مليون سؤال براسي عن التخصصات .. بلييز فيدوني

[.حــنــان.]

السلام علييييييييييكم


بنات عندي مليون سؤال عن التخصصات

طبعا انا ب علمي 12و محتاره وين ادخل ووين اروح وين اولي

وكذا تخصص و كليه تطرا ببالي

يعني مرات اقول ودي بعلوم اداريه

بعدين نطيت قلت لا ابي اداب مالي خلق عوار الراس و الدراسه الصعبه

بعدين قلت لا حرام انا علمي ادخل اداب ليش خل اروح كليه البنات تخصصاتها حلوه و زينه

بعدين فكرت بكليه البنات ان دراستها صعبه وانا مالي خلق الشي الصعب اناااااا ابي شي سهل

جان اقكر بالتطبيقي اخذ لي اي تخصص علمي وخلاااااااص

امبيييييييه امبييه والله دخت مادري وين اروووح

بنات بلييز ابي تخصص حق علمي يكون سهل يعني يبيله دراسه بس مو الي صعب صعب مووت

و ابي اعرف اكثر عن كليه البنات شلون دراستها يقولون صعبه حيل صج ؟؟
وشلون العلوم الاداريه .. ابيكم تتكلمون عن هالتخصصات :eh_s(7):

وبس ان شالله القا الاجابه الي تفيدني و مشكورين مقدما

 

[غلا،،]

اذا انتي عندج مليون سؤال انا عندي مليار سؤال ههههههههههههههههههههههه
ان شاءالله يفيدونج ويفيدونا معاج

موفقه

 

[ReDLOve]

العلوم الاداريه فيييها تخصصات و حطي ابالج كلشي بالدراسه يصير سهل حرام انتى علمي تعبي 4 سنين او 5 وتطيييير بسرعه والله بقولج عن تخصصين

محاسبه : يبييييله درااااسه بس مستقبللللللللله وااااااااااااو
اداره اعمال : حلووو و هم مستقبله حلووو

لو تدشين الهندسه بـ الخالديه احسن كوادر المهندسين كل مالهم و بالعلااالي

او تخصص صيدله حلوو البنات وايد يدشووونه

او طب بس صعب و مدته اطول

يعنى بالنهااايه انتى علميي حررررااام تعفسين رووحج تحملي 4 سنين و تخلصييين حرااام

بالتوفيييق حبي

 

[بنتmbc1]

up

up

up

up

 

[الليدي ديانا]

شوفي انتي شنو تحبين و دخلي .. حتى لو كان صعب بكون بالنسبه لج سهل لانج تحبينه

موفقه

 

[عيون منوعه]

آنا ما عندي فكرة عن التخصصات !
بس حبيبتي حطي قاعده في بالج ان مآكو شي صعب كل شي بالدراسه يمشي
و ان شاءالله سهالات و الله يوفقج =)
​

 

[.حــنــان.]

فديتكم بنات مشكورين

 

[*THBANH*]

اب

اب

اب

لعيووونج

 

[غموض البحار]

عندج كليه التربيه الاساسيه بس لازم تكونين حابه التدريس وتوصيل المعلومه
دراستها حلوه وسهله
ووايد بنات كانوا بلجامعه حولوا عندنا لان نفس الشهاده بكلريوس ​

 

[a7la_frawla]

كلية البنات سهله بس كلها بالانجليزي رحنالها مره وصج سهله بس قالو الدراسه كلها بالانجليزي
علوم ادارية سهل عندج
هندسه اذا حابته بيصيرلج سهل

يعني باختصار الشي اللي انتي حابته وتبين توصلينله والله بيكون سهل وراح توصلينله
الله يوفقج حبيبتي

 

[بدلية]

ماعندي فكرة للاسف عن هالتخصصات

بس اختي واخوي داشين علوم ادارية ويقولون انها سهلة

لاتخافين من الصعوبة

اهم شي فكري بنوع الدراسة والوظيفة الي تتمنينها

وخلي اخر همج الصعوبة

 

[D.manoor]

