ممكن مساعده بنااات

[حواء الكون]

مرحبا بنات


حابه اعرف كل وحده وطريقتها الخاصه بغسيل العبايه ؟ اشلون تغسلونها ؟

وبشنو تغسلونها ؟


وطريقتكم في المحافظه عليها وتعطيرها اذا ممكن يعني بشكل عام طريقتكم بتعطير الملابس بدون عطورات ؟

يعني بدائل ثانيه تغنينا عن روائح العطور في الأماكن العامه اذا ممكن


وسؤال اخير نسيته ( من وين تشترون الورد المجفف اللي تحطونه بالملابس عشان تعطيها ريحه حلوه ) وابي شي مضمون وحلو وايد ياريت تفيدوني

وألف شكر مقدما

 

[السفيرة عزيزة]

مشاركة: ممكن مساعده بنااات

هلا حواء

انا عن نفسي اغسل العبايه بالشامبو

و ما اغسلها بالغساله لا لازم بالايد

و بعدين عقب ما تنشف

احطها على امبخره و ابخرها

و سلامتج و تعيشين

 

[حواء الكون]

مشاركة: ممكن مساعده بنااات

السفيره عزيزه

حبيبتي مشكوره على الرد الحلو .. بس ممكن اعرف شنو انواع الشامبو اللي ممكن نستخدمها لغسل العبايه بالذات ؟ وانواع البخور اللي تناسبها ؟

ادري اذيتج

 

[bambena]

مشاركة: ممكن مساعده بنااات

انا اغسل العبايات واللفات بالغسول الخاص بالعبي اعتقد اسمه صوف لونه ازرق بالايد طبعا

 

[حواء الكون]

مشاركة: ممكن مساعده بنااات

bambena

حبيبتي وين احصل الغسول الخاص بالعبايه حبوبه ؟؟

ومشكوره ياعسل

بنات بليز محتاجه ردودكم الحلووه

 

[حواء الكون]

مشاركة: ممكن مساعده بنااات

وييينكم ؟؟؟

 

[bambena]

مشاركة: ممكن مساعده بنااات

حواء موجود بالجمعيات صوب الداوني واللينور

 

[خبيرة اعشاب]

مشاركة: ممكن مساعده بنااات

اذا عبايه غاليه اوديها للدراي كلين و اذا عاديه ..اغسلها باليد شامير العبايه سوفتي و اخد مال البخور لونه وردي ..بعدين احطها بعلاق الملابس و اخليها تنشف على الحبل و من الافضل ما تنشرينها بالشمس خليها بالظل و اكويها على اخف درجه
اما طريقتي في تعطير الملابس ...اول شي معلقه بالكبت مالي اكياس لافندر شريتهم من الجمعيه 3 يمكن ب 900 او بدينار و الله نسيت ريحتهم وووااووو ..بعدين معلقه وسط الملابس كلينكس راشه عليه قطرات مسك من العربيه صدج روعه ... لا فتحتي الكبت ودج تدشينه و تسكرين عليج ذاخل من حلات الريحه ...و ممكن بعدين اذا تبين توفرين على نفسج لا تبخرتي اخذي المبخر و سكري عليه بالكبت كل ملابسج رح تتبخر ...

 

[حواء الكون]

مشاركة: ممكن مساعده بنااات

مشكورين وااايد بنات وماقصرتوا

بس ياريت من البنات يكتبون لنا اسماء الغسولات الخاصه للعبايه لاني احتاجهم ويعطيكم العافيه

 

[bedour18]

مشاركة: ممكن مساعده بنااات

حبيبتي انا مو حافظة اسم شامبو العباية، بس تلاقينه في الجمعية يم منظفات الملابس و اللي استعمله لونه احمر و عليه صورة وحده متحجبة و لابسة عباية

 

[حواء الكون]

مشاركة: ممكن مساعده بنااات

اي جمعيه احصله عفيه حبوبه

 

[الــشــوق]

مشاركة: ممكن مساعده بنااات

افضل شي الشامبو الاحمر ......

وتحياتي

 

[bedour18]

مشاركة: ممكن مساعده بنااات

انا اشتريه من جمعية الرميثية و بعد لقيت منه في رامز و سيتي سنتر ، انشالله اكون ساعدتج

 

[السفيرة عزيزة]

مشاركة: ممكن مساعده بنااات

حواء الكون
عادي ما اذيتيني
و سوري على التاخير

شوفي
انا ما استعمل شامبو معين

يعني اي شامبو موجود عندج
و اعتقد في نوع خاص حق هالسوالف بالجمعيه

و البخور اعتقد احلى شي الكمبودي
انا احب ريحته

بس انتي تقدرين تحطين النوع اللي تحبينه

و سلامتكم

 

[kwaiteyah100%]

مشاركة: ممكن مساعده بنااات

انا استخدم شامبو اسمه ( اومينو ) صناعة سعودية.....وفيه بعد ( عباية Abaya ) لون العلبة ابيض وغطاها بنفسجي.....اثنينهم روووووووعة.......عن جد زينين ومجربتهم وما استغني عنهم.......تلقينهم بالجمعيات قسم الكومفورت واللينور ومعطرات الملابس...



يلا بااااااااااااااي