مليت من نغزات خالتي!!!!

[brettey]

ما عليه يا قلبي تنحمليها مره عوده واخذيها على قد عقلها صدقيني كل الخالات جذي انا خالتي طيبه حيل حيل بشكل ما تتصورينه مع انه مافيها زود سنع بس ساعات تنتقد وتنغز بس عاد انا ما اسكت ما اعرف اسكت لازم ارد عليها

 

[q8iLady]

حبيبتي كل كلام الخوات خير و يبون مصلحتج بس الأمر متروك لج .... دايما ادعيييييي ..

( اللهم اجعلنا من اللذين يستمعون القول و يتبعون احسنه ).... فالأسلوب اليي يناسب غيرج يمكن مايناسبج !!

طولي بالج جدامج مشوار طويل و ان شاء الله و باذن الله تعالى تهدى النفوس

 

[اضوى]

حبيبتي توج متزوجه وللحين ماشفتي شي لاتكبرين الموضوع عادي اكيد بتسمعين وبتشوفين تو الناس عليج نصيحه ثم نصيحه لاتيبين طاري خالتج عند زوجج بسمع لج مره مرتين ويمكن ثلاث وبالتالي بيكشت فيج.............

 

[الماس80]

انا الصراحه مااشوفها مشكله وانتي دخلتي بيت عاداتهم وتقاليدهم غير عنكم ولازم تتطبعين على طبعهم وخذي الامور بصدر رحب هذي مشكله صغيره سويتيها كبيره شلون لو جتلك بعد مرور سنين مشاكل كبيره شنو راح تسوين
صغريها بتصغر كبريها بتكبر

الله يوفقج وحاااااااااااااااااااااااااااااولي ماتشيشين اهله بالعكس امدحيهم لان اذا ذموج يقول ياعمري يازوجتي اهي تمدحهم وهم يذمونها وتكبرين بعينه

 

[Dancing^Queen]

حرام عليكم بنات
لاتشيشونها علي ام ريلها
اهي امه
يعني اهي حاسبتج حسبه بنتها
والحريم الكبار يتكلمون من بابا الميانه
مو معناه ان فلانه حطت بعرسها يعني انتي ماحطيتي
او انها تنتقدج
مو كل كلمه المفروض لها معني ثاني
ويومق التلج لبسي وسيع يمكن الناس اللي بيوون او يزورون متدينين وماتبي احد يتكلم عليج من حرصها وحبها لج
ليش معناتها ان اهي قشره وشريره وبتروايج العين الحمره
انتي صغيرونه وعروسه
استانسي مع زوجج وعيشي حياتج
وامه ترا اهي امه الام اغلا من الزوجه لاتقوليله امك ترا ينقلب عليج فووووووووووق تحت
الحين سؤال
كل طبع باختج يعجبج؟ طبعا لا اكيد بتختلفون ببعض الاطباع
زوجج اللي انتي عاياشه وياه واهو نصج الثاني مافيه عيوب؟ متفقه اميه بالاميه وياه ولابينكم اي مشكله؟
طبعا لا
لاتزيدين هالمشاكل مشكله ومو اي شي لا اكبر المشاكل وبتخسرينه فيها لاتقوليله امك فعلتها تركتها او تحطين حاجز الام الزوجه ترا انتي الخسرانه رضا الوالدين من رضا الله
والمره موقاعده تقاشرج
لاتخلينها حرب
تعليقات عادي سمعي من هالاذن وطلعي من هالاذن
المره لاقاعده تشييش ريلج عليج ولاتعصيه ولاتعاملج معامله سيئه في حريم يعتبرون الجنه خدامه لهم ولعيالهم هذي القشره في حريم ياخذون راتب الولد غصبا عليه ويقولوله اخذ راتب مرتك
في حريم حاطين كرسي وقاعدين بالصاله وين تطلون وين تروحون كل جيس يمر علي لو شنو شاريه لو عود تنظيف اسنان
هذول القشرات

خالتج مره كبيره
وانتو توكم بادين تتعرفون علي بعض
لاتخسيرنها يمكن تغار منج شوي فتقول حجي ماتثمنه بس مو من شي خايفه ان احد يحل مكانها بقلب ولدها فشوي تعطي بهارات بس مهما كان اهي امه كسبيها بالطيب تغاضي عن هالامور الصغيره وهالتلميحات والله مع الزمن بتضحكين عليها وانج كنتي تزعلين منها
باجر اهي تصف وياج لي احتجتي واهي يده عيالج

