السلام عليكم
اختي الجادل الله يشفيج يارب ويساعدج.
انا عندي بنت وحيدة وعمرها 8 سنوات تاكل القلب بيضا وشعرها طويل وسوالفها ماتنسي الكل يموت عليها اللي عنده عيال واللي ماعنده .
وللاسف طلعت بقعة برقبتها من جم شهر تقريبا في عز الصيف والحر وتركتها قلت يمكن من الحر والعرق طلعت هالبقعة لاكن من 3 اسابيع لاحظت بقعة بشعرها بالاصح بجبهتها فاكتشفت انها ثعلبة.وقمت ادور بجسمها عن البقع البيضة لقيت انه منتشر بظهرها وبصدرها.
وطبعا انا اللي غلطانه حيلي باللبس الكشخة والمزلط وبكل مناسبة رازتها.
والناس ماتخاف الله ماتعطي خير صكو هالبنت بالعين ومن يومها الله العالم بحالتي .
موتقولون وراثة لا ماعندنا احد بالعائلة فيه.
ومعروف البهاق اول اسبابه العين .
وديتها لمستشفي القرين التخصصي للجلدية ؛عند دكتور مصري اسمه احمد قالي بكل بروود اللي في شعر بنتك ثعلبة واللي في رقبتها بهاق.
وليه انتي خايفة .
تصدقين حق بقع البهاق عطاني الفاكوورت وتونيك للثعلبة.
رديت للدكتور وقلتلة من صجك دكتور تعطيني الفا كورت للبهاق .
طبعا رد علي بكل برود اعملك ايه بنتك صغيرة وماتتحمل الكرتزيون والكريم ده الكرتزون قليل .
طبعا صكت فيني الدنيا مادري وين اروح قلت اروح لابو حمرة قالو راح يعالجها بالليزر وعلي الفاضي وموزين الليزر. ومامدحة احد بالهمنتدي.
قلت اروح للدكتور موسي جبر نفس الشي بدون نتيجة وحده هني بالمنتدي قالت انه كبر وماقام يركز وكان كتبلها علي دوا وتحاليل بالغلط.
انا عن نفسي ماتهمني الفلوس بس ابي دكتور مجرب ومتاكد منه وماابي اعرض بنتي لليزر والهخرابيط.
خاصة اعرف وحدة واهي تعالج بالليزرعشان البهاق بمستشفي العدان اثر علي عيونها وماتشوف الابالنظارات.
واخر شي طقت ابرة التبيض حق جسمها كله.
بصراحة ماقمت انام الليل .
قمت ادور علاج للبهاق بالطب البديل طبعا كل هدا عن طريق النت ولقيت اعشاب وخلطات بالهبل.
ولقيت وحدة باحدي المنتديات تتكللم عن عشبة الاهليليج الاسود واعتقد انها اماراتية وابوها يعالج هالمرض وحاليا يتعالج منه.
وقالت تاخدين 5 حبات من الاهلليج الاسود وتنقعينهم في بيالة ماء طبعا تنقعيم بالليل لحد الصبح وتشربينهم علي الريج.
طبعا طعمة شديد المروره بس الشكوي لله المضطر .
طبعا انا كنت اشرب الاهليليج مع بنتي عشان اشجعها وتسوي مثلي.
ومن فايدة هدي العشبة تعالج الكبد وتزيل السموم اللي فيها وطبعا البهاق من اسباب ظهوره مشكلة في الكبد.
وتطلع هدي السموم عن طريق اجلكم الله عن طريق الخروج .
صدقوني انه ملين ممتاز عن تجربة.
ثانيا : قمت ادهن البقع البيضا بزيت الزيتون مع حبة البركة وكنت الف المكان اللي دهنتة بشاش لانه الموقع اللي خديت منه الخلطة يقول لازم نلف المكان المدهون وندفية.
ولازم يلبس ملابس ثقيلة ومايتعرض للبرد.
وادا سبح يسبح بسرعة ولايطول .
وفي محظورات للاكل .
طبعا ادا حبيتي تعرفين اكثر في منتدي للمصابين بالبهاق كاتبين تجاربهم مع الدكاتره والعطارين والمطاوعة في علاج البهاق .
حتي العطارين اللي انصبو عليهم في بيع العلاج وباسعار مرتفعة وخيالية.
اسم المنتدي : http://www.vitiligoteam.com/showthread.php?t=1666&page=3
اختي ادري اني طولت عليج بس شسوي لازم اقولج علي اللي سار معاي حتي في عطار امدحوه هني بالمنتدي اسمة ابو خالد اللي في الجهرا.
يقولون عنه انه يعطيج العلاج ويختفي البهاق .
لكن الصدمة انه وبعد فتره يرجع بكثرة فياريت ماتغامرين في نفسج الالمن تتاكدين.
بالنسبه للبقعة اللي في رقبة بنتي تقريبا بدت تختفي لاكن للاسف طلعت بجنبها بقع اكبر .
المهم انا في المنطقة العاشرة وكنت ابي اودي بنتي حق مستشفي اسعد الحمد بس المشكلة يبيلي واسطة ولله الحمد بالعافية حصلت ووديتها امس عند الدكتور فؤاد مصري الجنسية.
طبعا لمن شاف حالتي النفسية انصدم قالي ماينفعش كده ؛كده المرض هيزيد علي بنتج ونص علاج بنتج الحالة النفسية لازم تكون مرتفعة.
ولما شاف رقبة بنتي استغرب قال في تصبغ بالبقع القديمة ازاي من الالفا كورت قلت لا من زيت الزيتون وحبة البركة.
ضحك وقال اقطعي الحاجات دي واستخدمي المراهم دول مرهم : اليكوم
ومرهم : ايديل .
وتعالي لي بعد شهر
هدي القصة بكل مافيها ان شاء الله ماكون لوعت جبدج.
بس اللي ابيج تعرفينه وعن تجربة زيت الزيتون مع حبة البركة راح يصبغ المناطق البيضا.
وعشبة الاهليلج السودا راح تشيل السموم اللي في كبدج .
اتمني يارب اكون افدتج.
حبيبتى انا بنت خالتى حااشهاا واهياا صغيره وتعالجت بكريم وراح والحمدالله
البنيه ام عيال ومافيهاا الا العافيه
انا ماتعالجت عدل ومع الحمل والوالده زاد وايد وتعالجت عند موسى تقريباا راح
نص الافينى بسنه كان يعالجنى باشعة الي فى وكريمات وحبة حديد
حالياا قاعده اتعالج عند بوحمرا عنده احدث جهااز لعلاج البهااق
الاقزيمر وعلى فكره هالجهاز امن حتى عالحوامل مامنه مضره ان شاء الله
والله هذا ثانى شهر شفت النتجة بعيوون الجلد نقط وقاام يتلون وكله صار بيج
على وردى
فنصيحة لوجه الله وديهاا بوحمرا وراح تشووفين النتيجه بعينج شهر بالكثير شهرين
يروح الا فى بنوتج لاانه صغيره ولان الويه والجسم والرقبه اسرع اماكن
استجابة للعلاج
