ممكن تستغنين عن زوجج؟؟؟

[اختكم نونا]

تقدرين تستغنين عن زوجج؟

شريك حياتج؟ ممكن مايكون شريك حياتج صح

اذا انتي الي تييبين وتودين وتدفعين وتجابلين اليهال وتدرسينهم
واهوا يا بدوانيه يا طالع يا مسافر ويا ربعه

اذا وجوده وعدمه واحد
ممكن تستغنين عنه؟ وتع

ولا تخافين من كلمه مطلقه؟ حرام ليش تطلقتي؟ تبين تتزوجين مره ثانيه؟؟


حياتنا الحين سهله السياره والفلوس والبيت كله تحت ايدج الريال محرم عندج ابوج اخوانج عيالج

اذا مالج اهل ماتقدرين تستغنين عنه؟

اذا ماتوفقتي بزواجج ؟ تتزوجين مره ثانيه تعيدين نفس عوار الراس؟ تضمنين الثاني بيطلع احسن من الاول؟ يمكن اخس ؟ يكرهج حياتج

ولا انتي انسانه ماتستغنين عن اسم ( زوج ) بحياتج حتى لو مسود عيشتج؟

 

[mnoooll]

والله مدري ايش نبغى بالضبط

الرجال مو رجال اول متكفل كل شي من الالف الى الياء


زمان المره لو زوجها يتزوج عليها عادي عشان كذا قايم بكل واجباتها


الحين الشباب شافوا الحريم مراكض عليهم نبي رضاهم ونحافظ عليهم كانهم ي كافي شي عجيب نخاف نخسره


لو لقوا منا التطنيش والااااا مبالاه ونعيش حياتناااا بطولها وعرضها والزم ماعلينا وناستنا نفسه، بالضبط


تلاقينهم مراكض علينا يخافون نزعل




الحياه معادله اذا تساوت راحت فيها المسأله لازم خبط ولصق لحد ماتنحل ههههه << ابو الوصف


الله يعينا بسسسسسس ويهديهم



اذا المره لها عيال من رجالها افضل شي تبقى وتعيش لعيالها


ومافيه افضل من استخارة رب العالمين هو الواحد الاحد استخيري الله ويحلهااااا من عنده
سواء مع زوجك والا زوج غيره

 

[Royof]

حبيبتي

من وجهة نظري مهما يكون الرجال بزمنا سيء هم المرا بدون رجال ولا شي. مثلن اللي عندها عيال ومرضو بليل منو بيوديهم الطبيب ؟؟؟ لحد يقول لي اخو ولا ابو هم المرا تستصعب انها تطلب منهم يودون عيالها وابوهم عايش بس لما ابوهم يكون موجود معاهم تطلب منه ولا تستصعب الامر .. واجد شغلات تحتاج وجود الزوج
بس اللي ماعندها عيال وزوجها غاثها وكلش ما تستحمل القعده معاه لاسباب قويه مو تافهه ممكن تستغني عنه وترجع لبيت اهلها

 

[يستفزني غلاك]

اذا كل شي ع المره وتودي الجهال و تصرف عالبيت خلاص اكون مستغنيه او اقدر اعيش من غيره
لا طبعا
الزوج كافي ظله كافي اسمه كافي وجوده بحياتج حتى لو كان سيء
له دور كبيررر
لما تشوفين شقه فيها مره و عيالها و شقه المقابلها زوج وزوجه و عيالهم
شنو برايج اكثر امان عايش المطلقه او الزوجه لللي مع زوجها !
شي طبيعي الزوج والزوجه

وجود الرجال كأب او زوج مهم حيل في حياه كل مره مهما كانت قادره تصرف ع نفسها و سيارره و بيت ووووو
ماانقدر نستغنى ..... وهذا رايي ♡♡

 

[دانة_ دبي]

لو كل شي اروح و ارجع و اسوي و اشتري
هو شو بس حق الفراش !!

صنم يعني !!! بس عشان يقولون متزوجة عنهم الناس ما قالوا ما يهموني


عن نفسي مب بطلب الطلاق
بهدده مرة و مرتين نفع وياه نفع

ما نفع بطلق و باخذ نفقتي و نفقة عيالي كاملة مكملة و بربيهم وانا مرتاحة


العيال يوم يكبرون يتذكرون منو اللي اهتم فيهم و منو اللي ما اهتم فيهم
و ترى لو كانوا متعودين ع اهتمام الام بيستغنون عن الاب ... ممكن يحنون بين فترة و الثانية بس كحب اتوقع بيكرهون ابوهم و هو عايش معاهم ف بيت واحد

 

[اميره بكلمتي]

من وجهة نظري الزوج يبقى أضافه بحيات المره بس مو أني خلاص أقدسه وأنسى كل شي راح أعيش حياتي اللي انا عايشتها بيت اهلي طلعاتي زوراتي رفيجاتي واخصص وقت لي بروحي اهتم بنفسي صالون نادي مساج بس بنفس الوقت أكون قايمه بواجبات زوجي كلها

بس اذا زوجي قايم بشغله كامل وبعياله وبيته ليش استغنى عنه

 

[اميره بكلمتي]

من وجهة نظري الزوج يبقى أضافه بحيات المره بس مو أني خلاص أقدسه وأنسى كل شي راح أعيش حياتي اللي انا عايشتها بيت اهلي طلعاتي زوراتي رفيجاتي واخصص وقت لي بروحي اهتم بنفسي صالون نادي مساج بس بنفس الوقت أكون قايمه بواجبات زوجي كلها

بس اذا زوجي قايم بشغله كامل وبعياله وبيته ليش استغنى عنه

 

[cramela]

