ممكن انت تغارين اذا وحده حملت !!

[جكورة]

مشاركة: ممكن انت تغارين اذا وحده حملت !!

ههههههههههه واللـــــه فراغـــه باللــه على شنو تغار الوحده من الحامــــــل ( من التعب وإلا النساة وإلا الولاده )..... اللي بيعاند بيعاند روحه مو اللي قدامــــه........

بعدين سوالف الغيرة هذي مرت علي شكثر بس ماأقوووول إلا الحمدلله والشكر....

بس عجبني سالفة الوحده تحمل يوم عرس حماها عشان تسابق مرت حماها ههههههههههههههه......


شمس وقمر الله يعطيج على قد نيتج ويرزقج بالذريـــه الصالـــــــحه.....

 

[ذكريات]

مشاركة: ممكن انت تغارين اذا وحده حملت !!

بصراحة بنات هذولا حدهم اي شي

على بالهم الحمال لعبة مع اني مو مجربة بس احس انه تعب و لوعة جبد افففف و فوق كل هذا مصاريييف

احسن لي اييب على كيفي اخطط بحيث كل ولد ياخذ حقه مو فوق بعض

بس تبون الصج انا لما اكون بالكويت و اسمع ان وحدة حامل على طول اروح داري اصكر الباب و ابجي لين ارتاح

مو لاني حاسدتها لا و الله و انا ابجي اقول الله يسامحها ليش جملت الحين ليش ما نطرت سنة على الاقل

و كل هذا لان امي و ابوي و خالتي ام ريلي و عمي ابو ريلي راح يبدون الحنه و متى نشوف عيالج و كل ما شافوا ياهل بالتلفزيون

اوووووووووووو ذكريات يلا نبي واحد ( مو ريلي كاهو يمي )

و بعد مايراعون اني سويت عملية وطرحت وكنت بروحي بالغربة ما اقدر امشي و لا اتحرك فـ الحين متعقدة من الحمال

تدرون بنات اللي يقهر اكثر مرة بالعيد صار لي تقريبا 8 اشهر طارحه او اكثر شوي والا خالة ابوي تسالني عيل وين ولدج تخيلوااااااااا بنات انا طالعتها منصدمة و الله العظيم مادري شنو صار فيني ماقدرت اتكلم

بس رديت البيت عفست الدنيا مسكينة امي قلتلها يعني تعرفون تقولون حق الكل اني حامل ما تعرفون تقولون لهم اني طرحت (( تحسف على هالكلام ادري انهم كانوا فرحانييين فيني ))

مرات ادق على ريلي ابجي اقوله ذكرني اني لازم احمل لما ايي يقولي ليش مو تقولين تو الناس (( اهوا رايه جذيه بعد )) اقوله بس اييب واحد اقطه على اهلي و اهلك و بس (( مينونة صح عاد يموت على من الضحك عقبها ))

بس لما اروح امريكا اشزيني و لا يهمني محد يحن و لا شي و اللي اعرف انها حامل من اهلي افرح لها من قلبي

و اسفة بنات قرقت وايد بس مو مني و الله

 

[شمس و قمر]

مشاركة: ممكن انت تغارين اذا وحده حملت !!

ذكريات الله يرزقج حبيبتي

انا تعذبت سنييييييييين من هالسالفه

والله لمن تحمل وحده افرحلها واتمنى اصير مثلها.......... يعني غبطه موووووووووووووحسد

بس كله كوووووووم وموقفي مع ام زوجي كوووووم


كنا قاعدين انا وزوجي وهي معانا

جان تقول اختج فلانه الي تزوجت بعدج كم عندها؟؟؟ قلت ولدين
قالت والثانيه الي بعرسج كانت توها عروس؟؟ قلت بنت وولدين
قالت والثالثه الي هم تزوجت وراج؟؟؟ قلت بنتين

قالت ماشالله عليهم تزوجوا وراج وكلهم ترسوا البيت عيال

قلت بس الحمدلله اني اصغر منهم كلهم بالعمر والعمر جدامي

ومع هذا والله ماشلت عليها
ماتنلام تبي تشوف عيال ولدها

وعلى فكره عندها وحده من بناتها ماحملت سبع سنين وبعدين الله رزقها بنتين وولد وهي بالثلاثينات وبعلاج!!

