ماتت ضحك .. بدال ما تبوسه عضته عشان يتأدب يطلبها بوسه : ههههههههههههه احسن ..
مصعب : وتقولين احسن بعد يالهبله ها .. دواج عندي .. هههههه
ويركض مصعب ورا جود عشان يرد لها صاع اللي سوته ..

بالكويت ..
وفبيت امينه ،، وكالعاده ،،
طلال : امون واللي يرحم والدين والديج .
امينه : نو يعني نو
طلال حرام عليج صار لنا اكثر من اسبوع على هالحال وانتي عناد ..
امينه : اصلن يا حبيبي مستحيل ارضى بالموضوع .
طلال : ..
امينه : الووو
طلال : عيديها ..
امينه استوعبت اللي قالته : هااا ؟؟ شنو
طلال : تكفين قولي يا حبيبي مره ثانيه ..
امينه : خلنا من هالسوالف .. اليوم وين بتطلع ؟؟
طلال : امونه يهمج وين بروح ووين بيي ؟؟
امينه : ها ؟؟ لأ لأ ما يهم .. انا الحين بسكر .. باي
طلال : تره قلت امونه ما زفيتيني ههههههههه
امينه : يالله باي باااي ..
طلال : باي يا حلوة .. هههه

امينه سكرت التلفون واهي اول مره تحس ان قلبها ينبض .. بس ينبض بشي ما كان ينبض في مثله قبل .. بحــب طلال ..

فبيت ام مصعب .. اتصلت ام مصعب على جود تتطمن على ولدها ..
ام مصعب : الو السلام عليكم يما شلونج ؟
جود : الحمدلله خالتي انتي شلونج ؟
ام مصعب : تمام .. ها طمنينا شلون مصعب ؟؟
جود : خالتي لحظه مفاجأة ..( وعطت مصعب التلفون )
مصعب : يما شلونج ؟؟؟؟؟؟
ام مصعب بصدمه : مصعب؟؟؟؟؟؟؟؟؟
مصعب : أي يمه .. الحمدلله رديت اتكلم ..
ام مصعب واهي تبجي من الفرحه : الحمدلله لك يا رب الحمدلله .. يعني انت سويت العمليه ؟؟
مصعب : أي والله الحمدلله .. تصدقين يما لا ما سويتها .. كنت ادور غرض ولا يطق راسي بباب الكبت ، وبعدها شوي حسيت بدوخه بس عادي ، وبعدها نطقت ..
ام مصعب واهي تمسح دموعها : الحمدلله يا ولدي .. ما اوصيك صل ركعتين شكر ..
مصعب : لاتوصين حريص صليتهم على طول .
ام مصعب : الحمدلله لك يارب
.. دخل ابو مصعب ..
ابو مصعب : شفيج ام مصعب ؟
ام مصعب : مصعب ولدي يتكلم ..
ابو مصعب بفرحه : الحمدلله لك يارب
ابو مصعب : الو السلام عليكم
مصعب : وعليكم السلام هلا يبا .
ابو مصعب : هلا بولدي شلونك .. والحمدلله على السلامه ..
مصعب : الله يسلمك
ابو مصعب كلم ولده واهو مشتاق له .. غريبه ابو مصعب يوله على ولده .. بس من بعد طلاق مصعب من هدى وايد العلاقه بين مصعب وابوه صارت قويه .. وبعدها كلم جود ..
ووصل الخبر لبيت ام فهد اللي طارت من الفرحه على مصعب ودقت تتحمد له بالسلامه ..

عبدالمحسن دق على طلال ..
محسن : الو طلول تعال عندي اليوم
طلال : مالي خلق
محسن : اقولك تعال بس تعال ابي اسولف لك شوي
طلال : يصير خير ..
محسن : تكفا عاد يالله
طلال : انزين انزين .. بس مسافه الطريج ..

بعد ربع ساعه ..
عبدالمحسن : يالله حيا ..
طلال : هلا فيك .. الله يحيك .. شفيه اللي قلب فجأة
عبدالمحسن : هههه مادري
طلال : ها خير .. شسالفتك ؟
محسن : شوف طلول .. انا بقولك شغله عن امينه ..
طلال فز قلبه : خير؟
محسن : انا قبل فتره فكرت اتقدم لها .. و ..
طلال : وتقدمت ؟؟؟؟؟؟
محسن : لا طبعا ..
طلال : عبالي .. انزين شاللي خلاك تفكر بهالشي؟
محسن : نوره تقدم لها واحد وابوها حاول يجبرها عليه .. وقالت لي ان اللي بيننا انتهى .. حسيت اني ضعيف .. خفت اني ما اقدر انساها الا اذا تزوجت .. ففكرت بأمينه .. لكن بعدين حسيت انها ما تصلح لي لانها فري .. بس الحمدلله اوضاع نوره تعدلت وردت لي ..
طلال : اها .. جذي السالفه .. لا يبا عادي .. دامك ما تقدمت لها عادي .. والحمدلله . والموضوع هين
محسن : ادري هين ههه ولو مو هين جان ما اقولك اياه اصلن .. ههه
طلال : مينون حتى وانت جــّدي مينون !!
محسن : مينون نوره ههههه
طلال : عيل انا مينون اموون هههههه

بـ لندن .. الساعه 11 بالليل ..
جود : ها مصعب باجر نروح نحجز ولا هونت ؟
مصعب : بنحجز بس مو للكويت بنروح فرنسا ..
جود : اوه اوه شفيه اللي يبي يروح فرنسا ؟
مصعب : جودي الحين انا بخييير ومرتاح وابي اكون وياج اطول فرصه ..
جود : خلاص ان شاء الله باجر نروح ..
مصعب : ان شاء الله .. انزين يالله خل نروح نتعشى ولا هونتي ؟؟
جود :لا مستحيل اهون .. اخاف انت هونت على قوطي الجل ههههههه
مصعب : لا خلاص من اليوم وطالع مستحيل اطلع بدون جل .. بعد الله قوطي الجل اهو السبب بنطقي ههههههههه ..
جود : بعد الله طبعا ..
مصعب : اكيد ..


يوم الثلاثاء
بالكويت بـ الفنار الساعه 10.30 الصبح ..
امينه كانت تتمشى مع اختها فاطمه اللي ردت من السفر ..
امينه : فطوم والله ولهانه على هالطلعه من زمان مو طالعين ويا بعض
فاطمه : والله انا اكثر ..
امينه : انزين خل ندخل رفر ايلاند .
فاطمه : يالله .
دخلو المحل ولا فاطمه تشوف بنطلون جينز عجبها وخذته وراحت غرفه القياس تجربه ..
امينه قعدت تفتر بالمحل .. وطلعت راحت المحل اللي يمه ..
واهي تمشي يالها واحد ..
طلال : امونه شلونج ؟؟؟
امينه حست ان هالصوت تعرفه : هلا ؟؟
طلال : انا طلال تره .
امينه بربكه : هلا اخوي طلال ..
امينه كانت منصدمه من ويهه .. صج انه ما كان ملك جمال .. بس كان مملوح وويهه كيوت .. يعني ويهه فيه جاذبيه غريبه ، مع انه مو حلو !!
طلال : ميخالف امينه ادري منصدمه من شكلي ..
امينه : أأ .. لا مو عن جذي بالعكس انتـ ..
طلال : انا ؟؟
امينه : لا ولا شي ..
طلال : المهم بس حبيت اسلم عليج لاني شفتج من بعيد .. وحبيت تشوفيني .. عشان تقررين .
امينه : حصل خير .

 

[احترت اعبر]

راح احاول احط كل الاجزاء اليوم ان شاالله

 

[احترت اعبر]

امينه مشتوردت رفر ايلاند .. واهي تفكر ،، اسلوبه غير وايد عن اسلوبه بالتلفون .. الصبي جذااااب .. وفيه لمحه غريبه لكنها حلوة .. معقوله حبيته ؟؟
فاطمه : امينو ؟؟؟ شفيج صار لي نص ساعه واقفه يمج ليش ما تردين ؟
امينه : ها ؟؟ مادري ما انتبهت بس كنت سرحانه
فاطمه : ها قولي .. بمنو ؟
امينه : ولا احد .. المهم عجبج الجينز ؟
فاطمه : لا صغير ههههه
امينه : يالله انزين خل نطلع نتمشى .. ههه

راحو قعدو بالكافيه اللي تحت .. شوي ولا ايي طلال مع واحد عرفت امينه بعدين انه عبدالمحسن ..
كان طلال قاعد قبالها بس بالطاوله اللي جدامهم اما محسن كان معطيها ظهره ومجابل طلال ..
امينه كانت شوي متوتره لانه مجابلها .. شوي ولا يدز لها مسج ..
طلال (( امون بطلي البلوتوث شوي ))
امينه بطلت البلوتوث وقالت له نكها ..
شوي ولا يدز لها صوره قلب كبير وداخلها اسمها واسمه ..
امينه حست انها صج قامت تحبه .. الولد اهبل ،، لكنه ينحب وما عليه زود !!

بـ لندن بالمطار ..
مصعب : يالله جود الطياره بتطير وانتي ماخليتي شي إلا وشريتيه ..
جود : انزين لا تصير حنان تكفا ..
مصعب : يالله بسرعه والله الحين يقولون النداء الاخير ..
جود : انزين يالله ..
طلعت جود مع مصعب من المحل اللي بالمطار .. وراحو للطياره ..
بالطياره ..
مصعب : هههه
جود : اسم الله عليك شفيك تضحك ؟
مصعب : تذكرت اول ما رحنا لندن .. كنتي خايفه وضاغطه على ايدي .. كان ودي اعيب عليج بس كنت ما اتكلم .. بس الحين شنو يفكج مني ههههه
جود : انت شنو اللي خلا لسانك جذي غير التعييب علي .. طايح فيني تعيب ومستانس مع الويه ها ..
مصعب : مو مرتي ؟؟ من حقي ..
جود خدودها صارت حمره وحطت راسها على جتف مصعب : مصعب قول حق الكابتن لا يدخل بمطبات هوائيه .
مصعب : هههههه .. لحظه خل اروح له .. ههههه
جود : تتطنز ها .. بس وخر وخر مااحبك (( وشالت راسها من على جتفه ))
مصعب : دلوعه ما منج فايده بس مصيرج تردين راسج هني ( وأشر على صدره )
شوي ولا تستعد الطياره للأقلاع وتشب الضوء لـ التنبيه لربط الاحزمه ..

جود مسكت ايد مصعب بخوف .. ومصعب ابتسم لانه حس انه اهو الملجأ الوحيد لجود وانها لي خافت تلجأ له ..
مصعب : خايفه حبيبتي ؟
جود : موت..
مصعب : اسم الله عليج ،،
مصعب ضم مرته على صدره وقعد يمسح على راسها ..
جود : مصعب متى تتبطل اذوني ؟
مصعب : هههههه جودي والله جنج اول مره تركبين طياره ،، انا اللي مالي بالطيارات خبره ما اخاف ..
جود : انت ريال ..
مصعب : هههه ليش الريال عديم احساس ؟؟
جود : لا .. بس .. مادري اسكت اخاف ..
مصعب : هههههه انزين ..

لين استقرت الطياره بالجو .. مصعب طالع بويه جود ،، لقا انها غفت على صدره .. حركها ونومها عدل .. وطلب من المظيفه اتييب له غطا يغطي جود فيه .. وخصوصا ان الجو شوي بارد .. والشتا قام يطرق ابواب باريس ..

بنص الرحله جود انتبهت من النوم .. ورفعت عينها على مصعب ..
جود بصوت ناعس : احنا ما وصلنا ؟
مصعب : لا لي الحين حبي ردي نامي ..
جود : موبي خلاص شبعت نوم .
مصعب ابتسم بويهها : احبج .. وصح النوم
جود بادلته الابتسامه : صح بدنك .. وانا بعد ..
مصعب : دام مافيج نوم قومي خل نسولف ..
جود : انزين ..

قعدت جود واعتدلت بقعدتها .. وقعدت تسولف .. واهما يسولفون .. مرت وحده .. لـ الحمامات .. (( وانتو بكرامه )) ،، واهيا راده مصعب رفع عينه ..
هدى : السلام عليكم ..
مصعب : وعليكم السلام .. هلا هدى .
جود ماتت خوف يوم شافتها .. هذي مرته الاوليه ،، شنو يابها ويانا بعد ؟!!!
مصعب : شلونج ؟؟
هدى : انا تمام انت شلونك ؟
مصعب : الحمدلله ،، شيايبج هني ؟
هدى : مع زوجي واهي تطالع جود ..هذي مرتك ؟
مصعب : أي صح نسيت اعرفج عليها .. هذي الجود .. مرتي
هدى مدت ايدها : هلا والله الجود .. شلونج ؟
جود ارتاحت لها : الحمدلله بخير .. انتي شلونج ؟
هدى : انا بخير ،، استأذن الحين عبدالرحمن ينطرني .. فرصه سعيده
جود ومصعب : واحنا اسعد
مصعب ظل ساكت ..
جود كانت خايفه من السبب اللي خلا هدى تسلم على مصعب : مصعب لي الحين تذكرك ؟!!
مصعب : اكيد انا ولد عمها
جود : انزين اشوه يعني تزوجت
مصعب : أي الحمدلله الله ستر عليها وخذاها حمني ..
جود : الحمدلله ..

بالكويت ..
ببيت طلال .. طلال اتصل على امينه ..
طلال : الو ..
امينه : هلا طلال ..
طلال : هلا فيج شلونج امونتي ؟
امينه : انا زينه انت شلونك ؟
طلال : انا بخير ،، شسالفه القمر اليوم راضي علينا ؟
امينه : ههههه لا .. وبعدين اسمي امينه مو امون
طلال : أي صح نسيت .. بس لا خلاص صرت امون انا ..
امينه بخجل : مادري ..
طلال : انزين امون بعترف لج بشي .. بس هالمره جد انا اعنيه بكل حروفه ..
امينه خافت : تفضل ؟
طلال : انا احبج يا امينه .. احبج واموت عليج ..
امينه انحرجت وايد من هالكلمه : وانا ابعد ..
طوط طوط طوط .. وتسكر الخط
طلال طااااار من الفرح : هيــــــــــــــــــــــــــــــــــــــــــــــــ ــــّا ..
محسن : شفيك اسم الله عليك ؟
طلال : الحق الحق على قالت وانا بعد
محسن : الحمدلله والشكر .. وانا بعد ؟!!!!!!!!!!!!!!! شنو وانا بعد ؟
طلال : واهيا بعد تحبني وطاااطا بطاطا .. ايوا ايوا ..
محسن : هههههههههههههههههه مينون طليل ..
طلال : أي مينون ههههههههه ،، انزين قولي شسوي ؟؟ ادق عليها ولا شسوي ؟
محسن : لا خلاص خلها شوي اكيد البنت منحرجه !!
طلال : الله يصبرني .
محسن : اجمعين هههه

بـ مطار فرنسا ..
مصعب : الحمدلله عالسلامه
جود : الله يسلمك ..
مصعب : خوش رحله كانت ... هههه
جود : أي وايد صح ،، والكابتن مالت عليه مايعرف يسوق
مصعب : ههههههههه الله يعينج الجود .. هههه
جود : هههه انزين صعوبي خل نروح هالمحل ..
مصعب : مشكله الحرمه .. حتى بالمطار تتسوق ،، يالله نروح ..
جود دخلت المحل تفتر بين الهدوم ومصعب شوي كان بعيد عنها يدور لها شغله يشتريها لها هديه .
يت حق جود الحرمه نفسها اللي دايما اتيي لها ..
الحرمه : قوووووة
جود انصدمت هذي شنو اللي يابها ؟؟؟ : نعم ؟
الحرمه : النفسيه مو شي !! خلاص نكلمج وقت ثاني ..
وراحت ..

شنو كانت تبي الحرمه ؟
شسالفه ؟؟
ومنو هذي ؟
شنو تبي منهم ؟
شمصلحتها من اللي تسويه ؟

الجزء الياي فيه حقائق وايده ..

