ممكن خطوات المكتبه بالصف وقصص لخبرة الحاسوب

[midoriheven]

_03BA:ابلات كويتيات.... ياعسل:dddds:
ابله يديدة بحاجه مساعدتكم عندي يوم الاحد مكتبه بالصف وودي اعرف شلون راح تكون خطواتها بالصف وشنو اجهز
واذا عندكم بعد افكار لقصص حق خبرة الحاسوب لا تبخلون علي
انتوا كريمين واحنا نستاهل وماقصرتوا:ggdw:

 

[احساس بنت]

القصه تلقينها بمكتبه السنافر

اما بالنسبه للخطوات اول شي تخلين الصف كأنه مكتبه يعني ترتبين الطاولات وتحطين عليهم القصص

كل طاوله تحطين مجموعه من القصص علشان اصدقاء المكتبه يوزعونها ولا تنسين في طاوله حطي جهاز مسجل مع سماعته وفيه قصه الخبره مع شريطها

هذي بالنسبه للتجهيزات

نجي للخطوات

اول شي تسلمين على الاطفال وتقولين المفروض احنا نكون في المكتبه ولسبب ما (اذكري السبب ) راح تكون مكتبتنا اليوم في الصف

لذلك تم تهيئه الصف ورتبته وخليته مثل مكتبتنا يعني أي كلام بس فهميهم ان الصف صار مكتبه

وبعدين ذكريهم بشروط المكتبه في البدايه انتي علميهم بس مره ثانيه يستحسن انهم هم يقولونها (الهدوء والمحافظه على القصص

وبعدها توزعينهم على الطاولات وبعدين اصدقاء المكتبه يوزعون القصص على كل مجموعه

طبعا طفلين بس افضل او كل طاوله عليها طفل .. طبعا تكونين معلمتهم من قبل انهم اصدقاء المكتبه

ولما يقعدون هم راح يتصفحون القصص عاد انتي لفي على واحد واحد وناقشيه بقصته مناقشه بسيطه يعني سؤال وبعد ما تمرين على الكل

يعني 5 دقايق جذي بعدها تطلبين منهم يبدلون القصص وعطيهم وقت اتوقع 5 دقايق بعد

وبعدها اطلبي منهم انهم يحطون القصص ويتوجهون للمكان اللي بتسردين فيه قصتج

وبعدها تسردين القصه وبعد ما تنتهين تناقشينهم مناقشه بعد بسيطه بالقصه يعني 3 اسئله كافي

مثلا

شرايكم يا حلوين نحط اسم حلو لقصتنا .. من يضع لي اسم للقصه

الثاني : من الشخصيات اللي اعجبتكم في القصه

والثالث عاد فكري فيه انتي لوووول

وبعد ما تنتهين تطلبين من طفل انه يقول قصه طبعا كان المفروض يكون طفل مستعير القصه من قبل بس لانه اول مره اطلبي من أي طفل يسرد أي قصه يعرفها

وبعد ما ينتهي الطفل شجعيه وبعدين قولي منو يبي يستعير قصه علشان يقولها لنا الاسبوع الجاي ان شاء الله

ولما يتبرع طفل عاد سجلي اسمه بسجل الاستعاره هذا لازم يكون عندج ضروري ووصيه يحافظ على القصه

وسلامتج

بس شلون جديده ومخلينج مربيه

صحيح خطوات المكتبه طويله وبتحسين انها صعبه بس انتي قسميها

يعني قولي هي 10 خطوات مثلا

رسمي هالخطه في بالج انها 10 خطوات واتبعي هالخطوات وان شاء الله ما تنسين ولا خطوه والله يوفقج

واتمنى ما نسيت شي

 

[midoriheven]

احساس بنت يزاج اللللللله اللللللف خير ربي يوسع لج مثل ماوسعتي لي ياقلبي مشكورة كنت محتاسه حدي
من قلب مشكووووووووووووووووووووووووووووووووووووورة

 

[معلمة متقاعدة]

حبوبة شوفي مواضيعي

عندي اصدار فيه طرق تقديم اللاصفي بالخطوات