ممكن خبراتكم عن السمج بليز

[دمعه عتاب]

ممكن احد يساعدني
نوع الماي اللي يوظع للسمج
وبعد كم يوم نغيره
وكم مره باليوم نحطله اكل
وجزاكم الله خير

 

[لمسه ابداع]

السلام عليكم

اختي الماي اللي يوض المااي العاادي ..احنا ماينا العادي مو مالح

وبنسبه لتغير الماي يعتمد على حجم الحوض انا الحوض اللي عندي كبير متر ونص اغيره الماي تقريبنا كل 6 اشهور او اكثر ...وعلى حسب اذا توصخ المااي اغيره ...الاحواض الكبيره تجي فيها فلاتر لتنظيف ..
بنسبه للاكل مره وحده بليوووم
اتمنى اني افدتك

ولاتنسيني من دعائك

 

[شوشو الشقيه]

تسلمين اختي
الاخت الي قبلي وضحت ولكن
في عند بائعين السمك نفس دواء عشان يطهر الماء تحطين نفطه واحده في الماء لونه ازرق السائل
اذا عندج في حوض صغير في غرفه طي مرتين او ثلاثه
يعني لا تحطين لهم كل ما رحتي لهم تره يموتون وينتفخ بطونهم
فانتبهي يا اختي
غيري الماء في اليوم مرتين اذا ما فيه جهاز الي ينظف الحوض
ينظف مرتين او اكثر على حسب لون الماء اذا معكر نظفيه
لانه الماء بدون اكسجين صناعي
تره ياخذون الاكسجين من ماء الي تحطينه
فلم ماء يتوسخ ياثر عليهم يموتون
من اختج شوشو الشقيه

 

[نثر الدموع]

بنات ابي اسئلكم..
ماي الي بعد ما يوصخ فيه السمج طاهر؟؟؟

 

[دمعه عتاب]

يعطيكم العافيه على
الردوود
الله يوفقكم دنيا واخره
طيب كيف نعرف الانثى من غيره

 

[نثر الدموع]

؟؟؟

 

[دمعه عتاب]

إجابة - ماء السمك لا ينجس الثياب

ماء السمك لا ينجس الثياب


هل يجوز الصلاة بملابس عليها ماء سمك؟



الفتوى :



الحمد لله والصلاة والسلام على رسول الله وعلى آله وصحبه، أما بعـد:

فلا حرج إن شاء الله تعالى في الصلاة في هذه الملابس، وذلك لأن السمك طاهر، والماء إذا تغير لونه أو طعمه أو ريحه بشيئ طاهر، فهو طاهر، وراجعي للمزيد من الفائدة الفتوى رقم: 5139، والفتوى رقم: 24797.

والله أعلم.



المصدر
اسلام ويب
http://www.islamweb.net/ver2/Fatwa/ShowFatwa.php?lang=A&Id=45002&Option=FatwaId

 

[بنـوتـ ورديـه ــه]

وااااي عاد السمج قسة لا تعطينهم اكل واايد ترا يموتون ومو كل يوم احسن يوم او يومين وترك اكليهم
و السمج انواع احنا سمجنا ياكل بعض فنشتريلهم سمج سغاار من سوق السمج عشان ما يكلون بعض لوول
لان وايد سارت افلام ومطاردات عندنا
وبالنسبة للماي اذا في فلتر زين لا تغييرينه إلا بعد جم شهر لان السمج يطلع بكتيريا بالماي فلا تغييرينه وايد عشان يتكاثرون
وادري قرقت وايد بس انشالله فدتج بشي

 

[ملاك زوجي]

البنات ماقصر و

 

[قـــمـــرهم]

حبيبتي ماعندي فكره بس سمعت انه السمج اذا حطيتيله اكثر من حاجته من الاكل ممكن يمووت

 

[إباء الروح]

شوفي حبيبتي السمك انواع ..افضل شيء تدخلين منتدى خاص بالاسماك وتتعرفين على نوع السمك اللي عندك وتشوفين متطلباته ..الصراحة انا مسجلة في منتديات خصيصا عشان سمكاتي ..بس اخاف ممنوع في المنتدى احط لك اسماء هالمنتديات .
ترى في سمك مسالم وشبه مفترس ومفترس ..وزحمة وووو اشياء كثيرة لازم تدخلين منتدى وتحوسين وبتعرفين كل شيء ان شاء الله تعالى .

 

[دمعه عتاب]

يعطيك العافيه اختي
ماقصرتي:hjy5jewf: