مليت يا بنات والله راح اموت من قهر ساعدوني قبل لا يصير فيني شي

[افنان الفيلجاوي]

السلام عليكم ورحمه الله وبركاتة

شلونكم يا بنات

عندي مشكلة وربي موعارفة شنو اسوي احترت حيييل

وانا طالبه بكلية الطب

واحب واحد غير كويتي (( بدون )) وصارلي معاها 3 سنوات خوش واحد حبوب ونعم فيه

وكل مايتقدم لي واحد أرفض تقدم لي المهندس والمحامي ورفضت قلبي يبيه

وأدري لو تقدم حق أهلي احتمال يرفضون عشانة انة غير كويتي بس انا ابية وهمن قلبي يبيه

وماني عارفة شنو اسوي وشنو اقول حق أهلي عشان اخذة ؟؟؟؟؟؟؟؟؟

عفيه ساعدوني بنات والله تعبانة حدي وأهلي يقولون ليش ترفضين اقول مانبي توني صغيره

شنو اسوي وشنو اقول حق اهلي عشان اقنعهم

 

[Cander]

اللي يبيج يحاول المستحيل عشان ياخذج

ما بيدي الا الدعاء لج

الله يوفقج

 

[حرم يوسف بيك]

رد : مليت يا بنات والله راح اموت من قهر ساعدوني قبل لا يصير فيني شي

خليه يتقدملج وشوفي ردت فعل اهلج وبعدين فكري شنو تسوين اذا مارضوا واذا الريال خليجي وولد ناس وماعليه قاصر ان شالله اهلج يوافقون عليه

 

[اشواق2010]

رد : مليت يا بنات والله راح اموت من قهر ساعدوني قبل لا يصير فيني شي

بلاحب بلا خرابيط اتركيه عنج شتبين فيه اهم شي مصلحتج ودراستج وهذا دام انه مو كويتي اكيد حياتي وعاداته غيرر عنج
اسفه اذا اتكلمت معااج بهطريقه لكني انصحج من قلب ومابي يجي يوم تندمين فيه اللحين الحب ماخذج بس بعدين لي كبرررتي شووي افكارج رراح تتغيررر

 

[الاسرةالمسلمة]

رد : مليت يا بنات والله راح اموت من قهر ساعدوني قبل لا يصير فيني شي

استخيري ربنا و أدعي يارب لو كان خير ليه اجعله من نصيبي و الله ما بيكتب غير الخير سلمي امرك لله هو أعلم بمصلحتك منك و من أهلك توكلي على الله

 

[DốǾốDї]

امبيه من صجج

ان شالله ما احب واحد مو من جنسيتي

باااجر بتتعبين وااااااااااايد لا تفكرين بقلبج فكري بعقلج واستخيري

لا تحرين اهلج بهالسالفه وتقصين ويهم

وحلات الثوب رقعته منه وفيه

 

[كسر.قلبي.زماني.]

رد : مليت يا بنات والله راح اموت من قهر ساعدوني قبل لا يصير فيني شي

استخيري


وكلشي بالدعاء يصير

 

[افنان الفيلجاوي]

رد : مليت يا بنات والله راح اموت من قهر ساعدوني قبل لا يصير فيني شي

هذا احنا عيبنا نعيب على غيرنا حلاته من توبج نعيييب على غيرنا وما نشوف نفسها عشان جذي دول الأوروبيه متقدمه علينا

اهو شي غير كويتي مو خليجي اهو بدون وعايش بالكويت من زمان وطالب ويدرس

واخت الي تقول عاداته غير لا عاداتنا نفسنا وكلشي نفسنا بس الدنيا الي خلته جذي

واخت يعني لازم احب واحد من جنسيتي خو اكثرهم موزيييينييين بس هذا الي طلع زين

 

[افنان الفيلجاوي]

رد : مليت يا بنات والله راح اموت من قهر ساعدوني قبل لا يصير فيني شي

وعلى فكره الولد مو عشان اني كويتي يبيني انا عارفته عدل

وعارفه شنو اهو وشنو اهله

بس اذا قلبي وعقلي يبونه شنو اسوي ؟؟؟

 

[nony moon]

رد : مليت يا بنات والله راح اموت من قهر ساعدوني قبل لا يصير فيني شي

واللهـــ...يا حبيبتيـــ....هو مافي فرق ــــبين الاجناســـ يعني كويتيــ...او سعوديـــ ...الخـــ...اهمـــ شيء الاخلاقــــ لا فرق بين عربي ولا اعجمي الا بتقوىـــ....يعني استخيريـــ...وخلي اتقدم عند اهلتجــ...شوفي ايش راح اقولوآآآ....واللهــ ارزقكـــ بالزوج الصالحـــ...

