ممكن تساعدونى بليـــــــــــــــــــز.....

[مدام سارا]

خواتى بنات احلى منتدى انا انشالله بسافر مع زوجى البحرين والخبر تغير جو وكسر روتين تقدرون تقولون واتنمى من الى راحت قبل للبحرين والخبر تقولى اسماء المجمعات الى هناك والفنادق الحلوه النظيفه واهم شى المطاعم لانى اوسوس من الاكل وما اكل اى شى احب اكلى نظيف ولذيذ طبعا
واتمنى تقولى اسم احلى مطعم للموكلات البحريه بلبحرين او الخبر​

 

[english muffin]

المجمعات:
مارينا مول
دانة مول
السيف
العالي (كله ماركات)
مودا مول في الشيراتون (هم كله ماركات)
السيتي سنتر فيه كلشي

مطاعم
اهم شي تروحين مايا كوفي هذا في السيف في التوسعة كلشي فيه على جوكلت يمممم
و اهم شي كافيه ليلو يصير بين السيف والعالي
nu asia صوب العالي اكلات شرق آسيا .. ( اكلات يابانية وهندية وهالسوالف يعني عندهم البرياني وااااااو)
لامارين ( بوفيه اكلات بحرينية)
ميراي ( اكلات بحرية)
فش ماركت ( اكلات بحرية وهالمطعم يصير في منتج البندر)
مونسون ( اكلات صينية و هالسوالف)

انتي روحي العدلية محل المطاعم فيه كله المطاعم الراقية

 

[مدام سارا]

مشكــــــــــــــــوره حياتى تسلمين ............​

 

[KiM]

upppppp

 

[عطورات شرقيه]

رحبا اختي
بما ان انقليش موفن ماقصرت بالبحرين
انا بتكلم عن اختصاصي الخبر
تبين اكل بحري عندنا بالخبر مطعم مرررره مشهور اسمه السنبوك .. بس تراه غالي
يعني فاتورة شخصين عادي جدا تطق 600 ريال لارحتوا له استعدوا للمبلغ بس اكله خياااااال لايعلى عليه
واقري عنه بالمنتديات مشهور مره
وفيه دارين ايضا بحري
كورنيش الخبر تقريبا كله مطاعم
عندك المطاعم الامريكيه مثل تشيليز وفرايديز وهالطخه
وفيه ويسترن لاقونا وفيه جنبه مطعم برازييلي حلووو
وفيه مطعم هندي اسمه بيت التنور خياااااالي
فيه مطعم ايطالي اسمه الجندولا وبالراشد مطعم اسمه بيتزاريا مره لذيذ اكله
طبعا الراشد مليان مطاعم فيه فوق 60 مطعم
بالنسبه للسوق
عندك الراشد والظهران مول والجمعه سنتر وفينيسيا سنتر وشارع السويكت
انتي تبين ايش بالضبط وانا ادلك على الاماكن تامرين امر
يمكن ماارجع للموضوع اذا بغيتي اي شيء لايردك الا كيبوردك وارسلي لي رساله خاصه

 

[عطورات شرقيه]

نسيت اكتب عن الفنادق
فيه الميرديان موقعه حلو على الكورنيش
وفيه الهوليدي ان هاااادي
وكورال انترناشيونال بوسط الخبر
وفيه شقق كثييييره حول الراشد مررره يمدحونها
الموفينبيك توه فاتح فخمم مررره وانيق وبوسط الخبر كل شيء حولك

 

[مدام سارا]

:33_1185028183::33_1185028183:

مشكــــــــــــــــــــــــــوره عطورات شرقيه يسلمووووو حبيتى ماقصرتى يالغاليه .......​

 

[مســـــافره]

والله ما اعرف
بس رحله سعيده وترجعين بالسلامه يارب