مليت من هالعيشه

[kanoosha]

بنات حده ضايق خلقي ..صارلي شهر عند اهلي ..كنا مافينا شي اشحلونا .انعزمت عند حمولة اختي وقلت له بروح قالي ماتروحين لانه موعازمين امي ودايما كل ماانعزم بمكان مايرضي عشانها واهيا مو امه مرة ابوه وتكرهه وماتواطنه..رحت حق اهلي وزعلت بعد يومين دق علي وقالي يالله يايج لبسي.قلت له ماني رايحه ومتي وماصالتلك كلمه تعالي..قالي اوكي وبعدها ماشفت لادق ولاشي ..اهله اهما اللي يمشونه..انا حامل ويدري اني تعبانه وماسأل عني..والله ندمانه كثر شعر راسي علي هالزواج الفاشل؟.؟مرات افكر انزل الياهل واطلق مرات اقول لا الناس اتشمت فيني ومرة ابوه تبيها من الله اطلق..شنو الحل ليلحينه مادق علي ولاحد من اخوانه وخواته دقواا..ومادري شالحل

 

[كتـ زوجي ـكوته]

الله يعينج بس انتي بادري ودقي واهوا تعذر بطريقته انه قالج انا يايلج وربي يصلح حالكم

ترا هالزعله ماتسوي

دزي له مسج ولا دقي عليه.. نصيحه اذا اهوا زين لاتضيعينه..

 

[ســــــــــما]

الحين الله يهداج انتي تبينه والا ما تبينه

اذا تبينه جان من اول ما دق عليج رحتي معاه ليش اتغلين واتقولين ماني يايه ومتى ما صارتلك ك لمه تعال

والحين تقولين لا دق ولا سأل

يعني ناطرته يدق ؟

مو دق وقالج لبسي انا يايج وانتي الي عييتي

والحين شنو تبين

تبينه ؟

والا ما تبينه ؟

حددي موقفج وعرفي شتبين

 

[حرم راشد الماجد]

دزي له مسج انج تعبانه تبينه يوديج الطبيب اذا خاف عليج ويا يعني الريال شاري لا تبيعين لبسي وروحي مع ريلج السالفة ماتسوى

 

[ســــــــــما]

وبعدين السالفه ما تسوى تزعلين هالكثر وتقعدين بيت اهلج !!

صحيح شي يبط الجبد ويحر لان هذي سوالف حريم اهوا ماله دخل فيها ، بس مو معناته انج تشيلين قشج وتروحين بيت ابوج !!! شدعوااا شصاير بالدنيا !!

اذا تبينه وشاريته دقي عليييه وراضيه وردي معاه البيت وحلي مشاكلج بسكات وبهدوء بينج وبينه

 

[سيسبان]

والله تلوع جبدي من الرياييل اللي يتدخلون في هالسوالف
اهو شكو اعزموا امه والا ما اعزموها
اذا مايبيج اتروحين على الاقل يعطيج عذر ثاني غير هالعذر

بس ماعليه حبيبتي اذا ضليتي على هالعناد بتندمين كثير
وانتي غلطانه اهو بيردج وانتي غلطتي عليه ( شنو متى ماصارت لك كلمه تعال) الحين بيقولج لحد الحين ماصارت لي كلمه يعني مابترجعين

انا اشوف انج اتدقين عليه وتستلمينه بجي واتقولين له وينك هادني ماتدري عني تعبانه كل يوم في عند الطبيب متبهدله ومحد يدري عني ومحد يدري عن اللي في بطني ولاتعطينه مجال يحط اللوم عليج تره الريال يحن قلبه بسرعه

لازم واحد منكم يتنازل والا تره ماكو شي اسمه صلح من غير تنازل

 

[هيبة ملك]