تم الجزء العشرين

 

[احترت اعبر]

يت حق جود الحرمه نفسها اللي دايما اتيي لها ..
الحرمه : قوووووة
جود انصدمت هذي شنو اللي يابها ؟؟؟ : نعم ؟
الحرمه : النفسيه مو شي !! خلاص نكلمج وقت ثاني ..
وراحت ..

جود انصدمت .. شنو تبي هذي منهم بالضبط ؟؟ ليش كل مره اتيي تبي تتكلم وتخرب بيننا ؟؟ اوووف صج انا غبيه .. يليت مخليتها تقول اللي عندها ..

مصعب : جودي وينج قاعد انطرج ؟
جود : هاا .. لا ماكو حبي كنت ادور جم شغله
مصعب : جود شفيج ؟
جود بضيق : صعوب ماكو شي
مصعب حس بشك : براحتج

راحو جود مع مصعب لـ فندق فور سيزون .. طبعــا الفندق مايبيله وصف ..
كان روعه واجوائه هاديه تناسب اثنين توهم متزوجين ..
غرفتهم كانت جنان ،، كانو مأجرين سويت كل شي كان حلو .. وكل شي مرتب .. كانت عباره عن غرفتين وحده فيها فراش ( كنج) والثاني سريرين منفصلين ،,[

http://******mml.com/uploads/8c7fc39ab5.jpg
مصعب : جودي تدرين انج احلى البنات ؟
جود بحيا ممزوج بربكه من كلام الحرمه : تسلم .
مصعب قعد على طرف السرير ومسك جود وقعدها معاه وقعد يمسح ايده على شعرها : جودي قوليلي شفيج ؟
جود : مافي شي مصعب .
مصعب : جود انا اعرفج عدل .. قولي شفيج ..
جود نزلت راسها بضيق : الحرمه يت كلمتني مره ثانيه ..
مصعب بصدمه : حتى هنيييييييييي ؟؟؟؟؟؟
جود : بالمطار .
مصعب : مو معقوله ، شنو هذي ؟؟ جن ولا إنس !!
جود خشت راسها بصدر مصعب : مادري مصعب احس راسي يعورني كل ما اشوفها .. أكتتئب واحس انها سبب مصايب العالم والله ..
مصعب : أووووله .. أوووله .. شدعوه حبي قلت لج هالموضوع منتهي بس انتي اهم شي لا تقولين لها شي ولا تعطينها مجال تقولج شي ..
جود : ان شاء الله .
مصعب : وبقولج شي وابيج تفتحين اذونج عدل ..

بالكويت ..
طلال : الووو وينج ؟؟ .. انزبن قوليلي حبيبتي انزين وين تروحين اليوم ؟
امينه : مادري يمكن اروح بيت مرت اخوي ..
طلال : منو بيت فهد ؟
امينه : أي ..
طلال : اها ..
امينه : شفيك ..
طلال : لا ماكو شي .. حبي انزين ابي اشوفج
امينه : ماعتقد اقدر ..
طلال : ماعندج طلعه قريبه ؟
امينه : لا مادري .. يمكن باجر الصبح اروح البستان .. امي وصتني على شي أييبه لها.
طلال : اقدر أيي ؟؟
امينه : ههه ،، مادري
طلال : بس بشوفج من بعيد
امينه : دام جذي .. كيفك !!
طلال : عيل استقبلي تشوفين الويه السمح ههههه
امينه : ياجيكر
طلال : ها يا حلوة .
امينه : يالله انا بروح ابدل .. بروح الحين .
طلال : بتخليني بروحي ؟
امينه : ليش ماما تخاف ؟؟؟
طلال : أي ههههه ،،، يالله روحي ياحياتي
امينه بدلع : اوكي .. بيباي .

اما من ناحيه ثانيه ،، كانت الحياة تعصف بحب جذوره قويه .. لكن صعب عليه انه يثبت فتره طويله ،، ومع هذا يبقى الامل !!
عبدالمحسن : نوير حياتي انزين ليش تبجين ؟
نوره : احس ان خلاص انتهى كل شي حلو بينا .
عبدالمحسن : بس بالنسبه لي ما انتهى
نوره : احنا نقص على نفسنا بسوالف مالها داعي
عبدالمحسن : نوره .. عشان خاطري خلاص ..
نوره قامت تبجي : محسن احس ان كل شي بيننا راح ينتهي .. احس ان احنا مو لبعض .. احس انك بتتخلى عني بسهوله ، بس ليش ؟ مادري ..
محسن كان حاس بنفس احساسها بس للأسف كان محسن من النوع الكتوم والغامض ، وفوق هذا كان قلبه جامد : انزين نوره خلاص لا تبجين .. ان شاء الله نكون لبعض .
نوره : محسن حرام عليك .. والله قلبي يتقطع وانت مو هامك ..
محسن كان شارد مو عارف شنو يقول .. : نوره مابي اشوف هالدموع تكفين ..
نوره بدت تمسح دموعها : ان شاء الله ..
محسن : اوكي انا الحين اخليج الوالد يناديني .. باي
نوره منصدمه ، تخلى عنها واهي تبجي : باي ..

نوره كانت بقمه حزنها .. حست ان كل شي تسكر بويههم .. وين الحب اللي كان بينهم ؟ شاللي غير محسن بهالسرعه ؟ شنو اللي صار .. ووين الوعود اللي وعدها .. ؟؟ قلبه صخر .. ماعنده احساس . انقلبت موازينه وكلامه كله راح مع الماضي ..

بـ باريس .. بـ متحف اللوفر ..
مصعب وجود كانو يتمشون .. المتحف هذا كان عباره عن متحف كله تماثيل ..
جود : مصعب مليت ماكو شي هني ..
مصعب : جود حبي تبين نطلع ؟
جود : يليت لان ملل حبيبي،، نروح الاوبرا ؟
مصعب : جنه بعيد
جود : لا كاهو انا ادله ويا ابوي الله يرحمه رحنا مره
مصعب : مو جنه ملل ؟؟
جود : ههه اهو ملل .. بس مادري
مصعب : خل نلغيه عيل دامه ملل
جود : ههههه أنا أبي الاشاره تصدق انا بعد مالي خلق .. دور لنا مكان نروح له ..
مصعب : الفندق هههههههه
جود : لا موبي موبي
مصعب : هههاااااي ليش تراني ما آآكل ..
جود بخجل : ادي ما تاكل .. انزين نروح نتعشى ؟ انا يوعانه ؟
مصعب : يالله هههه

بالكويت .. يوم الاربعاء ..
فبيت طلال ..
طلال :يبا .. بتزوج
ابوه : نعععععم ؟؟؟ من صجك ولا تبي تتغشمر
طلال بصدمه : لايبا من صجي ابيها
ابوه : زييييييين يا ولدي زيييييييين هذي الساعه المباركه وصلت 25 سنه ولي الحين مو متزوج
طلال : يبا متى نخطبها ههههه
ابوه : انزين قولي منو هذي ؟
طلال : وحده تصير اخت ريل بنت الهارفي ،، اخت فهد ...
ابوه : والنعم فيهم .. خلاص دامك تقول انها خوش وحده ان شاء الله خلال هالاسبوع ..

بـ فرنسا ..
بالفندق ..
جود : مصعب باب الغرفه يطقونه اروح اشوف منو ؟
مصعب : اغااااااار .. لا
جود : هههه ،، انزين يالله روح لاتزرعهم
مصعب : انزين ياحلوة
مصعب راح يفتح الباب ..
مصعب : يــس ؟؟
انصدم مصعب من الحرمه اللي جدامه ..
الحرمه : هاااااي يا عمري ..
مصعب : نعم ؟؟
جود استغربت يوم سمعت صوت حرمه ووقفت ورا مصعب من بعيد بدون ما يحس فيها
مصعب : نعم ؟
الحرمه : عمري جود هني ؟؟
مصعب : لو سمحتي تفضلي بره وبلا تدخل بشؤون الناس وتخريب حياتهم
الحرمه مسكت ايد مصعب : حبيبي عفيه لا تسوي جذي

جود كانت واقفه وتبجي .. اخيرا نطقت بصوت باكي : مصعب !! مستحيل ؟!!
مصعب التفت عليها وشاف الدموع تمشي على خدودها .. : جود حياتـ ..
ماكمل كلمته شاف جود طايحه من طولها ..
مصعب : جووووووووووووووووووووووود
التفت مصعب على الحرمه وعطاها طراق .. : يا حقيررررررررره كله منج ..
الحرمه انصدمت من اللي صار وراحت ..

مصعب راح عند مرته يحاول يوعيها .. لكن ماكو فايده اتصل مصعب عالاسعاف ..
اللي يو بسرعه ونقلوها ..

بـالكويت ..
طلال : الو امون
امينه : هلا ؟
طلال : امون حبي عندي خبر بمليون
امينه : خير ؟
طلال : احم .. من يوم ورايح انتي حرمي المصون تدرين ؟
امينه : خيييييير ؟؟؟
طلال : كلمت ابوي عنج .. وبنخطبج الاسبوع الياي ..
امينه بصدمه واحراج : ......
طلال : شفيه الحلو ساكت .. يقولون السكوت علامه الرضا .
امينه : مادري شقول .. بس .. احرجتني .
طلال :فديتها .. اخيرا زوجتي العزيزة الانسه امون
امينه : هههه .. انزين انا اكلمك بعدين جد احس منحرجه
طلال : ههههه ادري .. الحين ويهج اشاره مرورر .. باي
امينه : باي

عند عالمحسن ونوره كان الوضع ،، وكعادته .. متوتر .. لكن فيه تمسك باخر لحظات الحب ..
محسن : نوره ودي اقولج احبج بس خايف من باجر
نوره : لا تفكر بباجر .. تكفا عيش اليوم .
محسن : بس مابي اظلمج معاي .
نوره : انت ظالمني جذي
محسن : بس نوره ..
نوره : لا تقول بس .. تكفا حاول ..
محسن نزل راسه .. : بحاول عشانج ..
نوره : مو عشاني انا بس .. عشانا احنا الاثنين
محسن : ان شاء الله

بـ فرنسا ..
مصعب : دكتور شفيها ؟
الدكتور كان مغربي ويتكلم بعربيه متكسره : مبروك زوجتك حامل .. لكن يظهر انه فيه بعظ الاشياء جعلتها تفقد الوعي .. حاول تقلل الصدمات .. مش كويس لها الصدمات .
مصعب طاير من الفرحه : حااااااااامل ... ؟؟؟؟؟؟؟؟؟؟؟؟ هاااااااا ؟؟؟؟؟؟؟ الحمدلله .. انزين بدخل عليها ممكن ؟؟
الدكتور : أي بس مثل ما قلت لك نفسيتها مهمه .

مصعب طار لغرفه جود ..
مصعب بفرحه مو شايلته : مبروك جووودي
جود بدموع : اطلع بره مصعب .... !!
مصعب بصدمه : أطلع بره ؟! انا مصعب جود
جود : مصعب اطلع خلني بروحي ابي ارد الكويت
مصعب : جود انتي اكيد ما تدرين .. جودي انتي حامل ..
جود : مابي ولدك ..
مصعب انصدم يوم سمع كل هالكلام .. : جود انا زوجج ،، انا مصعب اللي تحبينه شفيج جود .
جود : انا ما احب ولا راح احبك .. يا خاين ،، انت تزوجتني عشان تدمر حياتي مع هذيل الحرمه .. انت متعمد خليتها اتيي لنا . ومتعمد تفتح الباب ..
مصعب : جود شتقولين انتي ؟؟ جود معقوله هذا تفكيرج فيني ؟؟
جود التفتت الصوب الثاني واهي تبجي .. : مصعب ماقدر اتحمل الحياة اكثر .. حياتي وياك جحيم . ليتني ما عرفتك
مصعب كانت الصدمه مو مخليته يوقف على ريوله : جود حرام اللي تقولينه .. انتي تظلمين انسان جذي !
جود : انت ظالم .. لا تقول انك مظلوم ،، لا تمثل دور المظلوم !!
مصعب : جود .. تامرين على شي ؟؟ انا بمشي ..
جود واهي تبجي بصمت : لا روح وخلني بروحي
مصعب طلع من غرفتها وقعد عند الكراسي اللي قبال الغرفه ..
مستحيل يرجع البيت ومرته بالمستشفى بروحها .. قعد بره يدعي لها .. وينطرها تهدى عشان يقدر يكلمها ..

بعد ساعه ونص ..

مصعب دخل غرفه جود بكل هدوء ..
مصعب بصوت واطي : جود ..
جود كانت مغمضه عيونها تتصنع النوم
مصعب قرب من جود وباسها .. : جود صدقيني اني ما اعرفها .. جود الموضوع انتهينا منه وانا وعدتج اني اعرف منو هذي
جود واهي تبجي : بس اهي عندها أدله ..
مصعب : منو تصدقين اكثر ؟ زوجج ولا حرمه تبي لج الشر ..
جود : ......

بـ الكويت ..

محسن : الوو ..
نوره : هلا حسوني .
محسن : هلا بالحلوة ...
نوره : هلا فيك حبي
محسن : ها الحلو اليوم شلون مزاجه ؟
نوره : الحمدلله ..
محسن : لا ما احس انها من قلب
نوره : لا من قلب
محسن : انزين ضحكي عشان اتأكد ..
نوره : موبي ..
محسن : حبي يالله ..
نوره : قول نكته عشان اضحك ،،
محسن : احبج
نوره ابتسمت : وانا اموت عليك ..
محسن : الحين احبج صارت نكته ؟؟
نوره : ههههههه أي .. يليت كل النكت منك جذي ..
محسن : فديتج نوير
نوره بدلع ممزوج بحيا حلا صوتها المخملي : فديت اللي يتفداني ..
محسن : نوره .
نوره : عيونها ..
محسن : فكرت وايد بكلامج امس .. ادري اني غلطت وادري ان المشاكل بيننا هالايام وايد بس صدقيني راح اعوضج عن كل اللي طاف .. راح انسيج اللي صار ..
نوره بابتسامه رضا : الله كريم حبي .. والله يقدم اللي فيه خير لنا .
محسن : ويلوموني ليش احبج ؟!
نوره : ههه الله يعينك علي .
محسن : أي والله الله يعين قلبي .. شلون متحمل القمر اللي قاعد يكلمه
نوره : والله انك مثل البحر .. كل يوم لك حال .. عجيب وربي
محسن : شسوي هذي الدنيا هههههه
نوره : احبك
محسن : اموت عليج ....

كان حال نوره ومحسن متقلب بين الحب ،، المشاكل ، وعدم تحديد المصير ..
كان اللي بينهم حب بس للأسف مو محدد مصيره .. كلن ينطر باجر على امل يكون احسن

بـ فرنسا ..
مصعب : جود تكفين فكري بالـ بيبي ..
جود : مصعب مستحيل .. اللي قاعد يصير مو شوي تره ..
مصعب : جود انزين لا تبجين تكفين قطعتي قلبي
جود واهي تبجي : مصعب انا تعبت
مصعب : بس انا ماتعبت ومستحيل اتخلى عنج بهالسهوله ..
جود : ....

شراح يصير بين مصعب وجود ؟؟
وشنو مصير نوره ومحسن ؟؟


تم الجزء الـواحد والعشرون

 

[احترت اعبر]

احداث الجزء متقلبه بين الرومنسيه والأمل والحزن ،، بســ .. تجري الرياح بما لا تشتهي السفن !!

بـ فرنسا ..
مصعب : جود تكفين فكري بالـ بيبي ..
جود : مصعب مستحيل .. اللي قاعد يصير مو شوي تره ..
مصعب : جود انزين لا تبجين تكفين قطعتي قلبي
جود واهي تبجي : مصعب انا تعبت
مصعب : بس انا ماتعبت ومستحيل اتخلى عنج بهالسهوله ..
جود : .... مصعب الله يخليك خفف علي عشان اطلع من المستشفى ، ابي ارد الكويت .. عيشتي وياك عذاب
مصعب بحزن : ان شاء الله ..

بـ الكويت ..

