مليت وتعبت نفسيتي من زوجي

[قلبي عبدالله]

الله يكون بعونج

كافي هم الغربه وهم الوحده والمعامله زفت

اصبري والله يفرجها ويهديه

 

[ام ميميتو]

حبيبتي الله يعينج انا اقول زين سويتي قلتيله انج بترجعين عند اهلج بس اذا رحتي عندهم لازم اعرفون بكل شي لان زوجج زودها واذا الحين ما تغير متى بيتغير 38 سنه مو صغير ولا ياهل حبيبتي ردي حق اهلج احسن اذا هو ما عنده احساس ولا عنده قلب ليش قاعده عنده دافنه نفسج و دافنه عيالج بالحيا حرااااااااااااااااام اليهال يبون اشوفون ناس مو حابس كأنهم بسجن الله يكون بعونج والله عورتي قلبي

 

[.دمعتي الحزينه.]

الله يهدي زوجج ويحنن قلبه ... حبيبتي شوفي لازم تكون لج شخصية قوية ... لازم توقفينه عن حده ... يعني لا خالتج اتصلت احتراما لها تستكتين بس ريلج لا تسكتين عنه خل يغير من طبعه ويحتفظ بالخصوصية ... يعني لا تساحلينه وتراضينه لا زعل ... خليه هو الي يساحلج ... لا أمه اتصلت وقالها شي في نهاية المكالمة قولي لها يعطيج العافية أو مشكورة .... وإن مصخها قعد يسوي حركات اليهال هدديه بخالج أو أبوج خل يتصرفون معاه ويعقلونه إن كانوا أهلج من ذوي الحكمة .... بس قبلها كلميه وقعدي معاه قعدة مصارحة مو زعل وبجي لالالالا .... حطي النقاط على الأحرف ... قولي له يا فلان أنا إنسانة وزوجة حالي حال الباجي وأنت ماخذني وبينا عقد غليظ ربي بيحاسبنا عليه ... وأنت ترى مقصر معاي بحقوقي والي هي 1- و2- و3- .....إلخ.

حبيبتي والله تعبت منه اذا زعلت منه يقعد اسابيع ولو خليه بيقعد شهور ما يكلمني حتى السلام ما يرده لازم انا ابدا وصالحه وكانه ماعنده احساس ومشاعره ناشفه ماعمري شفت منه كلمه زينه
كل همه ياخذ حقه مني وبس بس ييب لي شي مستحيل من تزوجته للحين صارلي 5 سنين ماسفت منه حتى عطر حتى لما اولد اهله يزوروني ويهدو الا هو والله يدش المستشفى ويدينه فاضيه
امه انا احترمها وعتبرها بمقام امي ماعمري طولت صوتي عليها ولازعلتها بشي وهي عارفه بهذا الشي مره تزاعلت وياه وقعدنا شهر مانكلم بعض دقيت على خالي وشكيت له جان يدق عليه خالي وكلمه يقوله هي ماتراعي ظروفي ويطلعني انا الغلطانه صالح بينا خالي ولما سكر التلفون هددني ليش قلت لخالي وقال هذي اسرار زوجيه مو لازم تشكشكين بها وامه قالت نفس الشي
ومن عقبها توبه ماشكي لاحد مع العلم اهلي موهني مالي احد هني الا الله وياما كلمته وقلت له انت مقصر وظالمني ووو يسكت ولا يسوي لي سالفه جني كلم طوفه تعبت ياخيتي

 

[بسمة احساس]

الله يعينج ويفرجها عنج

عليج بالدعاء ومثل ما قالوا صيري قويه ووقفي بويهه قوليله كل شي خليه يحس فيج سبحان الله الرياييل كلهم انانيين ما يفكرون الا بنفسهم كلميه اكثر من مره وخلي بينهم وقت،، غثيه شوي خليه يحس بالغثا الي انتي بالعته وقوليله المشاكل الي بينكم مكانها بالبيت ما تطلع شنو ياهل كل شوي داق ع امه وامه تتدخل شنو ما عنده شخصيه انتي كنتي تقدرين تخليه اهلج يتدخلون ليش بس اهوه مال كفخه ع راسه تصحيه صج صج حرني

 

[.دمعتي الحزينه.]

الله يكون بعونج اختي كثري من الاستغفار ربج كفيل

بكل شي وانه يغير من طبع ريلج معاج انتي الحين لآ ام ولا ابو ولا

والي لكن الحمدالله عندج رب مايخيب من يدعي اصبري ووكلي امرج لله

الله اذا حب عبده ابتلاه عشان يشوف قوة تحملج وصبرج وتلجئين له وتشكين له

استغفري ربج واااااايد وكرري هالدعاء اللهم حبب قلب زوجي فيني وان شاء الله

ربج يلين قلبه لج اهتمي بصحتج وداري عيالج و ادعي ربج حنا البشر ترا مالنا غير

ربنا ندعيه ونشكيه ونطلبه يساعدنا حتي لو هلي حولي بس ربج كفيل بعباده

ياعمري مشكوره نفس ماقلتي مالنا غير الله هو عارف بحالنا

عندي امي بس تعبانهوهي في ديرتنا وماحب اشكي لها وزيدها فوق العله عله هي عبالها ان انا اسعد واحده في الدنياء ماتدري شيصير فيني وخواني بعدهم صغار مافي عندي الا خالي الله يطول بعمره ولو يعرف بحالي ماراح يسكت بس هو في دبي ومابي اقوله اخاف ييي وياخذني لانه قالي مره اذا تم يزعلج وظالمج دقين علي وبيي اخذج مابي اروح من بين عيالي كل همي من الدنياء رضاء الله واحسن تربية عيالي

 

[.دمعتي الحزينه.]

