ممكن تفيدونى

[دراما]

ممكن تفيدونى بنات منو اتعرف مكتب يجيب سايق مع زوجته

 

[شيــوخه]

والله ماعندي فكره بس انتي جيبي الي عنده فيزا يعني يا السايق يا الحرمه وبعدين خلي السايق يجب زوجته هي اتسوي اوراقها وتجي ومافيها خساره لانه ابتدفعين بس بشخص واحد

ان شاءالله البنات يفيدونج اكثر

 

[شموخ شيوخ]

ما انصحج احنا جربنا سايق وزوجته ولاعة جبودنا منهم من كثر مشاكلهم

 

[كويتية صغيرة]

نصيحة لاتجيبين سايق مع زوجته

اخذيها من مجرب

احنا جربنا

اذا زفيتي الخدامة و خانقتيها على شغلة ...... طنقر زوجها و صار يتأخر على كيفه
و اذا زفيتي السايق و خانقتيه ........ مدت البوز الخدامة و مالها خلق تشتغل
و تروح تدلعه و تطبخله شغلات تطلع عيونك يصيرون ما كأنهم خدم و غير العصاير و الشايات كأنه أمير مو سايق و اهو يتشرط عليها اليوم طبخيلي كذا و كذا و هذا اكله و هذا انا ما اكله مر علينا سايق حتى دقوس ماياكل و اذا ماسوت له مرق مع خضرة كل يوم يصرخ عليها يعنى تصير خدامته مو خدامتك

هذا اذا متراضيين

واذا متزاعلين
فجأة تلقينه طاقها سطار جدامك و كل ساع متكافخين و الا صراخ و نجرة و إزعاجهم كله عندك...... لان عندهم الزوج مثل الامير و المرة اهي اللي تكرف و تصرف عليه و الحالة حالة

يعنى بالحالتين ازعاج مابعده ازعاج