فـ بيت ام فهد ..
ام فهد : الوو .. هلا وليدي .. هلا مصعب شلونك ؟
مصعب : الحمد لله بخير انتي شلونج ؟
ام فهد : الحمدلله ..
مصعب : عمتي عندي بشاره
ام فهد : خير ؟
مصعب : جوجو حامل
ام فهد : صصصصصصصصصصصصصصصصصصصصصصجججججججج ؟؟؟
مصعب بفرح مصطنع يخفي داخله حزن الحال اللي حاس فيه : أي خالتي .. بيـيي لنا سعود .
ام فهد :يالله بالبركه ، الحمدلله لك يا رب .. انزين خلني اكلم جود فديتها
مصعب بربكه : اممم .. عمتي جود نايمه الحين شوي تعبانه من الحمال .
ام فهد : هههه فديت بنتي الدلوعه ..
مصعب : مشكله دلعتوها وابتلشنا .. هههه
ام فهد : ههه انزين ما اطول عليك ،، انا بدق على الباقي ابشرهم ..
مصعب : اوكي عمتي .. مع السلامه
ام فهد : بحفظ الله
مصعب اتصل على امه وبشرها .. امه طبعا طارت من الفرحه وابوه استانس لان يبي يسمي الولد على اسمه،،

بعــد يومين ..
بـ لندن ..
وتحديدا بالمستشفى ..

الدكتور : اخ مصعب تقدر زوجتك تطلع اليوم ان ارادت ..
مصعب بفرحه : مشكور دكتور .

مصعب راح لغرفه جود يتطمن عليها ..
مصعب بضيق : السلام عليكم
جود : وعليكم السلام
مصعب : شلونها حبيبتي ؟
جود ما ردت ...
مصعب : قلنا شلونها الحلوة ؟
جود : انا سمعتك تقول شلونها حبيبتي !! وصراحه انا مادري وين حبيبتك .. ما اعرف عنها شي !
مصعب بعصبيه : جووود !!
جود خافت وحست ان اسلوبها كان مو حلو : نعم ؟؟!!!
مصعب : انتي تفهمين عربي ولا أترجم لج بمعني ثاني ؟
جود : فهمت ..
مصعب : انزين تره الدكتور قال عادي يرخصج اليوم .. فزهبي اغراضج لان بنرد الفندق ..
جود : بنرد الكويت مو الفندق !!
مصعب : ع هواج !!

جود قامت من الفراش بخطوات متثاقله ولمت اغراضها .. ومصعب كان يطالعها ، كان متعمد انه ما يساعدها بشي ،، يبي يحسسها بأهميته .. أوووووه كيفها !! خل تتوهق بروحها !!

بالكويت ..
طلال كان يتزهب عشان اليوم بيروح يخطب امينه ..
طلال : يبا انا خلصت ..
ابو طلال : يازين النسفه ،، عاش ولدي .. اول مره اشوفك جذي حلو ، ولا العاده جيكر !! هههههههه
طلال : يبا حرام عليك والله مو لهدرجه .. شدعوه عاد !!
ابو طلال : ريال والله .. يالله يا ولدي .. توكلنا على الله ..

نتكلم شوي عن طلال ..
طلال شاب عمره 25 سنه ، متخرج من كليه التربيه .. مافيه جمال زايد لكن ملامحه حاده .. امه توفت بالسرطان من يوم عمره 6 سنين ، وكان عنده توأم بس توفا بعد ما انولد بأيام .. عاش طلال مع ابوه طول عمره وكان ماله بالدنيا بعد الله الا ابوه .

من ناحيه ثانيه .. كانت امينه طايره من الفرح ..
فاطمه : يا زينج يا امون .. والله ملكه ملكه ..
امينه بحيا : فديتج .. والله عيونج اللي مخليتني حلوة ..
فاطمه : ههههه يعني مستحيه يحليلج!!
امينه : فطومو تكفين والله خايفه .
فاطمه : ميخالف كلنا كنا جذي بس عادي ..
مشعل : قووووووووووووة يالحلوات ..
امينه : يقويك ها يالموووذي
مشعل : افا انا موذي ؟ خلاص باي
فاطمه : تعال يالاهبل انت متى تعقل ؟! تزوجت وقلنا بتعقل !! بس شكلك ماكو فايده
مشعل : فاطمه اوص بكل ادب واحترام .. هههههه
امينه : اوووف هذول اللي بيتهاوشون الحين بيوم خطبتي ..
مشعل : يبا لا تبجين بعدين الرموش تطيح .. مو انتو يالبنات كل شي فيكم تركيب الله يعين خطيبج بينصدم بالواقع بعدين
امينه : مالت عليك مو حاطه رموش هذي رموشي وبعدين يا حول مو حاطه مكياج وايد تره ..
مشعل : أي صح !!
امينه : اقولك شي .. انت ما عندك سالفه .. اقول روح حق شهده احسن لك
ام مشعل : شعندكم محتشرين ..
امينه ماده البوز : يما شوفيه المليق يقول اني مو حلوة ومكياجي وايد
ام مشعل : لا بالعكس مادري احسه زين ..
مشعل : يبا انتي من صجج لا بالعكس حلوة ومكياجج اينن لا تخافين بس كنت ابي اضغطج هههه
امينه : ملللللليق هههه

وصل طلال مع ابوه وعمه وشافو امينه ..
دخلت قلب الكل من اول نظره ،، وطلال كان كامت الضحكه لان كان شكل امينه يضحك واهيا مستحيه .. يازين الجمال لا امتزج بحيــا !!

وتمت الخطبه ..

بـ لندن ..
مصعب : جودي صار لنا 5 ساعات من وصلنا الفندق وانتي على هالحال !! لي متى بتضلين ساكته .. انتي ليش مو راضيه تصدقيني ؟
جود : ....
مصعب : جود ردي علي ..
جود قعدت تبجي على اللي حارق قلبها ، عديم احساس .. ما فكر يعتذر !!
مصعب : جود ... !!!!
جود بدموع : مصعب بروح الكويت ..
مصعب انكسر قلبه من شوف جود على هالحال .. كانت عيونها ممتليه دموع وويها مبين عليها التعب .. وفوق هذا ولدي فبطنها .. مصعب قام من مكانه وضم جود لصدره ..
مصعب : حياتي انزين ليش البجي ..
جود زاد صياحها : مصعب انا ما احبك ..
مصعب : والله ادري .. بس لاتبجين !!!!!!!
جود : مابي اكون وياك الحين .. مليت من المشاكل .
مصعب : بس انا ابي اكون وياج عالاقل بس الحين عشان امسح هالدموع اللي تذبحني
جود : احسن موووت وفكني
مصعب : من قلبج ؟؟ تبين اموت ؟
جود كان قلبها يصرخ لا مستحيل .. اسم الله عليك ... بس ما ردت عليه ..
مصعب : يقولون السكوت علامه الرضا .. تبين اموت يالشريره ؟
جود بدموع : لأ

بـالكويت ..
كان عبدالمحسن يكلم نوره ..
محسن : انزين تكفين حاولي تغيرين السالفه .. ترفضين او تسوين أي شي
نوره : سويت اشياء يا محسن ، لكن اهلي يقولون ان رفضي ماله أي سبب ..
محسن : انزين بس احنا تحملنا وايد .. تبين على اخر شي كل شي يخترب ؟
نوره : محسن انا ابيك وانا احبك .. لكنك انت مو قاعد تسعى !! انا ما اقدر أيي اخطبك مثلا ؟!!!!!!!!!
محسن : ادري نوره بس .. مادري
نوره : قول اني مو فبالك .. قول اني مو البنت اللي تبيها
محسن : نوره مليون يتمنونج .. بسـ ،، ..
نوره : بس شنو ؟ انت ما تبيني صح ؟!
محسن : لا نوره مو عن جذي..
نوره : عيل شنو ؟؟ قول تكلم ؟؟؟ عيل شنو ؟
محسن : نوره مادري شقولج .. بس اهلي مو موافقين عليج
نوره بصدمه : مو موافقين علي ؟؟؟؟؟؟؟
محسن : للأسف يا نوره إي .. هذا الواقع .. خشيته عنج مده طويله .. وحاولت انساج .. قلت حق ابوي يخطب لي وحده عشان اتزوج وانساج لكن تراجعت عن قراري .. ما اقدر اعيش ويا غيرج .
نوره دموعها قامت تسري على خدها بدون ما تحسس محسن بانكسارها : وانت تخليت عني بهالسهوله ؟؟ وليش اهليك ما يبوني ؟
محسن : مادري يا نوره ما اقدر اقولج ليش !! الوالد رافض مادري شالسبب ، لكن تأكدي انا متعلق فيج لحد الموت .. انا صج ابيج
نوره بدموع : بس انت بعتني ..
محسن : أهــلي السبب ,,
نوره : انت اللي بتتزوج من اهلك
محسن : بس ماقدر أيي لج بدون اهلي
نوره : وانا مابي اكون عله بحياتك .. ومابي اكون سبب مشاكلك مع اهلك ..
محسن : اجوديه وبنت اجواد .. بس اوعدج يا نوره انـ ..
نوره قاطعته : محسن .. انا أستأذن وتأكد اني ماراح اكون سبب لأي ازعاج مره ثانيه ..
محسن : نوره ؟
محسن : دير بالك على نفسك ..
محسن بصدمه : نوره شفيج ؟
نوره : انا بمشي .. مع السلامه ..

نوره سكرت التلفون واهي تبجي ، كانت حاسه بالضيق .. كانت مو بس حاسه بالضيق ، كانت تحس بالموت .. انتهى املها ..
مسكت نوره موبايلها ودزت له شعر ..

ودي اموت اليـــوم وانســــــــــاك
وانسى التعب والهم والحط والشيل

ودي اغمض عيوني دون ذكراك
هذي رغبتي تساومني بالحيــــــل

ودي اكذب على نفسي واتناساك
ياخذني ربي هذي دعوتي بهالليل

انتهينــــــــــــــــــــــــــــــــــــــا

نوره دفنت راسها بالمخده وقعدت تبجي .. ااااااه يا حر قلبي ..

بـ لندن ..

مصعب : جود طيارتنا باجر الساعه 5
جود : ان شاء الله
مصعب : انزين انتي لي متى بتظلين جذي ؟
جود :...
مصعب : حبيبتي جودي ،، مو لهدرجه .. حرام عليج اللي تسوينه فيني انا حلفت لج بالله ان مابيننا شي
جود : مصعب بس انتـ ..
مصعب : بس انت مسكتها ؟؟
جود : أي
مصعب : جود انا ما مسكتها تراها اهي اللي مدي ايدها .. وعسى ايدي القص اذا انا اللي كنت ماسكها .
جود تقول بخاطهرها : اسم الله عليك
مصعب : جود حياتي تكفين فكري بعقل .. لا تخلين عاطفتج تحركج ،، انا من عرفتج وانتي حكيمه مابي تتغيرني يا جود .
جود هزتها كلمات مصعب الاخيره : ان شاء الله حبي
مصعب بفرحه : هاااااااااا ؟؟؟ شنو شنو ؟ ما اسمع
جود انحرجت وبنفس الوقت كانت متضايقه : هاا .. مادري
مصعب راح قعد يم جود ما صدق على الله نطقت بكلمه حلوة .. هالشيطانه حارمتني منها .. : جودي يا حلوة
جود : شتبي بالمغازلجي
مصعب : كيفي مغازلجتي واتغزل بمرتي
جود : ..
مصعب : شفيها اللي استحت ؟؟ جودي عفيه قولي انج خلاص صدقتيني .. تكفين والله ما احبج جذي اكره ويهج يوم يكون كئيب ..
جود : ..
مصعب : يالله عاد اذا مو عشاني عشان اللي هني .. (( حط ايده على بطن جود ))
جود حست بحيا وبفرحه ،، اخيرا انا بصير ام !! شلون نسيت ان فبطني ولدي .. لا مو ولدي .. هذا ولدنـا : صعوب خلاص عاد بلا تحرش
مصعب : واااااااااااي فديت اللي تتدلع علينا .
جود : فديت اللي يتفداني
مصعب : انزين يالله قوليلي ها مصدقتني ؟
جود : اكيد ..
ثاني يوم بمطار الكويت ..
مصعب : الحمدلله على السلامه يا الخوافه ...
جود : الله يسلمك .. اسكت مت خووف .. والله كابتن الطياره ما يصلح حق شي .. وايد عليه يسوق باص ..
مصعب : ههههههههههههه ،، والله انتي اللي وايد عليج تردين من فرنسا فباص .. كل ما نزلنا من طياره قلتي هالجمله ،، كنك عجوز هههههه
جود : ههههههه ،، حن لنا العرج ؟؟
مصعب : غصبن عليج .. هههههه
جود : يبختي فيك ..
مصعب : ادري هههههههههه
جود : مع الويه واثق .
مصعب : أولا يقولون مع الوجه .. ثانيه .. تره واثق الخطى يمشي ملكا هههههههه
جود : هبل والله ههههه

بعد نص ساعه .. فبيت ام مصعب ..
دخلو جود ومصعب البيت .. كان هدوء وبس صوت التلفزيون يشتغل بالصاله ..
مصعب وجود دخلو بهدوء عشان يسون مفاجأة حق ام مصعب واوبوه ..
ودخلو الصاله .. وفاجئوهم ..
ام مصعب بدموع فرح : الحمدلله على السلامه يا ولدي .. الحمدلله على السلامه يا بنيتي
ابو مصعب : الحمدلله على السلامه يا عيالي .. تو ما نورت الكويت
مصعب : النور نورك بو مصعب
جود : النور نورك عمي ..
ابو مصعب : يا زينج يالجود .. شلونج بنيتي ؟
جود : الحمدلله بخير انت شلونك عمي شلون صحتك ؟
ابو مصعب : أزقح* ..
مصعب : يا حيا الله الوالد والوالده
ابو مصعب وامه : ههه .. يحييك

مصعب وجود قعدوا فتره بـ البيت بعدها راحو لبيت ام فهد اللي كانت قاعده بالصاله مع رغد ..
ونفس الشي سوو لها مفاجأه وفرحت وايد ..
ام فهد : والله وكبرتي يا جود ..
جود :شفتي شلون يما ..
ام فهد : وي خل ادق على فهد خل ايي مع مرته وشهوده ..
رغد : لا خلاص انا الحين ادق عليهم
جود : قولي حق ريل شهدو اييب وياهم امينه ولهت عليها فديتها
ام فهد : ايييي صج نسيت اقولج ،، امينه تره انخطبت
جود بصدمه وفرح : صججججججججج ؟؟؟
ام فهد : أي والله انخطبت يحليلها
جود : واااااااااي بعد عمري .. منو خذاها ..
ام فهد : والله واحد ينقال له طلال .. رفيج محسن ولد عمج
جود : .... هممممم شلون عرفها ؟
ام فهد : مادري تقول شايفها بالسوق كذا مره وسائل عنها وعاجبته وبس ..
جود بشك : يحليل امونه
مصعب : انزين انا استأذن بروح اقعد بالاستقبال
ام فهد : لا شدعوه خلك ماكو احد هناك تقعد بروحك ..
مصعب : لا خلاص اخليكم عشان البنات ياخذون راحتهم
ام فهد : اقعد بس اقعد .. عادي البنات لابسين .. رغد مو متحجبه وجود مرتك منو غريب ؟؟
مصعب : ميخالف خالتي انا بروح اقعد بالاستقبال .. بنطر الرياجيل يوصلون
ام فهد : براحتك


بعد ساعه الا ربع .. كان بيت ام فهد الكل موجود فيه حتى ام مصعب وابوه كانو يايين لان ام فهد أصرت عليهم انهم يكونون موجودين .. كان الكل مستانس برده جود ومصعب وحمل جود ..

