ممكن تساعدني خواتي :(

[لوازم العائلة]

رد : ممكن تساعدني خواتي

سمعي كلامه

 

[أنا Top أنا]

رد : ممكن تساعدني خواتي

والله النقاب ستر وطيعي زوجج ولا تعصين امره ما فيها شي ..

ويمكن انج حلوة وزوجج يغار عليج ... مثل سالفه اختي هههههههههه ذكرتيني فيها أول زواجها كانت جايتنا بسيارتها وزوجهت خايف عليها ويمشي وراها والا يلحقها واحد ويتحرش فيها .. ويصفطه زوجها ويطقه طق .. عقبها جا البيت واهو معصب ودم على دشداشته وحالته حاله من الهوشه وبقمة العصبيه يقولها : ماتطلعين من بيت اهلج الا وانتي لابسه نقاب ههههههههه خرب عليهم الطلعه عمى بعينه ..مع انه ولا وحده فينا متنقبه بس الحين لا من تملج الوحده على طول من نفسها تلبس نقاب عشان تتحاشى المشاكل ولكلام الناس !

 

[نواااال]

الستر حبه الله لا تخسرين زوجج علي نقاب اذا اهو معزم وملزم خلاص الشكوي لله مابيدحيله
وعلي فكره انا ماكنت اتوقع في يوم اتنقب سبحان الله لقيت عايلتهم كلها نقاب ولتزام ومابي اسير عكس السير مشيت معا الشي الي اهم متعودين عليه والحمدالله كسبت زوجي

 

[نـــور]

سمعي كلامه مايبيلج الا الستر ويخاف عليج ويبيج بس حقه مو كلمن يخزز فيج

 

[متفائلة2010]

دام ريلج يبيج تنقبين تنقبي

معناته يحبج ويموت فيج ويغار عليج

وبيشوفج بس اهو الحاله مايبي احد يشوفج غيره

لبسي وانا اختج واحمدي ربج على هالنعمة..

 

[متفائلة2010]

لحد يرد عليه بناااااااااااااااااات الحين المشرفات بيفنقرونه..

 

[اميره1980]

صراحة انا ما اضحي على شان ريال ابدا مع اني توني مالجة و زوجي ريال طيب و حبوب لكن ما اخليه يجبرني على شي كلش
احنا عايلتنا ما فيها منقبات ابدا و انا طبعي فري البس جينزات و ميك اب بس متحجبة و لمن خطبني شافني جذي و ما اعترض و لا قالي ما تطلعين بالمكياج لكن اذا طلب مني ما احط ممكن اني اخفف منه شوي لكن يجبرني على شي انا رافضته ما يقدر ما اتنازل علشان ريال ابدااااااااااااااااااااااا
يحكرني و اهوه يطلع يفتر و يستانس خوش و الله ؟؟

 

[*سحآبة*]

رد : ممكن تساعدني خواتي

نقاب عادي .. وين المضره؟

بالعكس احساس حلو لما تشوفينه يغار عليج ..ومايبي احد يشوفج من ربعه يمكن يستحي ...

 

[G!RLooNa]

رد: رد : ممكن تساعدني خواتي

آهلين يا الغلآ
اول شي
مبارك عليج باقي الشهر
بعدين
قال تعالي(يا أيها النبي قل لأزواجك وبناتك ونساءالمؤمنين يدنين عليهن من جلا بيبهن ذلك أدنى أن يعرفن فلايؤذين وكان الله غفور رحيما)
و هذا من القرآن كلام الله تعالى
سواء اقتنعتي او لآ
هذا امر فرض
يعني مثل الـ صلاة و الصوم
المرآة حلاتها بسترها
و الله ما عليج من اهله كلهم
و لا العالم بكبره
باجر انتي بروحج تقابلين ربج
شنو تقولين مو مقتنعة
و الله زوجج كلامه صح
طيعي شوره برمضان الله يزيدج من خيره
و يعوضج خير بالآخرة ان شاء الله
و تقبلي مروري ريوومة​

لا حبيبتي النقاب مو فرض و هذا شي محد يختلف عليه الحجاب اوكي النقاب لا

ووو حق صاحبه الموضوع قوليله انت ما قتلي قبل الزواج انك تبي تنقبني و انا مو متقبله الفكره الحين و حجاب و لبس محتشم كافي مدام خذيتني مثل ما انا يعني كنت راضي فيني جذي !!

