ممكن بنات اخذ رايكم بموضوع

[اليزابث]

انا انسانة بسيطة وطيبة مااعرف الغرور بمراهقتي كنت احب الافلام الرومانسية حيل لدرجة اتي اقول متى اتزوج عشان احب زوجي واهتم فيه وادلعه واسوي كل شي يبية تزوجت اول سنة من الزواج كل يوم لبس جديد كل يوم احلى قميص واحلا العطور احطلة بس اكتشفت ان الاشياء هذي ماتهمه لو انام بدراعة عنده عادي لوبشتري اي شي ازين فيه غرفتي من اضات وشموع ومن هاسوالف يقولي اشحقة هذا شيلي هالمصخره دوم يكسربخاطري حتى لمن ارسله مسج حلومايردعلي وقليل ماتصدف ننام بوقت واحدانا انام هويقعدوهوينام وانا اقعد تعبت يابناتمافي رومانسية ابدانسان صخر عطوني حل:eh_s(2):

 

[احلى سماء]

هذا نفس زوووجي

جاف حيل بتعامله معاي

مع ان اسمعه مع ربعه كلامه حلوو ومع اخته وامه

بس انا

جني عدوته

ممنوع ادلعه او اقوله كلااام حلووو يغتر

تدرين شسويت

طااااااااااااااااااااااااااااااااااااااااااااااااااااااااااااااااااااف

باكبر ما عندي

وهو كيفه راح جااا

ما همني اذا بكشخ لنفسي وبس

 

[جود 86]

اغلب الرياييل جذي انتي عوديييه على هالاشياء
ولا تتوقعين الرياييل رومانسيين مثلنا احنا يالحريم
شوي شوي عليه وراح يتعود ويا الوقت
اهم شي انتي لا تصيرين جافه مثله
بالتوفيج

 

[Daleela]

بعد هذا نصيبج شنو تسوين بعد

 

[ميمو نونو]

رد : رد: ممكن بنات اخذ رايكم بموضوع

هذا نفس زوووجي

جاف حيل بتعامله معاي

مع ان اسمعه مع ربعه كلامه حلوو ومع اخته وامه

بس انا

جني عدوته

ممنوع ادلعه او اقوله كلااام حلووو يغتر

تدرين شسويت

طااااااااااااااااااااااااااااااااااااااااااااااااااااااااااااااااااااف

باكبر ما عندي

وهو كيفه راح جااا

ما همني اذا بكشخ لنفسي وبس

ايه والله حبيبتي انتي فتحتي الجرح دايماً تلاقي الرجل كويس مع اهله واصحابه وزمايله بالعمل خاصة الستات ولما يرجع لبيته تلاقيه كانه رجع للقبر ما تلاقي كلمه حلوة ولا اي شئ بس فعلاً الواحده لما تكبر تلاقيه يزحف وراكي زحف​

 

[همسات ليالي]

رد : ممكن بنات اخذ رايكم بموضوع

ههههههههههه حبيبتي هذا ريااااااااااال ستايل قديم


نفس

ريلي موضه السبعينااااااااااااااااااااااااااااااااااات

 

[احلى سماء]

والله موضة السبعينات كانوا حنونيين وطيبين ويفرحون بحريمهم لو تجيب له بس كاسة ماااي

هذاك الجيل النظيف البرئ

 

[حرم_طيار]

رد : ممكن بنات اخذ رايكم بموضوع

الله يهديه لج حبيبتي

حاولي اتغيرين معاة حجزي له شاليه او غرفه بفندق وسوي له جو غييييررر عن كل مرة وان شألله يتغير

 

[أبله كويتيه]

الله يهديه

هذا طبع حاولي تغيرينه

لا تقولين تعبت مابي اكشخ ولا ابي اسوي حركات

سوي الي تبينه والي نفسج فيه حتى لو يكسر فيج

دام هذا طبعج وانتي صح لاتغيرينه

استمري حبيبتي وخلج كشيخه وعلى طول عطور وحركات وحقريه طااف

 

[غنوة ستايل]

خليه شوي شوي يتعود على اسلوبك بس انتي لا تملين استمري على اللي تسوينه

 

[Dancing^Queen]