الساعه 12 بالليــل ..
جود : الو هلا مصعب
مصعب : جودي ما نروح البيت ؟
جود : خل نقعد شوي ..
مصعب بصوت واطي : جودي انا ابي اقعد وياج شلون ؟!!
جود استحت : على هواك ..
مصعب : ودي اقولج شي بس يمي الرياجيل بالدوابيه ..
جود : رياجيل ها .. هههه اوكي انا الحين البس شيلتي .. باي
مصعب : باي

جود : يالله انا أستــاذن بمشي ..
ام فهد ونور : تو الناس جودي
جود : مادري مصعب تعبان يبي ينام ..
شهد : متأكده انه يبي ينام ؟؟ ههههههه
جود استحت : مشكله اليهال لا تليقفوو ههههههه
شهد : انتي اخر وحده تتكلمين .. انا اخبر منج ، يكفي تزوجت قبلج ..
جود : هههههه مالت اقول .. يالله انا بروح البس شيلتي ..
ام فهد : والله ما قعدتي ويانا
جود : يما صار لي 3 ساعات مادري اكثر .. ومابي اطول عليكم
ام فهد : خلاص بحفظ الله ..

جود لبست شيلتها وتوها بتطلع .. ولا يرن تلفونها ..
مصعب : جودي ا لبستي ؟
جود : أي قاعده البس
مصعب : الريايل ما يبوني اروح .. تبين نقعد اكثر ؟
جود : براحتك حبيبي ...
مصعب : خلاص عيل بنقعد شوي بعدين نمشي .. بس لا تقطين شيلتج تعالي صوب حمام السباحه بكلمج ..
جود بدلع : ان شاء الله
جود قطت الشيله على شعرها .. طبعا شعرها كان طويل واسود سواد الليل ، كانت شيلتها بيضا وفيها وردي فااااتح قطت على شعرها تحسبا لمرور أي ريال ،، كانت خصلات شعرها محاوطه ويهها من كل جانب لانها كانت متأكده ان عند المسبح ماكو ريايل ..


طلعت جود عند المسبح ..
ولا مصعب عند المسبح ينطرها .. كان شكله زوغه .. لابس جينز غامج مايل للرمادي ، وبلوزه بيضا مبينه تقاسيم صدره .. وشعره مسويه مثــل ألفيس برسلي .. ورافع ريل وحده حاطها على الكراسي اللي قبال المسبح .. كان الضوء عالمسبح خافت ،، ومصعب واقف ينطر جود .. يوم لمحها من بعيد جان يقعد يغني بصوت واطي ..

تدري اني موت احبك ..
وان مالي غير حبك
واللي ينبض في ظلوعي
ماهو قلبي هذا قلبك ..

كالعاده ،، صوت مصعب يسحر اللي يسمعه .. يازينك يا مصعب !!
جود : كملت عليه ..

تدري يا فرحي وهمي
من كثر ما انتا في دمي
كل ما تنظرك عيني
عيني من عيني تسمي

مصعب ظل واقف نفس ما اهو ينطر حبيبه القلب تقرب ..
جود كانت تمشي بخطوات خجوله ..
مصعب :
يا ارض احفظي ماعليكي .. حبيب قلبي حضر
اليوم طالع قمر .. في طلتك ياسلام
ملاك بين البشر .. واخذت مشي الحمام
جود : فديتك يا حلو
مصعب مد ايده لجود عشان تقرب منه ..
جود انحرجت من ريلها .. : شتبي صعوب ؟
مصعب : قربي ..
جود قربت من زوجها بدلع .. : شتبي يا عمري ؟
مصعب : أبيج .. ههههههه
جود : ههههههه شتبي يا ولد ؟
مصعب : ماما ابي حلاوة
جود : ههههههه شحلاوته ؟؟
مصعب اشر على خده : هني هههههه
جود استحت : ههههه مينون
مصعب : مجنون جودي
مصعب مسك جود وضمها على صدره .. : جود تدرين اني اموت عليج ؟
جود : لأ مادري ..
مصعب : ادري انج ماتدرين ههههه
جود : هههه
مصعب : عيل انا ابيج تدرين اليوم .. احبج واموت عليج .. والدنيا بدونج ولا شي ..
جود : وانا بعد احبك ..
مصعب : فديتها من لسانج .. تتسبحين وياي بالمسبح ؟؟ ههه
جود : يالله تطمر ؟
مصعب : يالله تبين ؟؟
جود : طالع هذا من صجه .. مينون ولا مينون ؟ ههههه
مصعب : لا مجنون ههههه

قاطع الجو اللي كانو عايشينه دخله رغد للمسبح ..
رغد : جووود ..
رغد انحرجت يوم شافت جود بحضن مصعب ..
وجود ارتبكت من وجود اختها .. ووخرت من مصعب ومصعب التفت الصوب الثاني ..
رغد : وي سوري ..
وراحت رغد ..
جود ضلت ساكته ومنحرجه ..
مصعب : هههههههههههههههههههههههه شفيها اللي استحت ..؟؟
جود بحيا : زين جذي الحين يتطنزون علي داخل
مصعب : شنو يعني ؟؟ واحد ضام مرته كيفي .. شنو يبون هالناس ؟؟ هههههه
مصعب سحب جود من ايدها بقوة وضمها لصدره وباسها ..
مصعب وجود كانو عايشين الجو صح !!
جود : مصعبو مو جنك مصختها يالله بروح عند الحريم انا
مصعب : هههههه والله انج جريمه .. ههههههه احبج يا ام سعودي
جود : واثق انه صبي
مصعب : لا بس ودي بصبي
جود : واذا طلع بنيه ماتبيه ؟
مصعب : أحلى واحلى .. بس لازم تكون مثلج حلوة
جود : واذا صبي ابيه حلو مثلك
مصعب : عاد انا صاير شين
جود : اتينن ..
مصعب : فديتج يالله روحي الحريم الحين كلهم اييون يطالعون ،، هههه بعد حريم وبلاغه شف هههه
جود : احبك يالله انا بروح لهم باي ..
جود راحت ..
مصعب : جودي
جود التفت له واهي عند الباب مال المسبح بتدخل : هلا عيونها ؟
مصعب : اموااااااح هههههههههههههههه
جود : ههههههه مينون والله
دخلت جود عند الحريم وقعدت ..
بعد ساعه رد الكل بيته ..

من صوب ثاني ..
كان محسن بدوامه ضيق ..
كان يتصل على نوره لكنها ما ترد ..
حاول يوصل لها بأكثر من طريقه لكن للأسف ماكو فايده ..
اما نوره فكانت تشوف رقمه وقلبها يحرقها عليه .. اشتاقتله لكن النصيب حتم عليها انها تنهي علاقتها معاه ..

بعد شهرين ..
جود : مصعب حبي توديني الصالون ؟
مصعب : ليش جوجو ؟
جود : حبي نسيت اليوم عرس امونه ؟ وما يصير اخليها بروحها بروح معاها ..
مصعب : انزين بس انتي تعبانه حياتي اخاف ما تتحملين وايد حوسه بالصالون ؟ ليش ما تروحين بعدين بروحج وامينه وياها امها واختها ..
جود : حبي لا عادي اتحمل .. ميخالف ، مايصير اخلي امون بروحها
مصعب : خلاص حبيبتي على هواج ..
جود : البس هدومي ؟؟
مصعب : أي عمري .. انا انطرج تحت بالصاله
جود لبست هدومها ونزلت ..
مصعب : يا زين الجود .. يالله حبي .. (( ومسك ايدها وراحو السياره ..))

الساعه 8.30 بالليل ..
بصاله العرس ..
كان الكل موجود .. وكلهم فرحانين طبعا ،، زواج امينه كان شوي متأخر لكن كان الكل يترقبه ..

الساعه 10 دخلت امينه ..
كانت دخلتها عجيبه وكان شكلها وايد حلو ..
وملامحها الجريئه طاغيه على الحضور ..
جود دمعت عينها يوم شافت رفيجتها جذي ..

كانت جود ملكه العرس كالعاده .. حلوة ومتألقه بسماها ..
الكل كان يتكلم عنها ويخطبها !! وينصدمون يوم يدرون انها متزوجه .. !!
ملامحها ناعمه وشكلها صغيرون ..

اما امينه فكانت طايره من الفرح .. اخيرا راح تكون لطلال .. وطلال لها !! اخيرا بنصير تحت سقف واحد .. احبك طلال ..
جود كانت ترقص بخفه لانها حامل وما تقدر ترقص وايد ،، لكنها عشان خاطر امينه شوي تحركت ..
امينه كانت فرحانه ..

الساعه 11 كانت دخله المعرس .. طبعا طلال كان طاير من الوناسه .. امينه جدامه .. اااخ يا امون شزينج .. اخيرا انتي لي بالحلال ..

لين وصل لي الكوشه وباس راس امينه وقال لها مبروك امينه .. مبروك حبيبتي ..
امينه بحيا : الله يبارك فيك .. تسلم
كان العرس حلو .. وبسيط مثل امينه واهلها،،،
ومحمد ولد نور كان شايل الجو بصياحه !!!!
نوره : حمود حبيبي عفيه خلاص ..
طبعا اهيا تكلم منو ؟! طفل ما يفهم ..
ام فهد : انزين ليش ما خليتيه عند خدماتكم
نور : يما ما احب الخدامه تربي عيالي
ام فهد : كفو يا بنيتي .. كفو ..
نور انحرجت : تسلمين خالتي ..

طبعا بدخله الريايل مصعب وصل طلال لي الكوشه وراح وقف عند الباب .. مثل دايما ما يحب تجمع البنات وما يحب يكون بينهم .. وقف عند الباب وجود يمه ..
مصعب : جودي حياتي غطي وجهج
جود : ليش حبي ؟
مصعب : حياتي حاطه فوول ميك اب مابي الريايل يشوفونج ..
جود غطت ويهها بشيلتها .. كانت اهيا الوحيده المتحجبه من خواتها ..
مصعب : حياتي تذكرين يوم كنتي قاعده مكانها ؟
جود بخجل : أي اذكر ..
مصعب : كان الطريج وايد طويل لين كوشتج حسيت اني ما راح اوصل ..
جود : هههههه بس وصلت
مصعب : يوم وصلت كانت روحي طالعه هههههه
جود لزقت بريلها : احبك ..
مصعب مسك ايدها وضغط عليها : وانا اموت عليج يا حلوة ..
خلص العرس .. وخلصت وياه اصوات الموسيقى والاغاريد ..
بعد يومين امينه سافرت شهر العسل ويا حبيبها طلال .. كانو بقمه سعادتهم ..

من ناحيه ثانيه ..
عبدالمحسن كان غارق بدوامه من الحزن .. ويحاول يتصل على نوره .. لكن ماكو فايده ..
تذكر ان نوره كانت معطيته رقم رفيجتها للطوارئ .. بس ولا مره اتصل عليها ..
عبدالمحسن تردد يتصل ولا لأ ..
لكنه حس ان نوره اهم من هالتردد اللي اهو فيه ..

عبدالمحسن : الو السلام عليكم
دلال : وعليكم السلام .. منو معاي ؟
عبدالمحسن : انا عبدالمحسن حبيب نوره ..
دلال :هلا والله اخوي .. امر ؟
عبدالمحسن : دلال انا ما لقيت الا انتي اقولها اللي بخاطري ..
عبدالمحسن قعد يقولها السالفه من البدايه لي النهايه ..
دلال : ولا يهمك اخوي ما يصير خاطرك الا طيب .. ان شاء الله يوصل واخليها اليوم تكملك
عبدالمحسن : ما قصرتي اختي والله مادري شقولج بس جد مشكوره .
دلال :لا شكر على واجب .. نوره اختي وانت مثل اخوي ..
عبدالمحسن : على راسي والله ..
دلال :تسلم .. تامر على شي الحين ؟
عبدالمحسن : لا سلامتج مع السلامه
محسن كان ينتظر اتصال من نوره على احر من الجمر .. بس !! لا حياة لمن تنادي ؟!!

بعد اسبوع ..
جود : صعوبز حبيبي ..
مصعب : ههههههههههههههههههههههههههههههههههههههههههه
جود : اسم الله شفيك ؟
مصعب : هههههههههههههههههههه .. شنو صعوبز هذي ؟؟ هههههههههههه
جود : ههههههههههههههههههه يديده .. اسمك مايلوق حق دلع شسوي .. ماكو غير صعوبز
مصعب : ههههه حلوة حلوة .. المهم حبي شنو تبين؟ هههه
جود : نطلع اليوم ؟
مصعب : على هواج . وين تبين تروحين ؟ القمر ولا المريخ ؟
جود : لا القمر ..
مصعب : هههه عيل هذا سهل روحي طالعي نفسج بالمنظره تشوفين القمر ..
جود : هههه تسلملي ،، عيل نروح المريخ ..
مصعب : هم هذا سهل طالعي ويهي وتكونين وصلتيله
جود : هههههه مينون .. شفيك اليوم ؟؟
مصعب : فرحان أوي أوي هههه
جود : عسى دوم بس من شنو ؟
مصعب : مادري .. انزين يالله قومي بدلي خل نطلع .. ودي اطلع وياج من زمان مو طالعين ..
جود : ان شاء الله .. شتبي البس ؟ بنطلون ولا تنوره ؟
مصعب : تنوره احلى .. بس لا تطولين ولا اروح عنج
جود بابتسامه : ما تقدر ..
مصعب : ادري .. بس لا تطولين .

فبيت عبدالمحسن ..
كان محسن يقلب بالقنوات وحاس بالملل .. وحس ان الامل خلاص صار مفقود بينه وبين نوره ..
قاطع تفكيره.. صوت التلفون ..
محسن: الووو
نوره : هلا محسن ..
محسن : نووووووووررررررره ؟!ّ!!!!!!!!!!!!!!
نوره : أي نوره ..
محسن : فدييييييييييييتج يا نوره وربي ولهت عليج .. شلونج حبيبتي ..؟
نوره : بخير .. داق على دلال ؟
محسن : نوره سمعيني .. انا ادري اني غلطت والله ادري واوعدج اني راح اسوي اللي تبينه ..
نوره : مو انا اللي ابيك تتقدم لي .. وانا ما اقط نفسي على احد .. واعتقد تدل طريج بيتنا ..
محسن :نوره ليش اسلوبج قاسي ..
نوره : انت علمتني جذي
محسن : بس انا حبيبج
نوره : حبيبي باعني وانتهى
محسن : حياتي نوره .. والله بكلم اهلي تكفين لاتعذبيني اكثر .. انتي تدرين اني احبج .. تدرين ان الدنيا بدونج ولا شي ... عفيه حياتي ..
نوره : .....
محسن : حبيبي ؟؟
نوره قعدت تبجي على حظها الردي : ...
محسن بصوت مكسور : تبجين ؟؟
نوره : لأ
محسن : امبله تبجين .. اعرف صوتج يوم انتي جذي
نوره : مافيني شي ..
محسن : نوره عشان خاطري خلاص .. انتي تدرين بحبي لج .. خلاص يا حياتي .. وربي اوعدج انج لي والله هذا وعد
نوره حاولت تقنع قلبها بكلامه .. لانها ما تقدر تعيش بدونه .. : اكلمك بعدين محسن ..
محسن : توعديني ؟
نوره : أي ان شاء الله ..
محسن : وعد الحر دين
نوره : ان شاء الله ..
محسن : فمان الله حبيبتي..
نوره : مع السلامه ..

بعد شهرين ..
فبيت ابو مصعب

كانت جود تقريبا بالشهر الـ 6

جود : مصعب تعبانه ..
مصعب : اوديج الطبيب؟
جود : لا بس دوخه ..
مصعب اخترع على شكل جود كانت صج مرهقه وكان حاسهها تتألم : جودي حياتي خل نروح الطبيب
جود : لامافيني شي عادي
جود قامت بتروح غرفتها جان تطيح عالغنفه ..
مصعب فز قلبه يوم شافها طاحت ..
مصعب بخوف : حياتي شفيج .. ؟؟؟؟؟؟
جود : مافيني شي .. بس راسي افتر ..
مصعب : قومي لبسي عبايه بسرعه نروح الطبيب .. ولا لحظه انا أييب لج هدوم ..
جود : مابي اروح انا بخير بس يمكن لاني ما تغديت ..
مصعب : جود انتي شكلج اليوم مو مريحني وخايف عليج ..
جود : لا تخاف حبي .. ما كو شي ..


