ممكن حل قبل مايخرب بيتي..؟

[عذبة الأوصاف]

شلونكم بنات..
انا بدخل بالموضوع,, زوجي يحب الرزرزة يعني فلوسة تنقط حيل ع الكشخة وهالسوالف وهو حلو يعني أي وحدة ممكن تحط عينها علية وهو عادي يمشي معاها..المشكلة أكثر من مرة اصيد عندة أرقام بنات ويوعدني انة مايكلم خلاص.. وفعلا استمر جذي مدة طوييييلة وعقبها شفت كرت موحق شركتي ولاشركتة..استغربت من وين لة كرت التعبئة هذا وواجهتة وقالي كل شي..المهم رد ووعدني مايكلم مرة رديت البيت ونغزني قلبي وقمت افتش بالأدراج جان ألقى فلاش أول مرة أشوفة استغربت وجودة عند زوجي لان مالة شغل بالفلاشات..حطيتة والا أغاني قلت حرام كلة ظالمتة..نغزني قلبي وقالي فتشي بالملفات داخل وفعلا فتشت بداخل الفلاش والا النفضة اللي بجسمي..أفلام .الفلاش كلة أفلام وانا كنت اقول الرجال شفية مبتعد عني مايجيني الا بالشهر مرة ومرتين ..كان يفرغ بهالأفلام.غير الأفلام ايميلات عندة وبنات ووعدني ماعاد يدخل النت بكبرة لكني ماأصدقة والحين ع أي شي نتهاوش ونكبر السوالف..كلة يبي يطلع للدوانية والدوانية فيها مقلط يعني دوانية صغيرة ثانية يدخلون مثلا اي شخصين بينهم سالفة ويتكلمون ع اللي بالدوانية الكبيرة ولقيت عندة بالأسامي الرقم السري للواير لس..انصدمت وقالي هذي بدوانية ربعي..
قولولي شالحل..انا والله ولله الحمد موناقصني شي حلوة يالله لك الحمد..بس ليش يسوي معاي دذي ليش يكلم ويفرفر بالسيارة صوب السوق ويلاحق بنات..ريحوني انا احبة وأبي عمار بيتي

 

[Vaniela]

لا حولا ولا قوة الا بالله .. الله يعينج ماعرف شرد بس ادعي و كثري من الاستغفار و البنات يفيدونج

 

[ام زهقانه]

الله يهدي لج ذكريه برب وعلاقات المحرمه وان مثل مايطعن بنات الناس راح تجيك بخوات او بنات هذي اعراض ناس وان الله يمهل ولا يهمل ولا تلحقينه بكل شي دايما ذكريه بربه ودعيله الهدايه

 

[ELFAD3Ah]

ماادري والله على قولتج انتي حلوة ومو ناقصج شي ليش يسوي هسوالف ربي يهديه لج

 

[أحبك أمي]

الله يهديه
ويسخره لك يارب

 

[دلــــــــــع!]

مآقدر افدييج انشالله البنات ما يقصرون،،

الله يهديه لج ويسخره ياارب

 

[الجوري 6]

اسمع كلامى قبل لاتنامين كل ليله صلي ركعتين خالصه لوجه الله وفي السجود اطلب الله من كل قلبك وكرري الدعاء انه يسخر لك وان يبعد عنه
بنات الحرام وان يهديه الله وبأذن الله تستجاب دعوتك صدقينى والله المشاكل يلي مثل هذي مالها الاالدعاء

 

[غنج إلعذآرى]

الله يهديه لطريق إلحق ، ويسخره لج ​

 

[LA TROO7]

اختي اسمعيني عدل
زوجج يغازل ويشوف مو لانج ناقصه او موماليه عينه لااااااا

لانه تعود صار بالنسبه له نمط حياااة صعب يتخلص منه


الله يهديه يارب

 

[!! Ba6a 7lwa !!]

الله يعينج يارب ويهديه لج يارب

 

[لبى كلني]

انتي كل ماصليتي ادعي انه يسخره لك
طيب روحي لصالون قصي شعرك غيري من شكلك
حاولي كل شهر تغيرين قص صبغ
كل ويك اند تطلعون مكان مثلااا الحين عطله روحي غيري انتي وياااه سافرو لاتخلينه فاضي للبنات خليه بس لك حاااولي
خليه كل مايدخل مع الباب يتفاجا فيك العبي بنفسك مداام الحمدلله عندكم فلوس
مثل ماقلتلك لاتخلينه فاضي انتي اشغلي كل وقته روحي سافري لو تاخذون عمره وبعد العمره روحي ابهاا الطايف

الله يسخره لك ياااارب

 

[عشق ريلها]

لاتنبشين ورا زوجج عشان ماتندمين انتي عامليه زين وكسري عينه وصدقيني مراح يشوف غيرج عطيه جوه انه اهوه حلو وتغارين عليه وخلج بنفس الوقت عزيزة نفس وخلج حكيمه بختصار اهو ماكلم الا انه في شي ناقص عندج فـ عاد شوفي نفسج عدل ولا تنبشين وراه لانه الزوج مبدع بالاعذار لو مايبي يكلم مراح يكلم واذا يبي يكلم بيكلم انتي بيدج اختياره امشي على مايته وصبري مارده لج ولاتعذبين نفسج وتنبشين وراه ترى انتي الخسرانه ...

