ممكن انت تغارين اذا وحده حملت !!

[طير الحب]

والله اعرف وحده ما همها الا تسال عنى كل احد فلانه ما حملت واذا شافتنى الله يالاسئله ...واشكره قالتعا ريلها يقولها فلانه حامل حملى .......انت شكو فين ....

وايد اعرف من تسمه ان فلانه حامل ثانى يوم هى حامل قطيعه من الغيره ...

فى احد يحس ولا صارله نفس الشى

حتى امى حمات ثانى شهر خالتى وعمتى حمل مع انهن كبار وامى حمات بالغلط بس الغيرع سبايب

 

[sHa6o0ra]

مشاركة: ممكن انت تغارين اذا وحده حملت !!

مرت حماي نفس الشي

حملت جان تحمل (معنها جريب 40 سنه)
بعدين انا جهضت اهيا ولدت بالسلامه
الحين انا رديت حملت جان ترد تحمل معنه بنتها بالشهور وعندها قبلها كبار بس غيره اعوذبالله منها

الحين لو بييب 10 ورا بعض راح تييب اهيا عشره غير الجيش الي عندها

 

[New Mum]

مشاركة: ممكن انت تغارين اذا وحده حملت !!

لول من صجكم !!
الله يعافيهم ولا يبلينا

 

[مي الحلوة]

مشاركة: ممكن انت تغارين اذا وحده حملت !!

بصراااحة انا مستحيل اني اغير من وحدة حامل..
لان الحمل تعب ونسااا ولوعه جبد غير الولادة وما ادراك ما الولادة..
والنفاس اللى تتعبين فيه ويحوشج اكتئاب..عشان جذيه لما ابي احمل افكر
مليون مرة ومو كل ما حملت وحدة حملت ..بس بصرااحة حريم اخواني
ما شاء الله عليهم ما يمديهم يدرون ان وحدة احملت الا كلهم حملووو
صج غيرة..ما ادري يمكن يستانسووون بالحمال....ههههههههه

 

[زيـنـه]

مشاركة: ممكن انت تغارين اذا وحده حملت !!

اكو ناس جذي ؟!

الحمدلله و الشكر ..

الحمال نعمة من رب العالمين ..و العيال هم نعمه من رب العالمين .. و اللي الله كاتبه لي او لغيري هو اللي بيصير .. هذه قناعه و لازم الوحده يكون عقلها كبير و تفهم هالامور .. و الحمدلله على نعمة العقل

بس خوش موضوع بطه .و الله يهون عليج

 

[سحيله_الحلوه]

مشاركة: ممكن انت تغارين اذا وحده حملت !!

لووووول من صجكم !!

يحليلهم

 

[طير الحب]

مشاركة: ممكن انت تغارين اذا وحده حملت !!

والله فى ناس شذيه لا بعد حتى لو انها نفاس بس تخلص وراه على طول

الله يكافينا الشر

 

[شمس و قمر]

مشاركة: ممكن انت تغارين اذا وحده حملت !!

ههههههههههههههههههه

ودي اعرف ليه الحريم بالموضوع هذا بالذات يغارون؟؟؟؟؟؟؟؟؟

يوم كنت عروس
مرت حماي تسابقني تبي تحمل وهي بنتها توها مامشت

الكلام الي بالنص مسحته اخاف احد يحسبني اتشمت

الله يعطي الانسان على نياته

 

[sHa6o0ra]

مشاركة: ممكن انت تغارين اذا وحده حملت !!

وريايييلهم عز الطلب ؟ مايقول لأ ؟

استغفر الله ناس فاضين

 

[Dancing^Queen]

مشاركة: ممكن انت تغارين اذا وحده حملت !!

والله ان سمعت عن وحده حامل سيدا افرح لها وادعيلها
واللي تتاخر بحملها اتحاشا اسولف جدامها عن اليهال او الحمل او عن هالمواضيع وعمري ماقلت حق احد ها يالله في شي متا ما متا وهالسوالف
حتا لما اكون قاعده بمكان واسمعهم يقولون فلانه حامل مارح ابارك لها احس اني طاقه ويهي شلاله وجني اتصيد اخبارها واعاملها عادي لين تقولي انا حامل ذيك الساعه اقولها مبروك

 

[brownness]

مشاركة: ممكن انت تغارين اذا وحده حملت !!

اي في ناس جذي في ناس مع خواتهم اذا اختها احملت اهي تحمل ههههههههه الحمدالله والشكر

 

[أمواج البحر]

مشاركة: ممكن انت تغارين اذا وحده حملت !!