نوره ومحسن كانت الاوضاع بينهم تعتدل .. بعد اللي صار وتدخل دلال تعدلت وايد اشياء بحياتهم ..
فبيت عبدالمحسن ..

محسن :يبا تكفا باخذها ..
ابوه : يولدي جم مره اقولك اهما مو من ثوبنا ..
محسن :يبا البنت مافيها شي .. اخلاق وادب وخوش وحده ليش ما تبينا نروح نخطبها .. يبا تكفا والله ما راح اتزوج غيرها
ابوه : محسن وبعدين وياك ؟؟؟؟؟؟
محسن : يبا عشان خاطري ..
ابوه لان قلبه : خلني افكر ..
محسن : ما شي يبا .. وتسلم .. (( وباس راس ابوه ))

فبيت ابو مصعب ..
جود كانت بالغرفه .. ومصعب كان يتسبح ..
جود حست بألم فضيع .. لكنها حاولت تقاومه ،،
الالم كان ماسك بطنها كله ،، وتحس انها دايخه وصعب تتنفس ..
جود : مصعاااااااااااااااااب ... مصعااااااااااااب
وقعدت تبجي .. مو قادره تتحمل .. محد يرد عليها ..
جود : عميييييييييي .. خالتيييييي .. ااااااااه ..
كانت جود تبجي وتتألم .. حست انها مو قادره تتنفس .. الرؤيه عندها انعدمت وتنفسها صار صعب وبطنها من الالم ما قامت تحس فيه ..

بعد 10 دقايق ..
مصعب : جوجو وين بلوزتيـ ... ؟!!!!!!!!!!!!!!!!!!!!
مصعب بصرخه هزت انحاء البيت : جووووووووووووووووووووووووووووووود ...

شصار بجود ؟؟
ليش مصعب صرخ ؟؟
هل راح يوافق ابو محسن على زواج محسن من نوره ؟؟



تمت الاجزاء الثلاثـ (( الثاني والثالثـ والرابع والعشرون ))

 

[Shima-Style]

القصه رووووووووووووعه تسلمين حبيبتي

ياالله كملي

 

[احترت اعبر]

لعيونكم الحين اكمل

 

[احترت اعبر]

فبيت ابو مصعب ..
جود كانت بالغرفه .. ومصعب كان يتسبح ..
جود حست بألم فضيع .. لكنها حاولت تقاومه ،،
الالم كان ماسك بطنها كله ،، وتحس انها دايخه وصعب تتنفس ..
جود : مصعاااااااااااااااااب ... مصعااااااااااااب
وقعدت تبجي .. مو قادره تتحمل .. محد يرد عليها ..
جود : عميييييييييي .. خالتيييييي .. ااااااااه ..
كانت جود تبجي وتتألم .. حست انها مو قادره تتنفس .. الرؤيه عندها انعدمت وتنفسها صار صعب وبطنها من الالم ما قامت تحس فيه ..


بعد 10 دقايق ..
مصعب : جوجو وين بلوزتيـ ... ؟!!!!!!!!!!!!!!!!!!!!
مصعب بصرخه هزت انحاء البيت : جووووووووووووووووووووووووووووووود ...
مصعب مات خوف على جود وشالها على طول ووداها المستشفى ..

بالمستشفى ..
الدكتور : زوجتك لازم نولدها .. اهي بحاله خطره ولازم تولد ..
مصعب : تكفا دكتور ولدوها .. اهم شي سلامتها ..
الدكتور : لكن احتمال يصير خطر عالجنين
مصعب من غير ادراك : اهم شي اهيا .. تكفا دكتور هذي زوجتي
الدكتور : ان شاء الله ..

مرت الساعات بالمستشفى ..
معصب اتصل على ام جود وقال لها انه بالمستشفى .. وعلى طول قالت انها راح اتيي ..
ام فهد بخوف : وين بنيتي ..
مصعب : بغرفه العمليات .. ادعي لها الله يشافيها ويقومها بالسلامه ..
ام فهد : ما تستاهل بنيتي .. والله ما تستاهل ..

بعد شوي ..
الدكتور : ألف مبروك يت لك بنت مثل القمر ..
مصعب طاح على الارض ساجد لربه وحامد له على سلامه مرته وبنته ..
مصعب : الحمدلله لك يا رب .. تسلم دكتووور تسلم .. ادخل عليها ؟؟
الدكتور : تقدر تدخل بس اهيا الحين شوي تعبانه ..
مصعب : ماشي ..

مصعب وام فهد دخلوالغرفه على جود اللي كانت لي الحين تحت تأثير المخدر .. ظل مصعب يم راس جود يمسح على شعرها ..
ام فهد ظلت قاعده يم بنتها والفرحه مو شايلتها ودها تتصل على عيالها تبشرهم بس الوقت متأخر .. حتى ام مصعب وابوه ما يدرون لانهم يوم طلع مصعب من البيت مع جود كانو نايمين ..

مصعب بهمس : عمتي روحي ارتاحي انا بظل وياها ..
ام فهد : لا خلني هني مرتاحه ..
مصعب : لا عمتي حلفت عليج تروحين .. مو زين لج تقعدين جذي ..
ام فهد : انزين ليش تحلف ،،
مصعب : عشان تروحين ههه
ام فهد : خلاص يا ولدي انا بروح دير بالك عليها وباجر ان شاء الله راح أيي لكم مع البنات ..

مصعب قعد يم مرته اللي كانت تحت تأثير المخدر ..
كان يطالعها بابتسامه .. ويفكر بحياته اليديده ..
صار أبو .. صج انه تمنى يكون البجر صبي .. لكنه حمد ربه لان الله رزقه فبنوته حلوة مثل مرته ..
قعد يفكر بإسم حق بنته ..
ما يدري شيسميها ..


الساعه 5 الفجر ..
بالمستشفى ..

مصعب قام من النوم يصلي الصبح .. راح توضأ وصلى ..
خلص من الصلاه وراح قعد يم مرته يقرا عليها ايات من كتاب الله ..
تحركت جود شوي وجنها قامت من تأثير البنج ..

مصعب فرح يوم شافها تحركت ..

مصعب بهمس : جودي ؟؟
جود فتحت عينها بصعوبه كان وجود مصعب يمها اكبر افراحها ، ابتسمت له ابتسامه خفيفه وردت غمضت عيونها ..
مصعب : الحمدلله عالسلامه حبيبي .
جود فتحت عينها بصعوبه وبصوت واطي : الله يسلمك
مصعب : يت لنا بنوته اتينن مثل امها
جود ابتسمت : فديتك انت اللي اتينن

الساعه 1.30 الظهر ..

فبيت نوره ..

عبد المحسن اتصل على نوره ..
محسن : الوووووووو نوير نوير لحقييييييييي ..
نوره : خير حبيبي ؟؟
محسن : بشاره بمليون ..
نوره بفرحه : بشر .. ؟؟
محسن : ابووي يا نوره .. ابوي وافق اني اخذج ..
نور بدموع الفرح : صججججججججج ؟؟؟ اخير ا ؟؟؟ اخيرا وافق ؟؟
محسن : إي يا حياتي وافق .. وافق بعد ما طلعت روحي ..
نوره : فديت روحك ..
محسن : احبج نورووووو اموت عليج .. امووووووووووووت فيييييييج يا حلوة ..
نوره بحيا : تسلم ..
محسن : تره خلاص كلها جم يوم وايي اخطبج .. اخاف بعد يغيرون رايهم مو وقته صراحه .. انا بالغصب باخذج وبعد اتأخر .. ههه
نوره : هههه فديتك ،، انزين انتبه لنفسك انا بروح الحين
محسن : وي .. شفيهااللي استحت ؟
نوره بحيا : ههه مافيها شي .. يالله عاد وخر شوي .. باي
محسن : باي يا دلع ..

بالمستشفى ..

كان الكل محاوط جود من كل الجوانب ..
جود كانت طايره من الفرحه بولادتها .. صارت ام اخيرا ..
قرروا انهم يسمون بنتهم رهف ..

ام مصعب : فديتج يالجود .. مبروك يا ام رهف .. تتربي بعزج ان شاء الله
جود : تسلمين خالتي ما قصرتي ..
شهد ورغد : حلاتها اتينن بنتج ما شاء الله ..
جود : عيونكم الحلوة ..
ام فهد :يالله بنات خل نطلع لان الريايل يبون يدخلون ..

طلعو الحريم من الغرفه ودخلو الريايل ..
فهد وابو مصعب وعبدالمحسن دخلو الغرفه عند جود يباركون لها بالمولوده .. ويدعون لها ..
كان جود بقمه سعادتها ..

شهر
فبيت ام مصعب ..

مصعب كان يدور على زوجته ..
مصعب : جودي ... جودي ..
جود : ..
مصعب : حبيبه قلبي وينها ؟؟
جود شوي ولا تدخل غرفه النوم .. : هلا حبيبي .. تناديني ؟
مصعب راح وضم مرته على صدره .. : وينج حبيبتي ؟
جود: بسم الله عليك حياتي شفيك ؟
مصعب : مادري خفت عليج هههه
جود : اسم الله عليك حياتي .. بس كنت اسبح رهوفه
مصعب واهو يشيل بنته من جود : فديت هالرهوفه ،، تهبل مثل امها ..
جود بحيا : لا مثل ابوها
مصعب : احبج تدرين ؟
مصعب حط رهف بفراشها ومسك ايد مرته وراح وياها الصاله اللي بالدور مالهم ..

كان بنص الصاله في طاوله كبيره .. وعليها صندوق مغلف بتغليف احمر ..
جود : شنو هذا حبيبي ؟؟
وقربت جود للصندوق وقعدت تطالعه ولا تلاقي عليه كرت صغير ..
كان مكتوب عالكرت ** كل عام والحب وياج يزيد .. كل عام وانا وياج بعشقن سعيد **
جود دمعت عينها من فرحتها وتنهدت على رومنسيه مصعب والتفتت عليه .. وقربت منه وحطت راسها على صدره وباسته : مصعب انا اموت عليك .. مادري شلون كنت عايشه بدونك السنين اللي طافت .. مادري شلون كنت ابتسم بدونك ، انت ماكو مثلك ،، فارس من قصص الخيال .. جد احبك حبيبي .. مو بس احبك .. انا ميته عليك
مصعب : أوووووووووووووووووووووله اووووووله .. كل هذا جودي .. وايد وايد وايد علي هذا .. فديت قلبج تستاهلين اكثر من جذي .. انتي الهوا اللي اتنفسه وشلون انتسى تاريخ زواجنا .. مستحيل ، هذا احلى يوم بعمرنا ما اقدر انساه ..
جود بهمس : احبك ..

من ناحيه ثانيه ..
محسن كان طاير من الفرحه .. ما بقا الا ثلاث ساعات ويروحون يملجون على نوره ..
محسن يكلم ابوه : يبا فديت قلبك يالله متى نروح ..
ابوه : الصبر زين .. وبلا حنه ولا اغير رايي
محسن : ههههه .. هااااااااا ؟؟!!! تغير رايك .. لا لا خلاص يا قلبي يا يبا هههههه
ابوه : يالله عطني مقفاك وروح ..


الساعه 5 العصر ..
ابو محسن ومحسن ومصعب وفهد راحو عشان كتب الكتاب ،،
نوره ومحسن قرب حلمهم على التحقق ..


بعد ساعه ..
وصل الملا .. وتم كتب الكتاب ..
ابو نوره : مبروك يا بنيتي .. مبروك يا ولدي
محسن ونوره:يبارك فيك
ابو محسن : مبرووووووك يا ولدي .. بالبركه محسن .. اخيرا فرحت فيك ..
محسن : الله يبارك فيك يبا ..
محسن : مبروك نوره ..
نوره بحيا لانها اول مره تقعد وياه : يبارك فيك
ابو محسن : انزين انا بروح ادري لوعت جبدكم هههه مخرب الجو ..
نوره : شدعوه عمي انت شمعه الجلاس
ابو محسن : اصيله يالنوره اصيله .. بس ميخالف .. انا استاذن
نوره ومحسن : اذنك معاك ..
ابو نوره : وانا بعد شمقعدني هني مع السلامه

راح ابو محسن وابو نوره ..
محسن : هههاااااااااااي منو الحين يحميج من شري ؟؟
نوره منزله راسها والحيا يقطر من خدودها : حسون تره اصرخ وافضحك
محسن : ههههههه .. انتي من قالج راح تقدرين تفتحين حلجج اصلن اصكه لج ههههه
نوره : مينون والله
محسن : من جن بالحب فهو عاقل .. ومن جن بغيره فهو مجنون ..
نوره : يا سلام المتنبي اخوي ؟؟
محسن :لا ولد اخته هههههههه
نوره ابتسمت له وسرحت بخيالها بعيد ..
محسن : حبيبتي شفيج ؟
نوره : مستانسه
محسن : عسا دوم ياحبيبتي .. عسا دوم يا مرتي ..
مسك محسن ايد نوره وضغط عليها .. وقربها من خده ومسح على خده بإيدها وباسها .. : احبج
نوره : وانا بعد ..

من ناحيه ثانيه ..
مصعب رد البيت ..
مصعب : جوجو . ها قد عدت
جود : هههههههههههههههههه مينون وربي .. اسكت بتقعد رهوف
مصعب يصرخ : واااااااااء ،، كيفي كيفي بقعدها .. صراحه انا اهم منها .. ما يصير جذي تخلينها اهم مني .. ما يصير .. شحقه انا يوم انام ما تقولين لها لا تبجين؟؟ وبس اهيا يوم نايمه تقولين لي لا تصرخ
جود : هههههههههههههههههههههه مينون ،، شفيك الملجه لحست مخك ؟
مصعب : الا جمال نوره لحس مخي ،، يا زين نوره يا جود .. جمييييييله
جود بغيره : روح تزوجها
مصعب : تدرين لو مو حسنو بياخذها جان تزوجتها
جود : اها .. تبي شي ؟؟ انا بنام ؟؟
مصعب طب على جود وضمها عالفراش : يالدلوعه يعني تغارين ؟؟ ههههه
جود واهي تدزه : وخر عني يالمليق
مصعب : انا مو مليق انا زوجج يالبطه
جود : ووخررررررر
مصعب : جوجو ابي .. (( ويأشر على خده ))
جود : انت صاير ياهل ولا شنو ؟
مصعب : ولا شنو هههههههههه
جود عطته ظهرها بدلع ونامت : تصبح على خير
مصعب : وانتي من اهل الخير ..

مصعب كان عارف ان جود مستحيل تنام بدون ما تضمه وتراضيه .. قام واهو يضحك ..
مصعب : هههه جوجو انا بروح ابدل .. يعني يليت لو تنامين على جنب لاني بيي انام ،، يعني ما يحتاج تحتلين السرير كله ..
جود : ...

مصعب راح بدل ولبس شورت وحفر .. وعدل شعره وكان شكله رووووووعه .. وكان راش عطر جفنشي يعني كان جذاب بزووود !!
مصعب : دني شوي بنام ..
جود وخرت شوي ..
مصعب انسدح عالفراش : جوجو لي الحين زعلانه ؟
جود : ....
مصعب واهو يلعب بشعرها : وتقدرين على زعلي يا حلوة ؟
جود حست بالخجل والتفتت عليه وطالعته بنص عين : تحب ترفع ضغطي انت ،، صج اللي قلته عن نوره
مصعب : مينونه انتي ؟؟ صج ان في بنات حلوات .. بس مثلج مافي اصلن انتي مو بنت انتي ملاك .. وحده من القمر .. او لا .. القمر بكبره انتي !!
جود بحيا ممزوج بزعل : احبك
مصعب ضحك لها ضحكه خلت الدم يتجمع بخدودها : فديتج ..
ونامت على صدره ..
وحسب مصعب وشطانته عرف شلون يراضيها !!


من ناحيه ثانيه ،،
1: معقوله يعني ما صدقتج باللي قلتيه ؟
2: وريتها صورنا .. بس ما صدقت
1 : شهالقلب اللي عليها .. ؟!!!
2 : سشوي الحين ؟ احس ماكو طريقه
1 : لا في طريقه وان شاء الله تظبط . بس سمعيني خطوة بخطوة .. .....


