ممكن يا خبيرات البحرين أبي أفخم و أرقي فندق ؟؟

[كوب حليب]

السلام عليكم يا بنات


أن شاء الله لي روحة حق البحرين وأول مره أشوفها وحابة أقعد في أفخم و أرقى فندق فيها .... وأهم شي يكون قريب على الأسواق ومعروف أنه توب بين فنادق البحرين السعر مو مشكلة بالنسبة لي أهم شي يكون راااااقي و 5 ستار وما أبي فيه سوالف وخرابيط .... ومشكووورين وناطرة مساعدتكم لي يا خبيرات البحرين

 

[مـطـر صـيـف]

حبوبتي انصحج بفندق ايليت جراند فندق راقي

جدا وصج روعه روعه كنت هناك قبل اسبوع

ومن كثر ما اهوه راقي ما تلاقين فيه الا الناس

الكلاسيك وكل شي متوفر فيه وغير جذي

مكانه حلو وقريب على الاسواق التاليه :


السيف


العالي


الدانه


مارينا مول



الشيراتون






واتمنى لج سفره حلوه

 

[أم هـجـرس]

حبيبي اليت غراند وانا بعد كنت فيه الاسبوع الي طاف مع اختي مطر صيف:tek:

والحين قاعده انزل الصور مالت الفندق وراح ايب لج الرابط اول ماخلص

بس فندق روووووووووووووووعه

 

[كوب حليب]

أم هجرس وأختها مشكورين واايد الله يريح بالكم أن شاء الله و الحمد لله على السلامة .... وناطرة الرابط وموضوعكم عن البحرين وأن شاء الله أستفيد من معلوماتكم عن البحرين

 

[روانيR]

عندك فندق الدبلومات بالنسبه لي حلوووووووووو

 

[May81]

فندق الريتز واااااااااااااااااااااااايد حلووو وموقعه ممتاز ومطاعمه لذيذه

 

[R&N Store]

فندق ميركيور
قريب من العالي و السيف
مشي دقيقتين.. ; )

وفخم وايد

 

[أم روونه]

فندق الريتز كارلتون أفخم وأرقى فندق في البحرين

 

[سمبوسة]

حبيبتي انا اقترح فندق البانيان تري العرين عجيييب بس مو بنص الديرة لأ منتجع هادي وناس راااقية ومو غرف فلل يعني لج فلة مع حمام سباحة والسبا نفس سبا الرويال حياة عندنا شي وايد حلو واذا ما سكنتي فيه على الأقل روحي تغدي والا تعشي فيه أو روحي السبا فعلا يستاهل العنوة وهذا موقعه شوفيه
http://www.banyantree.com/en/alareen/index.html

 

[كوب حليب]

مشكوووورين يا بنات على الردود السنعة مثلكم ... ما تقصرون وأن شاء الله الراي يستقر على واحد من الفنادق الي ذكرتوها ... وبالنسبة حق البنيات تري أن شاء الله أزوره و أشوفه بس للأسف ما راح أسكن فيه لأني لما سألت عنه قالوا لي في البر يم الفورملا ون وأنا حابة أصير بسنتر البحرين