يعني المفروض تحس فيني وتقدر


والحين قلتلها في بطني بنت ............... من لقافتي ههههههههههه

جان تقول بعددددددددددددددددد؟؟؟؟؟

استغفر الله شفيهم البنات؟؟

اول نتمنى ريحة جاهل.......... وبنتي الي ماتت تضايقنا عليها كلناااااااااااااااا

وبنتي نونو هي الي مسويه جو بالبيت ماشالله سوالفها احلى من عيال حمواني

واذا البنت الثالثه نفسها والله ماني عايفه


اقوووووووووووول انطم احسن انا الي حماره اقولهم على كل صغيره وكبيره

 

[sHa6o0ra]

مشاركة: ممكن انت تغارين اذا وحده حملت !!

ذكريات .. انا نفسج لي سافرت انسى الحمال بس ارد الكويت يحسسوني اني الوحيده بالدنيا الي ماعندي عيال
بس نصيحه لاتقولين حق امج والله نفسيتها تتازم وايد .. امي مسكينه كانت تسوي نفسها قويه جدامي بعدين اكتشفت ان يالها انهيار
على هالسبه وحسيت بتانيب ظمير .. حتى قبل جم يوم رحت معاها حق وحده تسوي ككاوات جق مواليد (وانا مادري امي من وين يايبه عنوانها ورقمها)
جان تقول حق امي عندج رقمي ؟ جان امي تقولها عندي اياه من سنين وانا انطر هالمناسبه .. انا يتني البجيه بس سويت نفسي ما اسمع .. ماتوقتها
هامها الموضوع لي هالدرجه



شمس وقمر .. امهات الرياييل مايعجبهم العجب .. الحين لو بتييبين صبي هم بتطلعلج بفنتق غير .. خليها تتكلم من اليوم لي باجر واذا يابتلج طاري بنت وولد
قوليلها الذب الثبت ان الريال اهو المسؤول عشان جذي تلاقين الاخوان الشباب اغلبهم يا اييبون بنات او اغلب صبيان

 

[Dancing^Queen]

مشاركة: ممكن انت تغارين اذا وحده حملت !!

ذكريات الله يرزقج انشاءالله
وماعليج من كلام الغير

قوليلهم انا وريلي ممتفقين اناجل لين يخلص ظروفه وماحب احد يكلمني بهالموضوع عندكم اياه كلموه وخل يطولونه ساعتها
ولاتهتميييييييييييييييييييين
كل تاخيره وفيها خير انشاء الله
مو شطاره ان الواحد يكود عيال
كا ناس عندها سبع وثمان وتسع مكودينهم ولايدرون عنهم مقللين بالشارع وهذا صايع
وهذاك ضايع
والبنت ابيت رفيجاتها لين الساعه 11 بالليل
والام من موجب لي الثاني
مو شطاره التكود
ومو كل من ياااااااااااااااااااااااب عيال صار والد او والده
في شي اسمه شقا وتربيه وهذول برقابنا احنا

استناسي بشبابج حبيبتي وجدامج العمر كله انشاء الله يرزقج علي قد نيتج والحجي طنشيه



شمس وقمر
وشفيهم البنات لاطلع حق ام رلج من الشاشششششششششششششه
قوليلها اللي مسؤول عن جنس الياهل اهو الابو مو الام ولدج مافي مقاقه علي الصبياااان انشاء الله يتشطر ذيك الساعه الله يرزقنا صبيان
هذا اللي نائص !!!!
اللي اييب 3 بنات ويحسن تربيتهم يدخلونه الجنه
سجليلها رحله الجنين وحطيلها المقطع اللي يقولون ان المسؤول عن تحديد جنس الجنين اهو الرجل
حطيه بعينها
هذا بدال لاتقول يالله تمام الخلق والخلقه





شطوره الله يسهل عليج ولادتج ويجعله من الذريه الصالحه امين

 

[طير الحب]

مشاركة: ممكن انت تغارين اذا وحده حملت !!