بعد اسبوعين
يوم الثلاثاء ..
ام مصعب : انزين ليش ما تخلينها عند المربيه ؟
جود : لا خالتي ما احب اخلي بنيتي مع المربيات والخدم صراحه اخاف عليهم فاحسن اوديهم عند امي ..
ام مصعب : انزين خليها عندي ..ولا ما تحبين ؟
جود : شدعوه خالتي عادي .. بس اخاف عليج تعب ..
ام مصعب : تعبج راحه يا بنيتي ..
جود : تسلمين خالتي. .
مصعب واهو عند باب البيت : جوووووووووووووووود بيتين ولا اروح عنج ؟؟
جود :لا كاني الحين يايه ..
ام مصعب : يالله روحي بحفظ الله وخلي البنوته عندي ..

جود راحت حق مصعب ..
بالسياره ..
مصعب : جودي حياتي .. بسألج سؤال ..
جود خافت : خير؟
مصعب : حياتي لو طلعت لنا الحرمه هذيك اللي قبل مره ثانيه .. تفكرين تصدقينها ؟
جود :لا حبي .. مستحيل ..
مصعب : بس انتي قلتي هالاشياء قبل وصدقيتيها ..
جود : حبي والله تقول لي كلام وتكلمني بإسلوب تخلي الواحد يصدق .. احسها ساحره والله ..
مصعب : ههه
جود : حبي شنو ياب الطاري ؟
مصعب : امس حلمت حلم مو زين ،، وقاعده احاتي ..
جود : تعوذ من بليس وان شاء الله مافي الا الخير .
مصعب : ان شاء الله .

نوره ومحسن اخيرا حققو حلمهم .. كل واحد فيهم كان خايف من مجهوله .. لكن الحمدلله الله جمعهم ، وقولو معاي .. عسا الله لا يفرقهم !!
جود ومصعب كانو طالعين يشترون اغراض حق رهف .. ويتعشون بره ..

مصعب كان ماسك ايد جود ويتمشى وياها بـ آدمز .. كانو يدورون اغراض لعل وعسا يحصلون شي يعجبهم !
واهما يتمشون يت حرمه من بعيد لهم ..

: السلام عليكم ..
مصعب وجود : وعليكم السلام ..
: طيور الحب شلونهم ؟
مصعب : خير ؟؟
جود كانت خايفه .. خافت ان هذي اهيا الحرمه اللي دايما اتيي لهم .. وضغطت على ايد مصعب واهي تحس بخوف ..
: الخير بوجهك يا اخ مصعب ..
جود بصدمه : شعرفج باسمه .. ؟
: من الصورة اللي من زمان وريتج اياها .. بس انا خلاص مابيه .. واعتذر لج عاللي سويته وصدقيني بعد ما راح ادخل حياتكم .. صج ان كان يحبني وتزوجج غصبن على نفسه بس ميخالف انا مسامحته .. صعوبي حبيبي انا مسامحتك ..
مصعب عطاها كف من غير ما يحس : جااااااااااااااب يا حقيره .. وربي تره تشوفين شي ما شفتيه لو ما مشيتي .. والله اعلمج شغل الله ..
: هههههههه يما يما .. لا انا خفت .. باي حبيبي ..

جود تعلقت بذراع مصعب .. كانت خايفه وقلقه : مصعب هذي شنو تبي فينا ؟
مصعب واهو يتنفس بسرعه من الانفعال : مادري عنها .. وحده قذره ما تدري شتسوي غير انها تخرب بيوت الناس ..
جود : خايفه مصعب ..
مصعب : من شنو حبيبي ؟
جود بربكه : مادري .. خل نرجع البيت ..
مصعب : على هواج ..

ركبو جود ومصعب السياره وكل واحد منهم يحس بتوتر .. شتبي هالحرمه منهم ؟؟
وصلو البيت وصعدوا غرفتهم ، جود شكرت خالتها على اهتمامها برهف ..
وخذت رهف وضمتها على صدرها..
جود وقف من وراها وضها على نفسه .. جود كانت تبجي ..
مصعب : حبيبتي لا تبجين عشان خاطري والله ما احب هالدموع
جود : مصعب اخاف تخر بيننا .. مصعب والله خايفه
مصعب : تخافين من حب مصعب ؟؟ لا تخافين مصعب يموت عليج ومحد يقدر يخرب بيننا ان شاء الله
جود ارتاحت من كلام مصعب : ان شاء الله


بعد يومين ..
مصعب : الووو نعم ؟
: انا محمد سكرتير ابوك .. ابوت تعبان احنا رحنا قاعه اجتماعات الشيراتون وتعب علينا هناك .. احنا الحين هناك يليت اتيي .. اهوا وصاني اتصل عليك ..
مصعب : خلاص خلاص ماشي مسافه الطريج .. مع السلامه
: مع السلامه

جود : حبي شفيك ؟
مصعب : ابوي تعبان بروح اشوفه ...
لبس مصعب الدشداشه بسرعه والغتره وطلع من البيت ..

بالشيراتون ..
مصعب : الوووو وينكم ؟؟ أي صوب انا ما دخلوني القاعه ..
: تعال الطابق الثالث غرفه ..
مصعب : ماشي ماشي ..
مصعب بسرعه صعد فوق ..
ودخل الغرفه ..
مصعب بصدمه : .................

منو شاف مصعب ؟
شنو راح يصير ؟


تم الجزء الخامس والعشرون

 

[احترت اعبر]

الجزء السادس والعشرون ( قبل الاخير )
بالشيراتون ..
مصعب : الوووو وينكم ؟؟ أي صوب انا ما دخلوني القاعه ..
: تعال الطابق الثالث غرفه ..
مصعب : ماشي ماشي ..
مصعب بسرعه صعد فوق ..
ودخل الغرفه ..
مصعب بصدمه : ......
من ناحيه ثانيه ..
امينه وطلال كانو توهم واصلين من شهر العسل ..
فبيت ام مشعل
ام مشعل : هلا والله ببنيتي .. هلا والله بأحلى امينه بالدنيا
امينه بحيا : هلا فيج يما ..
ام مشعل : يا زينج محلوة صايره قمر.. ما درينا جان زوجناج من زمان .. عشان جمالج يزيد اكثر واكثر ..
امينه : ههه تبين الفكه شكلج ..
امينه : ما عاش من قال جذي ..
طلال : عمتي جنج ما تبينا ..
ام مشعل راحت وظمت ريل بنتها : فديتك يا الطلال .. والله ولهت عليك ..
طلال : توله عليج العافيه عمتي .. شلون صحتج ..
ام مشعل : الحمدلله اسأل عنك ..
ظلو قاعدين يسولفون ويضحكون ..
من ناحيه ثانيه ..
بـ ماليـزيا ..
لنكــاوي على وجه التحديد ..
وبـ حديقه الفراشات
محسن : نوير شوفي هالفراشه ..
نوره : الللللله اتينن ..
محسن : مو احلى منج
نوره بحيا : تبالغ ..
محسن : فديتج والله انج ملكه .. اتهبلين يا حرم السيد عبدالمحسن ..
نوره بدلع : فديتك انتا ..
محسن : انزين نروح مكان ثاني؟
نوره : مادري .. اول مره ايي هني .. انت اخبر .
محسن : شرايج بالاندر ووتر وورد ؟
نوره : شنو فيه ؟
محسن : عالم الماي .. بس فضيع ..
نوره : اللي تشوفه حبي ..
محسن مسك مرته من ايدها وطلعو بره الحديقه وركبو السياره ..
بالسياره .. محسن قاعد يتحرش بنوره .. وكل ساعه يقرب عند خدها يبي يبوسها واهي مو راضيه ..
محسن : نورو عفيه بس مره وحده
نوره : والله فشله .. تحرجني .. في ناس ..
محسن : وين الناس بالله ؟؟ قوليلي ؟؟
نوره توهقت : لا مادري .. أي.. اخاف يطلعون فجأة
محسن : هههههه شفجأته ؟؟ شنو قالولج كل الناس ينانوه نفسج؟
نوره تسندت عالكرسي ومدت البوز : ...
محسن : فديت هالنور كله .. زعلت ؟
نوره : ...
محسن : نورو قولي زعلتي ؟
نوره : ..
محسن : ردي عشان اراضيج ..
نوره : أي
محسن : ويعي .. ههههههههههههههههههههههه
نوره : موبي موبي موبي ردني الفندق .. مليت من الطلعه خلاص ..
محسن : على هواج .. نرد الفندق .. وليش ما نرد .. هناك بعد احسن ماكو نحشه مني هههههه ..
نوره : ها .. شنو ؟؟ لا خلاص انا راضيه ومستانسه بعد .. بس خلاص خل نروح هذا اللي مادري شسمه
محسن : هههه .. مو اقولج اني اعرف امسكج من ايدج اللي تعورج ما تطيعيني .
بالكويت ..
بالشيراتون ..
مصعب وصل الغرفه اللي قاله الريال عنها ..
كانت الشقه كلها بنات .. وريحه عطور وصوت اغاني ..
مصعب بصدمه : وين الوالد ؟؟؟؟؟؟؟؟؟؟؟؟؟
وحده : هلا ؟؟؟ تبي الوالد ؟؟
مصعب : أي منو انتي .. ؟؟
ساره : انا سوسو ..
مصعب : نععععععم ؟؟؟
ساره : انا ساره يا قلبي .. تعال خل نوديت حق ابوك .. نايم بالغرفه ..
مصعب دخل بخطوات ثابته ورا الحرمه .. : اقولج وين ابوي ؟
ساره : شتبي بأبوك الحين وانا موجوده ..
وقعدت ساره تتلصق بمصعب ..
مصعب يدزها : وخري عني يالقذره .. وين الوالد ؟؟
وبهاللحظه باب الشقه انفتح ..
مصعب ما انتبه لانه كان معصب ..
مصعب : اقولج وخري عني ..
ساره وتقرب اكثر وتخز جود : يا عمري انزين حرام عليك انت صار لك 5 ايام حارمني من شوفتك .. وما اتيي لي الفندق ليش ؟؟
مصعب : جاااااب يا قذره ..
ساره : حياتي .. يالله عاد لا تنكر ..
اللي كان واقف عند باب الغرفه جود .. كانت تطالع الموقف واهي تبجي .. كانت تبجي بصمت .. مستحيل .. انا شفته وسمعت بعيني .. حقير .. نذل ..
ساره قطت نفسها عليه : ترى بموت من فرقاك .. تكفا خلاص ادري انك ماخذ جود بالغصب .. ادري انك ما تحبها .. بس خذيتها لانك طلقت هدى .. حرام عليك انا احبك موت والله ..
مصعب مسكها من شعرها وعطاها كف :يا حقيره .. ياللي ما تربيتي ذلفي عن ويهي ..
ولف ورا وبيطلع من الشقه ..
شاف جود قباله ..
كان ويهها يكسر القلب ..
كانت تبجي بقوة ..
تبجي من اللي شافته وسمعته
وتبجي من خيانه زووجها .. وتبجي على حظها الردي ..
مصعب قرب من جود وبهمس مرتبك : جود
جود كانت تبجي من كل قلبها ..
عطته ظهرها ومشت وبهدوء ممزوج بانكسار قالت له.. : مصعب لا تلحقني ولا تجرحني اكثر من جذي .. مع السلامه ..
جود مشت بخطوات عجوله .. مصعب ما عرف يتصرف غير انه لحقها .. لكنها كان ابطأ من ان يوصل لها .. لان صادفه مدير الفندق .. وقعد يسولف وياه بناءا على معرفتهم السابقه ..
الساعه 9 بالليل ..
فبيت ابو مصعب ..
وبشقه مصعب تحديدا ..
مصعب كان يطق باب الغرفه ..
مصعب : جود بطلي الباب .. جود خليني افهمج الموضوع .. جود عفيه فتحي الباب ..
جود : ..
مصعب : جود يا عمري فتحيه لاتسوين بنفسج جذي .. عذبتي حالج وعذبتيني وياج ..
مصعب زاد من طق الباب : جوووووود ؟؟ بطليه ولا بكسره ..
بطلت جود الباب بخوف .. ودموعها على خدها ..
مصعب : جود وبعدين وياج .. هذي جذابه ..
جود ببجي : خلاص مصعب هذا اخر ما بيننا .. انا شفت بعيوني .. يكفي تبرير .. يكفير جذب
مصعب : بس جود انا قاعد اقولج الحق .. مو قاعد اجذب ..
جود : ماقدر اصدقك .
مصعب : شتبيني اسوي عشان تصدقين ؟
جود :طلقني !!!
مصعب بصرخه : خييييييييييييييييييييييييييييييييييييييييييييييييي يييييييير ؟؟؟؟
جود راح صوتها ببجي : طلقني بس انا مليت منك .. مليت من زواجنا .. مليت من التعب اللي عيشتني فيه
مصعب : ورهف ؟
جود : انا باخذها .. واذا كبرت تختار منو تبي تعيش عنده .. بس تكفا طلقني ..
مصعب : عقلج اكبر من جذي .. انا متأكد .. تصبحين على خير ..
مصعب دخل الغرفه وراح يبدل هدومه .. ولبس وحط راسه ونام ..
اما جود فكانت تبجي من كل قلبها ..
مصعب ما قدر ينام .. كان يسمع صوب بجي زوجته ويحس بالم يعصر قلبه .. وده يكلمها بس اهو عارف لو تكلم بيزيد النار شعله .. خله ساكت لين تهدى ..
ثاني يوم الصبح ..
مصعب قعد من النوم وشاف مرته نايمه على الغنفه .. كان شكلها يكسر القلب ..
قرب منها وباسها على راسها .. : اسف جود ..
جود حست بوجوده يمها وتضاهرت بالنوم ..
مصعب قعد يم راس جو ويكلمها واهو متأكد انها نايمه : ادري يا حياتي اني جرحتج وايد .. بس ما راح اسامح اللي كان السبب وراح اعرف منو ورا كل هالمشاكل
جود فتحت عينها شوي والدموع مشت على خدها : مصعب خلني بروحي .. مالي نفس اكلمك ..
مصعب : جود انا اسف وربي مو غلطتي ..
جود : خلني بروحي ..
مصعب: على هواج ..


مصعب راح غير هدومه وطلع من البيت مو عارف وين يروح ..
محسن مسافر .. وفهد مشغول مع مرته وولده ..
حق منو يشكي ولمنو يقول..

قعد يفكر بطريقه يطلع فيها مرته من هالضيق ..
قرر بفكره يمكن تكون فكره حلوة وتحلي الجو بينهم ..

الساعه 10.30 بالليل
مصعب : جوود .. جووود
مصعب كان يدور على جود بشقته .. بالمطبخ بالغرفه بالصاله .. ماكو احد ..
مصعب مات خوف على مرته .. : جود وينج ؟؟

شوي ولا يتبطل باب الحمام وطلعت جود بويهه حزين باكي : نعم ؟
مصعب قرب من جو يبي يضمها لكنها كانت تقاوم ايده بقوة ،،
مصعب : جودي عندي لج خبر بمليون .. باجر بنسافر مصر ..
جود : ؟؟؟؟ هلا ؟
مصعب : بنروح مصر انا وانتي وبس
جود ببجي : مابي اروح وياك مكان
مصعب : جود وبعدين ؟؟؟
جود زاد بجيها وصراخها : ماني رايحه .. مابي اكون وياك مكان . بالكويت ما سلمت منك .. بمصر شنو بتسوي فيني ؟
مصعب بعصبيه : جود شهالكلام ؟
جود خافت : ..
مصعب : زهبي اغراضج باجر مسافرين .. سواء تبين او ما تبين ..
جود : ..

راحت جود لغرفتها واهي تجر نفسها بكل حزن وضيق .. مستحيل هذا مصعب .. مستحيل يجبرها على شي .. شاللي تغير .. ليش صار قاسي مثل الصخر ؟
ليش قلبه صار حجر ؟؟
اسلوبه تغير ؟؟ معقوله اكون ظلمته ؟؟ بس انا شفته وياها !!

