ممكن تساعدني خواتي :(

[qswa]

قوه خواتي شلونكم شخباركم مبارك عليكم الباجي من شهر رمضان وتقبل الله صيامكم وطاعتكم






بنات انا في مشكله ومتضايقه حيييييييييل السالفه ومافيها زوجي يبيني البس النقاب وانا ماحب النقاب واصلا خواتي مالبسووه وخواته اهوو مو لابسينه اشمعنه انا؟؟؟


حاولت اقنعه ماقدرت والحين زعلان علي مايحاجيني واذا طلع معاي عفس ويهه يكرهني بالطلعه كلهاا لحد يقولي البسي النقاب ادري انه لازم اطيع زوجي بس يابنات انا مو مقتنعه فيه ولا احبه كلش وماحب اسوي شي مو مقتنعه فيه عطووني الحل بليزز

 

[qswa]

افا بنات وهذا انا طالبه مساعدتكم

 

[om_dodo]

الحل انج تقنعينة انج ماتبين تلبسينة مو تعاندينة
او انج تلبسينة عشان خاطر عيونة
تعوذى من ابليس ... وعسى الله يوفقج

 

[[ دلوعة زوجهآ ]]

رد : ممكن تساعدني خواتي

آهلين يا الغلآ
اول شي
مبارك عليج باقي الشهر
بعدين
قال تعالي(يا أيها النبي قل لأزواجك وبناتك ونساءالمؤمنين يدنين عليهن من جلا بيبهن ذلك أدنى أن يعرفن فلايؤذين وكان الله غفور رحيما)
و هذا من القرآن كلام الله تعالى
سواء اقتنعتي او لآ
هذا امر فرض
يعني مثل الـ صلاة و الصوم
المرآة حلاتها بسترها
و الله ما عليج من اهله كلهم
و لا العالم بكبره
باجر انتي بروحج تقابلين ربج
شنو تقولين مو مقتنعة
و الله زوجج كلامه صح
طيعي شوره برمضان الله يزيدج من خيره
و يعوضج خير بالآخرة ان شاء الله
و تقبلي مروري ريوومة​

 

[mi corazon]

حبيبتي انتاي الزوجه وانتاي اللي تعرفين نقاط ضعف وقوة زوجج

يعني قعدو قعده رومانسيه وتكلمزا سأليه ليش تبيني أسوي شي ما ابيه؟ آنا احب اغصبك على شي انتا ماتبيه .. وبعدين يابنات اكو شي مهم

الزوج خصوصا بفترة الملجه .. لازم تحسسينه انج قاعده اتضحين وايد علشانه .. يعني لو قالج آنا ماحب تطلعين بدون لاتعلميني .. قوليله مع اني متعوده ما اقول حق احد او بس اني ادز مسج لأمي او اخواني بس بحاول اغير طبعي علشانك

شمعنه اهما يذلونا لو غيروا شي علشانا ؟؟ هم انتاي حسسيه انج غيرتي فيج اشياء وايد علشان عيونه

واللي يزعل مصيره يرضى ماعليج

 

[هيبة ملك]

حاولي تقنعينه

 

[" ميــــــنو "]

ما فيها شي قلبي تنقبي عادي ..

واذا كلش كلش مو مقتنعه سسااحلي او قويله تو الناس خلنا ناجل هالسالفه لي سنه او سنتين وبعدها اتنقب << طبعا بس حجي لووووووولز


والله يوفقج حبيبتي ..

 

[نوفلتي]

جوفي اختي انا شسويت واخليه يسكت ولا يرد يتحجى خخخخخخخخ ،،، زوجي الله يسلمج يصلي لكن في البيت وساعات في المسيد لين ياب لي طاري النقاب اقوله لين جفتك تصلي في المسيد والله راح البسه ويقولي ان شاءالله ،، وبس انا على هالموال ،،لين ياب طاري النقاب اييب له طاري المسيد ووحده بوحده ....

 

[Mini-wife]

اختي والله ماقدر افيدج بشي
بس موضوعج ذكرني بسالفة وحده اعرفها
كانت فري وتزوجت واحد تبارك الله متدين وملتزم
ونقبها بس مو نقاب عادي
لا عباية راس ودس وبوشيه
اصبرت لبنيه جم شهر بعدين الله رزقها وحملت
وقالت له ماقدر البس عباية الراس والبوشيه اووووف متنسية عليها وييع
وتاوع جدامه وتسوي روحها ترجع وانتي بكرامه ليمه خلاها بكيفها ليما ولدت وخلصت وبعدين ردعا على نقاب سير وعباية جتف
لووول
تقلبي مروري

 

[الـــغـــلآ]

رد : ممكن تساعدني خواتي

مادري شوفي انتي زوجج قالج اهون مني انا ابوي خلاني اتنقب بالغصب فجأه نمت قعدت قالي مافي طلعه الا بنقاب وانا بسراحهـ اخاف على ابوي لا يصير فيه شي وسكت وتنقبت والحين والله لو يقولون لي قطي النقاب لو شنوو ما اقطه لان صج عشقته مادري يمكن بس انا اشوف جذي يعني بنات لا تزعلون من اللي بقوله