الله يكوٌن بعونج
انظلمتي معاه بس تآكدي لج الاجر
وصدقيني لاتفكرين بالطلاق خليه اخر الحلول
بالنسبه للمصرف اذا مايعطيج ترا لج الحق تطالبينه
فيهم ..

\\

مشكوره حبيبتي
والله جم مره فكرت بطلاق بس لما صلي الاستخاره ما اقتنع فيه وخاف على يهالي ولا شيقعدنا
على ظلمه وقساوة قلبه

 

[.دمعتي الحزينه.]

وين شخصيتج !! غيري طريقتج وطالبي بحقوقج وصيري قويه ولا تتنازلين عن حقوقج ابد

انا ابي اتم مع عيالي وابي الستر ولا على شنو بصبر
مشكوووره

 

[.دمعتي الحزينه.]

حبيبتي الله يعينج انا اقول زين سويتي قلتيله انج بترجعين عند اهلج بس اذا رحتي عندهم لازم اعرفون بكل شي لان زوجج زودها واذا الحين ما تغير متى بيتغير 38 سنه مو صغير ولا ياهل حبيبتي ردي حق اهلج احسن اذا هو ما عنده احساس ولا عنده قلب ليش قاعده عنده دافنه نفسج و دافنه عيالج بالحيا حرااااااااااااااااام اليهال يبون اشوفون ناس مو حابس كأنهم بسجن الله يكون بعونج والله عورتي قلبي

ياعمري انا قلت له ابي ارجع عايش مع اهلي بس هو رافض يقول اذا تبين تروحين حطي اليهال وروحي اصلن اهلي في ديرتنا مو هني وانا ابي عيالي مااقدر افارقهم حتى اسبوع

 

[.دمعتي الحزينه.]

حبيباتي الف شكر لكل من لها بصمه على موضوعي ولكل من واستني ونصحتني
الله يعطيكم العافيه

ولا تنسوووني من الدعاء

 

[الدااانــــه]

الله يعيينج بس تبين الصج لاتسكتيين له طلعي له الوجه الثاني بقوولج شغله ترا الريايل مايحبون المراه الي معدوومه شخصيتها ومالها راي مع احترامي لج رياايل هالووقت يبون الي تمد له السانها مترين جداام جربي وادعيلي والله العووبه تعيش احسن عيشه والمحترمه تعيش مذلووله زمن ماشي بالعكس امشي معااه عكس

 

[أم السنافر]

مالج غير قيام الليل ودعي ربج يفرجها ويحنن قلبه وكثري من الاستغفار وقراة القران وراح تشوفين نتايج مرضيه لاتنسين ساعة الاجابه يوم الجمعه وصبري عشان هالاطفال الي بينكم

 

[.دمعتي الحزينه.]

تدرون خلاص والله اقتنعت بكلامكم بغير لهم الويه الثاني
وبشوف شيصير وياي

 

[جذابه بنت ذيابه]

الله يهديه لج يارب ,,

انتي حاولي بطريقتج تحببينه فيج وبالبيت وتقدرين ظروفه .. وتحاولين فيه يعطيج مصرف
ويوديج بالكلام الحلو يلين قلب الرجال .. <

 

[أم*سلمان]

الله يكون في عونج
والله يفرجها عليج

ادعي من الله و كثري الاستغفار

 

[*peace*]

الله يعيينج بس تبين الصج لاتسكتيين له طلعي له الوجه الثاني بقوولج شغله ترا الريايل مايحبون المراه الي معدوومه شخصيتها ومالها راي مع احترامي لج رياايل هالووقت يبون الي تمد له السانها مترين جداام جربي وادعيلي والله العووبه تعيش احسن عيشه والمحترمه تعيش مذلووله زمن ماشي بالعكس امشي معااه عكس

:eh_s(15): :eh_s(15)::eh_s(15)::eh_s(15):معاها

 

[دلوعة حمني]

الله يعينج حبيبتي...بعدج صغيرة على هالتعب!

 

[amoona89]

الله يكوون بعووونج
ادعيله بالهدااايه
عسى ربي يفرج همج يارب

 

[عجفاء]

لاحبيبتي كلش والا الاهانات اليوم تصبرين وتسكتين بكره يجيب زوجه ثانيه ويقعدها قدامك هالاشكال عادي عندهم يعني يطالع افلام اباحيه واراعي عيله
هدديه قوالي والله لافضحك عند اهلك واقوالهم وبعدين موضوع العيال قفلي يقولك المثل جوع كلبك يتبعك وادخلي بقوقل على الدكتوره ناعمه الهاشمي وطبقي الكلام بحذافيره وعلمينا وش يصير معك

 

[هذا مزاجي]

لا حول ولا قوة الا بالله
عورتي قلبي
الله يصبرج وسخره لج
والله عيب الرجال يدخل امه بكل شي وين رجولتك
وين شخصيتك الله يعينج عليه بسسس

 

[حلوه ولمآحه]

حبيبتي صيري عوووبه بمعنى الكلمه لآتسكتين عن حقج ،،
والله يسخره لج ويهديه يآآرب ويرده لج ردآآ جميلآلآلا،،