 

[لؤلؤية]

رد : مليت يا بنات والله راح اموت من قهر ساعدوني قبل لا يصير فيني شي

والله ياقلبي
انا باقولج رايي...وترا انتي كبر بناتي

فكري عددددل وراجعي نفسج 20 الف مرة
ترا الحب مايدوووم..وياكثر الكويتيات اللي تزوجوا كويتيين عن حب وندموا
هالدور مو كويتي...ليش اش حادج؟؟؟!!!!!
مواصفاتج زينة...ويطمع فيها اي واحد
ترا اغلب الغير كويتيين يدورون الكويتيات عشان يضمنون استقرارهم وعيشتهم بالكويت
راح تندمين كثر شعر راسج...وبتظلمين نفسج وتظلمين عيالج بعد
بس عفب ما يصير الندم ما ينفع...وتطير الطيور بارزاقها
الحين انتي ما تميزيين الامور عدل...لانه توج صغيرة
ترا الحياة مو بس حب...اغلبنا تزوجنا بدون حب...والحمدلله امورنا زينة
باجر تعرفين معنى كلامي
ليش تبين الشقى لعمرج..؟؟؟؟
مواصفاتج كلمن يتمناها..ومو قاصرج شي
اخذي اي واحد يتوافق معاج ومع الاهل...وسئلوا عنه عددل
كويتي يخاف ربه فيج ولد حمولة وتفكيره وشهادته يناسبون شهادتج..واستخيري اكثر من مرة
وتوكلي على ربج ولا تترددين

هذا رايي لج ولكل بنت

 

[pure.soul]

حبيبتي انتي قاعده تفكرين بقلبج مو بعقلج !!
حتا لو حبيتيه ومتي فيه انتي فكري بالمستقبل فكري بمصير عيالج ؟ تبينهم يعانون نفس معاناة أبوهم ؟ راضيه تشوفينهم يتبهذلون جدام عيونج ؟
انتي قاعده تفكرين بقلبج وحبج له وبس !! بس بهالطريقة انتي بتجرمين بحق عيااالج اللي ممكن بتصرف منج ما يتعرضون حق الشي هذا كله ..
انا وحده من اهلي متزوجه مو كويتي بس مو بدون وعندهم جنسية و عيالها متبهذلين لا هم ماخذين من عوايدنا ولا هم على عوايد اهل ديرتهم من خلافات امهم و ابوهم و متشتتين و تعالي شوفي شخصياتهم تكسر الخاطر كل واحد في نقص و بالع همه و ساكت ..

انتي حسبالج لا خذيتيه بتنحل المشكلة ؟ لا بالعكس حبيبتي انتي غلطانه انتي بتبنيين مشاكل اكثر و بتعقدين المسأله اكثر و بتيين اهني الله لا يقوله و كل يوم بتكتبين لنا مشكلة واحد من عيالج ، حبيبتي الواحد يفكر لي البعيده و يوزن الأمور في عقله مو كل شي ناخذه بقلبنا و عواطفنا و نقنع نفسنا انه احنا الصح

 

[انوار87]

النصيب نصيب اذا الله كاتبه لج اهلج بيرضون
بس حبيبتي ساعات لازم نخلي عقلنا يختار مو قلبنا
انتي الحين تحبينه وطايره فيه بس قبل لاتتخذين هالقرار لازم تروحين وتسالين حريم كويتيات متزوجين بدون
حرام اهما مافيهم شي ما اعيب عليهم بس بصراحه باجر عيالج راح يتمرمطوون. احنا جارتنا كويتيه وعيالها بدون
يكسرون الخاطر خوش ناس بس شغل مايعطونهم و رياييل صكوا ال30 مو متزوجين

 

[غربــــة اِحساس]

الله يهديج ويشغلج بالخير

خل يتقدم رسمي والكلمة الاخيرة لاهلك اهم الادرى بمصلحتج

انتى ماخذتج العاطفة وحكمج بيكون مشوش



اقولج ليش حاطة اسمج الصجي واسم كليتج؟؟؟

حبوبة الديرة صغيرة وكل من يعرف الثاني والستر مطلوب ..