اوشال هو حاله خاصه اللى تتاخر بالحما اكيد تشوف غيرها وودها تجرب الحمال بس مو غيره

ذكريات الله يعينج ... والصبر زين

شمس قطى الكلام ورا ظهرج دايما

كوين رياييلنا كل شى مو زين يكون من المره والله لو هو متعلم واحسن زمانه المخ مقطن بالتفاهات

 

[brettey]

مشاركة: ممكن انت تغارين اذا وحده حملت !!

عيا انا بضحكم بقولكم سالفتي انا في وحده تصير لي تزوجت وانا تزوجت عقبها بشهرين بس الله كتب اني احمل قبلها اهي يوم الشهر الثاني من حملها قالت انها حامل ووقتها انا كنت حامل وانا ماقلت الا وانا بالشهر الرابع ويوم سألتها اشلونج مع الحمل جان تقول والله الحمدلله افتكيت من النساه بس انتي اشلونج مع النساه جان اقولها لا انا خلصت جان تقول لي انتي متى تولدين جان اقولها انا اولد اول شهر ثلاثه طبعا ماتت من القهر اشكره تقول اشلون يعني انتي حملتي قبلي ؟ انتي باي شهر ؟ جان اقولها انا بالخامس جان اسألها متى تولدين انشالله جان تقول والله الدكتور قالي نص شهر ثلاثه وطبعا الحمدلله انا ولدت في تاريخ 6 /3/2002 ويبت ولد وهي ولدت بنص شهر اربعه والجذابه تقول لي نص شهر ثلاثه هذا واهي ما كلت من شهرها ويابت بنيه وعقبها بفتره يمكن بعشر شهور انا حملت وما علمت الا يوم وصلت الشهر الثالث وطبعا مثل ما توقعت انها راح تحمل فعلا حملت وراي عقب ما سمعت اني حامل انا ولدت شهر تسعه وهم يبت ولد وهي ولدت شهر واحد عقبي ويابت بعد بنت طبعا كلهم نعمه بنت ولا ولد بس اهي تبي الولد والله يرزقها بس ليش الغيره عاد خواتي وامي يقولون لي مره ثانيه اذا حملتي ماراح انقوا الا اذا بين بطني خل نشوف شبتسوي وانا طبيعتي بطني ما يبين عدل الا بالسادس طبعا احنا قاعدين نضحك على هالسالفه والله هالناس بس حسد وغيره

 

[طير الحب]

مشاركة: ممكن انت تغارين اذا وحده حملت !!

وهى شكو فيخ توامج اعوذ بالله بسهم مراقب هالناس

 

[ذكريات]

مشاركة: ممكن انت تغارين اذا وحده حملت !!

الله يعطيكم العافية بنات صج كلامكم يريح

 

[brownness]

مشاركة: ممكن انت تغارين اذا وحده حملت !!

ذكريات الله يرزقج بالذرية الصالحة انشالله شوفي اذا احد قالج قولي الي الله كاتبة بصير وكل شي بيد الله وبس لاتزيدين ولا تعيدين وفكي عمرج انا جذي من اول ماتزوجت ولي مدة سنة وشي ماكنت ابي كنت اقولهم جذي ماكنت اقولهم مابي عشان الحنة

 

[bnt_kwt]

مشاركة: ممكن انت تغارين اذا وحده حملت !!

لاوالله عاااااااااااااااااادي

شوفي بطه مع اني متزوجه من 6 سنين الحمدلله
والله ما رزقني بالذريه لي الحين هم بعد الحمدلله على كل حال
بس عمري ما احتريت من اي وحده تحمل
ويييييييي اشكثر مشالله اللي احملوا ويابوا يهال مع انهم متزوجين عقبي
هذي كتبت رب العالمين والله بيده كل شي

صج اني كل يوم بالليل ما انام الا ودموعي بعيني بس بعد الحمدلله
والله يتمم على كل حامل ويسهل عليها ولادتها ويعينها بثقلها يارب
وهذي دعواتي للكل

 

[ذكريات]

مشاركة: ممكن انت تغارين اذا وحده حملت !!

