ممكن تستغنين عن زوجج؟؟؟

[ام هيا العلي]

بالعكس زوجي في حياتي له اهميه كبيره ..صحيح انا قبل لاااتزوج كنت اسوق واصرف ع نفسي واطلع بكيفي
وبشور اهلي ومحدن يحاسبني لكن احس شي ناقص بحياتي وجود الرجل بحياة المرأه شي ضروري وخاصه

الرجل الحلال مهب خرابيط عشيق وحبيب..صحيح اصابع اليد مهب سوى والرجال انواع فيه الزين وفيه الشين

وانا احمد الله ع وجود زوجي بحياتي.. جربت انه يغيب عني ايام حسيت بشي ناقص بحياتي غير انه بنته متعلقه فيه وايد

كفايه يحب بيته ويحب بنته ويحبني ..ماانكر مريت في خلافات كثيره واياه ابداية زواجنا لكن هذه تبقى ملح العلاقه الزوجه

بتعدى وبتتنسى ..وبنتعلم من تجاربها..ومافي علاقه زوجيه ماتمر ابمشاكل لكن في النهايه لكل مشكله حل

بالنسبه لي مااقدر استغنى عن زوجي لانه حلالي وشريكي وابو اعيالي وحسه عندي وعند اعياله يسوه الدنيا ومافيها

لكن اذا كان الزوج مهب كفو وغير قادر ع حب زوجته واعياله وتحمل مصاريفهم وحل مشاكلهم هذا مااعتبره زوج

هذا مجرد اسم زوج ..والحمدلله ع كل حال

 

[فروحته]

متفقة مع اميرة بكلمتي

*

ليش استغنى عنه بالعكس احاول اغيره للافضل
ادا ما قدرت ادعيله ان الله يهديه
و ترا الريال حتى لو اسم و لقب مهم بحياتج و حياة عيالج
فكري بالمستقبل ادا كبرو رح يدكرون انه انتي الي هديتي ابوهم
ما رح يقولون لا والله ما كان قايم بواجباتنا
ما كان مجابلنا كله لاهي مع ربعه و سفراتهم و ديوانيته ووو الخ
فكري ان انتي ام ملزومة تهتمين و دارين عيالج
و ان الاب امان اكثر من اهتمام و وجوده فحياة عياله ضروري
و بهالحالة حتى لو قلنا لا كلام الناس هدا بس مبرر
اما احنا من الداخل نبيه نبي نكون تحت ظله ما نستغنى عنه

و الله يهدي كل ريال ما قام ببيته و عياله

 

[3tebeya]

من قالج احنا بالكويت نسوي كل شي !!
مو معناته نسوق ونروح ونرد وقت ما نبي نصير بكيفنا كل شي
تدرين المدارس والمستشفيات وكل شي لازم الاب ... الكماليات احنا نقوم فيها ..




شوفي انا تربيت تحت ايد ريال مافي منه اثنين .. ابوي كان يخلي كلمتي تمشي قبل كلمة اخوي الكبير .. بالعربي اللي براسي يصير يصير .. الوحده من تكمل 20 سنه تبي ريال يدلع يدلل كلام حلو . لا تقولون لي الابو موجود والاخو موجود ونعم فيهم اثنينهم .. بس الزوج غييييييير تعتمدين عليه وتتسندين عليه لج ظهر غير ابوج


الاخوان من يتزوج ينسى حتى امه ويصير ولد مرته .. والريل على ما عودتيه والولد على ما ربيتيه
الحمدالله من فضله ربي رزقني بزوج مثل ابوي باطباعه وتصرفاته .. يحب يسوي كل شي بنفسه .. ابوج بعد عمر طويل بيكبر ويبي من يرعاه واهو انتي .. لازم الوحده تبني لها طوف اساسها صلب ..


الريل حتى لو كان ما منه فايده يبقى اهو امانج والحضن اللي يلم اعيالج عن اي خطر يقربلهم

 

[Miss McDonald]

اصير قويه واغير المسوؤليات مو اطلع بهزيمه