 

[جوريه]

صح السانج كوكوووووووووووووووووووو

علمي نفسج على التطميش اذا انتي تسمعين من خالتج انا اسمع من عمي الابو الريال يسولف بسوالف الحريم ليش لابسه هاللون ليش متمكيجه جذي ليش متنانه ليش ضعفانه بس الحقراااااااااااان اريح طريقه

اللي اخر مره قتله وانت ماعندك شغل غيري بس تشوف شلابسة وشحاطه مشتهي تعلق علق على بناتك!!! من يومها سكتتتتتتتتتت

تبي تطالع شوف وانت ساكت ليش هالتعليقات هذا واهو ريااااااااااال

 

[بنات حواء2]

حبيبتي الله يعنج بس انا بنصحج و انتي كيفج ترى كثرت لسكوت راح تخلينهم ياكلونج ردي بلسانج بس خلي الرد يكون محترم عشان لا يوقلون قالت و سوت خلي كلامج يكون بالحق عيني اخذي حقج بلسانج و بدامج على حق من شنو تخافين ترى اهل الريل لي شافوا الجنه ساكته لهم يلعبون عليها و لي وقفتهم عند حدهم يحسبون لها ألف حساب

 

[روزالكويت]

وااااااااااااااااااااااااي
تذكرت خاله رفيجتى ام زوجها تخيلي وهي عروس لما يزورون حريم عقب العرس يباركون لها تقول لها لبسي البدله الخضرا او الحمرا او لبسي الدراعه الفلانيه تختار البدل اللي عجبتها وجاززت لها وسشوري شعرج عدل وحطي الورده اللي على صوب شكو البنت تختار لها لبسها شايفتها هيلقيه ولا ماعندها ذوق ولا ماتفهم بشي وتقول لها حطي دهن على شعرج ترا امس عند الحريم شكله ناشف مافيه حيويه هههههههههههه رفيجتى مسيكينه ليش طيبه ومالها لسان ومحترمه حيل تمادت عليها والله حتى شقتها تدش وتدرعم وتفتح الدرايش تقول ويع شهالبخور قمته قمته شكو البخور لها ولا لولدها..لووووووووووول
الله لايبلينا بخاله من هالنوع ياااااااارب
شوفي احيانا الادب والاحترام والطيبه والله ماتنفع مع نمط معين من البشر بس بنفس الوقت الواحد ماوده يكسب اثم ويتردا فيها اول وتالي هذى اكبر عمر ولها احترامها ووضعها وهي ام ريلج وبتصير ام عيالج العوده الله يرزقج بالضنا الصالح وانتي ترى غلطتي يوم قلتي حق زوجج اللي صار لان مفروض مايسمع باهله شي منج عشان لو صار وشكوا عليج بيوم من الايام او تبلوا عليج حزتها يشهد لج انج بحالج ولا عمرج جبتي طاريهم بالشينه ولحظتها ماراح يصدق فيج اذن من طين واذن من عجين روحي فظفظي عند رفيجاتج او خواتج بس اهو لاتقولين له كلللللللش

انا عجبتنى ردود رفرف صراحه اعتمديها ودايما قولي خالتى انتى حسبة امي وانا لاهيه بالدراسه واتعب حيل وما الحق وانتي تقدرين هاللشي وسامحيني عالقصور وابدي بالزينه وخلج طيبه واذا فشلتج جدام الحريم قولي لا خالتي والله مانتبهت انا لو منتبهه عالمصوره افا عليج جان قلت لها بس مانتبهت والجايات اكثر وان شاء الله بالاستقبال ابشري بالخير راح اصور وياج انا وانتي البوم بروحنا وضحكي هههههههه ميخالف ترى يمكن تنقدينها على نفسها وبنفس الوقت يكون ردج حلو جدام الناس وبنفس الوقت ماتفشلتي عرفتى ويمكن تكون خالتج من النوع اللي تكسبينه بالطيب ماعرفتى نوعها للحين عشان جذى لاتسبقين بالحكم عليها وادرسيها عدل..<<<اعتبريها رساله الماجستير هههههههه

 

[بتبوتااا]

