ممكن تساعدوني رايحه عاشر و مادري شسالفه و شسوي

[Sara.zgara]

حيــااتي عـااشر سهـــله مــــااي بس فــيها تراكـــــمي شدي حيـــلج وحاولي تجيــــبين نســـبه
والله يوفقج

انشالله تكون سهله عاد انا سامعه المنهج بيكون يديد و صعب الله يكون بعونا

 

[احساس قباني]

عاااشر بدآيه تحديد المصير ... يعني شدي حيلج درسي اول بأول
انا صج ماكنت ادرس اول بأول بس كنت انتبه بالحصص
بتكلم عن القدرات لان سمعت راح يغيرون المناااهــج
القدرات لاتخافين منه حيل عادي راح يكون لج 6 فرص
3 فرص بالحادي عشر و 3 فرص بالثاني عشر
ربي يوفقج و ان شاء الله البنات مايقصرون معااج ​

 

[مهونه الكويت]

هلا حبيبتي .. :eh_s(7):

شووفي صراحة بالنسبة لعاشر ومناهجنآ صعببة واخيس مرحلة مرت علي مابي اخوفج بس هذا الصج :eh_s(4):
واصعب شي الانقليزيُ :eh_s(2): هذا مسببلي ازمة وآلكل يقول عنه صعب ،، درسي اول بأول وبيصير كل شيء سهل ..
وبالنسبة للرياضياتت رياضيات مالنا سهل بس فيه نسبه صعوبة واختباراتهآ تجي سهله ومباشرة بس الحححل طويل .. انا مادري اذا بيكون مالكم سهل ولاالاا لان مناهجكم بتتغير الا الانقليزي الله يعينكم عليه :rerrerek:

 

[مهونه الكويت]

مواد عاشر فيزيا كيميا احياء انقليزي اسلامية قرآن اجتماعيات حاسوب العاب عربي وبس
وطبعا كلهم مواد اساسية !!! مو لعب ووناسة وضحك لااا

 

[زهرة ووردة]

انا بعد نفسج بس الحمد لله البنات ماقصروا يعطيهم الف عافيه
<<الله يعينا >> واكيييد مردنا بنخلص منها ونروح 11 وبعدين 12 ونخلص
بس لازم ندرس اول باول وماننسا ذكر الله )

 

[el.mlkaa]

قالولج البناااااااات بس سمعي

انتي قلتي انج زينه بالمواد العلميه الي اهم كيميا - رياضيات - فيزيا بس الكيميا شدي فييييييه شوووي ومدامج مو مع الحفض درسي الاجتماعياتتت اول باوووول والاحياءء لأن وايد حفضض

ولاتستهينين بالالعاااااب تتررى يسسقط مو نفس المتوسط ماتلبسين وتنجحين وحتى الحاسسوب

والانقليزي يصف معاهم ترى صعب وبسس درسي عدل وتنجحين انشاالله

 

[كلي عشانة]

عاشر سسسههههلة مايبيلها هل الخوف كلش
بس انتي شدي حيلج وان شاء الله المنهج اليديد
أسهل والله يوفقج يارب واذا تبين اي شي حاضرين
حبيبتي وماراح نقصر معااج ان شاء الله

 

[ألم صمت]

الله يكون في عونج في منهج جديد
لا ماكو امتحااان قدراات

 

[MayOumii~]

عآشر شدي حيلج فيها لان فيها تراكمي
بس هذ مو معناته ان مآكو وناسة ولعب لا بالعكس
لعبي واستآنسي طلعي وكل شي

بس

لا تنسين اتراجعين دروسج وعطينهم حقهم كآملآ مكمل
لآن اذا قصرتي بحق اي مآدة رآح ينزل مستوآج فيها للأسف الله لا يقدره ان شاء الله

ترى عآشر حلووووة وسهلة..الانجليزي مافيه شي صعب غير ان ست بوك كميته كبيرة
يعني لمن تروحين عاشر كل يوم اقري الدرس بدرسه وبتركيز وفهمي الكلمات وترجميهم

وترى صج مآ مر علي منهج حلووو ودروسه حلوة بالانجليزي كثر عاشر
مع ان 11 و 12 ست بوكهم أقل (=


الله يوفقج ان شاء الله

 

[koky alnassar]

واللهي حبيبتي ما فيه قدرات اوك ولا فيه صعوبه و نسبتج بترتفع اذا درستي اول باول
و شوفي المناهج الي يمكن تتغير عربي انجليزي اجتماعيات و اسلاميه و جذيه بس مواد علميه يديده عليج نفس الاحياء و الفيزيا و الكيميا ابصم لج بالعشره مستحيل يتغير لانه بعاشر يعطونج اساسيات مستحيل يتغير لانه مستحيييييييل مستحيل يدرسونج بالفيزيا مثلا عن كيفيه تركيب اجهزه الكهربائيه بدون ما يعطونج الدائره الكهربائيه و مستحيل يعطونج مسائل بدون ما يعلمونج الوحدات الدوليه و الكيميا مستحيل تاخذين معادلات بدون ما تعرفين تكافوء العنصر و رمزه بالصيغه الكيميائيه و اماكن العناصر المناسبه و الاحياء مسسسسسسسسسسسسستحيل مستحيل مستحيل يدرسونج شلون الاعصاب تنقل المؤثرات من و الى بدون ما يعلمونج ان في شي اسمه خليه و في شي اسمه خليه عصبيه من مواد علميه تطمني اما اتوقع يغيرون المواد الباقي الي فيها حفظ اما الرياضيات يسهلونه ولا يصعبونه بكل الاحوال سهل بس الرياضيات بشكل عام يبي له ممارسه و حل مسائل مهما كانت المساله صعبه او سهله