براونيز

بس اول ما تزوجت صح كنت اقولهم تو الناس

و الحين انا كله اقولهم الله كريم ان شا الله

عاد امس كنا بالسوق امي شافت لعبة بنات اللي تكون عروسة مع الدراي مالها يهبل

جان تقول يلا ييبولنا بنت خل نشتري (( بس يعني جنها مو مسوية شي قالتها بصيغة الجمع حقي انا و اختي مع ان اختي مو متزوجة ))

عاد قلتلها ما عندي مانع تشترينها حق بنتي من الحين و الله يما عادي

و بس ماحطيت ببالي

 

[Raveena]

مشاركة: ممكن انت تغارين اذا وحده حملت !!

الغيرة وصلت بالحمال


وااااااااي الحمدالله ما صادفني ناس من هالنوعية


تقلدج لما تحملين ههههه شنو اهو سباق


الحمال مو لعبة كله تعب و نساة و لوعة جبد

 

[Raveena]

مشاركة: ممكن انت تغارين اذا وحده حملت !!

انا من تزوجت ما صار لي 6 اشهر خالتي قالت لي يالله متى تحملين روحي عالجي

ههههههههه مع ان مافيني شي امي و مرت عمي قالو لي شنو تروحين ماعليج من خالتج تو الناس انتي توج متزوجة


الحين الحمدالله حملت بعد سنتين ولدي عمر سنة و 9 اشهر و الحين حامل

 

[mooomooo]

مشاركة: ممكن انت تغارين اذا وحده حملت !!

والله في وفي وفي وفي وفي


خخخخخخخخخ


اسئل مجرب


بس خلوني ساكته احسن

 

[elreem]

مشاركة: ممكن انت تغارين اذا وحده حملت !!

لحمد والشكر والله لا يبلانا

 

[mooomooo]

مشاركة: ممكن انت تغارين اذا وحده حملت !!

انزين بنات سؤاااااااال


انا اخواني صغار ... اذا تزوجوا ان شاء الله واذا حملوا حريمهم معقوله اغار واحمل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الله يكملني ابعقلي ان شاء الله ولا اين واستخف واسوي حركات مالها داعي

 

[جكورة]

مشاركة: ممكن انت تغارين اذا وحده حملت !!

ذكريات يالغاليـــه مالج شغل بكلامهم صدقيني لما تحملين وتجربين النساة والولادة والتربيه محد راح ينفعج هم راح يستانسون يوم أو يومين بعدين عادي يطخووووون.....

والله بنت عمي كانت ماتجيب عيال من الله قعدت سبع سنوات وبعد هالسبع سنوات حملت بتوأم بنت وولد وبعده على طووول ولد وبعدين بنت شفتي شلون الله يرزق من غير حساب .....

توكلوا يابنات على الله والله بيرزقكم من رزقـــــه ولاتنسون النفسيه تلعب دوووووور لاتحاتون ولاشئ إنسي كل الكلام مادام أزواجكم الحمدلله الله مسخرهم لكم خلاص الدنيا كلها طاف ........

 

[سارا ديور]

مشاركة: ممكن انت تغارين اذا وحده حملت !!

لا يمكن أغار لأن الله سبحانه وتعالى له

حكمه في كل شي .. وإذا أراد أحمل أو ما أحمل

كل شي بيده سبحانه ...

بس أما وحده أحس كان بتقطعها الغيره لما حملت وعرفت إن إللي فيني

ولد ... لأن إهيا عندها بس بنات .. ولما حملت هم يابت بنت ليدرجه كانت

تسألني شنو سويتي علشان تييبين ولد

الحمد لله والشكر ماتدري إن الله يهب لمن يشاء .. ذكورا .. ويهب من يشاء إناثا

 

[طير الحب]

مشاركة: ممكن انت تغارين اذا وحده حملت !!

بنت الكويت وذكريات الله يغطيكم على قد نيتكم والله يرزقكم الذريه الصالحه

سارا حلوه هذه اشسويتى .. قوليلها السوات سوات رب العالمين

مومو ... يمكن اتسوينها ليش لا يدرين الغيره سبايب


6 تشهر وعالجى لو 6 سنين كانت زوجت ريلج