انا اللي معاي بالدوام جذي

لما دروا اني حامل كلهم راحوا و قرروا انهم يحملون

والحين يحليلهم سبع حريم حوامل مسئولي يقولي كله منج ههههههههههه

الحمدلله والشكر حتى بالحمل غيره

وحتى حماتي لما درت اني حامل روحي و حملي مع انه بناتها صغار و مسكينه طيحت

و عقبها بشهرين تقريبا حملت على طووول مع ان الدكتور منبه عليها انا ما تحمل الا بعد خمس اشهر

لانها اتعبت لكن شتقولون الغيرة سبايب

ما اقول الا الحمدلله والشكر

وبالنسبة لي لا والله ما اغار ولا شي والحمدلله ربي رازقني بفضله مع ان حملي صعب شوي لكن ما

اغار

 

[طير الحب]

مشاركة: ممكن انت تغارين اذا وحده حملت !!

الحمد لله والشكر يعنى اشوه مو بس انا صايرلى هالشى

لا عاد هذه اول ما تشوفينى ما حملتى متى ...؟؟ الخ

مره دقت على وكان صالها اشهر ما دقت والله

على طول اشلونج ؟ شخبارج؟ ما حماتى

 

[شمس و قمر]

مشاركة: ممكن انت تغارين اذا وحده حملت !!

تصدقون مرت حماي توها من اسبوعين تعرف اني حامل!!!

هم طلعوا في بيت جديد بروحهم يعني مومع حمولتي

ومن كثر ماحمولتي منغثين منها ماقالولها!!

شافتني بحفله في بيت حمولتي


جان تقولي انتي حاااااااااااااامل؟؟؟؟؟؟؟؟؟؟؟؟؟؟؟؟؟؟؟؟؟؟

وجهها تصفق وقام يقط الوان!!

قلتلها ايه الحمدلله

وبعدها بسبوع جاتنا زواره

وجدام اهل زوجي قالتلي كلمه جرحتني

قالتلي كالعاده اكيد بتلقيح صناعي!!!!!!!!!!!!!!!!!!!!!!!!!!!!

قلتلها الحمدلله هالمره الله فتح علي وحملت من غير علاج............ وانا صاجه

ودي اعرف شفيها علي؟؟؟ مع ان الفرق بيني وبينها يمكن عشر سنين او اكثر

 

[طير الحب]

مشاركة: ممكن انت تغارين اذا وحده حملت !!

شمس .. الله يكافيج شرها كنت قوليلها صناعى طبيعى الحمل لله المهم حملت

ياربى على هالناس بس يراقبون الاوادم

 

[شمس و قمر]

مشاركة: ممكن انت تغارين اذا وحده حملت !!

انا خفت من ردة فعلها يوم شافت بطني

وامها بعد ياااااااااااااو والله بغت تاكلني بعيونها... وجدام الحريم كلللللللللللهم تقول هاااااااااه فيه شي هنيه!! وتاشر على بطني

يعني ياحريم شوفوا تراهم خاشين علينا................. على فكره هي خالة زوجي يعني اخت امه



والله العالم اني ماخشيت على احد
حتى خوات زوجي مايقولولي الا اذا وصلوا الرابع ولا السادس..... قلتلهم من حللت اني حامل مع اني ماخذه عليهم
الوحده بالرابع تقول توني محلله امس!!!!!!!!!!!!

 

[قلب امي]

مشاركة: ممكن انت تغارين اذا وحده حملت !!

السلام عليكم انا اذا شفت الحامل اقول في نفسي الله يهون عليها ان نشاء الله بس اذكر التعب والسهر واذا تعبو والله شقى الله يصبر كل حامل

 

[زيـنـه]

مشاركة: ممكن انت تغارين اذا وحده حملت !!

شمس الله يكافيج شر مرت حماج و امها .. دايما اقري المعوذات و صج ما تستحي مرت حماج يوم قالت كلمتها جدام حمولتج .. حلات من راد عليها و امدبها ..

عموما .

اكو ناس مالهم هم الا مطالع الناس و قالوها .. من راقب الناس مات هما .. خل يموتون بالهم طول ما اهما يطالعون غيرهم .

 

[طير الحب]

مشاركة: ممكن انت تغارين اذا وحده حملت !!

شمس اللع يعطيج على قد نيتج

بنت الملك والله الحمال ثقل وتعب بس بالغيره حلو

زينه ايه والله

 

[لمسة فن]

مشاركة: ممكن انت تغارين اذا وحده حملت !!

بصراحة أتعجب من هالنوعية من الحريم .... بدال ما تشكر ربها على عطيته
وتدعي حق كل حامل بالخير تقوم تغار منها أو تتطنز عليها يا سبحان الله
أنا ما أسميها غيرة ، أسميها حسد والعياذ بالله ...
الله يهديهم بس ويكافينا شرهم .... ويهون على كل حامل ويرزقها الذرية الصالحة

مشكورة يا بطة ... وعسى الله يهون عليك