يوم الاحد ..
بالمطار ..

النداء الاخير .. على جميع المسافرين على متن الخطوط الجويه الكويتيه رحله رقم 1546 التوجه للبوابه 5
مصعب : يالله جودي الطياره خلاص بتحلق ..
جود بحزن : ماشي ..
مصعب : خلاص يبا بلا دلع رهوفه بخير مع امي وامج ..
جود قعدت تبجي :....
مصعب واهو ماسك جود : بس خلاص جود
جود ماكانت تدري ليش اهي قاعده تبجي .. تحس انها متضايقه وبنفس الوقت تحس انها بأمان معاه .

بالطياره ..
جود كانت ميته خوف بس ماتبي تبين لمصعب ..
ماكنت تبي تحسسه بضعفها .. كانت تبي تبين له انها تقدر تعيش بدونه ... وشنو يعني مصعب !!

مصعب : غريبه بعض الناس مو خايفين
جود كانت ساكته وما تتلكم .. متضايقه وشايله جروحها معاها ..

بماليزيا ..
محسن : نونو .. فديت قلبج .. متى تبين نرد الكويت ؟
نوره : مادري على هواك مليت ؟
محسن : انا لو على موتي ما امل منج
نوره : فديتك
محسن :فديت اللي يتفدا بو حسنا
نوره : هههه ... احبك

بشرم الشيخ بـ مصر ..
فندقـ جي دبليــو ماريوت ..
الغرفه كانت هاديه وكل شي مرتب ..
جود دخلت بكل هدوء وحطت بعد ما دخلو الروم سيرفس وجيكو عالغرفه ..
جود قعدت على طرف السرير وقعدت مصعب يمها ..
مصعب : جوجو شرايج بالمكان .
جود : زين
مصعب : بس زين ؟؟ كل هذا لانه من ذوقي ؟
جود بدموع : مصعب انا تعبانه .. والله تعبانه يا مصعب .. كل هذا قاعد يصير لي وانت مو حاس.. تستهبل ولا تستخف دمك
مصعب حط ايده على حلجها يسكتها .. : جود ششششش ،، بدون دموع وبدون صراخ .. سمعيني حبيبتي .. انا احلف لج وربي ان مالي ذنب .. وانا قلت لج من البدايه انها جذابه ..
جود : لا تكمل خلاص .. تعبت من اعذارك ..
مصعب : جود .. فهمينيي .. خليني اكمل لي النهايه ..
جود ببجي : مابي خلاص

مصعب حس بضيق .. تضايق .. نزل راسه ومشى عنها ..
وقف بالبلكون ..
كان البحر جدامهم ..
قعد يطالع البحر ..

تصدق يا بحر انك .. تشابه بالعطا قلبه ؟!!

جود كانت حاطه راسها عالمخده .. وشايله حزنها وضيقها بروحها ..
مصعب قعد يمها .. وقعد يمسح على شعرها واهي ساكته وما نطقت بولا كلمه ..

مصعب : جود قومي بدلي هدومج خل نطلع ..
جود : براحتك ..

قامت جود بدلت هدومها ..
لبست بنطلون جينز .. وبلوزه طويله سودا وبروش ناعم .. ولبست شيلتها وحطت مكياج ناعم يناسب ويهها .. وطلعت ويا مصعب ..

مصعب كان يعرف مصر عدل .. ويدل فيها كل شي ..
مصعب كان عنده سيارة بمصر لان اصلن عمه عنده شقه هناك وقعدو يتمشون ..
الهدوء كان ماخذ الجو بالسياره ..
مصعب قعد يدور بين اشرطه الكست .. لين لقا شريط احمد الهرمي .. شغله ..

كان مقطع ..
تظلميني يالحنون ..
وانتي قلبي والعيون
اسمعي عذر ابتعادي ..
بعدها قولي اخون ..
سكر مصعب الشريط وقعد يغنيها بصوته ..
صوته كان جنان .. جود كانت ما تتحمل تسمع صوته .. اتين يوم يغني ..

قعد يقول :

ابتعادي واللي صار..
صدقيني باختصار ..
هي ظروف وعاكستني
مالي فيها أي قرار ..

جود كانت تبجي بدموع صامته ،، ياكثر ما ولهت على هالصوت وصاحبه .. بس للأسف شوي شوي احساسها قاعد يموت ..

وصلو المطعم الل كان مصعب حاجز لهم فيه .. كان مطعم زقرت وكشيخ ..

مصعب نزل من السياره .. وراح بخطوات سريحه صوب جود وبطل لها الباب .
مصعب : تفضلي يالاميره .. ههه
جود ابتسمت ولأول مره من وصلو مصر : مشكور
مصعب : العفو يا حياتي

دخلو المطعم وقعدو عالطاوله .. وسجلو الاوردر ..
مصعب : جود ان شاء الله المكان عجبج .
جود : أي مشكور .
مصعب : جود انا يايبج هني عشان نغير جو مو عشان النكد ..
جود : ...
مصعب : يا جوجو يا حياتي .. خلاص عاد .. انزين شوفي شنو يايب لج ..
جود رفعت عينها تبي تعرف شنو يايب لها .. : ..
مصعب دخل ايده بمخباته .. وطلع منها خاتم الماس روووووعه : كل عام وانتي حبيبتي .. وكل شهر وانا احبج اكثر ..
جود تلامعت الدموع بعينها مع لمعان الالماس اللي بالخاتم ،، معقوله هالكثر يحبني ؟؟ معقوله يموت علي؟ : ليش متعب نفسك ؟
مصعب : أي شي اسويه لج لا تعتبرينه تعب .
جود : وهذا حقي ؟
مصعب : لاانا بلبسه هههه .. أي عمري حقج ،، عطيني ايدج خل البسج اياه .
جود ترددت تمد ايدها او لأ واخيرا قررت تمدها ..
مصعب لبس جود الخاتم وباس ايدها ..
جود قعدت تطالع الخاتم .. تقلب ايدها يمين يسار .. كان صج حلو .. وجنه مصمم حقها : شكرا مصعب .
مصعب : العفو يا زوجتي ..

بعد يومين .. كانت الاوضاع بين مصعب وجود لي الحين متوتره .. كل واحد باله مو مع الثاني ..
جود كانت تكابر .. ومصعب يحاول يراضيها ..

لين يالهم اتصال .. قلب الموازين ..

مصعب : نعم .. بعد اسبوع ان شاء الله .. خير ؟ .. خلاص اوكي .. مع السلامه

جود كانت تطالع مصعب باستغراب .. : منو المتصل .. ؟
مصعب : هلا .. ؟ واحد من الربع .. ليش ؟
جود : مجرد سؤال ..
مصعب : انزين تره بعد اسبوع ردتنا .. اوكي ؟
جود : ان شاء الله ..

مصعب راح قعد بالبلكون .. كانت الساعه تقريبا 1 بلليل ..
جود ما كانت متطمنه من الاتصال .. كانت حاسه ان الموضوع فيه ان ..
لكنها سكتت .. وحاولت تكتم حزنها .. وحطت راسها عالمخده ونامت ..

منو المتصل ؟؟
وشنو راح يصير بعد اسبوع .. ؟
نهايه القصه قربت ..
احداثي بدت تخلص ..
وداعكم قريب
الله يجمعنا مره ثــانيه على خير ..

تم الجزء السادس والعشرون ..

 

[احترت اعبر]

الجــزء السابــع والعشرون ( الاخـــير )

بمــصر الاوضاع كانت ما تطمــن ،، صج ان جود بدت تهدى شوي .. لكن !!
الاتصال اللي وصـل لمصعب غير الموازين ..
مصعب : نعم .. بعد اسبوع ان شاء الله .. خير ؟ .. خلاص اوكي .. مع السلامه

جود كانت تطالع مصعب باستغراب .. : منو المتصل .. ؟
مصعب : هلا .. ؟ واحد من الربع .. ليش ؟
جود : مجرد سؤال ..
مصعب : انزين تره بعد اسبوع ردتنا .. اوكي ؟
جود : ان شاء الله ..

مصعب راح قعد بالبلكون .. كانت الساعه تقريبا 1 بلليل ..
جود ما كانت متطمنه من الاتصال .. كانت حاسه ان الموضوع فيه ان ..
لكنها سكتت .. وحاولت تكتم حزنها .. وحطت راسها عالمخده ونامت ..


من نــاحيه ثانيه ،، بـ ماليزيا ..

نوره : حبي والله براحتك انا ما عندي مانع .. متى تبي نرجع نرجع
محسن : قلبي بس هم اذا انتي مليتي هم لازم تقولين ، انا مو بس ياي عشان اونس نفسي بروحي ، لازم يكون لج راي
نوره بحيا : عيل دام الراي رأيي ،، انا ابي اقعد
محسن : هههههه .. اشوه ، لانج لو قلتي غير جذي جان قلت لج لا
نوره : لااااااااا .. ههههه توك تقول ان الراي رأيي .. عيل خل نرد الكويت
محسن : ماكو ههههه
نوره بحيــا : هههههه .. حسونـي احبك
محسن : الللللللللللللللللللللللللللله .. انا طاير .. انا مو مصدق .. انا وياج بعد عنـــاء .. بعد طلعة رووووووح
نوره : هههه تذكر يوم اقولك اهلي يبون يزوجوني ؟
محسن : لا تذكريني كنت اموت والله ..
نوره : لا ما كنت احس انك تهتم
محسن : تدرين نوير شنو العيب اللي فيني ؟
نوره بدلع : شنو شنو ؟
محسن : ههههه ،، ما اعرف اعـبر انا ..
نوره : أدري

قربت نوره من زوجهــا ووقفت قبــاله وبمـا انه محسن وايد طويل ،، ضمته وحطت راسها على صدره ..
نوره : ربي لا يحرمني منك
محسن : ولا يحرمني منج ..


بـالكويت ..

طلال : امونه شلون جود ؟
امينه : وييييي .. امبي .. تصدق مادري عنـها .. والله فشله تزوجت ونسيتها
طلال : يا ناكره الجميل يا امووون .. دقي عليها .. حرام
امينه : أي والله حبي .. اليوم بدق عليها ان شاء الله
طلال : ان شاء الله.. انزين وين تبينا اليوم نطلع ..
امينه : هممم .. مادري .. نروح سينمـا ؟
طلال : فلــم هنـدي بعد ؟؟ ههههه
امينه : واهـو في غيره .. ؟؟!! انا يوم خذيتني شرطت عليك انك توديني افلام هنديه ههههههه
طلال : امونتي حبيبتي .. تكفين قولي لي .. انتي فيج عرج هندي ؟
امينه : هههه أي .. من صوبك فيني هههههه
طلال : يالشويطينه ،، ههههه
امينه بشطانه : قلبي قرب شوي بقولك شي ..
طلال قرب : خير ..

امينه عضت اذونه ..
طلال : آآآآآآىىىي ... شنو انتي مفترسه .. والله اوريج يالدوووبه
امينه راحت تركض واهو وراها .. واهمـا بقمه سعادتهم ..
لين امون تعرجبت بالطاوله وطاحت واهي تضحك .. اهنــي قدر طلال يصيدها ..
طلال : ها يالريشه .. قدرت اصيدج ولا لأ ؟؟ والحين منو يفكج مني .. ههههههه
امينه بحيا : ههه .. هدنــي طلــول ..
طلال : ماكو فكه مني الليله هههه


بـ مصر

جود كانت منسدحه عالفراش وتبجي بهـدوء ..
مصعب كل مره يبرر لهـا موقفه وتسامحه ..
بس هالمره غير ، تحس انها ما تقدر تسامح .. صعب عليها تسامحه !

مصعب : جودي ..
مصعب انصدم يوم شافها تبجي .. واهي ارتبكت ومسحت دموعها ..
مصعب انكسر خاطره : جودي قلبي شفيج ؟
جود بربكه : ها .. لا مافيني شي
مصعب : لا فيج شي .. كنتي تبجين
جود : مصعب عفيه خلاص .. فج عنـي ، متى بنرجع الكويت ؟
مصعب : خلال الاسبوع الياي ان شاء الله
جود : منو دق امس ؟
مصعب : قلت لج واحد من الربع
جود : ...
مصعب : ها وين نطلع اليوم ؟
جود : ولا مكــان
مصعب : لا .. لازم نطلع ،، احنا مو مسافرين عشان نقعد بالفندق
جود : كيفك .. وين ما تبي تروح
مصعب : ما توقعتج قاسيه .
جود : وما توقعتك خاين

مصعب تنرفز من الكلمه لكنـه سكت .. لانه كان عارف انه لو رد عليها بيسمعها كلام لا يسر السامعين !

جيت ابثبت لج اني بحبج جريح
لقيت حبج يطعن القلب والروح

جيت لج وانا انسان(ن) صريح
بس كلامج زاد الجرح جروح

انتي تدرين اني مثل طفل يصيح
مالقى غير صدرج عنده يبوح

قلبي يبكي من عذابه بـصحيح
طالبج لا تردين شخص ينوح


مصعب كان يتألم من اللي يصير له .. مو عارف شلون يحلهـا .. وحتى لو لقى الحل .. كان متردد .. وخايف لو ما صدقته جود !

مصعب : جود .. قومي بدلي هدومج تأخر الوقت .. بتروح نتمشى عالبحر
جود : ان شاء الله

جود راحت لبست هدومها .. كان لبسها هالمره بسيط .. ما كان لهـا خلق تبدل ،،
وطلعت مع مصعب ..

عالبحر ..

مصعب : جود .. شوفي البحر هذا ..
جود : شفيه ؟!
مصعب : احبج اكثر منه
جود :...
مصعب : واحبج اكثر من النجوم اللي بالسمــا ..
جود : شكـرا
مصعب تضايق : عفـوا ..

جــود كانت تحس بألم بمعدتهـا ودوخه .. لكنــها كانت ساكته .. ماتبي تقول حق مصعب .. ماتبي تحسسه انه مهم بالنسبه لها .. او انهاا ما تقدر تتحمل شي بدونه !

جود : مصعب خل نرد البيت .
مصعب : مو عاجبج الجو ؟
جود : الجو حلو بس مليت انا
مصعب حس انه قلبه انكسر ،، اول مره يدري ان مرته تحس بالملل معاه : على هواج . بس تأكدي اني انا ما مليت .. ولا عمري راح امل طول ما انتي وياي ..
جود عيونها امتـلأت دموع : ...
مصعب : يالله جوجو امشي نرد الفندق ..

بالسياره
مصعب : جود متى تبين نرد الكويت تراني حاضر .. خلاص ما عاد لي راي الحين .. احس اني جبرتج على مصر .. واي وقت تبين تردين قولي
جود قلبها عورها حست انها ظلمت مصعب وايد : كيفك
مصعب : تبين تردين متى اقولج ؟!!!!
جود : اقرب فرصه .
مصعب : زهبي اغراضج بكره .. رادين الديره

جود حنت على كلامه البدوي .. تذكروت يوم كان يقولها تكلمي بدوي مثلي ..
آآآآآخ شكثـر انا ظالمه ، حتى ما فكرت اراضيك .. بس ما اقدر .. سامحني !!

وصلـو الفندق .. مصعب دخل الحمام أخـذ شــور بعد جود .. وطلع .
دخل الغرفه شاف جود قبــال الـ منظره تطالع نفسها .. وتعدل شعرها .. كان يراقبها بهدوء ..
ما يبي يحسسها بوجوده .. كان يبي يتأمل جمال مرته .. كان يحترق من داخله ..

ولأول مره .. دمعت عينه من شوفهـا .. نزلت دمعه على خده ..
و عشــان عيـون ترخص بلاد ..!!

مصعب مسح دمعته الصامته .. وكان لاف وسطـه بالفوطه ..
طلع اخذ ملابسه وبدل ،، بغرفه التبديل ..

لبس شورت وحفر يبرز عضلات صدره المستنـاسقه الغير مبالغ فيها ..
وقعد يعدل شعره بالحمام .. ورش عطر وطلع ..

جود تموت بشكله جذي .. تحبه بهالبجـامه .. وتحب وسامته .. مصعب كان جدا وسيم .. ويـزوغ القلب !

