الله كريم
واكيد الطلاق مو نهاية العالم
ولا راح يغير مني شي ولا ينقصني انا اظل انا والحياة مو بس زواج وطلاق ولا هو عيب الحمدلله الطلاق حلال الله محله
اللي يحبني او مرافجني فلازم يكون لذاتي ولشخصيتي
احنا في زمن قل فيه الرجال الحقيقين وحتى المحامين والقضاة يشوفون بحالات الطلاق اغلب الخمال على الرجال
جيل ما يبي المسؤوليه ومو فاهم شنو يعني زواج ولا الزوجه عارف لها قدر
والمراه المطلقه بهالوقت انسانه عندها كرامه وما يزيدها الطلاق الا كرامه
اختارت انها تكسب نفسها وكرامتها وما تنذل ورفضت ذل الرجل واهانته واختارت القرار الصعب اللي مو كل مراه فيها القوه والجراة اللي تختاره اللي هو الانفصال او الطلاق عقب ما جربت كل الطرق لاصلاح الامور وانه مركب الزواج يمشي بس الايد الوحده ما تصفق والحياة الزوجيه مشاركه واحترام
وبالنسبه للناس اللي تسمعني كلام ماله داعي ولا مناسبه ويغثني
فهذولا ناس مثل ما ردت علي صاحبة الموضوع انكشفوا على حقيقتهم
الصديق وقت الضيق
بس الظاهر ناس هالوقت مصالح وبس وان شافوا على رفيجهم ابتلاء ابتعدوا عنه او تشمتوا فيه
الحين الناس صار فيها الخير قليل لان القلوب ما عادت صافيه ولا النيات
الحسد زاد والنحاسه زادت والغيره
هو سبحانك ياربي ما ينفع الانسان الا نفسه
لو يحتاج ما يضمن الناس تساعده
يرفع نفسه عن الناس حتى الشكوة يخليها لربه احسن من الصديق والرفيق والقريب اللي قلبه مو على قلبك يا هالانسان
حبيبتي انا معاج بكل كلمه قلتيها
صح جيل هالايام مو قد المسؤليه و لا قد الزواج
و اكبر دليل حالات الطلاق بالمحاكم اكثر من حالات الزواج
ربي ييسر لج امرج و يعوضج احسن من اللي راح
و بقولج كلمه حبيبتي
بالنسبه للي يسمعونج كلمه مني و مناك بكل مناسبه
احتسبي المج و همج و ضيقتج عند رب العالمين
و تاكدي ان رب العالمين ما راح يضيع عصره قلبج و قهرج
و ثقي برب العالمين انه ما بعده عنج الا لخير لج انشالله
و عن كلمتج الايد الوحده ما تصفق
صاااااااااجه و انا معاج فيها
شفايده التقدير و الاهتمام و التضحيات
اذا الطرف المقابل اناني همه نفسه ياخذ ولا يعطي
هذي صارت جحيم مووووو حياه
احسن قرار اتخذتيه الطلاق دام انه مو كفو انه يتحمل مسؤليه
ربي يعوضج من عنده بجاه حبيبه المصطفى محمد
خلي الناس تقول اللي تقوله
و خلي رب العالمين بين عيونج
و خلج واثقه ان ربي خاش لج الاحسن
و انه بيعوضج بالاحسن
و انشالله قريب عاجل بتتذكرين كلامي و تضحكين علي المج و حسرتج الحين
بتتحسفين علي كل لحظه الم و دمعه نزلت
لان مخ الانسان محدود ما يفكر برحمه رب العالمين
ربج احن عليج من امج
تتوقعين بيخليج تتالمين
هذا اختبار حبيبتي
و ربي بيشوف صبرج و قوه ايمانج و تحملج
و انشالله انج قد هالاختبار
و احب اهديج هالحكمه
تذكريها داااااااايم
كن مؤدبا فى حُزنك ،، أنيقا فى ألمك وحامدا في دمعتك ،، فالحزن كما الفرح ،، هدية رب العباد ،، سيمكثُ قليلاً وَ يعود لربّه حاملاً معه تفاصيل زيارته !
عليج بالصبر حبيبتي
و بشرررر الصابرين
صبرج بحد ذاته تؤجرين عليه
لا تيأس أبداً ... فمن يخرج الحي من الميت والميت من الحي قادر على إخراج امنياتك من حلم إلى واقع
ربي يحفظج و يعوضج كل خير