إذا هو زين لاتضيعينه من ايدك

ولاتخلين كلام الحريم يخرب حياتك

بعد ماتكلمينه وإن شاء الله لارديتي بيتك

حاولي تفهمينه عدل

وتخلين كل همك رضاه

وتتركين الحريم والسوالف اللي مالها داعي


شراح تنفعك زيارة وفلانه وعلانه

مالك إلا بيتك وزوجك

ألحين قومي ودقي عليه

وكلميه بحنيه عن أي شئ

مثلا قولي أبيك توديني موعد الطبيب مثلا

ولا جاك عاد خليك رومانسية ومتسامحة

والله يهدي بالك ويجمع شملكم

 

[@ام ضاري@]

الله يعينج حبوبه هذا زوااج فب حلو وفي مره ومالج الا الصبر

طرشيله مسج قولي بعرف راسي من كرياسي ابي اعرف

طرشيله مسج غزل شوفي يردلج مسج او لا

 

[الجارحـــــة**]

دزي له مسج انج تعبانه تبينه يوديج الطبيب اذا خاف عليج ويا يعني الريال شاري لا تبيعين لبسي وروحي مع ريلج السالفة ماتسوى

معاج 100%

وبعدين ياحياتي يابعد قلبيهذا الزواج مرة زين وعشره شين

لاتطيحين البيبي ولا شي واستغفري لان بنت خالتي قالت نفس كلامج والله عطاها طفل معاق

انا مااتفاءل عليج بس هذا رزق من الله


انتي طوفي وحاولي كل شي مع العشرة يتغير

 

[عبث طفله]

صح

دقي عليه وقولي له ما عندي احد يوديني وانا تعبانه ..

راح يجي وهو بنفسه راح يعتذرررررررررررررر \


والله يهديكم لبعض ان شاء الله ويوفقكم

 

[atoootta]

دقي عليه او طرشيله مسج وبادري اذا بتنطرينه بطولين وايد لانهم نادر مايبادرون
واذا رجعت المياه لمجاريها قعدي معاه وفهميه انكم الحين اسرة مستقره برحها مالكم شغل بفلان وعلان ...
مثل اذا اعزمتج ارفيجتج يبها بعد تعزم مرت ابوه عشان يوافق تروحين ؟
مايصير !!!!!!!
والله يفرج عليج ويجمع شملكم مرة ثانيه انشاءالله

 

[زهرااا]

الله يعينج
و يهديه

 

[الحلآآآ]

الله يصلح حالكم ,

ولاتنزلين البيبي حرام مااله ذنب ,؟

 

[زهورة]

لا تنزلين اللي ببطنج استغفر الله
لاتفكرين بهالشي وتعوذي من ابليس

والله يهديه لج

 

[انا مو هني]

تحرشي بمسج قوي
قوليلا كل الي بقلبج
وقوليلا انك قاسي تدري بوظعي حامل ماخفت علي ولا علا البيبي

 

[جلاديلياس]

يقلبي البنات كفو ووفو سوي الي قالولج عليه والله يصلح حالكم

 

[@حوريه86@]

دزيله مسج اعتذري منه ولمن تروحين بيتج فهميه ان مو كل مكان اسحب خالتي معاي واذا مو عازمينها فشله اصلا وبالمسايس لمن يطيح الحطب والله يهديه ان شالله

 

[BiiShOoO]

طرشيله مسج مثل ما قالو البنات و قوليله انج تعبانه و راح ايي يوديج الطبيب و بالسيارة عاد تدلعي عليه ليش ماتسال عني و عن البيبي و من هالحجي راح تشوفينه يعتذر باذن الله


الله يهديكم لبعض ان شاء الله

 

[بطة رشيقة]

الله يصلح ما بينكم وربى يهديه لج ولا تستعيلين يارب انشالله باجر يتعدل وتتغير الاموووور

 

[حصووونه]

الله يهدي سركم يارب ويسخره لج وصراحه انتي معاج حق اذا انعزمتي موملزومه خالتج تصير بدي قارد معاج بكل عزيمه بس دام انج حامل من هالرجال لاتشمتين احد فيج دقي عليه وتفاهمي معاه ترى الرجال مادق عليج وقال البسي جايج الا شاريج بس كلمتج قويه شوي الله يهديكم لبعض..