مصعب هالمره غير .. كان مبين عليه الحزن ، ما عمره بين له ضعفه .. لكنه هالمره حزين .. ومهموم ،،

راح اخذ المخده ونام بالصاله ..

جود استغربت .. مصعب ما عمره سواها ،، قلبها عورها حست انها من صج غلطت .. !

ثـاني يوم الساعه 8 بالليل بتوقيت الكويت ..

مصعب وجود وصلو .. وطبعــا راحو سلمو على اهلهم ..
بعدين ردو بيت مصعب ..

مصعب كان وايد تعبان ..
اول ما وصلو سلم على أهله وصعد الغرفه ..

جود كانت تتألم .. بس بصمت ..

صعدت الغرفه ورا مصعب ..
وقفت عند السرير .. لكنـها ما تحملت ..

جود بألم : مصعب .. مصـ .. ــعــ .. ـب !!
مصعب مات من الخرعه على زوجته ويههـا قام يصير اصفر وشفايفهـا زرقت ..
مصعب : جوووود خير .. جووود ..
جود تسندت على الطوفه .. : مصعــب .. انا .. آســ ..فـ ..
مصعب : جود ارتاحي لا تتكلمين .. جود .. عمري مسامحج لا تهمين نفسج .. ما في شي يضايقني منج ..
جود ابتسمت له بألم : أحبـ..

ما كملت الكــلمه وطاحت عالارض جدام عينه ..

مصعب بصرخه هزت البيت وامه وابوه صعدو فوق : جوووووووووووووووووووووووووووووووود لااااااا جوووووود
مصعب بانهيار : جود قومي .. جود .. والله احبج ومسامحج .. جود ..
مصعب شال مرته : يما يبي العباه بسرعه

غطا مصعب مرته وشالها .. وطار فيهـــا للـمستشفى ..

بالمستشفى ..
كان حركه الدكاتره سريعه ..
مصعب كان واقف بره يطالع .. مايدري شيسوي .. وشيقول ..
كان يدعي من كل قلبه ان ربي يشافيها ..

بعد نص ساعه ..

الدكتــور : الحمدلله المـره مافيها شي ..
مصعب : دكــتور متأكد ؟
الدكتور : مجرد جفاف .. وسوء تغذيه ..
مصعب : بس اهيا صار لونها اصفر ..
الدكتور : من الجفاف اللي حايشها .. اهتم بصحتها ونفسيتها .. زوجتك ما تتحمل ..
مصعب : ان شاء الله دكتور .. شكرا .. بس اقدر ادخل عليها ..
الدكتور : تدخل بدون نكد .. لان النكد بينكس حالتها ..

مصعب راح يركض لي غرفه جود .. كان الدرب عليها .. والوايرات من كل صوب ..
كانت نايمه .. نومه مثل الطفل .. وليش طفل ؟! .. ملاك صغير نايم ..

اخ يا قلبي .. شلون قدرت اعرضج حق كل هذا ؟ انا قاسي .. انا قاسي
والله ما راح اسكت عن المنقبه هذي ..اصيدها يعني اصيدهـا ..

مصعـب كان قاعد يم جود سهر عندها طول الليل .. يقرا عليها قران ويدعي لها ..

الساعه 9 الصبح .. مصعب ما قدر يقعد اكثر .. حط راسه على طرف سريرها وغـفا ..
مصعب انسان .. قدر يصمد جدام اشياء وايد لكــن للإنسان طاقه . وطاقه مصعب نفذت واهو لي الحين ما تجاوز الـ 26 !!!

جود فتحت علينــها واهي ما تدري اهيـا وين ..
شافت اجهزه ووايرات على ايدها .. ومصعب حاط راسه يمها ..

دمعت عينهـا على حالهم .. اخ يا قلبي ..

أنا اسف على اللي صار .
تصورتك بدون شعور !!


جود حطت ايدها على راس مصعب .. وقعدت تمسح على شعره .. مصعب ما انتبه .. وكان تعبان ونايم ..

بعد نص ساعه .. مصعب قام من نومه واهو مخترع ..
رفع عينه على جود : جوود !!
جود : هلا ؟
مصعب : الحمدلله لك يارب .. جود انا اسف عمري والله ماكان قصدي اخرب حياتج
جود اكتفت بابتسامه .

الساعه 1 الظهر الكل كان عندهم ..
اهل جود واهل مصعب ونوره ومحسن وامينه وطلال ..

الكل كان محاوط جود والغرفه زحمه ..
جود كانت مرتاحه بوجود الكل يمهـا واكثر شي مريحهــا .. اهو وجود زوجهــا ..

واهمـا يسولفون انفتح باب الغرفه .. كان وراه وحده لابسه عبايه وغطيه ويهها بشيلتهـا ..
ما انتبهت جود حقهـا .. لكن مصعب شافهـا ..

استـاذن الكل وطلع ..

راح ورا الحرمه .. راح يركض يبي يعرف منو إهيــا ..
لف عليــها انصدم يوم شاف عيونهــا .. ما كان طالع من ويهها غير عيونها .. بس كانت تبجي .!!

مصعب : عفوا اختي .. دخلتي الغرفه بغيتي شي ؟
: لا شكرا .. كنت غلطانه ..

مصعب ماقدر يشبه عليها .. لانها كانت تبجي وصوتها ممزوج بدموع ..

مصعب رجع للغرفه واهو محتار .. هل هذي اهيا .. اهي اللي فبــاله ؟!
بس لو اهيا شلون ما عرفها ؟!!

اعوذ بالله منك يا الشيطان !!

 

[احترت اعبر]

رد الغرفه عند جود ..
جود كانت تسأله بعيونها وين رحت .. لكنه هز راسه لها .. انه مافي شي ..
الساعه 5.30 العصر .. الكل مشا .. ما ظل احد عند جود ومصعب ..

جود : مصعب وين رحت ؟
مصعب : أسأل الدكتور عنج ..
جود : وشنو قال ..
مصعب : بخير الحمدلله

مصعب كان شارد ويفكر .. شكانت تبي هذيك الحرمه ..
واذا كانت اهيا نفسها اللي اتيي دايمــا ليش كانت تبجي ؟!

بعد ساعه الا ربع ..

انفتح باب الغرفه ..
دخلت نفس الحرمه اللي كلمـها مصعب ..

: السلام عليكم
جود بخوف ولصقت بمصعب : وعليكم السلام
: جود لا تخافين هالمره غير .. بيتغير كل شي ..
جود : ..
: انا عايشه .. اخت هـدى !!!
مصعب : نعممممممممممممممممممممممممممممممممممم
عايشه : أي انا عايشه .. وانا سبب كل اللي صار ..
مصعب قام وقف على حيله من الصدمه : يا حقيره .. انا ولد عمج يا حقيره !!
عايشه قعدت تبجي .. : كنت مفكــرة اخرب حياتكم ..
مصعب عطاها كف : جااااااااااااااااااااااااب ولا كلمه .. ولا كلمه .. طلعي بره .. مابي اسمع منج شي .. مابي تقولين أي كلمه .. بره ..
عايشه : اسمعني خل اقولك الموضوع ..

جود كانت تطالعهم واهي ميته خوف وتبجي .. شسالفه هالمره ؟! !!!

مصعب : مابي اسمع بره اقولج بره !!
جود ببجي : خلها تتكلم !
مصعب انصدم ان زوجته تبي تسمع .. : بس جود هذي تبي تخرب العالم .. تبي تخرب علاقتنا
جود واهي تبجي اكثر : تكفا خل تقول ليش سوت كل هذا ..
عايشه واهي تبجي : جود انا اسفه من كل قلبي .. والله ما كان قصدي اسوي كل هذا بس الموضوع كان أكبر مني .. تذكر سالفه خالد والصور ؟
مصعب : أي جعل ربي ياخذه .. شفيها ؟
عايشه : انا اللي صورت جود بدون ما أدري انها راح تصير زوجتك .. خالد كان يحبني .. واهو اللي وصاني اصورها .. وكان يبي يورطها وانت عارف شنو كانت نيته ..
جود كانت ميته بجي وخوف .. مصعب حس ان مرته خايفه راح قعد يمها وضمها على صدره . :عارف كملي وخلصينا وطلعي من هني ومن حياتنا ..
عايشه : يوم ما ضبط اللي فبـاله ودخلتوه المخفـر تخبل .. وقرر ينتقم .. وهددني انه يفضحني اذا ما نفذت كل اللي يقول عليه .. واضطريت اني اسوي كل هالعمايل .. وكان كل مره يقول لي هذا اللي طلق اختج خربي حياته .. !!
مصعب بصراخ : وانتي ما عندج عقل !! وشاللي خلاج الحين تعترفين ؟ ماتخافين خالد يفضحج ؟
عايشه : خالد ضبطوه بمخدرات .. وخلاص مافي احد يهددني الحين
جود ببجي : بعد شنو ؟؟ بعد ما سويتي كل هالاشياء فينا ؟؟ بعد ما هدمتي احلى أيامنا ؟ حتى شهر العسل ما تهنينا فيه .. حرام عليج حرام والله
عايشه راحت عند جود وقعدت تبوس راسها : جود والله اسفه .. جود سامحيني .. كفايه عذاب الضمير .. وانتي تصيرين لي عذاب ثاني .. خلاص تكفين ..

جود ما تحملت تشوف عايشه جذي تبجي جدامها .. جان تضمها : خلاص عايشه .. مسامحتج .. بس تكفين خلاص طلع من حياتي انا ومصعب .. خلينا بروحنــا .. لان ذقنـا من العذاب الوان .. تكفين خلينا نعيش النص الثاني براحه ..

عايشه لمت اغراضها اللي طاحت بالارض وطلعت واهي تبجي ..

جود : مسامحتج .. ربي يوفقج !

جود كانت تبجي : حطت راسها على صدر مصعب وكانت تبجي من قلب ..

الدكتور دخل .. لكن محد فيهم حس .. وطلع مثل ما دخلت .. ما كان يبي يخرب عليهم مشاعرهم ..
كان عارف ان هذي اعظم علاقه بين زوج وزوجته تمـر عليه بتاريخه المهني ..

بعد يومين ..
جود رخصوها من المستشفى وردت البيت

فـ بيت ابو مصعب ..

مصعب وجود كانو بالغرفه ورهف كانت نايمه بسريرها ..
مصعب : جودي حياتي ..
جود : امر يا عمري
مصعب : جود انا اسف على كل لحظه مو حلوة قضيتيها معاي .. واسفه لاني ضايقتج ..
جود : كل لحظه مو حلوة بالنسبه لي حلوة .. لانها على الاقل وياك .. مصعب انا احبك
مصعب : جودي تذكرين اول مره عرفتج .. كنت مينون فيج .. تذكرين يوم شفتج بسوق شرق ؟؟
جود بحيا : هههه أذكر .. اذكر يوم دزيتلي مسج ( يا ارض احفظي ما عليكي .. حبيب قلبي حضر )
أذكر قعدت اضحك ..
مصعب : تضحكين يالشيطونه .. فديتج جودي .. عمري تسافرين ؟
جود : وين ؟
مصعب : أي مكـــان تطلبينه من ارض الله الواسعه ..
جود بحيا : براحتك حبيبي .. انا لو اروح السودان وياك وناسه
مصعب : هههههههههههه السودان مره وحده .. ههههه
جود : مادري كيفك ههههه
مصعب : نروح لندن ؟ نعيد شهر العسل ؟
جود بحزن : اللي ما تهنينا فيه
مصعب حط ايده على خدها : اللي راح نتهني فيه قصدج ..
جود حطت راسها على صدره وباسته : احبك ..
مصعب : انا مو بس احبج .. اصلن انا ما احبج ... نهائيا .. انا اتنفس هواج .. اعشقج ياعمري

مصعب ضم جود بكل قوته ..
مصعب : جوجو انا دايخ .. انتي مو دايخه ؟؟
جود بحيا : لا هههههههههه

 

[احترت اعبر]

بعد يومين ..
بـ لندن ..

Aldwych One كان هذا فندقهم اللي راحو له المره الاولى .. بس هالمره غير ..
هالمره مصعب ينطق .. يعبر .. يقول لها احبج بلسانه ..
وفوق هذا كله وياهم بنتهم رهف .. ومافي احد يخرب عليهم سعادتهم ..

كانو عايشين الحب على اصوله ..

مصعب بالهايد بارك : يازين لندن .. ويا زين جو لندن .. وياااااااااااااا زين زوجتي .. فديت الجود انا .. احبج يالجود احببببببببببببج اموت فيكي ..
جود : هههه وانا بعد
مصعب : عطيني رهوفه خل العبها .. قطعه منج .. حلوة مثل امها .. اتينن بنت الجود .. اتجنن بنتي ..
جود : اتجنن هاا .. ههه
مصعب : تسوين سباق ؟
جود : والناس ؟
مصعب : انتي شايفه ناس ؟
جود : لا هههه
مصعب :: عيل قومي يالله ..
جود : ورهف ؟
مصعب : رهف مو ياهل كملت الـ سنتين ..
جود : ههههه سنتين مو ياهل ها ههههه ،، عيل اذا كملت الـ 10 سنين .. شنو بتصير عيوز ؟
مصعب : لا عجوز .. ههههههههه

بعد 5 شهور ..

بالطبيب ..
الدكتور : مبروك اخوي زوجتك حامل
مصعب : هااااااااا .. هيـــّــــــــــا .. الجود حامل .. فديت الجود انا .. دكتور ما تقصر .. مشكووووووووور
مصعب شال الجود من الفرحه ووداها السياره .. وعلى طول .. وداها عشاها بره وردو البيت ..
مصعب : مبروك ام بدر ..
جود : هههه صرت ام بدر ؟؟ مو كنت ام مادري منو قبل فتره ؟؟
مصعب : هههه لا خلاص أبي بدر كيفي .. ههههه
جود : براحتك حبيبي هههه

------------------------

يقولون بعد سنه
امينه يابت توم بنت وولد ..
دانـه وعبدالله وكانو عايشين الحب اهيا وطلال بكل معانيه

نوره ومحسن
بعد الصعوبات اللي واجهوها قبل الزواج
قدروا يتخطون كل شي .. والحب كان اساس علاقتهم
نوره يابت من محد ولد سموه محمد ..
كان يشابه ابوه وايد .. وكانو بقمه سعادتهم

هدى خذت ولد عمها عبالدرحمن
وعاشت وياه بسعاده

عايشه عاشت طول عمرها ندمانه على اللي سوته
بس بعدها تزوجها واحد وياها بكليه التربيه
واوضاعهم كانت تمام

خالد حكمو عليه بالسجن المؤبد لعده قضايا كانت عليه

فهد ونور كانـــو حديث العايله ..
ثنائي جميل .. والكل يحبهم

شهد ومشعل .. براءه الاطفال كلها فيهم
الكل يضحك عليهم ويستانس يوم يشوفهم ..
لانهـــم دايما فصله .. بس يموتون فـ بعض

---------------

مصعب : حبيبتي .. احبج .. واحبج واموت عليج ..
جود : وانا بعد .. اهواك ..
مصعب : انتي كل الدنيا .. مملـكتي .. انتي مملــكه جود .. أحبج
جود بحيــا طبعت بوسه خفيفه على خده وحطت راسها على صدره : الله لا يحرمني منك يا عسى عمرك طويل ..
ياللي كل الناس عندي ما يساويها غلاك ..
الاثنيـــن نامو وكل واحد فيهم ضام الثاني ..

واياديهم مشبكه فـ بعض ..
كل واحد ينطق للثـاني أحبك ..
وكل واحد يحمل بقلبه معنى واحد

معنـــى الحب الصادق ..

الحب اللي يتفجــر بعد الزواج ..

مملكـــ جود ـــه ،، ظلت شامخه ..
اساسها الحب .. الصدق .. المشاعر الصادقه ..

ملحمــه حب .. اقص فيهـــا روايهـ تقلبت بين الواقع والخيــال ..
انتهــى !!




ان شالله القصه اعجبتكم

 

[marshmallow]

3ajeeeba mashkooora ;p