وترا عاشر سهله حيل تحسين وقتج مضغوط بس بنفس الوقت تحسين مرتب يمديج تسوين وايد اشياء و تدرسين كل فصل بروح مو نفس متوسط
متوسط ماده العلوم عادي اييكم اختبار العلوم من فصلين فصل كيميا و فصل احياء الحين لا كل شي بروح فـ سهل حيل حيل حيل و نصيحه اخت درجه القران لا تضيعينا ما يحاسبونج على التلاوه لا تكتبين و حتى مو لازم فتحه و ضمه وكسره و راجعي مراجعه خفيفه على احكام التلاوه لانه ما راح يقولج اقري القران بتلاوه صحيحه لا بيسالج عن احكام تلاوه سهل حييل و كل سوره في جدامها قصه تقرينها و القصه مو لازم تحفظينها تفهمينها لانه تشوق تخليج تندمجين و الله يوفقج ترا حيل حيل حيل سهله عاشر بس مو معناته ما تدرسين لا درسي وانتبهي لانه الكميات ما كانت هينه
و الشي الي ممكن يديد عليج بالعربي بيكون البلاغه عن نفسي اقول لج اهوا سخيف ومليق و املق حصه بتمر عليج و بتحطين راسج عالدرج و تنامين بس دراسته سهله لانه اييبون نفس امثله الكتاب كوبي بيست

 

[still-Dreaming]

راح يعطونج محاضرة يعرفونج فيها ع نظام الثانوية و انتي الله يعينج منهج جديد ...

يعني الكل مايدري شالطبخه حتى الابلات

 

[عادت ذكرياتي]

شدي حيلج وبإذن الله كل شي سهل عليج ///


فرحي أمج وأبوج فيج ^_^

 

[nseet ansak]

والله شوفي انا طلعت من عااشر و حدها سهله !!
انا من البنات اللي مالهم شغل بالدراسه و حمدالله نجحت
بس لازم وقت امتحانات الفاينل شدي حيلج
و ترا صج صج صج سهله ؛p

 

[victoria95]

اكيد الثانوي عالم ثاني وغير
مواد زياده بس اخذيها اللي يدرس اول باول ماراح يواجه صعوبه روحي تقويه او يبي مدرسين
والقدرات ب 11&12

موفقه شدي حيلج

 

[roo7]

يبوووووووووووي


انتي دفعة 97

الله يكووووووووون بعووووووونج ادرسي وشدي حيلج ترا بيغيرون المنههج


الله وياج والله يوفقج

 

[Dwesho]

لاتنسين ان عاشر مطب الثااااانويه
انا حييييل استهنت فيها عبالي متوسط
دامج دشيتي ثااانويه خلاتتااااص الجد بدا
ولازم تنسين كل شي اهم شي دراستج ومستقبلج
الله يوفقج خيتي
والبنات ماشالله عليهم ماقصروا

 

[GoldenBird]

بنات هههههههه خرعتوني الكل يقول دفعة 97 يصعبون شدعوه ترا مو لهذي الدرجة حسيت اني منحوسة يوم اقرا الكلام لووول بس عادي من جد وجد و من زرع حصد يعني اللي يشد حيله من أول شي ما راح يلقا شي صعب و بسس يعني مو لازم تخرعونا جذي خخخخخ

 

[7lawah]

حبيبتي آلبنآت مآ قصروآ ،


و آعطيج نصيحة مني : في مكتبة آسمهآ آلمشآعل و مكتبة ثآنية آسمهآ حنين بـ آبو حليفه ..

عندهم نمآذج آمتحآنآت و بنوك آسئله محلوله حق آلكيميآء و آلفيزيآء و آلآحيآء ..

قبل لآ تدشين آلأمتحآن ضروري عندج نمآذج آمتحآنآت لأن كل سنة تتكرر آلآسئله ،

آمآ بنوك آلآسئله ع حسب مقدرتج .،

و بآلتوووووووووووووفيق "

 

[اينشتاينه]

كوكي + ساره ..

---

ابلتنا الفيزيا اذكر قالت لناا .. ( اللي ماراح تنجح بـ فيزيا عاشر .. تحلم تنجح في السنه اللي وراها لنه بيغيرون المناهج كلبوها .. والفيزيا مال 11 بينزلونه لـ العاشر )
يعني عاشر بيدرسون مال 11 .. لنه هم مدرسينهم الاساسيااات بالصفوف اللي قبل .. لنه مغيرين منهاجهم كلهااا من زمان ..

عالعمووم ... شدي حيلج وانتبهي بدراستج وكل شي بيكون سهل ..

 

[مملوحه ومزيونه]

احس عاشر مو صعبه يعني انقليزي احب الست بوك ماله والعربي نص ونص بالنحوو والاحياء والفيزيا والكيمياء اعشقهم
والرياضيات مادري عنه
بس يعني انا من كنت تاسع كنت بس بوقت الامتحانات ادرس وسبحان الله انجح
هههههه
يعني عادي حبيبتي درسي ولعبي لا تصيرين معقده انتي توكلي على الله ودرسي بأول بأول
انا بروح بعد عاشر الله يعينا بس هذا مو معناتها بخاف يابنت الحلال الحياه تجارب عادي خليج كووول