شوفي حبيبتي خلي قلبج واسع وكبير مهما كان هذي مره كبيره ياما تحملت غثاثه من خالتي بس كله اقول لها انشالله ولا ازعل ولا شي وكاني انا الحين الزينه الطيبه وطبعا مو مجامله لانه هذا طبعي ومو من طبعي اتصنع شخصيه ولا ارد على الي اكبر مني امي علمتني احترم الي اكبر مني وحاولي انج تكسبينها حبيبتي علشان تكبرين بعينها وبعين ريلج حبيبتي

 

[sHa6o0ra]

شكلها خالتج كلامها وايد دخلي من صوب وطلعي من صوب جنها ماقالت ولا تييبين حق ريلج طاري عشان لاياثر على علاقتج معاه او علاقته بامه

ودايمن سوي نفسج غبيه مومستوعبه وظحكي والله هذي احسن طريقه تخليها تسكت عنج

 

[manoola]

انا مع كوين لاتشيشون البنت وبعدين انتي تقولين انج هاديه ومسالمه يعني المفروض انج ماتفكرين شلون تشحنين قلبج عليها مو تقولين شي ووددج تسوين شي ثاني ....... يعني كلام عادي الامهات كل جذي يعني تخيلي امج قالت لج هالكلام راح تحقدين عليها بالله !!!

كسبي ريلج واهله بأخلاقج وتربيتج لاتصيرين نسره وملسونه ولاتصدقين ان اذا رديتي عليهم راح يحترمون نفسهم بالعكس راح يكرهون ويطلعون حجي عليج بس هالمرة من وراج وجدام الناس وريلج مو حلو تعيشين بجو مشحون ..... لاتقعدين تخشين لها وتسودين قلبج ترا السالفه عاديه وبالنهايه الناس اطباع .... انتي قلبي الوضع وتخيلي ان امج تسوي جذي مع مرت اخوج ترضين انها تلاسنها والا ترفع صوتها عليها وتقل ادبها........ انا اقولج للمرة الاخيرة مو حلو المرة تصير نسره وملسونه وترادد الكل وماتحشم بنات انا استغرب شلون تردون بهالطريقه على حمولتكم

وبعدين طول عمرنا نعرف ان العرس على اهل الزوجه شكو الريال

 

[وردة-الكويت]

تعوذي من شيطان والتحطين ف بالج انها تنغز عليج حتى لو اهي مره عوده تحميليها وصبري اهم شي عندج زوجج

وبعدين دام ان خالتج طيبه وماتقصر وتعطيكم يعني انها زينه

انتي لا طالعين الشي الي مو حلو فيها طالعي الشي الحلووو

 

[Dloool_q8]

اول شي خالتج يمكن مره كبيره وبعض الحريم الكبار تفكيرهم قديم
وثاني شي ياريت ما تزعلين مني بقولج نصيحه
لا تقولين شي مو زين او تتشكين عند ريلج عن اهله كله مدحيهم يمكن يوصل لهم حجي من ريلج فتطخ
والله يوفقج

 

[brat]

Anwaar مشكوره، هذا اللي بسويه

um wahaby ايه آنا من الحين تعبت نفسياً وأصلاً أول مره أشتكي منها عند زوجي وحنيت عليه إن ما يقولها بس رجع وقالي إن قالها بطريقه غير مباشره :\ شسوي عنيد

كــ غلا ــلي "مثلي عليها المحبه وقدمي لها فروض الطاعه والولاء" لول حلوه. مشكوره وايد عالنصيحه.


أم وهابي ماشالله ايه صح عدل كلامج، يمكن لما تتحرش فيني تبيني أرد عشان تستانس أكثر، تبي أحد يناجرها، بس آنا هاديه وإنشالله تمل بسرعه. ثانكس

 

[brat]

brettey ماشالله، الله يخلي خالتج دوم طيبه وياج آنا للأسف ماعندي لسان (إلا مع القرب كلششش)

Q8iLady مشكوره عالدعاء، صاجه والله، مو لايق علي ملسونه، أصلاً أستحي أرد hehe

اضوى هذي أول وآخر مره أييب طاريها. بس اهوا مره ياب طاري أبوي (علق على شي قاله بعدين قالي أصلاً أبوج صديقي) فقلت عادي إن آنا أتحجى عن أمه.

