مليت وتعبت احس اني متزوجه اهله مو اهوو شسوي

[مطيريه ماركه]

وضعج صعب آن قلتي له مآبي آنزل بيحس آنّج مآتبين آهله !
حآولي تنزلين كل يوم وقللي آلسآعآت
تفآهمي ويآه مو بـ نجرة لآ بـ هدوء تآم

 

[!الجادل الصعب!]

ترا هذي شطة البدايه وبيطخ
انتي نزلي بالوقت الي يناسبج .. مره العصر مره تعشي
ساعتين زين ..
اخذيها برحابة صدر وبيطخ .. كلنا مرينا بالحاله هذي ..
انا حتا ماكنت القا وقت اغسل وانظف ..

 

[انثى عاشقة]

هذا بس ببداية زواجكم بعدين بتخف الامور
فانتي لاتتهوري وتقولين لزوجك مالك شغل
لا بس قللي وقت نزولك وخلاص بيني له انك مشغووولة ​

 

[al-musk]

حاولي تشرحيله انج تحبينهم وتعزينهم بس كثره مجابلهم مالها داعي..الواحد اهله مايجابلهم هالكثر ونزلي كل يوم بس لاتطولين دايما وقوليله عندي التزامات وبيت ودراسه وتقزر وخلي كل شي باسلوب عدل

 

[))) ساره (((]

الله يعينك

 

[دندون ام عبود]

لا لا تقوليله كذا يبدا يكرهك
قوليله ماقدر مشغولة عندي مذاكرة حبيبي مع ليش يوم ثاني ولا تعلثي بشغل البيت
بعدين روحي لهم مرتين ولا مره بالاسبوع يتراوالي يكفي
مب زين تلزقين بهم

 

[G!RLooNa]

غلط الوحده تنزل كل يوم عند اهل ريلها و بعد اقعد بالساعات :| لا اهيا بترتاح و لا اهما بياخذون راحتهم

 

[nono93]

شوفي مثل ماقالوا البنات وبعد تعالي له من هالصوب قولي له هم اهما يحبون تكون عندهم خصوصيه الام بتقعد مع بنياتها البنات بيشكون لامهم في مواضيع خاصه بيتجمعون بروحهم مو كل جمعه لازقه فيهم وانا مرات عندي دروس ومسؤوليات وغير جذيه نفسي لها حق علي وبيتي وعبادتي ابي وقت لي خاص فيني مو معناته اني بقطع فيهم لكن اروح لهم وانا مستانسه متفرغه مشتاقة لسوالفهم مشتاقين لسوالفي عندي سوالف يديده اسولفها احس خلصت سوالفي لووول وجذيه صدقيني ان يتي له بهالطريقه بيتفهم اما ان شديتي معاه بيعاندج وانتي لارحتي لاتروحين ايدج فاضيه وراوريه انج تسوين عشان امه وقولي له تعالي تقهوا عند خالتي انا مسويه جاي وقهوه ومسويه حلو ابيك تذوقه او حتى اذا مالج خلق طلبي وقولي له ابيك تجرب الحلو بس عند خالتي وعفيه لاتطول جذيه بيحس انج تحبين اهله وتتعبين عشانهم وهم خالتج بتستانس لا اقبلتي عليها وعوديهم انج مو كل يوم عندها *

اي واذا نزلتي اقعدي ساعتين واصعدي فوووووق

قولي وراي دراسه غسيل

كوي

تعبانه شووووووووووووووووووووووووي

 

[*آسوومه*]

كلميه حبيبتي باسلوب حلو
قولي له وايد من 6 لين 11
بعدين هلك بيتمللون و انا عندي دراستي بجابلها
و جي يعني
حددي يوم فالاسبوع تقعدين معاهم من ال 6 لين 11

مشكله الريايل و الله
ان ما قعدتي مع هله عباله تكرهينهم =_=
و بعدين مب حلو كل دقيقه مرتزه عندهم
و المثل يقول
" لا تكثر الدوس ياخلي يملونك .. لا انته ولدهم ولا طفل يربونك " :*
و الله يوفقج

 

[اذوب بكلامه]

