ممكن رجيم لعشر ايام في رمضان؟! ضروووووري بلييييز

[نفلووو]

السلام عليكم
بدخل بالموضوع ,,
بغيت ياطويلين العمر رجيم حق رمضان
انا سبق وجربت رجيم مال عشر ايام رمضان بس زدت كيييييلووووووو :eh_s(2):
وكذا رجيم اشوفه فييييه وايد اكل اكييد حق كباار ومتان حييل

انا طولي 161 ووزني 54 او 55
وابي وزني يسير 49 او 50
يعني رجيم بو 4 او 5 او 6 كيلوات بليييييييييز طاالبتكم وابي الرد باسرع وقت ماعليكم امر
والله اللي تييبلي الرجيم بدعييلها بصلاتي واللي تامر عليه

بحفظ الرحمن يالغوالي

 

[أحلى عيون]

اختي في قسم الانظمه والتغذيه وايد انظمه للرجيم ياليت تشوفين الي يناسبج


جربي رجيم دشتي مثبت بقسم التغذيه يمكن يفيدج


حياج الله

 

[فجر_الكويت]

ان شاء الله تضعفين بهال10 بصحه وعافيه يارب

انا اسمع وايد عن رجيم التمر والحليب

 

[نفلووو]

السلام عليكم
مشكووووريييين حبايب قلبي انتو
انشالله يارب اظعف وربي تعبت مافي رجيم ينزل وزني وخصوصا انني ماحب الرياضه
انشالله الحين اشوف الرجيمات
الله يوفقكم لما يحب ويرضا ويستجيب لكل دعواتكم

 

[الإسراء]

عليج برجيم التمر واللبن

الفطور :
7 تمرات + 1 كوب لبن

الغبقة :
شوربة أو سلطة

السحور :
7 تمرات + 1 كوب لبن


ملاحظات :
الإكثار من شرب الماء
شرب الشاي بأنواعه والقهوة وبكمية مفتوحه بشرط بدون سكر



وسلامتج تعيشين وتضعفين بصحة وعافية *

 

[.. ღ همس ღ ..]

شيكي على قسم الانظمه والتغذيه

 

[نفلووو]

صبـــاح الورد
مشكوووورة الاسراء فديت قلبج انا انشالله اسويه واظعف
بس بغيت اعرف السلطه او الشوربه كوب كبير والا صغير :$

همــس
انشالله ياروحي لانني مينونه رجيمات ,,ههه,,

بحفظ اللي عينه ماتنام