الماس80 اهوا مو عن العادات والتقاليد، أحس ودها تقط كل شي علي :\ وإنشالله ماني ذامه بأهله أبد. مشكوره

 

[brat]

هلا دانسنج كوين

لا تخافين ما شيشوني على خالتي :q بس على طاري إن الثانيه أمها سوت، قاصدتهاااا. أما الملابس الوسيعه بشكل عام! مو لما يزورونا ناس. مع إني أشوف إن ملابسي محتشمه. وترى نوعي مو كل يوم مطلعه شي على أمه وأشكيله، بس على سالفة الملابس، آنا شايفه إن ملابسي ما فيها شي ودام زوجي شايف نفس الشي اهيا شكو تتدخل. وانا قلتله بطريقه عاديه وإني كنت زعلانه، ما كنت معصبه، بس استفسرت منه إذا ملابسي فيها شي. راح ورجع وسكرنا الموضوع ما رجعناله مره ثانيه.

الحمدلله على كل حال والله يعين اللي خالاتهم جذي. "خايفه ان احد يحل مكانها بقلب ولدها " صاجه يا كوين. ومشكوره وايد


جوريه بيــه صج الله يعينج، بس حراام مسكين يمكن وده يفتح معاج موضوع بس ماعنده شي غير التعليقات. :\ عورتي قلبي عليه


بنات حواء2 اي والله، آنا ماني ساكته بس بخلي عندي شخصيه، مابيهم ياكلوني بكل شي، جذي يعتبروني ساذجه

 

[brat]

روز الكويت لو آنا مكان رفيجتج جان انهرت لوول مسكينه.
آنا فضفضت عند أمي، بس مادري ليش حسيت إني لازم أقوله. ايه نصايح رفرف أوكي، والرد اللي قلتيلي عليه بحطه بالحسبان، بس جنه خلصوا اللي بيولي من طرفها :q لووول thanks a lot


هلا بتبوتااا آنا محترمتها وما بينت لها إني زعلت، ولا عمري بينت لها إني متضايقه بس كنت أفضفض حق زوجي

شطوره ايه شكله هذا اهو الحل الأخير

 

[brat]

منوله

أمي إذا قالتلي جذي غيــر، بس أحد ثاني لأ. ومن قالج إني كنت ملسونه ولا بصير ملسونه؟ طول عمري محترمه اللي أكبر مني. وقلبي مو أسود عليها، كتبت هالموضوع بس أطلع اللي بقلبي وعقب ما طلعت اللي بقلبي صار كل شي عادي. ومن قال إني سويت عرس؟ بس سويتا ملجه كل شي كان على أمي والعشى بس على أمه.


وردة-الكويت آنا قاعده أطالع الشي الزين فيها، بس آنا حساسه وقلبي يعورني لما أحد يقط نغزات ويعيد ويزيد، بس مو كل مره عاد!


هلا دلوول مشكوره، آنا أمدحها جدامه بس ما يعني إن مانتقد شي اهيا سوته. مثل ما اهوا ينتقد، آنا بنتقد.

 

[سارا ديور]

الله يعينج إذا خالتج من النوع اللي ينغز


هذا وانتي عروس بعد

لا عيل نطري تو مايالج الخير

اغلب الخالات جذيه ضربه تضربهم بصميم القلب

 

[شادية]

فيج سوء الظن
يااختي
وسوء الظن مشكلة تدهور حياة المرأ
نقي قلبح واي شيء تقولة لج لاتحسبينة هجوم عليج لانه يمكن انتي حساسة وينقصج التفكير السليم
يعني المعلومة الي توصل من خالتج تحولينها من غير قصد الى معلومة شريرة
فالعلاج
دربي نفسج على التفكير السليم
وهذا يبيلة تدريبات وصبر في تحويل التفكير من فهم المعلومة بالفهم الصحيح
الخطوات
اي شيء يوصلج (معلومة+كلام) لايمر على تفكير المايل
لا لازم تخلينة تفكير صحيح يشمل النية الصافية من المصدر
يعني
لما تقول خالتج
ليش ماشريتي ذهب
تفكير المايل=يقولج انا فقيرة انا بخيلة احنا مو قد المقام انتي ماتحبيني انتي ضد
اول ماتسمعينها
حوليها تفكير سليم
قولي خالتي تحب لي الزين خالتي تحب تفتح موضوع خالتي هي امي

جربي وغيري


واخذي مثال
حليمة بولند تستخدم التفكير السليم اتجاة النقد علشان جذية هي دايما مستانسة وفاتحة الكشرة

لاتزعلين من كلامي