شوفي ياقلبي كبريها تكبر صغريها تصغر
الموضوع بسيط انا مثلك تقريبا ساكنه عند اهله وشقتي مااروحها الا لنوم
لأن زوجي دوامه من العشر لتسع وماعندي دوام او دراسه
فأطلع عندهم اتونس احسن ما اكلم نفسي من الزهق
واذا كان عندي شغل استأذن من عمتي وطلع اخلص شغلي وانزل على العشا
والحمد الله مرتاحه
وانتي بما انك تدرسين نزلي المغرب ساعتين سولفي معاهم وتقهوي وبعدين استأذني من عمتك قوليلها عندي دراسه
وانزلي على العشا
وبعد فتره عوديهم ماتنزلين على العشا الا بالاجازه بس
ولا تستعجلين كل شي بالتدريج

 

[Ice Cube]

قعدي شوي وقولي عن اذنكم وراي دراسة،

 

[مــســك]

ماقصرو البنات ..

 

[بكيزة هانم]

الله المستعان

 

[ام الحلوااات]

بــااللــــيــــن تـــوووصـــلــــيـــــن للـــي تـــبــيـــن

 

[ابدا يالغالي مانساك]

الله يعينج 6 سااعاات
بعض الشباااب جذيه تفكيرهم حبيبتي لتزوجواا بس بيخلوون حريمهم عند اهلهم

بتفكيرهم جذيه اني ارضي ااهلي

انتي شوي شووي وبتغيررر وبيخليج علي رحتج
انتي لاشفتي نفسج مشغوله ستئذني من خالتج وقوومي
واكيد بتعذرررج ​

 

[أكذب عليك]

حبيبتي زوجج مايبيج تتحسسين من اهله
انا لما كنت ادرس يقولي من متى مو نازله لهلي اقوله والله ادرس ومشتهيه جمعتهم
شوفي الوضع طبيعي نزلي متى ع المغرب ساعه ساعتين وصعدي
واذا ع زوجج بالدلع يمشي الحال :$
يوم ادرس يوم اانظف
يوم اسويلك ليله حلووه
اشغليه
بعدين اهو ماراح يسال اهله متى نزلتي ومتى صغدتي
وانتي بعد ماراح يسالج واذا سالج قولي نزلت وصعد وخلاص

 

[ورد الطايف]

اسمعي كلام زوجج انتي بداية حياتج الزوجيه والحياه الزوجيه يبيله صبر
مو مشكله قعدي معاهم سوالفي وضحكي مو تقعدين معاهم وانتي مجبوره واذا عندج شغل قولي عن اذانكم عندي غسيل عندي كوي
وزوجج ماقال لج طبخي غداهم وعشاهم وقهوه وجاي بس يبيج تقعدين معاهم شنو الصعب
حبي امه واهله ولا تحسسين الرجال انج زهقانه منه اهله والقعده معاهم فالعكس اذا شافيج تحبينهم وسوالفين معاهم بقول يبختي فيها
وخالتج بتمدحج عنده واذا رحتي سوق شتري له عطر مره عود عشان خالتج تحس ان مراة ولدها مهتمه فيها وزوجج كذالك بحس
ياحبيبتي مثل ماقلت لج صبري علي حمولتج وعلي سهر زوجج مع الايام كل شي بتغير
والله يوفقج

 

[Tame]

نزلي ساعه ساعتين عندهم واستاذني قولي لهم باروح ادرس وقولي له استحي انزل كل شوي بملون من يمكن يبون يقعدون بروحهم وانا ابي ادرس عادي كلميه بالعدال مو مالك شغل ومو نازله مايصير عيب

 

[جلكسيه اس 3]

أمبيه فشله انا ما كنت انزل اول ما تزوجت الا اذا نادووني
او انه يكوون موجود و ننزل مع بعض
اما بعد ما تعودت عليهم قمت انزل متى ما بغيت
بس ما كوو شي قصب

 

[PuPa^^SWeeT]

نزلي تعشي وياهم


بعدين عال 9:30 ولا 10 صعدي درسي



لا تكبرينها ياقلبي



و بعديين انتي ويااهم ببيت واحد


حلوو التشاوف اليومي بينكم


شوي شوي



بيتطييح الكلفة و اتصيرين عادي ويااهم