 

[أمل الدلوعة]

اختي عليج بطاعت زوجك فالله عز وجل امرنا بالطاعة طالما ليس فيها معصيه وجب علينا فعلها شكرااااااااااااااااااااااااااااااااااااااااااا

 

[مهفهفة]

النقاب موواجب زيادة ستر

الشرع قال : الوجه والكفين واضح النص

وصحيح زوجها طالب منها من باب غيرته وهالشي حلوو ويفرح

وصحيح الي طالبة منها مافيه معصية لربنا

بس ..

انا استغرب من شغلة بالرياييل

لي ييت تخطب تنقى الوحدة الي على مودك

مودك وحدة متنقبة .. يا كثرهم مشالله

مودك محجبة .. هم يا كثرهم

اما انا ماحب الريال الي ياخذ الوحدة علشان يغيرها

ياخذها مو متحجبة تالي يفرض عليها الحجاب ياخذها مومنقبة تالي يفرض عليها النقاب

واهي مثل العضوة تحتار

ما بين النفس وما تشتهي ؟

ومابين طاعة الزوج ؟

النقاب يبيله جهاد ما تصبر عليه الا المقتنعة

والعضوة مو مقتنعة فيه شلون تصبر عليه ؟؟

قوليله انت خذيتني مومنقبة وكان فيه مجال تاخذ منقبة فيه وايد
وقوليله طاعتك واجبة بس انا مومقتعنة فيه ولاني قادرة عليه تبيني البسه مجاملة لك ؟

الله يعينج .. احس جذي قرارات تخصني حتى زوجي الي متدخل

 

[مهفهفة]

قصدي :

حتى " لو " زوجي الي متدخل

 

[Creazy]

لنقاب مو فرض

والنقاب حريه شخصيه ماله حق يتدخل فيها مو غصب قوليله مابي حجاب اوكي اشياء ثانيه لا..

 

[اشتياق]

والله لي حط براسه ينقبج بينقبج غصب

ودام قلتي لا ومو مقتنعه قضبي..!

علمتني رفيجتي اي شي يفرضه ريلج قولي حاضر وعلى امرك بيتفشل وما يصر على رايه

دام قلتي لا عاد تحملي انواع الابتزاز وبتلبسينه تلبسينه..

واكيد حلوه ويغار عليج

يعني شي حلو :fun:

 

[درة أهل الطولات]

رد : ممكن تساعدني خواتي

حاولنا من قبلج محد سمع لنا

لبسيه وارتاحي

 

[*دوسرية عسل*]

رد : ممكن تساعدني خواتي

والله بصرااحه ما ألومج حاولي تقوليله ما اقدر فيني ربو و اختنق عاد انت ما ترضى علي اموووت و قوليله باسلوب هادي و اذا لزم جربي لبسيه جم مره سوي نفسج خلاص راح تختنقيين ماكو الا هالطريقه ..

 

[واقعية حـلـم !]

اذا تحبينه تنازلي علشان خاطره

 

[بومبو بومبو]

توضيح نقطه .. الحجاب قديماً كان يغطي الوجه مو نفس حجاب هالأيام .. وهذي ادله كثيره على وجوب تغطيه الوجه
http://www.islam-qa.com/ar/ref/11774

 

[أنفاسي دخون]

البسيه رضا لربش ولزوجش وهو ما خلاش تلبسينه الا من حبه لش وغيرته عليش وشوي شوي تعودين عليه ونصيحه لا تطالعين غيرش خواتي وخواته لا انحطيتي باللحد بسم الله عليش محد محاسب الا انتي

 

[Do I Care]

رد : ممكن تساعدني خواتي

انا املجه ومو منقبه وكنت ضد النقاب ومع اني اختنق واقول لي تزوجت ما راح اتنقب كلش وماله حق يفرض علي شي ما ابيه ..
بس بصراحه فكرت فيها لو بعد العرس طلب مني اتنقب احتمال اوافق لان راح اكبر بعينه وهم حلو انه يغار علي ..
بالتوفيج