رد : ممكن بنات اخذ رايكم بموضوع

اهلين اختي

الله يوفقج ويا ريلج ويجعله لكي كما تحبين وتكونين له كما يحب

حبيبتي لاتتضايقين من ريلج
انتي تتصرفين مثل ماتبين ومثل ماتبين منه يتصرف
اهو قاعد يتصرف مثل ماعرف ومثل ما تربا
لكل ريال مفتاح
والرجوله عندنا بالقوه وان مايبين مشاعره
انتي تطلبين منه ان يناقض تربيته

الحين شنسوي؟
تصرفي مثل ماتبينه يكون لج ولاتبخلين عليه بهالحركات
الدنيا انخلقت بسبع ايام مو يوم ولايومين ولاثلاث
كل شي يبله وقت طولي بالج
وخلي هالاشياء دافعها ارضاء نفسسسسسج مو لرده فعله ولاتنطرين مقابل نفسه المهم انتي راضيه انج سويتي جذي وانج عاييشه هالجو ولاتحبطين نفسج
وبنفس الوقت لي تطنز قلبيها غشمره قوليله انا ابي انطق سلف هذا سلفي
وضحكي ولاتنينله ان هالشي جرحج او اثر فيج ترا يصير باب الهروب ماله

وحاولي تعرفين مفتاحه
من تجربه شخصيه والله ريلي كان يقولي ليش تلبسين قمصان نوم خفيفه برد لبسي درينقسوت (احس القديم مال الرياضه بو خطين) والله كنت نفسج
اقول لو البس دراعه مايهمه هذا اللي شدني بموضوعج وترا هم كان يقولي يازين الدراريع ليش ماتصيرين طبيعيه وتلبسين دراعه في البيت (اهني نرد علي عامل التربيه والخبره لان خبرته بالحريم اهي من رباه خالتي الله يحفظها وتربا يشوفها بالبيت شنو لابسه ؟ دراعه "مع ان خالتي عقب ماكبرو عيالها الله يخليهاصارت الامود تلبس ليغنفز وقمصان " فديتها)

شسويت؟
ماعندي ولاااااااااااااادراعه بالبيت ولابجاما الا 2 حق وقت الدوره
كله نفنايف وتنانير
الله يعافي السيل ويكثره
وعلمته ان هذي طبيعتي
وهذا شكلي وهذا ستايلي

وبالمسائل الخاصه بديت اجرب شنو ياثر اكثر
لين طحت بعد سبع سنيييييييييييييييين علي شنو يعجبه متخيله عقب شكثر عمر؟
شي فعلا كنت مالتفتله وايد واهو حيل بسيط

يعني يبلج صبر
طوله بال
ومحاوله لين تعرفين مفتاحه
ولاحياه مع الياس ولاياس مع الحياه

 

[lovely jojo]

الله يعينج هذا طبعه

 

[أم كادي]

كلام دانسينغ عين العقل حمدلله على السلامه لج وحشه وينج غاطه

 

[afesa]

عادي فيه وايد رياييل يسوون روحهم سي السيد ..يطلعون ثقلهم وشخصيتهم على حريمهم ...انتي خليك مثل ما نتي ولبسي اللي تبينه عشان ما يشوف منك الا السنع ...انتي بعد حاولي تلينينه اشوي ساليه ها شرايك بهالشي ؟؟وتدلعي عليه ...غريبين الرياييل والله ما دري شنو نسوي عشان نرضيهم ؟؟؟

 

[احب المنتدى]

رد : ممكن بنات اخذ رايكم بموضوع

الله يهديه لج

 

[انا مو هني]

كثر الدق يفج للحام
شوفي انتي استمري على ما انتي عليه
وتكشخي وتزقرتي وبدعي وفنتقي
واذا حسيتيه ناشف معاج
قوليلا ياحبيبي ويا الغالي انا ترا مابي منك شي غير الكلمه الحلوه انا كل هاذا اسوي عشانك
شبي منك غير التقدير والتشجيع
على الاقل قولي اشهالززين وامدحني
ترا اذا استمريت جذي بحاربك

 

[DooLy88]

ماحب الريال الجاف الله يهديه

 

[فوق الزين]

رد : ممكن بنات اخذ رايكم بموضوع

والله هذول الرياجيل.....اذا كشخنا لهم وخبينا عمرنا عليهم حركات وشموع وافكار ....قالوا شهالمسخره
واذا اهملناهم وعطيناهم طاف ...... قالوا ماتهتمون فينا..... ما ندري شنو نسوي بعمرنا

 

[اشتياق]

اصلا ما يحطم الرومانسيه الا الزواج لووووووووووووووووووول