 

[MissChoco]

جمالج ماله شغل بهالشي ,,

انتي واجهيه وهدديه وقوليله انتا راح تهدم حياتك بيدك, انتي ابدي اول شي صدي عنه خليه يوولي لا ادقين لا ادزين مسجات, اذا دش البيت لا تقعدين معاه لهي نفسج بشي ثاني ولا تسالينه يعني وجوده وعدم وجوده واحد
راح يحس بهالشي وبيحن عليج ليش صرتي جذي ,,

 

[دفى نجد]

تحبينه طنشي الموضوع

والجئي لربك مايخيبك

أكثرري له الدعاء واستغفري بنية هدايته واستودعيه الله


الله يسخره لك يااارب

 

[اميره1980]

ادعي ربج كل يوم علشان يفكه من بنات ابليس و كثري الاستغفار
روحي معاه للعمره و اذا مو حاج خليروح الحج و اذا رايح خليروح مره ثانية و ان شاء الله ربي يهديه
حاولي انج دايما تطلعين وياه و ما تخلينه يروح هالمجمعات بروحه و ذكريه بربه و ان هالبنات همهم الاول و الاخير جيبه و يبونه يصف عليهم و انج ما ترضين له المذله و المهانة

 

[دودي حبيب الروح]

الله يعينك حبيبتي اغلب المتزوجات يعانون من مشاكل المغازل والعلاقات المحرمه وترى موعيب بالزوجه لان اغلب الشباب والرياييل يحبون هالسوالف الا الي هاديه رب العلمين عليك بالقيام والاستغفار والدعاء لانه لايرد القضاء الا الدعاء وطنشيه هالفتره وبنفس الوقت تدلعي يعني العبي عليه شدي وارخي وعوديه عليك خليه يعتمد عليك ويحتاجك وحاولي انك تعرفين شخصيته اكثريمكن تكتشفين اشياء تساعدك انك تكونين قريبه منه والله يوفقك واسفه على الاطاله

 

[a7la_7b]

الله يعيييييييينج ويهديه

 

[It'S Me]

الله يهديه لج و يسخره
صج مادري شقولج غير الله يعينج

انتي تحبينه ريحي بالج ولا دورين وراه و ادعيله او تكلمي معاه بس بهدوء و فهميه وصليله اللي تحسين فيه يمكن الله يهديه و يحس فيج

 

[!layan!]

انا نفسج وجايه بحط الموضوع ،


المهم انا اليوم عقب ماطلع للدوام ، قلت بشيل زقايره والفواتير اللي دايم يحذفهم عالتواليت

لقيت فاورتين للجمعية ، وهذا كان عندهم عشا الجمعة و راح يجيب اغراض و عااادي مافيها شي
اللي صدمني كرت بـ20 لنفس شركة الاتصالات اللي انا استخدمها بس ما عطاني شي ولا عبالي تلفوني !!!!!!!!

حتى الورقة مالت الرصيد كانت بيوم الخميس ، دقيت عليه توني وقلت له ماعليك امر حول لي رصيد ماعندي ، جان يقول خلاص اذا مرني مال الرصيد بحول لج ، كنت ابي احسسه اني شفت ورقة الرصيد بس سكت

شركته غير عن شركتي ، يااااربي لمنو شاري هالتعبئه ؟؟!:eh_s(10):

شوركم اسأله والا اخليه !؟
انا اشوف لو اخليه بحرق بعمري وانقهر ، عاد فردت الورقة مالت الرصيد وحطيتها مع فاتورة الجمعية عالكومدينه اللي عند راسه عشان لي رجع يشوفهم وبنتبه لردة فعله

 

[الشهد كله]

حبيبتي لا تعورين قلبج وتنبشين وراه وتجسسين عليه ولا تلاحقينه

اللي يبي يسويه يسويه

انتي بيدج حل واحد مافي غيره

إلجئي إلى ربج بالدعاء ثم الدعاء ثم الدعاء

ادعي له بالهداية والصلاح دايماً في صلاتج في قومتج قعدتج بأي حركة تسوينها

اكثري الإستغفار

حتى إذا طالت المدة وما تعدل لا تيئسين من رحمة ربج

كله اختبار وبلاء من رب العالمين

سوي روحج ما تدرين عن خرابيطه وبلاويه

حاولي تشغلينه بأي بشي ولا تخلين عنده وقت فراغ

والله يعينج
وعسى الله يهديه ويصلحه ويثبته :yaaaaaarb::yaaaaaarb::yaaaaaarb:​