شوفي حبيبتي الجامعه كلها يبيلها دراسه و اغلب دراستها بالانجليزي
لا ضيعين مستقبلج على كلام لايودي ولالا ييب
اهم شيء خخطي عدل وشنو المجال اللي انتي تحبينه لان حتى لو صعب راح تبدعين فيه
والعلوم الاداريه من احسن الكليات
حتى الهندسه بس اما انج تروحين كليه الاداب اللي دراستها تلوع الجبد والوضع هناك مع احترامي للكل اقل من الادب ومسخره
واعفن كليه بالجامعه كلها سوري لاحد يزعل بس هذا الصج
وحطي ببالج انه اهم شبء تكونين مقدمه قدرات لان في 4 كليات بالجامعة تبي معدل مكافئ
والله يوفقج اذا تبين اي شيء انا اعرف بهالسوالف
واذا بغيتي ادخلي منتدى طلبه وطالبات جامعة الكويت
راح يفيدونج وااايد
والله يوفقج

 

[D.manoor]

عندج كليه التربيه الاساسيه بس لازم تكونين حابه التدريس وتوصيل المعلومه

دراستها حلوه وسهله

ووايد بنات كانوا بلجامعه حولوا عندنا لان نفس الشهاده بكلريوس ​

انا اللي اعرفه انه في فرق حتى بعدين بالوظيفه في فرق حتى بالمعاش والامتيازات
والله يوفق الجميع
بس اذا هيه يايبه نسبه والله حرام تدخل تربيه اساسيه تروح كليه التربيه اللي بالجامعه احسن
وتقبلوا مروري

 

[ReDLOve]

لااااااااا حرااااام تدشيين تربيه اساسيه او كليه البنااااات حساااااافه عليج انتي اقل شي

يا محااسبه

مهندسه

صيدليه

تعبتي بالثنوية لا تخربييييين عمرج قلتج هال 3 كلهم كوااااادر و كافي المسمى الوظيفيي القوي ديري بااالج كلها جم سنه و تطييييييييير ما تحسيييييين فييييها​

 

[منار البربرية]

وعندج موقع الجامعة يفيدج

كلية الشريعه مثلا http://sharia.kuniv.edu.kw/
وعندج هذا الرابط يفيدج ويعرف لج كل كلية او ضغطي على كليات الجامعه من الصورة اللي انا حاطتها لج
http://reg.kuniv.edu.kw/

• الصفحة الرئيسية
• كليات الجامعة
• التقويم الجامعي
• القبول الجامعي
• إدارات العمادة
• عن العمادة
• English

 

[.حــنــان.]

منووور انا كله اقدم على قدرات و اسقط شسوي
اختي تقولي اخذي تمهيدي
باجر بروح اقدم و باخذ دورات و بشوف عاد ان شالله انجح مليت كله اسقط
ومشكورين حبايبي فديتكم والله

 

[.حــنــان.]

شفت هالكلام من منتدى ثاني و وايد شجعني عن تخصص المحاسبه
بذات لما قال ان اسهل من رياضيات الثنويه

حياك الله بو سعد .. منور

1- أي تخصص يحتاج دراسة .. وتخصص المحاسبة مرغوب جدا بكل القطاعات وتلقى وظايف بالكيلو ..! والتخصص ليس صعب وانما سهل جدا اذا درست قليلا .. وحضرت المحاضرات .. لكن اذا ما تحضر ولا تدرس شلون تبي تنجح ؟​

2- اهي فيها رياضيات وحسابات بس مو نفس رياضيات الثنوية المعقد وانما سهل جدا عبارة عن جمع وطرح وقسمة فقط والحفظ فيها بسيط جدا .. التخصص يعتمد على الفهم ..​

3- الدكاترة ماعليك منهم .. بكل مكان في الشين والزين ..!​

4- الامتحانات في موضوعي وفي مقالي ..​

مافيها دبسة وانا اخوك .. واذا تبي امور تعريفية عن المحاسبة تعرفك شنو المحاسبة حاضر .. عشان تعرف شلون الدراسة والطريقة ..​

وملاحظة مهمة جدا لا تسمع من الناس الفاشلة اللي تقول المحاسبة صعبة وكل التخصصات صعبة .. ترى مافي شي صعب اذا تدرس .. وقلت لك المحاسبة يبيلها دراسة قليلة جدا .. كل اسبوعين تدرس لك بو ساعة ونص وراح تجيب امتياز مو بس تنجح ..!​

وموفق خير .. وحياتك اشطة ..!​

​

​

​