ممكن مساعده شنوآخذ معآي بالجنطه بالسفر لدلوه اوروبيه

[عسل قمر14]

قوه بنات ابي اعرف شنو اخذ واللبس شنو اهم اللبس رني بسافر وموعارفه وابي مساعده
وشنو اهم شي بالسفر ممكن تساعدووني بس اهم شي عن اللبس بليز ساعدووني​

 

[loony]

اهم شي اخذي معاج معقم و عطر حق الجنطة و اللبس احسن شي جينزات و قمصان عملية اذا كنتي رايحة دولة فيها روحاات وايد اما اذا كنتي رايحة دولة كلها قعدات و حدايق و جذي كشخي

 

[عسل قمر14]

مشكوره على الرد وعلى المعلومه

 

[البرنسيسه77]

شوفى اهم شى اخذى بلاك لشحن كاميرا الفيديو يكون بو راسين لان بلاكاتهم مو نفسنا

واخذى ابريق عزك الله للحمام لان حماماتهم ما فيها ماء الا فى الحنفيه او عبى بطل صحه ودبرى عمرج

واهم شى شال وسروال طويل لان بالليل بيذبحج البرد

وسروال نص للمشى والحفا ههههههههههههه

واذا معاج اطفال اخذى لهم ملابس داخليه شتويه وبلايز كم طويل على الجينز
بس اعتقد هذا اهم شى واذا ذكرت شى اقولج!!!!!!!!!!!

 

[عسل قمر14]

اهااا يسلموو فدتيني واايد
بعد بنات ممكن تساعدوني

(انا وياي اطفال بس ماكو برد حيل يعني الجو حلو)

 

[احساس طفلة 2]

شووووفي اخذي شي عملي وترتاحين فيه
واخذي شي شتوي
لان ما تدرين الأجواء تتبدل كل يوم
وأخذي جينز وبنطرون ابيض لان اللون الابيض يمتص الحرارة على ما أظن واخذي شال
وأخذي بريق عزج الله مثل ما قالت الي قبلي
وتروحين وتردين في السلامة

 

[● عـِـِـِزۈة آخ‘ـَـۈاْنـهـآ «-~]

الاخوات ماقصروو

وتروحين وتردين بالسلامه غلاتي

 

[عسل قمر14]

يسلمو حبايبي الحين خلصت من الملابس ابي متطلباتي شنو اهم شي ساعدوني بليز السفره قربت

 

[عسل قمر14]

للرفع

 

[وافية*]

حبيبتي اهم شي لما ترتبين جنطتج وفري مساحة كثر ماتقدرين لان راح تحتاجين شراشف واجياس مخدة وبطانيات الخفييييييييفة حيل عرفتيها كنابل وهذيل كلهم مع الملابس الثقيلة والجاكيتات راح يترسون الجنطة فعشان جذية اخذي اجياس الضغط للملابس عشان توفرلج مساحة موجودين عند دايسو واستعمالهم سهل وهذي صورتها

لان صراحة باوربا مهم حيييييل هالاشياء

وطبعا لج انتي البجامات والملابس الحلوة للفندق والمبخر الصغير وولاعة وفحم وبخور ضروري وعطر واحد وبودرة جسم معطرة وطبعا قمصان النوم اهم شي
واذا معاج عيالج لاتنسين جنطة الماجلة ضروووري والادوية كاااااملة من مسكنات وبلاسترات وهالسوالف والمظلات للمطر وفية بعد كوتات يبيعونهم بدايسو بلاستك شفاف للمطر

ورحلة موفقة انشاللة (ولاتنسين لستة باهم الاماكن السياحية والاسواق والمطاعم للمكان اللي بتروحيلة

بس ماقلتيلنا وين بتروحين؟؟؟؟؟؟؟؟؟:dddds: لقافة​

 

[عسل قمر14]

تسلمين حبيبتي على الرد فدتييني

لووول اي بروح التشيك

والله يعيني مع عياالي بس اشلون اسكتهم اخاف يخربون علي السفره

 

[وافية*]

واللة حتى انا احاتي هالعيال الة يصلحهم مدري شبيسوون بالطيارة 7 ساعات؟؟؟؟احنا نمل شلون هالمسالكين...
بس اهم شي سوي كارنيهات لعيالج وسجلي عليها ملاحظاتج تحسبا لاي ظرف انا مرة ضيعت ولدي بمجمع بللندن بغيت اموووووووت بس الحمدلة ربج ستر وديري بالج عليهم وسفرة موفقة

 

[عسل قمر14]

تسلمين ياقلبي فدتيني وااايد

طريقه وايد حلوه بسويها لعيالي
بس بسألكم ابي سياره تكفي 8 اشخاص بالتشيك وين ممكن تساعديني حيل حيل محتاجتها

 

[* غزل *]

خيتوو عسووله ..

بزيد على البناات لاتنسين الادويه مثل البندوول وبلاستر الشغلات الضرووريه .. وطبعا على الللبس مثل ماقالوو خواتي اخذيلج شي مريح وجواتي ريااضه ..

 

[أم غمااازه]

اهم شي ابريق الماي عزكم الله والبندول وتردين بالسلامه

 

[عسل قمر14]

تسلمون والله تسلمون

بنات ضيفو اي اضافات انا اسجل الملاحضات عندي

 

[أم غمااازه]

وديربالج الصلاه واذكار الصباح والمساء وجوتي عزكم الله رياضي لان مشي يتعب وماقلتي وين بتسافرين؟

 

[ليان الكويت]

شوفي لا تنسين شاحن التلفون وتليبس المرحاض تلقينه بسوق بوميه وثوب الصلاة واوتي صغيرون وكيس مخده وشرشف لان ما تضمنين الشراشف ومن مركز لوازم العايله الراس اللي تركب على كل انواع الكهربا و الاب توب وكلنكس معقم و الحب المدخن ما يبيلها كلام وسيادة الصلاة وسشوارج و ابره وخيط على جنب ومقراضة الاضافر وابريج والديودرانت واذا بتطولين وبدوله اجنبيه لا تنسين الشيره ههههه ومادري شنو بعد انا اللحين قاعده اطالع جنطتي واكتب والله انا عن نفسي حتى المبخر والبخور يبتهم هذا وانا بلندن

 

[سالمه]

بنات دابسون وين مكانه

 

[Catherine zeta-jones]

وسروال نص للمشى والحفا هههههههههههه !!!

ههههههههههههاي اي و الله صاجه

هالشي اعملي حسابه لكل سفره و التسوق بالذات