ممكن أكون حامل ؟؟؟

[يآسمينه]

مساكم الله بكل خير كويتيااات

بنات أنا أول مره تتأخر علي الدوره جذي

آخر مره جتني تاريخ 19 سبتمبر

المفروض تجيني 19 اكتوبر وما شوف شي لحد الحين

بس الغريب إني بتاريخ 13 اكتوبر حسيت بشوي عوار وانها بتجيني و نزلت علي نقطة دم بس

فأنا عشان اعجل إنها تجيني قمت اشرب دارسين ولا فاد !

اليوم سويت تحليل حمل منزلي و النتيجه سلبيه يعني مو حامل !!

فأنا ببالي سؤال : هل ممكن إن أكون حامل بالبدايه و التحليل المنزلي ما بين فيه عشان توه الحمل وإلا شلون ؟

و شتنصحوني فيه ؟؟

و مشكورين مقدما ً ​

 

[أم فرووووحه]

بعد عمري جنج انا بالضبط ومنزله موضوع قبل جم يوم - الله يجبر بخاطرنا انشالله

وما بيدي غير اقول الله يرزقج ويرزقني ويرزق الجميع بالذريه الصالحه عاجل غير اجل يا كريم

*

 

[مابين بعينكك]

ان شاءالله حامل انتي وياها
انا لمن حملت نزلت علي بس نقطه مو حمره حمره لا فاتحه شوي قبل الدوره تقريبا" بعشر ايام
ويارب تبشرونا عن قريب

 

[أم فرووووحه]

مشكور ما بين بعينك عالدعوه بس ما ظنيت انا اخر دوره ٢٣ سبتمبر

يعني لازم يبين بالتحليل بس يالله خيره انشالله

 

[أأأميرة الورد]

الله يرزقكم بالحمل ياااارب

 

[حبيبي عبووودي]

مو شرط وغلط انج تشربين اشياء خارة يمكن حامل
انا اقول اقطعي الشك باليقين وروحي سوي تحليل هرموني ويبين لج

 

[اخت خالتهم]

حبيبتي يمكن حملتي بآآخر الشهر لما نزلت منج نقطة دم يمكن كانت هذي بدايتها
انا اختي جذي نزلت منها نقطة دم و عبالها الدورة بس نطرت ما نزلت حللت هرموني بين حامل

و عندج انا ما نزل مني دم كللش
يعني كل وحده تفرق

 

[ام الحلوااات]

حـــلللــــــي هــــرمــــونــــــي يــبــيـــــن مــــعـــــــــااااج
واللــــــــــــه يـــرزق الــــذريـــه الـــصـــااالــحـــــــــه​

 

[auoma]

حللي هرموني وبشرينا ناطرنيج
الله يرزقج قريبا عاجلاً وليس اجلاً

 

["Om 3AzOoZ"]

انا مع البنات حللي هرموني لانه تحليل البول عزكم الله ما يبين الا بعد 15 يوم من الحمل يعني بعد سبوعين لانه هرمون الحمل ماراح يبين فيه لانه الجسم يفرزه بعد اسبوعين من اخصاب البويضه عشان جذي ما يصيده الا الهرموني انا اول ما حللت تحليل عادي مابين طلع سلبي لانه الدوره ماكانت متأخره بس كنت حاسه اني حامل رحت مختبر وكنت بحلل هرموني الي بالمختبر قالي نصيحه ماراح يبين معاج الا بعد ما تتأخر عليج الدوره عالاقل يومين وفعلا بعد ما تأخرت علي الدوره بيومين ثلاث حللت في البيت وطلعت حامل الحمد الله وان شاء الله الفال لكم يارب وكل محرووووم اللهم امين.*

 

[ام عثومي]

حللي دم وتاكدي والله يرزق كل محروم

 

[marshmelo0o]

حللي هرموني وانشاء الله حامل

 

[كلي شوق وحنين]

ان شاءالله تكونين حامل
ربي يكتبلج كل خير

 

[أ.بيشو]

حبيبتي انا يومين نزل علي نقط دم وحللت طلعت حامل الحمدلله

نطري جم يوم بعدين حللي

وصراحه عندج التحليل الرقمي اللي من الصيدليه عجييب

يبين الحمل قبل حتي موعد الدوره

انتي احتياط نطري اسبوع وحللي وبشرينا انتي وام فروحه

 

[يآسمينه]

مشكورين حبيباتي على ردودكم و دعواتكم

البارحه رحت المستشفى و سويت تحليل دم

طلعت مو حامل

عيل شسبب تأخير الدوره ؟! اول مره تتأخر علي جذي

و مو حاسه إنها بتجيني قريب !!

خوفي إنها ما تنتظم عندي و يصعب الحمل ​

 

[يا عيون سمي]

حبيبتي غلطانه. انتي شلون تحكمين مو حامل ادق تحليل اهو تحليل الدم ليش ما سويتي اما تحليل المنزلي مو دقيق ناس يبين معاهم وناس لا فلا مره ثانيه احسن شي تتاكدين بالدم
دام الحين مو حاملناكدتي معنه تحليل الدم العادي مو دقيق اذا كان. حمل متاخر ادق الهرموني يعلمج اذا في نسبه صغيره من احمل حتي لو كان الحمل توه قبل 4ايام صار عرفتي.

روحي عند دكتوره تشوف هرمونات اكيييد متلخبطه

 

[يآسمينه]

^
^
^

قصدج ما يبين على طول بتحليل الدم ؟

يعني في إحتمال أكون حامل وما مبين للحين ؟​

 

[أم فرووووحه]

ياسمينا سوي مثلي انسيها خلاص علشان تنزل وما تتاخر زياده مو من صالحج

الحين متاخره تقريبا اسبوعين او اكثر ما يصير ما يبين

وقلنا التحليل المنزلي ما يبين بس انتي سويتي دم ما اعتقد ما يبين والمده كافيه انه يبين

خيره انشالله

انا بعد للحين ما نزلت وكلش مو حاسه فيها عواراتها كلها راحت واهي للحين ما شرفت اول مره يصير لي جذي*

 

[يآسمينه]

ام فروووحه

انا و انتي مثل الحاله

الظاهر من المحاتاة تأخرت عندنا !​

 

[Habibat Abooha]

ميخالف حبيبتي ردي سوي تحليل هرموني وان شاء الله تكونين حامل