انا اشووف ان مو كل من هب ودب يشوف وجهي احس اني مثل الجوهره ما اسمح لاحد انه يشوف وجهي وبالعكس الحين مرتاااحه حيل احس ابوي سوا فيني اكبر معروف واحس انه حيييل حيييل يمووت فيني ويحبني ويخاف علي من حتى نظرات الناس


وبس صدقيني انتي بتحبينه بس تعودي عليه شوي عادي انا كنت ما اواطنه

وشوفي ها انتي اغلى من خواته يخاف عليج اكثر منهم استانسي​

 

[تنـــاســـانــي]

ساحليه ،، قنعيه ،، تهاوشي معاه عادي يعني يزعل اليوم و باجر و بعده بس مرده بيرضى ،،

قوليله تلثم و اقعد ساعه باللثمه تتحمل الخنقه ،، مالومج صراحه

 

[مجبورهـٍ آحبـك]

رد : ممكن تساعدني خواتي

سمعي كلامه ....

 

[سواري الليل]

وييييييييييييييييييه

ذكرتيني بسالفتي قبل

انا ماااااااااااااااواطن النقاب خير شر كلش ملش وكنت اقول انا البس نقاب مالكم امل واذا قالي تنقبي بعانده لوووووووول

جت الصجيه وقالي تنقبي وقلتله انا وحده فيني ربو وماتحمل الخنقه (( وانا عند ربي صاجه ماواطن الكتمه ))

ومارضى يطلعني قال كيفج ماتطلعين جذي قلت اذا على المكياج اتغطى بس اذا حطيت مكياج بس روحه مني ومني ماكو مكياج اتنقب لا وهذي حالتي وياه بس ماطولت لانه قالي اهلي كلهم متنقبين خواتي وبنات عمي وجيرانا الا انتي انا مابي ربعي يشوفونج

وبعدين بيتطنزون على اني مورجال لاني مومنقب مرتي (( هذي عقلية زوجي وربعه )) فتنقبت لانه الكل متنقب مع العلم ان اهلي مومتنقبين وابتلشت بهالنقاب وليلحين عايفتع

والله يعينج ياتنقبين وتمشي الامور عادي او تعندين وتكبر السالفه وتصير سيرتج على كل لسان (( هو كل هالسالفه عشان نقاب والله ماعندها سالفه ياصغر عقلها )) هذا تفكير العالم

والله يعينا

 

[اميرة-الاحجار]

قوليله النقاب مو فرض وانتي خذيتني مو منقبه وماقلتلي بتنقبني ..
كيفه يزعل فتره ويطخ

 

[ماريا ابنة الحي]

ليش مكبره الموضوع

الموضوع عاااااااادي

بالعكس مايبي احد يشوفج غيره
وين المشكله


هذا شي بينج وبين زوجج لازم تقعدون مع بعض وتتناقشون بهل موضوع
واضح عليج معنده وراكبه راسج ماتبين
فلازم تقعدون مع بعض وتوصلون لحل

وبس

 

[Miss.6Mo7]

حآولي تقنعينه كثر ماتقدرين

 

[يا عيون سمي]

نصيحه لاتخربين بيتج بيدج سوي اللى يقوله حتى لو مو مقتنعه

انا بنت عمتي تطلقت من هالسالفه عشان ليش ماقالي بالخطبه

 

[جروح الزمن 3]

كلمية اذا ما فاد لبسية شتسوين

 

[Cinderella]

7abebti la tiieen m3ah bsloob al3nad tra y3and akthr atfqi m3ah ench tgrbeen alnqaab chm yoom o golelh bshof etha agdr 3aleeih wla la2 o b3d fatra golela mogadra y7`ngny alnqab


wallah a9ra7a belkuwait lmn alwa7d yroo7 mgm3 ymshon halryayeel o y7`ozozon fi albnat ryaal shkbr 3nda a7fad o yg3d o y7`ozz

ana gbl la a7`th rylee alagnby tqdmly wa7d o galy ybeeny albs 3bait ras o a9r 3la halnq6a o ana rf9`ta bs 3la shan halshy m3a ena 7`osh 9by o mn 3aila zeena bs al7mdllah l2na kel wa7d ya7`th n9eeba aw wa7d ykoon fahm a6ba3a

fenty nfs magtlch lat3andeen o golela bgrbo shofi shi9eer m3ach

o allah ywfgch

 

[t0o0fa]

بالعكس حبيبتي إنتي اذا سمعتي كلامه بتكبرين بعينه

انا بعد مثل الاخت " الغلا " .. ابوي قال ما تدشين الجامعه و كاشفه ويهج

بالبداية رضيت غصبن عني لاني مااحب اكسر كلام ابوي بس بعدين تقبلت هالشي و حبيته

الحين توني مالجه .. ريلي يقولي حتى جدام اخواني مابيج تقطين النقاب و ما يبي اقعد معاهم

بالبداية زعلت شوي قلت شدعوة هذيلا اخوانك يعني مثل اخواني و من هالكلام

بعدها .. كلمني و قنعني انه اخوانه شباب صغار و اني حلوه و يخاف علي و يغار علي

ولما اقتنعت حسيت اني كبرت بعينه وايد اني سمعت كلامه .. حتى انه حب راسي لما قلتله اني موافقه

صدقيني ريلج ما قالج جذي الا لانه يغار عليج .. ما يبي احد يشوفج غيره ..​