اعتقد اني اقدر اعيش من غيره واذا اعوذ بالله تطلقت اكيد بتزوج باذن الله غيره ماراح توقف الدنيا علي واحد ياعني وباع العشره

 

[mrs.abk]

حتى لو أنا شايلة كل شيء كلمته الطيبة وهيبته في البيت تسوى وايد .. ما أستغني عن زوجي أبد

 

[أميرة-]

محد كامل والتقصير موجود

بس اذا يحبني ويحترمني مايمد ايده اخلاقه زينه مايشرب ولا يخربط .. فباجي العيوب تعتبر بسيطة والمره تتحمل عشان الحياة تمشي

اكيد كل مره تقدر تعيش بدون زوجها خاصة اذا تسوق وموظفه يعني مو محتاجه احد بس تتوقعين في احد يعوض عيالج عن ابوهم ؟

ما اهدم بيتي واحرم عيالي عشان اسباب سخيفة

 

[نوال88]

كلمته الطيبة وهيبته في البيت تسوى وايد .. ما أستغني عن زوجي أبد هو بس حق الفراش هو مصدر الحنان حبيبي

 

[توتة UAE]

نفس راي دانة دبي تقريبا . . إذا صنم وماخذني كمتعة أكلمه وأحاول أحل الوضع . . إذا ما نفع بتكلم عن الطلاق
والحمد لله إذا تطلقت وأنا المتضررة بحصل نفقات أشيا وايد ولو عندي عيال غصبا عنه بيعطي مصاريفهم وخدامة
وسكن وكل شي . . يعني أطلع من زواج فاشل وأنا ضامنة حياتي تمام وطبعا بزعل من وضعي لكن فترة و
بتعدي . . لأنه أكون زعلانة وأموري تمام عندي كل شي أحسسسن من إني أعيش مهمومة من الطلاق وفوقه
متلعوزة ما عندي خدامة ولا محتاجة فلوس وغيره . .

الريال ما يروم يربي عياله بدون حرمه، لكن الحرمة تروم تربيهم بدون أب و السيدة مريم يابت عيسى بدون
زوج، يعني نحن معظمين سالفة الزوج مع إنه شي من بنات الرسول تطلقوا !! هذا وهم بنات الرسول . . يعني
شي عادي يحصل الطلاق المهم تعيشين مرتاحة . . مب أتم وياه متعذبة عشان الاسم اللي مستانسة عليه
"زوجة" !! هذي مب زوجة هذي مصخرة . . وعادي أتزوج عقبه الحياة حلوة وأهم شي تسألون عن الريال
عدل عددل . .

 

[ملح الكون]

ليش استغني عنه !! اسنعه والله مكلوف فينا مو انا مكلوفه فيه من البدايه عوديه مو كل شي عليج بعدين انتي المسؤوله عنه ...

 

[*Pink Girl*]

والله يا عمري انتم في الكويت الحرمه بيدها كل شي

لكن عندنا في السعوديه ما نسوق والسفر ما تسافر بلحالها الا بكرت اصفر موقع من ولي أمرها

ما نقدر نستغني عن الرجال حتى لو مسودين عيشتنا

 

[*Pink Girl*]

والله يا عمري انتم في الكويت الحرمه بيدها كل شي

لكن عندنا في السعوديه ما نسوق والسفر ما تسافر بلحالها الا بكرت اصفر موقع من ولي أمرها

ما نقدر نستغني عن الرجال حتى لو مسودين عيشتنا

 

[مسـك]

حتى اذا الزوجه استغنت عن وجود الزوج عياله مايستغنون ولاحد يعوضهم غيابه

 

[خابت هقواتي]

امممممممممم ...

احاول اضبط براغيه مره مرتين ثلاث ...

اكثر من جذي ما اقدر ..

اذا ما فاد ... خلاص طاف مع السلامه يابابا .. داشين معركه احنا ؟؟؟

اذا هو ما حس فيني ... شلون يعنيي اناديه اقوله الله يخليك حس فيني وبعيالك ..

والله اذا هو ماعنده مسؤوليه ماينفع باي شي ؟

ليش اقبر روحي معاه ... وخاصه اذا كان مع اهله وبكيفهم ..

هذا شتسوين لاهله .. يمكن تعدلينه اليوم وباجر ينقلب عليج بسبب كلام اهله !

اذا بروحي يمكن اتحمله لاقصى درجه ,

بس بعد لازم ان ابوج عطاج امانه لريال ! .. اذا ماخذ الوضع لعب ووناسه ويودرج معاه ويضيع عمرج بالشقى ..

لا يبا بيت ابوي اصرف لي واعيش معززه مكرمه ,

والله الرياييل ماينعطون ويه ... هالايام صايريين اللهم نفسي ,

مو قبل لا تزوج الواحد يعرف قدر الوحده .. ويحشمها ويحشم اهلها ,

هذا ان خذاها .. تعادى مع اهلها وقلب عليها واربعه وعشرين ساعه يبي يصير احسن منها !

فاهمين الدنيا غلطططططططططط هالشنبات ,

نستغني ... وفلها وربك يحلهااااااااااااا

>>>> ( فيس يغمززززز )

 

[سور المدينه]

اذا كان سيء بدرجه كبيره
استغني عنه واشتري راحتي
اما اذا اخطاء ممكن تتعدل احاول فيه لين يتعدل واطبعه على اللي انا ابيه

 

[هيبة ملك]

اذا. ماعندي عيال. استغنى. عنه. وكنه. الورد

 

[Aloe Vera]

اذا مايصلي و يخربط و يشرب و عنده سفرات و سوالف و مايبي يتعدل من رايي الزوجنة تستغني عنه و جنه العيد