غيري النك وحذفي الموضوع

لو مو خوفي عليج مانبهتج

موفقة ..

 

[انوار87]

حبيبتي لاتفكرين بنفسج الحيين فكري لي بعد 20 سنه شنو بيصير والله موقصدي بس باجر راح تتحسفين
انا اقول هالشي لاني اشوف كل يوم بعيني

على طاري الاسم انا ادرس بالطب و اسمج كلش غريب ومو مار علي من قبل الا اذا كنتي دفعه سنه اولى او ثانيه

 

[الصبر_وياك]

فكري بعقلج مو بعاطفتج..لو اهو كويتي وبكلية الطب وانتي بدون توقعين بيطالع فيج والا يفكر ياخذج صدقيني ماتوقع وانتي كيفج لاتصيرين انانيه وفكري بمستقبل عيالج باجر..لاتزعلين هذا الصج

 

[منيرة خالد]

نصيحه ابتعدي عنه

فكري بعيالج باجر شنو جنسيتهم وليش تمرمرينهم !!!!؟؟؟ لا تصيرين انانيه وتفكرين بس بنفسج


اوزني الامور عدل وين بيشتغل ومن وين بيعيشج وحال البدون كل يوم غير عن الثاني

 

[عــاشــقــه]

إللي يحب مآ يشوف عيوب حبيبه

بآجر ليه تقدملج وتزوجتوآ ويبتوآ عيآل مآ فكرتي شنو بيكون مصير عيآلج ... رآح يتبهدلون لأن آبوهم مو كويتي رآح ينحرمون من كل حقوقهم

مشكلتج تفكرين بس ألحين مآ فكرتي بآلمستقبل شنو رآح يصير ...؟!

ومثل مآ قآلوآ آلبنآت آهم يدورون على آلكويتيه عشآن آلفلوس وآلإستقرآر وآلجنسسيه

دري بآلج وفكري عدل آهلج يبون مصلحتج ولهم نظرهـ بعيدهـ

 

[لؤلؤية]

رد : مليت يا بنات والله راح اموت من قهر ساعدوني قبل لا يصير فيني شي

صاجين البنات
لازم تشوفين كويتيات متزوجين بدون وتسألينهم
اذا تحسفوا والا لا....
مشاعر الحب اللي تحسين فيها الحين بتروووح بعد الزواج بفترة
وبعدين تبدين تتعايشين مع الوضع ويبدا الحب يخف شوي شوي...وتبقى العشرة والمعاملة والاحترام

وانا قلبي عليج يا حبيبتي
وللعلم اعرف كويتيات متزوجات بدون
والله انهم يعانووون
وحده فيهم كانت تبشرنا انه عيالها الحين يتعاملون معاملة الكويتيين
والثانية ولدها كبر وصار ريال...ويبي مرة...ومو اي وحدة تقبل بدوون
واهي تقاتل عشان تلقى له كويتية عشان تضمن مستقبل ولدها
وحتى بنتها كانت حرييييصة انها تزوجها كويتي...عشان ماتتعب البنت بحياتها

هذا اللي في بالي ولا تزعلين مني ياحبيبتي ...اعتبريني مثل خالتج...ان بغيتي اخذي رايي وان مابغيتي اعذرينا

 

[افنان الفيلجاوي]

رد : مليت يا بنات والله راح اموت من قهر ساعدوني قبل لا يصير فيني شي

اكثرهم يقولون عشان فلوس

بس على فكره اهله عندهم حلال 7 مكاتب سيارات لهم + مكتب عقار + 13 محل تلوفونات وكله بس اسامي اهلهم يصيرون لهم

وحلال حق ابو الولد

انا فكرت بعقلي وخايفه لا اهلي يرفضون

اهي مشكله اليهال وأهلي بس وباقي امور عادي